ಐಸಿಡಬ್ಲ್ಯೂ 2014: ಮನೀಶ್ ಮಲ್ಹೋತ್ರಾ ಗೋಲ್ಡನ್ ಔಟ್‌ಫಿಟ್ಸ್

'ಫೋಟ್ರೇಟ್ಸ್' ಎಂದು ಕರೆಯಲಾದ ಸಂಗ್ರಹವು ಆಭರಣದ ವಿನ್ಯಾಸಗಳನ್ನು ಹೊಂದಿ ಮನಮೋಹಕವಾಗಿದೆ. ಮನೀಶ್ ಮಲ್ಹೋತ್ರಾ ವಿನ್ಯಾಸಗಳೂ ಕೂಡ ಆಧುನಿಕವಾಗಿದ್ದು ಮನಸ್ಸಿಗೆ ನಾಟುವಂತಿದೆ. ಐಸಿಡಬ್ಲ್ಯೂನ ಐದನೇ ದಿನದಂದು, ಮನೀಶ್ ಮಲ್ಹೊತ್ರಾ ಸಂಗ್ರಹವನ್ನು ವ್ಯಾಖ್ಯಾನಿಸಲು ಪದಗಳೇ ಸಾಲದು ಎಂದು ಕೂಡ ಹೇಳಬಹುದು. ತುಂಬಾ ಅದ್ಭುತವಾದ ಸಂಗ್ರಹವನ್ನು ಹೊಂದಿದ್ದ ಮನೀಶ್ ಮಲ್ಹೋತ್ರಾ ವಿನ್ಯಾಸ ಅಪರೂಪದಲ್ಲಿ ಅಪರೂಪವಾಗಿದೆ.

ಚಿನ್ನ ಮತ್ತು ಇತರ ಬೆಲೆ ಬಾಳುವ ಕಲ್ಲುಗಳ ವಿನ್ಯಾಸಗಳಿಂದ ಶ್ರೀಮಂತವಾಗಿದ್ದ ವಿನ್ಯಾಸಗಳನ್ನು ಮನೀಶ್ ಮಲ್ಹೋತ್ರಾ ಧಿರಿಸು ಒಳಗೊಂಡಿತ್ತು. ಇವರ ಶೋಸ್ಟಾಪರ್‌ಗಳಾದ ಆಲಿಯಾ ಭಟ್ ಮತ್ತು ಆದಿತ್ಯ ರಾಯ್ ಕಪೂರ್ ಆಕರ್ಷಕ ವಿನ್ಯಾಸದ ಧಿರಿಸುಗಳಿಂದ ಮನಮೋಹಗೊಳಿಸುವಂತಿದ್ದರು. ಇದರೊಂದಿಗೆ ಆಕರ್ಷಕ ಉಡುಪುಗಳನ್ನು ಧರಿಸಿದ ರೂಪದರ್ಶಿಯರು ಹೆಜ್ಜೆ ಮೇಲೆ ಹೆಜ್ಜೆಯನ್ನಿಟ್ಟು ರಾಂಪ್‌ನಲ್ಲಿ ತಮ್ಮ ವೈಭವವನ್ನು ಪ್ರದರ್ಶಿಸಿದರು.

ಏಕ್ ವಿಲನ್ ಯಶಸ್ಸಿನಲ್ಲಿ ಭಾಗಿಯಾದ ಸೋನಾಕ್ಷಿಯ ಮನಸೆಳೆಯುವ ನೋಟ

ಈ ರಚನೆಗಳಲ್ಲಿ ಬಳಸಿದ ವಿಂಟೇಜ್ ಬಣ್ಣ ಅಸಾಮಾನ್ಯವಾಗಿತ್ತು. ಚಿನ್ನದ ಬೇರೆ ಬೇರೆ ಎಳೆಗಳನ್ನು ಬಳಸಿ ಮಾಡಲಾದ ಉಡುಗೆಗಳು ಮನಕದಿಯುವಂತಿದ್ದವು. ಜರಿ ಕೆಲಸಗಳು ಧಿರಿಸಿನಲ್ಲಿ ಅಂದವಾಗಿ ಕಾಣುತ್ತಿದ್ದು ಐವರಿ ಎಳೆಗಳನ್ನು ಹೊಂದಿತ್ತು.

ಎಮರಾಲ್ಡ್, ರೂಬಿ, ಬೇರೆ ಬೇರೆ ಕಲ್ಲುಗಳನ್ನು, ಮುತ್ತುಗಳನ್ನು ಬಳಸಿ ಪ್ರಥಮ ಬಾರಿಗೆ ಮನೀಶ್ ಮಲ್ಹೋತ್ರಾ ತಮ್ಮ ವಸ್ತ್ರ ವಿನ್ಯಾಸವನ್ನು ಪ್ರದರ್ಶಿಸಿದ್ದಾರೆ. ಅವರ 'ಫೋಟ್ರೇಟ್ಸ್' ಸಂಗ್ರಹ ಮನಮೋಹಕವಾಗಿದ್ದು ಆಲಿಯಾ ಮತ್ತು ಆದಿತ್ಯ ರಾಯ್ ಇನ್ನಷ್ಟು ಮುದ್ದಾಗಿ ಕಾಣುತ್ತಿದ್ದರು, ಅಲ್ಲದೆ ಈ ಇಬ್ಬರೂ ಜೋಡಿಗಳು ರಾಂಪ್‌ನಲ್ಲಿ ಮೋಡಿಯನ್ನೇ ಮಾಡಿದ್ದರು ಮತ್ತು ಹೆಚ್ಚು ಮನಸೆಳೆಯುವಂತೆ ಕಾಣುತ್ತಿದ್ದರು.