ಗುಲಾಬಿ ಬಣ್ಣದ ಕಾಂಜೀವರಂ ಸೀರೆಯಲ್ಲಿ ಹೇಮಮಾಲಿನಿ

ಅಟಲ್ ಬಿಹಾರಿ ವಾಜಪೇಯಿಯವರ ಹುಟ್ಟುಹಬ್ಬದ ಸಂಭ್ರಮಾಚರಣೆಯಂದು ಹೇಮಮಾಲಿನಿ ಅತ್ಯಧ್ಬುತವಾಗಿ ಕಂಡುಬಂದರು. ಸಾಂಪ್ರದಾಯಿಕವಾಗಿ ಸೀರೆಯಲ್ಲಿ ಮಿಂಚಿದ ಹೇಮ ತಮ್ಮ ಸೌಂದರ್ಯವನ್ನು ನೂರ್ಮಡಿಗೊಳಿಸುವಂತೆ ಸಹಜ ಸುಂದರಿಯಾಗಿದ್ದರು.

ಅಟಲ್ ಬಿಹಾರಿ ವಾಜಪೇಯಿಯವರ ಜನ್ಮದಿನದ ಆಚರಣೆಯ ಕಾರ್ಯಕ್ರಮದಲ್ಲಿ ಹೇಮಮಾಲಿನಿ ಗುಲಾಬಿ ಬಣ್ಣದ ಕಾಂಜೀವರಂ ಸೀರೆಯಲ್ಲಿ ನೋಡುಗರ ಕಣ್ಮನ ಸೆಳೆದರು. ದಕ್ಷಿಣ ಭಾರತೀಯರಾದ ಹೇಮಮಾಲಿನಿ ಹೆಚ್ಚಾಗಿ ಸಮಾರಂಭಗಳಲ್ಲಿ ಮಿಂಚಿರುವುದು ಕಾಂಜೀವರಂ ಸೀರೆಗಳಲ್ಲೇ.

ಚಿನ್ನದ ಅಂಚಿರುವ ಗುಲಾಬಿ ಬಣ್ಣದ ಸೀರೆಯನ್ನು ಹೇಮ ತೊಟ್ಟಿದ್ದರು. ಒಡಲೆಲ್ಲಾ ಪೂರ್ತಿಯಾಗಿ ಗುಲಾಬಿ ಬಣ್ಣವನ್ನು ಈ ಸೀರೆ ಹೊಂದಿತ್ತು. ಚಿನ್ನದ ಅಂಚುಳ್ಳ ಸೀರೆಗೆ ಚೆನ್ನಾಗಿ ಹೊಂದಿಕೆಯಾಗುವ ರವಿಕೆಯನ್ನು ಹೇಮ ತೊಟ್ಟುಕೊಂಡಿದ್ದರು.

ಹೇಮಮಾಲಿನಿ ಈ ಕಾಂಜಿವರಂ ಸೀರೆಯ ಸೆರಗನ್ನು ಅರ್ಧ ಮಡಚಿದಂತೆ ಹಿಡಿದುಕೊಂಡಿದ್ದರು. ಈ ಧಿರಿಸಿಗೆ ಕಪ್ಪು ಬಣ್ಣದ ಚಪ್ಪಲ್‌ಗಳನ್ನು ಆಕೆ ಧರಿಸಿದ್ದು ಪುರುಷರ ಚಪ್ಪಲ್‌ನಂತೆ ಕಂಡುಬಂದಿತು. ಈ ಕಪ್ಪು ಚಪ್ಪಲಿಯನ್ನು ಹೊರತುಪಡಿಸಿದರೆ ಅವರ ನೋಟವು ಪರಿಪೂರ್ಣ ಮತ್ತು ಸರಳವಾಗಿತ್ತು. ಚಿನ್ನ ಮತ್ತು ವಜ್ರದ ಆಭರಣಗಳು ಅವರ ದೇಹವನ್ನು ಅಲಂಕರಿಸಿತ್ತು. ವಜ್ರದ ನೆಕ್ಲೇಸ್ ವಜ್ರದ ಕಿವಿಯಾಭರಣಗಳು ಮತ್ತು ಬ್ರೇಸ್‌ಲೆಟ್ ಅನ್ನು ಹೇಮ ಧರಿಸಿದ್ದರು. ಗುಲಾಬಿ ಬಣ್ಣದ ಹ್ಯಾಂಡ್‌ಬ್ಯಾಗನ್ನು ಅವರು ಹಿಡಿದುಕೊಂಡಿದ್ದರು.

ಚಿನ್ನ ಮತ್ತು ವಜ್ರ ಮಿಶ್ರಿತ ಆಭರಣಗಳು ಹೇಮಮಾಲಿನಿಗೆ ಸುಂದರವಾಗಿ ಒಪ್ಪುತ್ತಿದ್ದವು. ಸರಳವಾಗಿ ಕಂಡುಬಂದ ಹೇಮಮಾಲಿನಿ ಮಾಡಿದ ಮೇಕಪ್ ಅವರ ವಯಸ್ಸಿಗೆ ತಕ್ಕಂತೆ ಹಿತಮಿತವಾಗಿತ್ತು. ಐಲೈನರ್ ಮತ್ತು ಕೋಹ್ಲ್ ಮೇಕಪ್ ಅವರ ಅಂದವನ್ನು ಇನ್ನಷ್ಟು ಹೆಚ್ಚಿಸಿತು. ಹೊಳೆಯುವ ತುಟಿಗಳು ಮತ್ತು ಗುಲಾಬಿ ಬಣ್ಣದ ತಿಳಿಯಾದ ಐಶ್ಯಾಡೋ ಅವರ ಸೌಂದರ್ಯವನ್ನು ವರ್ಧಿಸಿತು. ಅರ್ಧಕ್ಕೆ ಪಿನ್ ಹಾಕಿ ಕೂದಲನ್ನು ಇಳಿಬಿಟ್ಟ ರೀತಿ ಹೇಮಮಾಲಿನಿಗೆ ಸ್ಟೈಲಿಶ್ ನೋಟವನ್ನೇ ನೀಡಿತು.

ದಕ್ಷಿಣ ಭಾರತೀಯ ನಟಿ ಹೇಮಮಾಲಿನಿ ರೇಷ್ಮೆ ಸೀರೆಗಳ ಉತ್ತಮ ಆಯ್ಕೆಯನ್ನು ಹೊಂದಿದ್ದಾರೆ. ತಮಗೆ ಸುಂದರವಾಗಿ ಒಪ್ಪುವಂತಹ ಬಣ್ಣದ ಸೀರೆಯನ್ನೇ ಕನಸಿನ ಕನ್ಯೆ ಯಾವಾಗಲೂ ಆರಿಸುತ್ತಾರೆ!