ಏಶಿಯಾವಿಷನ್ 2014: ಕಣ್ಮನ ಸೆಳೆದ ಐಶ್ವರ್ಯಾ, ಕರೀನಾ ಕಪೂರ್

ಅಬುಜಾನಿ ಮತ್ತು ಸಂದೀಪ್ ಖೋಸ್ಲಾರ ಉಡುಗೆಯಲ್ಲಿ ಐಶ್ವರ್ಯಾ ರೈ

ಈ ಜೋಡಿ ವಿನ್ಯಾಸಗೊಳಿಸಿದ ಕೆಂಪು ಅನಾರ್ಕಲಿ ಉಡುಗೆ ಅತ್ಯಂತ ಪ್ರಖರವಾಗಿದ್ದು ನೋಡುವವರ ಕಣ್ಣು ಕುಕ್ಕುವಂತಿತ್ತು. ಈ ಕಾರ್ಯಕ್ರಮಕ್ಕೆ ಅವರ ದಿರಿಸು ಹೇಳಿ ಮಾಡಿಸಿದಂತಿತ್ತು.

ಕೆಂಪು ದಿರಿಸಿನಲ್ಲಿ ವೃದ್ದಿಸಿದ ಅವರ ಸೌಂದರ್ಯ

ಐಶ್ವರ್ಯಾರ ಮೈಕಟ್ಟಿಗೆ ಕೆಂಪು ಉಡುಗೆಗಳು ಹೆಚ್ಚು ಒಪ್ಪುತ್ತವೆ. ಈ ವಿಷಯವನ್ನು ವಾಸ್ತವಕ್ಕಿಳಿಸಿದ ಅಬುಜಾನಿ ಮತ್ತು ಸಂದೀಪ್ ಖೋಸ್ಲಾ ಜೋಡಿ ಕೆಂಪು ಬಟ್ಟೆಯಲ್ಲಿ ಅತ್ಯಂತ ನವಿರಾದ ಕುಸುರಿ ಕೆಲಸ ಮಾಡಿದ ಅನಾರ್ಕಲಿ ಉಡುಗೆಯನ್ನು ವಿನ್ಯಾಸಗೊಳಿಸಿದರು. ಈ ಉಡುಗೆಯ ಅತ್ಯಂತ ಗಮನಸೆಳೆಯುವ ಅಂಶವೆಂದರೆ ಕುತ್ತಿಗೆಯ ಭಾಗದ ನಾಜೂಕಿನ ಕೆಲಸ.

ಕೆಂಪು ದಿರಿಸಿನಲ್ಲಿ ಸಂಗೀತಕ್ಕೆ ಹೆಜ್ಜೆ ಹಾಕಿದ ಐಶ್ವರ್ಯಾ

ಪ್ರಶಸ್ತಿ ಸಮಾರಂಭದ ನಡುವೆ ಸಂಗೀತದ ತಾಳಕ್ಕೆ ಅವರು ಸಂತೋಷದಿಂದ ಹೆಜ್ಜೆ ಹಾಕುತ್ತಿದ್ದರೆ ಅವರ ದಿರಿಸು ಅದಕ್ಕೆ ತಕ್ಕನಾಗಿ ಬಳುಕುತ್ತಿದ್ದು ಅವರ ಸೌಂದರ್ಯವನ್ನು ಇನ್ನಷ್ಟು ಹೆಚ್ಚಿಸಿತ್ತು. ಈ ದಿರಿಸಿಗೆ ಪೂರಕವಾಗಿ ಅವರು ತುಟಿಗಳಿಗೆ ಗಾಢ ಕೆಂಪು ಬಣ್ಣದ ಲಿಪ್ ಸ್ಟಿಕ್ ಹಾಗೂ ಮುಖಕ್ಕೆ ಪ್ರಖರ ಮೇಕಪ್ ಮಾಡಿಕೊಂಡಿದ್ದರು. ವಿದ್ಯುತ್ ದೀಪಗಳ ಪ್ರಖರ ಬೆಳಕಿನಲ್ಲಿ ಈ ಮೇಕಪ್ ಸುಂದರವಾಗಿ ಕಾಣುತ್ತಿತ್ತು. ಕಣ್ಣುಗಳ ಸುತ್ತ ಹೊಗೆಯಂತೆ ಮಾಡಿಕೊಂಡಿದ್ದ ಮೇಕಪ್ ವಿಶೇಷವಾಗಿತ್ತು.

