ಮದುವೆಯ ಸೀರೆಯಲ್ಲಿ ಕಣ್ಮನ ಸೆಳೆದ ರೂಪ ಅಯ್ಯರ್

Updated: Wednesday, August 6, 2014, 14:38 [IST]

ಚಿತ್ರ ನಿರ್ದೇಶಕಿ, ನಟಿ, ಕೊರಿಯೋಗ್ರಾಫರ್, ನೃತ್ಯ ಕಲಾವಿದೆ ಹೀಗೆ ಬಹು ಮುಖ ಪ್ರತಿಭೆಗಳನ್ನು ತನ್ನೊಳಗೆ ಚಿರಂತನವಾಗಿಸಿರುವ ಕಲಾವಿದೆ ರೂಪ ಅಯ್ಯರ್ ದಾಂಪತ್ಯ ಜೀವನಕ್ಕೆ ಕಾಲಿರಿಸಿದ್ದಾರೆ. ಬೆಂಗಳೂರಿನಲ್ಲಿ ನಡೆದ ಅದ್ಧೂರಿ ಮದುವೆ ಸಮಾರಂಭದಲ್ಲಿ ಗೌತಮ್ ಶ್ರೀವತ್ಸವ್ ಅವರ ಕೈ ಹಿಡಿದಿದ್ದಾರೆ.

ತಮ್ಮ ಚಿತ್ರದಲ್ಲಿ ಅವರು ಮಾಡುತ್ತಿರುವ ಹೊಸ ಹೊಸ ಪ್ರಯೋಗಗಳು ಮತ್ತು ಕೊಡುಗೆಗಳಿಗಾಗಿ ಹಲವಾರು ಪ್ರಶಸ್ತಿಗಳನ್ನು ತಮ್ಮದಾಗಿಸಿಕೊಂಡಿರುವ ಅಸಾಮಾನ್ಯ ಕಲಾವಿದೆ ರೂಪಾ ಅಯ್ಯರ್. ಸಮಾಜ ಸೇವಕಿಯಾಗಿ ಕೂಡ ತನ್ನನ್ನು ತೊಡಗಿಸಿಕೊಂಡಿರುವ ಈ ಪ್ರತಿಭಾವಂತೆ ತಮ್ಮ ಐಸಿಎ ಕಂಪೆನಿಯ ಮೂಲಕ ಏಡ್ಸ್ ಮತ್ತು ಎಚ್‌ಐವಿ ಬಗ್ಗೆ ಜನಜಾಗೃತಿಯನ್ನು ಮೂಡಿಸುತ್ತಿರುವವರು. For more pics

ರಾಜ್ಯ ಪ್ರಶಸ್ತಿಯ ಗೌರವಕ್ಕೆ ಪಾತ್ರರಾಗಿರುವ ರೂಪಾ 'ಚಂದ್ರ' ಎಂಬ ಸುಂದರ ಚಲನಚಿತ್ರವನ್ನು ಕನ್ನಡ ಅಭಿಮಾನಿಗಳಿಗೆ ನೀಡಿದವರು. ಬನ್ನಿ ರೂಪ ಅವರ ಮದುವೆ ಸಮಾರಂಭದ ಫೋಟೊಗಾಗಿ ಕೆಳಗಿನ ಸ್ಲೈಡ್ ಕ್ಲಿಕ್ ಮಾಡಿ.

ಮದುಮಗಳ ಸೀರೆ

ತೆಳುವಾದ ಝಗಮಗಿಸುವ ಸೀರೆಯನ್ನು ಉಟ್ಟಿರುವ ರೂಪಾ ಅಯ್ಯರ್ ಮದುವಣಗಿತ್ತಿಯ ಅಲಂಕಾರದಲ್ಲಿ ಮುದ್ದಾಗಿ ಕಾಣುತ್ತಿದ್ದಾರೆ

ಅಲಂಕಾರ

ವಧುವಿನ ಅಲಂಕಾರ ಸಾಂಪ್ರದಾಯಿಕ ವಿವಾಹಕ್ಕೆ ಹೇಳಿ ಮಾಡಿಸಿರುವಂತಿದ್ದು. ಕೆನ್ನೆಯ ಅರಶಿನ ಕುಂಕುಮ ಸಿಂಧೂರ ಸಾಂಪ್ರದಾಯಿಕ ಕಳೆಯನ್ನು ವಧುವಿಗೆ ನೀಡಿದೆ.

ಸರ್ವಾಲಂಕಾರ ಭೂಷಿತೆ

ಒಟ್ಟಾರೆ ಹೇಳುವುದಾದರೆ ಕೈ ತುಂಬಾ ಬಳೆ ಧರಿಸಿ ಸಿಂಧೂರವನ್ನು ತೊಟ್ಟು ಮಂಗಳ ಸೂತ್ರವನ್ನು ಧರಿಸಿ ರೂಪಾ ಅಯ್ಯರ್ ಮದುಮಗಳ ನೋಟಕ್ಕೆ ತಕ್ಕಂತೆ ಸರ್ವಾಲಂಕಾರ ಭೂಷಿತೆಯಾಗಿದ್ದಾರೆ.

ಸಾಂಪ್ರದಾಯಿಕ ವಿವಾಹ

ಹಿಂದೂ ಧರ್ಮದ ಮದುವೆಗೆ ತಕ್ಕಂತೆ ಸಾಂಪ್ರದಾಯಿಕವಾಗಿ ಅಲಂಕರಿಸಿಕೊಂಡಿರುವ ರೂಪಾ ಅಯ್ಯರ್ ಕೈಗಳಿಗೆ ಮೆಹೆಂದಿ ಹಚ್ಚಿ ಸೀರೆಯನ್ನು ಉಟ್ಟು ತಲೆಗೆ ಮುಕುಟವನ್ನು ಧರಿಸಿದ್ದಾರೆ.

ಮದುವೆ ಪದ್ಧತಿ

ಮದುವೆ ಕಾರ್ಯಕ್ರಮದಲ್ಲಿ ಸಂಪ್ರದಾಯದಂತೆ ವರನು ವಧುವಿನ ಮುಂದಲೆಗೆ ಕುಂಕುವನ್ನಿಟ್ಟು ವಿವಾಹವನ್ನು ಸಂಪನ್ನಗೊಳಿಸಲಿದ್ದಾರೆ. ಸಪ್ತಪದಿಯನ್ನು ತುಳಿದು ಕಾಲಿಗೆ ಕಾಲುಂಗುರ, ಮಂಗಳಸೂತ್ರ ಸಿಂಧೂರ ಹೀಗೆ ಸಂಪೂರ್ಣ ಹಿಂದೂ ಸಂಪ್ರದಾಯದ ಮದುವೆ ಇದು ಎಂದು ಹೇಳಬಹುದು.