ವ್ಯಾಂಪೈರ್‌ ಫೇಶಿಯಲ್‌ ಮಾಡಿಸಿದ 3 ಮಹಿಳೆಯರಿಗೆ HIV: ವ್ಯಾಂಫೈರ್ ಫೇಶಿಯಲ್‌ ಎಂದರೇನು? ಸೌಂದರ್ಯ ವೃದ್ಧಗೆ ಹೇಗೆ ಸಹಕಾರಿ?

ವ್ಯಾಂಪೈರ್‌ ಫೇಶಿಯಲ್‌ ಬಗ್ಗೆ ಕೇಳಿರಬಹುದು, ದೊಡ್ಡ ಸೆಲೆಬ್ರಿಟಿಗಳು, ದುಡ್ಡಿರುವವರು ತಮ್ಮ ಯೌವನದ ಸೌಂದರ್ಯ ಉಳಿಸಿಕೊಳ್ಳಲು ಈ ಫೇಶಿಯಲ್‌ ಮಾಡಿಸುತ್ತಾರೆ. ಕಿಮ್ ಕದರ್ಶಿಯನ್ ಹಿಡಿದು ಅನೇಕ ಸೆಲೆಬ್ರಿಟಿ ಈ ಫೇಶಿಯಲ್‌ ಮಾಡಿಸಿದ್ದಾರೆ. ಕಿಮ್‌ ಕದರ್ಶಿಯನ್ ಮಾಡಿಸಿದ ಮೇಲೆ ಈ ಫೇಶಿಯಲ್‌ ತುಂಬಾನೇ ಗಮನ ಸೆಳೆದಿತ್ತು.

ಆದರೆ ಈ ಫೇಶಿಯಲ್‌ ಮಾಡಿಸುವಾಗ ಜಾಗ್ರತೆವಹಿಸಬೇಕು, ಏಕೆಂದರೆ ಈ ಮಾಡಿಸಿದ ಮೇಲೆ 3 ಮೆಕ್ಸಿಕೊ ಮಹಿಳೆಯರಿಗೆ ಹೆಚ್‌ ಐವಿ ಬಂದಿರುವುದಾದರೆ ಸಿಡಿಸಿ ( Centers for Disease Control and Prevention) ತಿಳಿಸಿದೆ. ಫೇಶಿಯಲ್ ಮಾಡಿಸಿದಾಗ ಏಕೆ ಹೆಚ್‌ಐವಿ ಬಂದಿದೆ ಎಂದು ತನಿಖೆ ನಡೆಸಿದಾಗ ಅಲ್ಲಿಯ ಕೆಲ ಕ್ಲಿನಿಕ್‌ಗಳು ಒಂದು ಸಲ ಬಳಸಿ ಬಿಸಾಡಬೇಕಾಗಿದ್ದ ವಸ್ತುಗಳನ್ನು ಮರುಬಳಕೆ ಮಾಡುತ್ತಿರುವುದು ಕಂಡು ಬಂತು.

ಈ ವ್ಯಾಂಫೈರ್‌ ಫೇಶಿಯಲ್‌ ಎಂದರೇನು?

ವ್ಯಾಂಪೈರ್‌ ಫೇಶಿಯಲ್‌ ಎಂಬುವುದು PRP ತಂತ್ರಜ್ಞಾನ ಬಳಸಿ ಮಾಡುವ ಫೇಶಿಯಲ್‌ ಆಗಿದೆ. ಈ ಫೇಶಿಯಲ್‌ನಲ್ಲಿ ಕ್ಲೈಂಟ್‌ನ ರಕ್ತವನ್ನು ತೆಗೆದು ಸೆಂಟ್ರಿಫ್ಯೂಜ್‌ ಎಂಬ ಸಾಧನದಲ್ಲಿ ಹಾಕಿ ಪ್ಲಾಸ್ಮ, ಬಿಳಿ ರಕ್ತಕಣ, ಕೆಂಪು ರಕ್ತಕಣ ಎಂದು ವಿಭಜನೆ ಮಾಡಲಾಗುವುದು. ನಂತರ ವೈದ್ಯರು ಪ್ಲೇಟ್‌ಲೆಟ್‌ ಅಥವಾ ಪ್ಲಾಸ್ಮಾ ಅಥವಾ ಪ್ಲೇಟ್‌ಲೆಟ್‌ ರಿಚ್‌ ಪ್ಲಾಸ್ಮಾ ತೆಗೆದುಕೊಂಡು ಅದೇ ಕ್ಲೈಂಟ್‌ನ ಮುಖಕ್ಕೆ ಮೈಕ್ರೋನೀಡ್ಲಿಂಗ್‌ ಮೂಲಕ ಸೇರಿಸಲಾಗುವುದು.

