ಧರೆಗಿಳಿದು ಬಂದ ದೇವಕನ್ಯೆಯಂತೆ ಕಂಗೊಳಿಸಿದ ಸೋನಮ್

ಬಾಲಿವುಡ್ ನಟಿಯರೆಂದರೆ ಹಾಗೆ. ಅವರು ಏನೇ ಬಟ್ಟೆ ಧರಿಸಿದರೂ ಸುದ್ದಿಯಾಗುತ್ತಾರೆ. ನಟ ಅನಿಲ್ ಕಪೂರ್ ಪುತ್ರಿ ಸೋನಮ್ ಕಪೂರ್ ಆರಂಭದಲ್ಲಿ ಸ್ವಲ್ಪ ಸಂಪ್ರದಾಯಸ್ಥಳಂತೆ ಫೋಸ್ ಕೊಡುತ್ತಿದ್ದರೂ ಬಳಿಕ ಎಲ್ಲರಂತೆ ತಾನೂ ವಿವಿಧ ವಿನ್ಯಾಸದ ಬಟ್ಟೆಬರೆಗಳನ್ನು ಧರಿಸಲು ಆರಂಭಿಸಿದಳು. ಆಕೆಯ ಅಂದಕ್ಕೆ ಯಾವುದೇ ಬಟ್ಟೆ ಧರಿಸಿದರೂ ಸುಂದರವಾಗಿ ಕಾಣಿಸುತ್ತಿದ್ದಳು.

ಇತ್ತೀಚೆಗೆ ನಡೆದ ಇಂಡಿಯನ್ ಇಂಟರ್ ನ್ಯಾಷನಲ್ ಜ್ಯುವೆಲ್ಲರಿ ವೀಕ್ -2015ನ ಉದ್ಘಾಟನೆಯಲ್ಲಿ ಸೋನಮ್ ಧರಿಸಿದ ಗೌನ್ ಎಲ್ಲರನ್ನು ಆಕರ್ಷಿಸುತ್ತಿತ್ತು. ಮೈಕಲ್ ಕೊಸ್ಟೆಲ್ಲೊ ವಿನ್ಯಾಸಗೊಳಿಸಿದ ಹಸಿರು ಗೌನ್ ನಲ್ಲಿ ಸೋನಮ್ ಧರೆಗಿಳಿದು ಬಂದ ದೇವಕನ್ಯೆಯಂತೆ ಕಾಣಿಸುತ್ತಿದ್ದಳು.

ಸೋನಮ್ ಕಪೂರ್ ಜ್ಯುವೆಲ್ಲರಿ ವೀಕ್‌ನ ಉದ್ಘಾಟನೆ ಮಾಡಲು ಪರದೆ ಸರಿಸುತ್ತಿದ್ದರೆ ಸೇರಿದ್ದ ಜನರೆಲ್ಲರೂ ಸೋನಮ್ ಕಪೂರ್ ಗೌನ್ ಬಗ್ಗೆ ಮಾತನಾಡಿಕೊಳ್ಳುತ್ತಿದ್ದರು.

ವೃತ್ತಾಕಾರದ ಕುತ್ತಿಗೆಯನ್ನು ನೀಡಿದಂತಹ ಈ ಗೌನ್ ಭಾರೀ ಜನಪ್ರಿಯತೆಗೆ ಕಾರಣವಾಗಿದೆ. ಸೋನಮ್ ಧರಿಸಿದಂತಹ ಗೌನ್ ಅನ್ನು ಮೈಕಲ್ ಕೊಸ್ಟೆಲ್ಲೊ 2015ರ ಕ್ಯಾಪ್ಸುಲ್ ಕಲೆಕ್ಸನ್ ನಲ್ಲಿ ತಯಾರಿಸಿದ್ದಾರೆ. ಈ ಗೌನ್‌ನಲ್ಲಿ ಸೋನಮ್ ಕಪೂರ್ ಹಿಂದಿಗಿಂತ ಸುಂದರವಾಗಿ ಕಾಣಿಸಿದ್ದಲ್ಲದೆ ಆಕೆಯ ಮೈಯ ಹೆಚ್ಚಿನ ಭಾಗವನ್ನು ಮುಚ್ಚಲು ಗೌನ್ ವಿಫಲವಾಗಿತ್ತು. ಕುತ್ತಿಗೆಯ ಸುತ್ತಲಿನ ಭಾಗ ಸಂಪೂರ್ಣವಾಗಿ ಕಾಣಿಸಿಕೊಳ್ಳಲೆಂದೇ ಸೋನಮ್ ತನ್ನ ಕೂದಲನ್ನು ಅದಕ್ಕೆ ಹೊಂದಿಕೊಂಡೇ ಕಟ್ಟಿಕೊಂಡಿದ್ದಳು.

ಗೌನ್ ಧರಿಸಿದ್ದ ಸೋನಮ್ ಕುತ್ತಿಗೆ, ಕಿವಿ ಮತ್ತು ಚಿನ್ನದ ಆಭರಣಗಳು ಆಕೆಯ ಸೌಂದರ್ಯಕ್ಕೆ ಮೆರಗು ನೀಡಿದ್ದವು. ಸೋನಮ್ ಧರಿಸಿದ್ದ ವಜ್ರದ ಕೈಬಳೆಗಳು, ವಜ್ರ ಮಿಶ್ರಿತ ಕೈ ಉಂಗುರ ಮತ್ತು ಕಿವಿಯೋಲೆಗಳು ಆಕೆಯ ನಗುವಿಗೆ ಸ್ಪರ್ಧಿಯೆನ್ನುವಂತಿದ್ದವು.

ಸೋನಮ್‌ಳ ತಂಗಿ ರೆಹಾ ಕಪೂರ್ ಮತ್ತು ನರ್ಮತ ಸೋನಿ, ಸೋನಮ್‌ಳನ್ನು ಇಷ್ಟೆಲ್ಲಾ ಅಂದವಾಗಿಸಿದವರು. ಈ ಜ್ಯುವೆಲ್ಲರಿ ವೀಕ್‌ನಲ್ಲಿ ಮತ್ತಷ್ಟು ನಟಿಯರು ವಿವಿಧ ವಿನ್ಯಾಸದೊಂದಿಗೆ ಮಾರ್ಜಾಲ ನಡೆ ಹಾಕಲಿದ್ದಾರೆ ಎನ್ನುವುದನ್ನು ಸೋನಂ ವಿನ್ಯಾಸವೇ ಸಾರಿ ಹೇಳಿದೆ.