ಕ್ವಾರೆಂಟೈನ್‌ನಲ್ಲಿ ಸಕತ್ ಟ್ರೆಂಡ್‌ ಆಗುತ್ತಿವೆ ಈ ನೇಲ್‌ ಆರ್ಟ್‌ಗಳು

ಫ್ರೆಂಚ್‌ ಮ್ಯಾನಿಕ್ಯೂರ್‌

ಈ ನೇಲ್‌ಪಾಲಿಷ್‌ ಡಿಸೈನ್‌ ಎವರ್‌ಗ್ರೀನ್‌ ಡಿಸೈನ್‌ ಎಂದೇ ಹೇಳಬಹುದು. ಈ ನೇಲ್‌ ಪಾಲಿಷ್‌ ಹಚ್ಚುವ ಮುನ್ನ ಟ್ರಾನ್ಸ್‌ಫರಂಟ್‌ ನೇಲ್‌ ಪಾಲಿಷ್ ಹಚ್ಚಿ ಅದರ ಮೇಲೆ, ಉಗುರಿನಿಂದ ಸ್ವಲ್ಪ ಮೇಲ್ಭಾಗಕ್ಕೆ ಕಡು ಬಣ್ಣದ ನೇಲ್ ಪಾಲಿಷ್ ಹಚ್ಚುವುದು.

ಲೈಟ್ ಅಂಡ್ ಡಾರ್ಕ್ ಟ್ರೆಂಡ್‌

ಉಗುರುಗಳಿಗೆ ವೈಟ್, ಗ್ರೇ ಹೀಗ, ಬ್ಲೂ ಹೀಗೆ ಯಾವುದಾದರೂ ಬಣ್ಣದ ನೇಲ್ ಪಾಲಿಷ್‌ ಹಚ್ಚಬೇಕು. ನಂತರ ಕಿರು ಬೆರಳು ಹಾಗೂ ಉಂಗುರ ಬೆರಳಿಗೆ ಬೇರೆ ವಿನ್ಯಾಸ ಬಿಡಿಸುವುದು. ಈ ರೀತಿ ನೇಲ್ ಪಾಲಿಷ್‌ ಬೇರೆಯವರು ಹಚ್ಚಿಕೊಡಬೇಕಾಗುತ್ತದೆ. ಮನೆಯಲ್ಲಿ ಸಹೋದರಿಯರ ಜೊತೆ ಕೂತು ಈ ರೀತಿ ನೇಲ್‌ಆರ್ಟ್ ಮಾಡುವುದು ಮಜಾವಾಗಿರುತ್ತದೆ ಅಲ್ವಾ?

ಎನಿಮಲ್ ಪ್ರಿಂಟ್

ಇನ್ನು ಕೆಲವರು ಹುಲಿ ಪಟ್ಟೆ, ಜೀಬ್ರಾ ಪಟ್ಟೆ ಹೀಗೆ ಪ್ರಾಣಿಗಳ ಮೈ ಹೋಲುವ ರೀತಿ ನೇಲ್‌ಪಾಲಿಷ್ ವಿನ್ಯಾಸ ಬಿಡಿಸುತ್ತಿದ್ದಾರೆ. ಈ ರೀತಿ ನೇಲ್‌ ಪಾಲಿಷ್‌ ಫ್ಯಾಷನ್ ಪ್ರಿಯರ ಗಮನ ಕೂಡ ಸೆಳೆಯುತ್ತಿದೆ.

ಬ್ಲೂ ಮ್ಯಾಜಿಕ್

ಇನ್ನು ನಿಮ್ಮಲ್ಲಿ ಎರಡರಿಂದ-ಮೂರು ಶೇಡ್‌ನಲ್ಲಿ ಬ್ಲೂ ಬಣ್ಣದ ನೇಲ್‌ ಪಾಲಿಷ್‌ ಇದ್ದರೆ ಇದನ್ನು ಟ್ರೈ ಮಾಡಬಹುದು. ಇದು ಪಾರ್ಟಿಲುಕ್ ನೀಡುವ ನೇಲ್‌ಪಾಲಿಷ್‌ ಆದರೂ ಈಗ ಈ ರೀತಿಯ ನೇಲ್‌ಪಾಲಿಷ್‌ ತುಂಬಾ ಟ್ರೆಂಡ್‌ ಆಗುತ್ತಿದ್ದು ಟೀನೇಜ್‌ನವರು ಈ ವಿನ್ಯಾಸ ಹೆಚ್ಚು ಇಷ್ಟಪಡುತ್ತಿದ್ದಾರೆ.

ನ್ಯೂಡ್‌ ನೇಲ್ ಪಾಲಿಷ್

ನಾಲ್ಕೈದು ಬಣ್ಣದ ನೇಲ್ ಪಾಲಿಷ್‌ ಇದೆ ಎಂದಾದರೆ ಹೀಗೆ ಒಂದೊಂದು ಬೆರಳಿಗೆ ಒಂದೊಂದು ಬಣ್ಣ ಹಚ್ಚಿ. ಸದಾ ಡೀಸೆಂಟ್‌ ಲುಕ್‌ ನೀಡುವಂತೆ ನೇಲ್‌ ಪಾಲಿಷ್‌ ಹಚ್ಚುತ್ತಿದ್ದರೆ, ಈ ಸಮಯದಲ್ಲಿ ನೀವು ಈ ರೀತಿ ಹಚ್ಚಿ ನೋಡಿ.... ಇಷ್ಟವಗಬಹುದು.

ಉದ್ದ ಬೆಳೆದ ಉಗುರುಗಳಿಗೆ ಅಂದದ ಲುಕ್

ಇನ್ನು ಕ್ವಾರೆಂಟೈನ್‌ನಿಂದಾಗಿ ಉಗುರುಗಳು ಉದ್ದದ್ದವಾಗಿ ಬೆಳೆದಿದ್ದರೆ ಅವುಗಳನ್ನು ಹೀಗೆ ನಿಮಗಿಷ್ಟ ಬಂದ ರೀತಿಯಲ್ಲಿ ಆಕರ್ಷಕ ವಿನ್ಯಾಸಗಳನ್ನು ಮಾಡಿ ಖುಷಿ ಪಡಬಹುದು. ಉದ್ದ ಉಗುರುಗಳನ್ನು ಬೆಳೆಸುವಯದಾದರೆ ಅದರ ಶುಚಿತ್ವ ಕಡೆಗೆ ಹೆಚ್ಚಿನ ಗಮನ ನೀಡಿ. ಕೈಗಳನ್ನು ಸೋಪ್ ಹಚ್ಚಿ ಆಗಾಗ ತೊಳೆಯಿರಿ, ಕೈಯಲ್ಲಿ ಕೀಟಾಣುಗಳು ಇರದಂತೆ ನೋಡಿಕೊಳ್ಳಿ.