ಐಶ್ವರ್ಯಾರೊಂದಿಗೆ ಜೊತೆಯಾದ ಅವರ ಪುತ್ರಿ ಆರಾಧ್ಯ

ಈ ಪ್ರಶಸ್ತಿ ಸಮಾರಂಭದಲ್ಲಿ ಐಶ್ವರ್ಯಾರೊಂದಿಗೆ ಅವರ ಪುತ್ರಿ ಆರಾಧ್ಯ ಬಚ್ಚನ್ ಸಹಾ ಭಾಗಿಯಾಗಿ ಕಾರ್ಯಕ್ರಮದ ಕಳೆ ಹೆಚ್ಚಿಸಿದರು. ತಾಯಿ ಕೆಂಪು ದಿರಿಸಿನಲ್ಲಿ ಶೋಭಿಸಿದರೆ ಅವರ ತೆಕ್ಕೆಯಲ್ಲಿದ್ದ ಆರಾಧ್ಯ ಅತಿ ಮುದ್ದಾಗಿ ಕಂಡುಬಂದರು.

ವಿಕ್ರಂ ಫಡ್ನಿಸ್ ರವರು ವಿನ್ಯಾಸಗೊಳಿಸಿದ ಸೀರೆ ಉಟ್ಟಿದ್ದ ಕರೀನಾ ಕಪೂರ್

ಈ ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದ ಕರೀನಾ ಕಪೂರ್ ವಿಕ್ರಂ ಫಡ್ನಿಸ್ ರವರು ವಿನ್ಯಾಸಗೊಳಿಸಿದ ಸೀರೆ ಉಟ್ಟಿದ್ದರು. ಬಿಳಿಯ ಮೈಗೆ ಕಪ್ಪು ರವಿಕೆ ಹಾಗೂ ಸಾಕಷ್ಟು ಫಳಫಳನೆ ಹೊಳೆಯುವ ಚಿನ್ನದ ಹೂವುಗಳು ಅವರ ಸೌಂದರ್ಯವನ್ನು ಹೆಚ್ಚಿಸಿತ್ತು.

ಕರೀನಾ ಕಪೂರ್ ಅವರ ನೆಟ್ ಸೀರೆ

ಈ ಸೀರೆ ಸರಿಸುಮಾರು ಪಾರದರ್ಶಕವಾದ ಅತ್ಯಂತ ತೆಳುವಾದ ಬಲೆಯಂತಿತ್ತು. ಅಂಚುಗಳಿಗೆ ಚಿನ್ನದ ಬಣ್ಣದ ಸೂಕ್ಷ್ಮ ಕುಸುರಿಯನ್ನು ಮಾಡಲಾಗಿತ್ತು. ಸೆರಗು ಹಾಗೂ ನೆರಿಗೆಗಳಲ್ಲಿ ಚಿನ್ನದ ಬಣ್ಣದ ಚಿಕ್ಕ ಚಿಕ್ಕ ಹೂವುಗಳನ್ನು ಕುಸುರಿ ಮಾಡಲಾಗಿದ್ದು ಅಂಚಿನ ಪ್ರಖರ ಕುಸುರಿ ಕೆಲಸಕ್ಕೆ ಪೂರಕವಾಗಿತ್ತು.

ಕಾರ್ಯಕ್ರಮವೊಂದನ್ನು ಪ್ರಸ್ತುತಪಡಿಸಿದ ಕರೀನಾ ಕಪೂರ್

ಕಾರ್ಯಕ್ರಮದಲ್ಲಿ ಮನಃಪೂರ್ತಿಯಾಗಿ ಭಾಗವಹಿಸಿದ ಕರೀನಾ ಕಪೂರ್ ಸಂಗೀತದ ಕೆಲವು ತುಣುಕುಗಳಿಗೆ ಹೆಜ್ಜೆ ಹಾಕಿ ನೆರೆದವರ ಮನ ಗೆದ್ದರು.

ತಮ್ಮ ಎಂದಿನ ಉಡುಗೆಗಳಿಗಿಂತ ಭಿನ್ನವಾಗಿ ಮಿಂಚಿದ ಕರೀನಾ ಕಪೂರ್

ಅವರ ಬಿಳಿಯ ಬಣ್ಣದ ಸೀರೆಗೆ ಪೂರಕವಾಗಿ ಅವರ ಕಿವಿಯಲ್ಲಿದ್ದ ಭಾರೀ ಬೆಳ್ಳಿಯ ಆಭರಣಗಳು ಉತ್ತಮ ಜೋಡಿಯಾಗಿತ್ತು. ಅವರ ಮುಖದ ಮೇಕಪ್ ಸಹಾ ಈ ಉಡುಗೆಗೆ ಪೂರಕವಾಗಿತ್ತು. ಕೊಂಚ ಮಂದವಾದ ಬಣ್ಣದ ತುಟಿಗಳ ರಂಗು, ಈ ಸೀರೆಗನುಗುಣವಾಗಿ ಹಣೆಯಲ್ಲಿ ಬೊಟ್ಟು ಮತ್ತು ಕೆನ್ನೆಯಲ್ಲಿ ಅತ್ಯಂತ ಪ್ರಖರವಲ್ಲದ ಮೇಕಪ್ ಅವರ ಸೌಂದರ್ಯವನ್ನು ಇನ್ನಿಲ್ಲದಂತೆ ವೃದ್ದಿಸಿತ್ತು.