ಡಿಕೆಶಿ ಮಗಳ ಮದುವೆ: ಅರಿಶಿನ ಶಾಸ್ತ್ರದಲ್ಲಿ ಮದುಮಗಳು ಹೇಗೆ ಕಂಗೊಳಿಸಿದ್ದಾಳೆ ನೋಡಿ

Published: Thursday, February 11, 2021, 18:18 [IST]

ಡಿಕೆ ಶಿವಕುಮಾರ್ ಮಗಳು ಐಶ್ವರ್ಯ, ಕೆಫೆ ಕಾಫೀ ಡೇ ಸಂಸ್ಥಾಪಕ- ಉದ್ಯಮಿ ದಿವಂಗತ ವಿ.ಜಿ. ಸಿದ್ಧಾರ್ಥ ಅವರ ಮಗ ಅಮರ್ತ್ಯ ಮದುವೆ ತುಂಬಾನೇ ಸದ್ದು ಮಾಡುತ್ತಿದೆ. ಯಾವ ಸೆಲೆಬ್ರಿಟಿಗೂ ಕಮ್ಮಿ ಇಲ್ಲದಂತೆ ನಡೆಯುವ ಈ ಮದುವೆಯನ್ನು ಡಿಕೆಶಿ ಬೆಂಬಲಿಗರು, ಎಸ್‌ ಎಂ ಕೃಷ್ಣ ಬೆಂಬಲಿಗರು ಅಷ್ಟೇ ಅಲ್ಲ ಇಡೀ ಕರ್ನಾಟಕ ಗಮನಿಸುತ್ತಿದ್ದಾರೆ ಎಂದಾರೆ ತಪ್ಪಾಗಲಾರದು.

ಮುದ್ದಾದ ಜೋಡಿ ಐಶ್ವರ್ಯ-ಅಮರ್ತ್ಯರ ಮದುವೆ ಶಾಸ್ತ್ರ ಜೋರಾಗಿ ನಡೆಯುತ್ತಿದ್ದು ಪ್ರೇಮಿಗಳ ದಿನ ಮಾತ್ರವಲ್ಲ ವಿಶ್ವ ಮದುವೆ ದಿನವೂ ಆಗಿರುವ ಫೆಬ್ರವರಿ 14ರಂದು ಈ ಜೋಡಿ ಸಪ್ತಪದಿ ತುಳಿಯಲಿದ್ದಾರೆ. ಇವರ ಮದುವೆ ಸಂಭ್ರಮ ಕಳೆಗಟ್ಟಿದ್ದು ಇವರ ಮದುವೆ ಶಾಸ್ತ್ರದಲ್ಲಿ ನವ ಜೋಡಿಯ ಡ್ರೆಸ್ಸಿಂಗ್‌, ಲುಕ್‌ ಕೂಡ ಗಮನ ಸೆಳೆಯುತ್ತಿದೆ.

ಘಾಗ್ರಕ್ಕೆ ಸಂಪ್ರದಾಯ ಟಚ್‌ ಕೊಟ್ಟ ಮದುಮಗಳ ಡ್ರೆಸ್ಸಿಂಗ್

ಐಶ್ವರ್ಯ ಅರಿಶಿನ ಶಾಸ್ತ್ರಕ್ಕೆ ಬಿಳಿ ಘಾಗ್ರ ಧರಿಸಿದ್ದು, ಅದು ನೋಡಿದಾಗ ಲಂಗ-ದಾವಣಿಯ ಲುಕ್‌ನಲ್ಲಿದೆ. ತುಂಬಾ ಸಿಂಪಲ್‌ ಲುಕ್‌ ಆದರೂ ತುಂಬಾ ಕ್ಯೂಟ್‌ ಆಗಿ ಕಂಗೊಳಿಸುತ್ತಿದ್ದಾಳೆ ಮದುಮಗಳು.