ಈ ಫೇಶಿಯಲ್‌ ಮಾಡಿದರೆ ಮುಖದಲ್ಲಿ ಬೇಗನೆ ನೆರಿಗೆ ಬೀಳುವುದಿಲ್ಲ, ಸನ್‌ ಡ್ಯಾಮೇಜ್‌, ಪಿಗ್ಮೆಂಟೇಷನ್ ತಡೆಯುತ್ತದೆ, ಇದು ದುಬಾರಿ ಫೇಶಿಯಲ್‌ ಆಗಿದೆ. ಇಲ್ಲಿ ಮೈಕ್ರೋಬ್ಲೇಡಿಂಗ್‌ಗೆ ಹಾಗೂ ರಕ್ತ ಹೀರಲು ಬಳಸಿದ ವಸ್ತುಗಳನ್ನು ಮತ್ತೆ ಬಲಸುವಂತಿಲ್ಲ, ಆದರೆ ಕ್ಲಿನಿಕ್‌ನವರು ಮಾಡಿದ ಎಡವಟ್ಟಿನಿಂದಾಗಿ ಮೂರು ಮಹಿಳೆಯರಿಗೆ ಹೆಚ್‌ಐವಿ ಬರುವಂತೆ ಆಗಿದೆ.

ಈ ಕಾರಣ ವ್ಯಾಂಫೈರ್ ಫೇಶಿಯಲ್ ಮಾಡುತ್ತಾರೆ

ಮುಖದಲ್ಲಿ ಕೊಲೆಜಿನ್ ಉತ್ಪತ್ತಿ ಹೆಚ್ಚಿಸುತ್ತದೆ
ಮುಖದಲ್ಲಿ ಕೊಲೆಜಿನ್ ಉತ್ಪತ್ತಿ ಹೆಚ್ಚಿಸುವುದರಿಂದ ಮುಖದಲ್ಲಿ ಯೌವನ ಕಳೆ ಮಾಸುವುದಿಲ್ಲ, ಮುಖದ ಕಾಂತಿ ಹೆಚ್ಚಾಗುವುದು.

ನೆರಿಗೆ ಬೀಳುವುದನ್ನು ತಡೆಗಟ್ಟುತ್ತದೆ
ಈ ವ್ಯಾಂಫೈರ್‌ ಫೇಶಿಯಲ್ ಮಾಡುವುದರಿಂದ ಮುಖದಲ್ಲಿ ನೆರಿಗೆ ಬೀಳುವುದನ್ನು ತಡೆಗಟ್ಟಬಹುದು. ಹೀಗಾಗಿ 50 ವರ್ಷ ದಾಟಿದರೂ 25ರ ಹರೆಯದಂತೆ ಕಾಣಿಸಲು ಈ ಫೇಶಿಯಲ್ ಮಾಡಿಸುತ್ತಾರೆ.

ಮುಖ ಫಳ ಫಳ ಹೊಳೆಯುತ್ತೆ
ಈ ಫೇಶಿಯಲ್ ಮಾಡಿಸಿದರೆ ಮುಖ ಡ್ರೈಯಾಗುವುದಿಲ್ಲ, ಮುಖ ಫಳ ಫಳ ಹೊಳೆಯುತ್ತೆ. ಅಲ್ಲದೆ ಕಡಿಮೆ ಮೇಕಪ್‌ನಲ್ಲಿಯೂ ಆಕರ್ಷಕವಾಗಿ ಕಾಣಬಹುದು.

