ನವ ಜೋಡಿ ಶಾಹಿದ್-ಮೀರಾ ರಜಪೂತ್‌ ವಿವಾಹ ಫೋಟೋ

ಮೀರಾ ರಜಪೂತ್

ಈಗ ಶ್ರಿಮತಿ ಶಾಹಿದ್ ಕಪೂರ್ ಆಗಿರುವ ಮೀರಾ ರಜಪೂತ್ ಧರಿಸಿದ್ದ ಗುಲಾಬಿ ಬಣ್ಣದ ಲೆಹೆಂಗಾ, ಅದೇ ಬಣ್ಣದ ರವಿಕೆ ಮತ್ತು ಸೆರಗು ಹಾಗೂ ವಿಶೇಷವಾಗಿ ಲೆಹೆಂಗಾದಲ್ಲಿ ಮಾಡಿದ್ದ ಕುಸುರಿ ಕೆಲಸ ಮನಮೋಹಕವಾಗಿದೆ. ಅದರಲ್ಲೂ ಲೆಹೆಂಗಾದ ಮುಂಭಾಗ ಮತ್ತು ಕೆಳಭಾಗದ ಪಟ್ಟಿಯಲ್ಲಿ ಢಾಳಾಗಿರುವ ಜರಿಯ ಕುಸುರಿ ಮತ್ತು ಚಿನ್ನದ ಬಣ್ಣದ ಚಿಕ್ಕ ಗೋಲಗಳು ಈ ದಿರಿಸಿಗೆ ಹೆಚ್ಚಿನ ಮೆರುಗು ನೀಡುತ್ತಿದೆ.

ಗುಲಾಬಿ ಮತ್ತು ಚಿನ್ನದ ಬಣ್ಣದ ಲೆಹೆಂಗಾ

ಗುಲಾಬಿ ಲೆಹೆಂಗಾ ಮತ್ತು ಒಪ್ಪುವ ಅದೇ ಬಣ್ಣದ ರವಿಕೆ ಚಿಕ್ಕ ತೋಳಿನದ್ದಾಗಿದ್ದು ಪಾರದರ್ಶಕ ದಾವಣಿಯನ್ನೇ ಸೆರಗನ್ನಾಗಿಸಿಕೊಂಡ ಪರಿ ಅಪ್ರತಿಮವಾಗಿತ್ತು. ರವಿಕೆ ಮತ್ತು ದಾವಣಿಗಳಲ್ಲಿಯೂ ಲೆಹೆಂಗಾವನ್ನೇ ಹೋಲುವ ಕುಸುರಿಯಿದ್ದು ಲೆಹೆಂಗಾಕ್ಕಿಂತಲೂ ಕಡಿಮೆ ಪ್ರಮಾಣದಲ್ಲಿದ್ದುದರಿಂದ ಗಮನ ಲೆಹೆಂಗಾ ಕಡೆ ಹೆಚ್ಚು ಕೇಂದ್ರೀಕರಿಸಲು ನೆರವಾಗಿತ್ತು.

ಭುಜಕ್ಕೆ ಬಂಧಿಸಲ್ಪಟ್ಟ ದುಪಟ್ಟಾ

ಗುಲಾಬಿ ಬಣ್ಣದ ಪಾರದರ್ಶಕ ದಾವಣಿ ಅಥವಾ ದುಪಟ್ಟಾವನ್ನು ಮಡಿಕೆಯಾಗಿಸಿ ಅವರು ಭುಜದ ಬಳಿ ಸೀರೆಯ ಪಿನ್ ಒಂದನ್ನು ಬಳಸಿ ಭದ್ರವಾಗಿ ಕಟ್ಟಿಕೊಂಡಿದ್ದರು. ಇದರಿಂದ ಎದೆಯಭಾಗದಲ್ಲಿ ನೆರಿಗೆಯಾಗಿದ್ದ ದುಪಟ್ಟಾ ಸಾಂಪ್ರಾದಾಯಿಕ ಶೈಲಿಯ ಸೀರೆಯನ್ನುಟ್ಟಂತೆ ಕಾಣಿಸುತ್ತಿತ್ತು.

ಕಂದು ಹರಳಿನ ಮುತ್ತಿನ ಸರ

ಅವರು ತೊಟ್ಟಿದ್ದ ಸರವೂ ಗುಲಾಬಿಯ ವಿರುದ್ದ ಬಣ್ಣವಾದ ಗಾಢ ಕಂದು ಬಣ್ಣದ ಎಮರಾಲ್ಡ್, ಮತ್ತು ರೂಬಿ ಹರಳು ಮತ್ತು ನಡುವೆ ಮುತ್ತಿನ ಮಣಿಗಳನ್ನು ಹೊಂದಿದ್ದು ಉಡುಗೆಯ ಸೌಂದರ್ಯವನ್ನು ಹೆಚ್ಚಿಸಲು ನೆರವಾಗಿತ್ತು. ಕೈಯಲ್ಲಿದ್ದ ಕಂದು ಬಣ್ಣದ ಬ್ರೇಸ್ಲೆಟ್ ಮತ್ತು ಗುಲಾಬಿ ಬಣ್ಣದ ಬಳೆಗಳು ಅವರ ಉಡುಗೆಯನ್ನು ಪರಿಪೂರ್ಣವಾಗಿಸಿತ್ತು.

ಶಾಹಿದ್ ಕಪೂರ್ ರ ಶೇರ್ವಾನಿ

ಶಾಹಿದ್ ಕಪೂರ್ ಸರಳವಾದ ಸಾಂಪ್ರಾದಾಯಿಕ ಶೇರ್ವಾನಿ ತೊಟ್ಟಿದ್ದು ಕಪ್ಪುಬಣ್ಣದ ಸರಳ ಪಾದರಕ್ಷೆ ತೊಟ್ಟಿದ್ದರು. ತಲೆಗೆ ಪಗಡಿ, ಶೇರ್ವಾನಿಯ ಕೊರಳಭಾಗದಲ್ಲಿ ಚಿನ್ನದ ಬಣ್ಣದ ಬಟನ್ನುಗಳು ಅವರ ಉಡುಗೆಯನ್ನು ಪೂರ್ಣಗೊಳಿಸಿದ್ದವು.

ಮದುವೆಯ ಸೆಲ್ಫೀ ಚಿತ್ರ

ಗುರುದ್ವಾರದಲ್ಲಿ ವಿವಾಹದ ಸಂಪ್ರದಾಯಗಳನ್ನು ಪೂರೈಸಿದ ಬಳಿಕ ತಮ್ಮ ವಧುವಿನೊಂದಿಗೆ ಅವರು ಸೆಲ್ಫೀ ಕ್ಲಿಕ್ಕಿಸಿಕೊಂಡಿದ್ದು ಹೀಗೆ.