ಎಐಸಿಡಬ್ಲ್ಯೂ: ಬಿಟ್ಟ ಕಣ್ಣು ಬಿಟ್ಟಂತೆ ಮಾಡಿದ ಸೀರೆ ಕಲೆಕ್ಷನ್

ಎಡಭುಜದ ಕೇಕ್ ಆಕೃತಿಯ ಅಲಂಕಾರ

ಸೀರೆಯ ಅಂದದ ಮುಖ್ಯಭಾಗವಿರುವುದೇ ಸೆರಗಿನಲ್ಲಿ. 2015ರ ಗೌರವ್ ಗುಪ್ತಾ ಮತ್ತು ರಾಹುಲ್ ಮಿಶ್ರಾರ ನೂತನ ವಿನ್ಯಾಸದಲ್ಲಿ ಸೆರಗಿಗೆ ಹೆಚ್ಚಿನ ಪ್ರಾಮುಖ್ಯತೆಯನ್ನು ನೀಡಲಾಗಿದೆ. ದೇಹದ ಇತರ ಭಾಗವನ್ನು ಸರಳಗೊಳಿಸಿ ಬಲಭುಜವನ್ನು ತೆರೆದಿಟ್ಟು ಎಡಭುಜದ ಮೇಲೆ ಕೇಕ್ ಆಕೃತಿಯಲ್ಲಿ ಸೆರಗನ್ನು ಮೂಡಿಸಿರುವುದು ಭಿನ್ನವಾಗ ನೋಟವನ್ನು ನೀಡುತ್ತದೆ.

ಪದರಪದರವಾಗಿರುವ ಸೀರೆ

ರಾಜೀವ್ ಗುಪ್ತಾರ ಈ ಸೀರೆ ದೂರದಿಂದ ಸೀರೆ ಎಂದೇ ಅನ್ನಿಸುವುದಿಲ್ಲ. ಏಕೆಂದರೆ ಕೆಳಭಾಗದ ಸೀರೆ ಮೂರು ಪದರಗಳಲ್ಲಿದ್ದು ಇದರ ಮೇಲಿನ ಸೂಕ್ಷ್ಮ ಕುಸುರಿ ಮನಸೆಳೆಯುತ್ತದೆ. ಇದರ ತೋಳುರಹಿರ ಗ್ರೀಸಿಯನ್ ಮಾದರಿಯ ಕುಪ್ಪುಸ ಸಹಾ ಎಡಬದಿಗೆ ಅಗಲವಾದ ಪಟ್ಟಿ ಮತ್ತು ಬಲಬದಿಗೆ ತೆಳುವಾದ ಪಟ್ಟಿಯಿಂದ ಮನಸೆಳೆಯುತ್ತದೆ.

ಕೈ ಮಗ್ಗದ ರೇಶ್ಮೆ ಸೀರೆ

ಕೈಮಗ್ಗದಿಂದ ನೇಯಲಾದ ರೇಶ್ಮೆಯ ಈ ಸೀರೆ ಸಾಂಪ್ರಾದಾಯಿಕ ರೂಪದಲ್ಲಿದ್ದರೂ ಮೈತುಂಬಾ ಆವರಿಸಿದಂತಿದ್ದು ಪಿಸ್ತಾಹಸಿರು ಬಣ್ಣದ ಪೂರ್ಣ ತೋಳಿನ ರವಿಕೆಯಲ್ಲಿ ಒಂದು ಪಟ್ಟಿ ಮುಂಭಾಗದಲ್ಲಿ ಕಟ್ಟಿದಂತಿದ್ದುದು ಹಿಂದೆಂದೂ ನೋಡಿರದ, ಊಹಿಸಲೂ ಆಗದ ಅಧ್ಬುತ ಕಲೆಗಾರಿಕೆಯನ್ನು ತೆರೆದಿಡುತ್ತದೆ.

ಕೋಟು ರೂಪದ ಸೀರೆ

ಯಾರೂ ಈ ಮೊದಲು ಊಹಿಸದೇ ಇದ್ದ ಸೀರೆಯ ಈ ರೂಪ ನಿಮ್ಮನ್ನು ಚಕಿತಗೊಳಿಸುತ್ತದೆ. ಕೆಳಭಾಗದಲ್ಲಿ ಸೇರೆಯ ಸಾಂಪ್ರಾದಾಯಿಕ ರೂಪ ಪಡೆದಿದ್ದರೂ ಕುಪ್ಪುಸ ಮಾತ್ರ ಅರೆಪಾದರ್ಶಕವಾಗಿದ್ದು ಕೋಟಿನ ಗುಂಡಿಗಳನ್ನು ಹೊಂದಿದೆ. ವಾಸ್ತವವಾಗಿ ಸೇರೆಯ ಸೆರಗಿಗೇ ಗುಂಡಿಗಳನ್ನು ನೀಡಿ ಬಲಗೈ ಮೇಲೆ ಕೋಟಿನ ಬಲಕೈತೋಳಿನ ರೂಪ ಪಡೆಯುವಂತೆ ಮಾಡಿರುವ ಈ ವಿನ್ಯಾಸ ಸೀರೆಯ ಅಪಾರ ಸಾಧ್ಯತೆಗಳನ್ನು ಪರಿಚಯಿಸುತ್ತದೆ.

ಟ್ರೆಂಚ್ ಕೋಟ್ ಸೀರೆ

ಚೀನೀ ಮಾದರಿಯ ಉಡುಗೆ ತೊಟ್ಟಿರುವಂತೆ ದೂರದಿಂದ ಕಂಡರೂ ವಾಸ್ತವಾಗಿ ಇದೊಂದು ಸೀರೆಯೇ ಆಗಿದೆ. ಎಡಭುಜವನ್ನು ಸೀರೆಯ ಸೆರಗು ಆವರಿಸಿದ್ದರೂ ಬಲಭುಜದಿಂದ ಎಡ ಸೊಂಟದವರೆಗೆ ಕೋಟಿನ ದೊಡ್ಡ ಕಾಲರ್ ಅರ್ಧಭಾಗವನ್ನು ತೊಟ್ಟಿರುವಂತೆ ಪ್ರದರ್ಶಿಸುವ ಈ ಸೀರೆ ನಿಮ್ಮನ್ನು ದಿಗ್ಭಮೆಗೊಳಿಸುವುದು ಖಂಡಿತಾ. ಎಂದಿಗೂ ಸೀರೆಯಲ್ಲಿ ಲಾಡಿಯನ್ನು ಸಹಿಸದ ಭಾರತೀಯ ಮಹಿಳೆಯರಿಗೆ ಎಡಸೊಂಟದ ಬಳಿ ಇರುವ ಪಟ್ಟಿಯ ಗಂಟು ಹೇಗೆ ಇಷ್ಟವಾಗುತ್ತದೆಯೋ ಕಾದು ನೋಡಬೇಕಾಗಿದೆ.