ಹೆಚ್ಚು ನೋವಾಗಲ್ಲ
ಈ ಫೇಶಿಯಲ್‌ ಮಾಡಿಸಲು ಹೆಚ್ಚು ನೋವಾಗಲ್ಲ, ಅಲ್ಲದೆ ಹೆಚ್ಚು ಟೈಮ್ ಕೂಡ ತೆಗೆಯಲ್ಲ.. 2 ನಿಮಿಷಕ್ಕೆ ರಕ್ತ ತೆಗೆಯಲಾಗುವುದು, ನಂತರ ನಂತರ ಪ್ಲಾಸ್ಮಾ, ಪ್ಲೇಟ್‌ಲೆಟ್‌ ಪ್ರತ್ಯೇಕಿಸಿ 30-60 ನಿಮಿಷದಲ್ಲಿ ಫೇಶಿಯಲ್‌ ಮುಗಿಯುತ್ತದೆ, ಅಲ್ಲದೆ ಮುಖ ಕೆಂಪಾಗುವುದು ನೋವು ಉಂಟಾಗುವುದಿಲ್ಲ.

ಭಾರತದಲ್ಲಿ ಇದಕ್ಕೆ ಎಷ್ಟು ಖರ್ಚಾಗುವುದು?
ಆಸ್ಪತ್ರೆ ಮೇಲೆ ರೇಟ್‌ ಭಿನ್ನವಾಗಿರುತ್ತದೆ, ಆದರೆ ಒಂದು ಸೆಷನ್‌ಗೆ 20,000ಕ್ಕಿಂತ ಹೆಚ್ಚೇ ಬೇಕು.

ಯಾರಿಗೆ ಈ ವ್ಯಾಂಫರ್‌ ಫೇಶಿಯಲ್ ಪ್ರಯೋಜನಕಾರಿ?

ಮೊಡವೆ ಕಲೆ ತುಂಬಾ ಇದ್ದರೆ
ಪಿಗ್ಮೆಂಟೇಷನ್ ಸಮಸ್ಯೆಯಿದ್ದರೆ
ಮುಖದಲ್ಲಿ ನೆರಿಗೆ ಬೀಳುವುದನ್ನು ತಡೆಗಟ್ಟಲು
ಫೇಸ್‌ಲಿಫ್ಟ್ ಮಾಡಿಸಲು ಇಷ್ಟವಿಲ್ಲದಿದ್ದರೆ

ಇದರ ಅಡ್ಡಪರಿಣಾಮಗಳೇನು?
ಸೂಜಿಯನ್ನು ಹೊಸದು ಬಳಸಿದರೆ ಹೆಚ್‌ಐವಿ ಭಯವಿಲ್ಲ, ಆದರೆ ಈ ಕೆಲ ಅಡ್ಡಪರಿಣಾಮಗಳಿರಬಹುದು:
ಊತ
ಕೆಂಪಾಗುವುದು
ಸೋಂಕು ತಗುಲುವುದು( ಶುಚಿತ್ವ ಕಡೆಗೆ ಗಮನ ಕೊಡವ ಕ್ಲಿನಿಕ್‌ಗೆ ಹೋಗಬೇಕು)

ಮೊದಲಿಗೆ ಈ ಸೂಚಿ ಸುಚ್ಚಿ ಮಾಡುವ ಫ್ಯಾಷನ್, ಟ್ರೀಟ್ಮೆಂಟ್‌ ಅಂದರೆ ಈ ಬಗೆಯ ಫೇಶಿಯಲ್, ಟ್ಯಾಟೂ, ಸಲೂನ್‌ಗಳಲ್ಲಿ ಬಳಸುವ ಬ್ಲೇಡ್ ಇವುಗಳ ಬಗ್ಗೆ ಜಾಗ್ರತೆವಹಿಸಬೇಕು, ಒಬ್ಬರಿಗೆ ಬಳಸಿದ್ದನ್ನೇ ಬಳಸಿದರೆ ಅವರ ಸೇವೆಯನ್ನು ತಿರಸ್ಕರಿಸಿ.