10 ರೂಪಾಯಿ ಖರ್ಚಿಲ್ಲದೆ ಮುಖದ ಕಾಂತಿ ಹೆಚ್ಚಿಸೋದು ಹೇಗೆ? ಈ ಫೇಸ್ ಮಾಸ್ಕ್ ಬಳಸಿ.!

ಮುಖದ ಕಾಂತಿ ಹೆಚ್ಚಿಸಿಕೊಳ್ಳಬೇಕು. ಕಲೆಗಳು ನಿವಾರಣೆಯಾಗಬೇಕು. ಅನ್ನೋದು ಎಲ್ಲಾ ಮಹಿಳೆಯರ ಆಸೆಯಾಗಿರುತ್ತೆ. ಅದರಲ್ಲೂ ಯುವ ಜನತೆ ತಮ್ಮ ಮುಖದ ಕಾಂತಿ ಹೆಚ್ಚಿಸಿಕೊಳ್ಳಲು ಹಲವು ರೀತಿಯ ಪ್ರಯತ್ನದಲ್ಲಿ ತೊಡಗುವುದು ನೋಡಬಹುದು. ಇದಕ್ಕಾಗಿ ಹತ್ತಾರು ಬಗೆಯ ಅದರಲ್ಲೂ ಮಾರುಕಟ್ಟೆಯಲ್ಲಿ ಸಿಗುವಂತಹ ದುಬಾರಿ ಬೆಲೆಯ ವಸ್ತುಗಳನ್ನು ಮುಖಕ್ಕೆ ಹಚ್ಚಲು ಬಳಸುತ್ತಾರೆ.

ಇನ್ನು ಮಹಿಳೆಯರು ಪಾರ್ಲರ್‌ಗೆ ತೆರಳುವ ಮೂಲಕ ಈ ರೀತಿಯಾಗಿ ಮುಖ ಹೊಳಪು ಬರುವಂತೆ ಫೇಷಿಯಲ್ ಮಾಡಿಸುವುದು ನೋಡಬಹುದು. ಪಾರ್ಲರ್‌ನಲ್ಲೂ ಸಾವಿರಾರು ರೂಪಾಯಿ ನೀಡಬೇಕಾಗುತ್ತದೆ. ಅದು ಕೂಡ ನಿಗದಿತ ಸಮಯದಲ್ಲಿ ಮತ್ತೆ ಮತ್ತೆ ಫೇಷಿಯಲ್‌ಗೆ ಒಳಗಾಗಬೇಕಾಗುತ್ತದೆ. ಹೀಗಾಗಿ ಪಾರ್ಲರ್‌ಗೆ ಹೋಗುವ ಮಂದಿ ಯಾವಾಗಲು ಅದಕ್ಕೆ ಹೊಂದಿಕೊಳ್ಳುತ್ತಾರೆ.

ಇನ್ನು ಪಾರ್ಲರ್ ಸೌಂದರ್ಯವನ್ನು ಮನೆಯಲ್ಲೇ ಪಡೆದರೆ ಹೇಗೆ? ಹೌದು ಪಾರ್ಲರ್‌ಗೆ ಸಾವಿರಾರು ರೂಪಾಯಿ ಖರ್ಚು ಮಾಡುವ ಬದಲಾಗಿ ಮನೆಯಲ್ಲೇ ಸುಲಭವಾಗಿ ಕಡಿಮೆ ಖರ್ಚಿನಲ್ಲಿ ಮುಖದ ಕಾಂತಿ ಹೊಳೆಯುವಂತೆ ಮಾಡಬಹುದು. ಅಂದಹಾಗೆ ಮನೆಯಲ್ಲಿ ಯಾವ ರೀತಿಯಾಗಿ ಫೇಷಿಯಲ್ ಮಾಡಿಕೊಳ್ಳಬಹುದು. ಅದಕ್ಕೆ ಯಾವ ವಸ್ತುಗಳ ಬಳಸಬೇಕು ಎಂಬುದನ್ನು ನಾವಿಂದು ತಿಳಿದುಕೊಳ್ಳೋಣ.

ಮುಖವು ಬಾಡಿರುವಂತೆ ಅಥವಾ ಹೊಳಪು ಕಳೆದುಕೊಂಡಂತೆ ಕಾಣಲು ಹಲವು ಕಾರಣಗಳಿವೆ. ಅದರಲ್ಲೂ ನೈಸರ್ಗಿಕವಾಗಿ ನಿಮ್ಮ ಮುಖದ ಟೋನ್ ಬದಲಾಗಿದ್ದರೆ ಈ ರೀತಿಯಾಗಿ ನೀವು ಮನೆಯಲ್ಲೇ ಫೇಷಿಯಲ್ ಮಾಡಿಕೊಳ್ಳುವುದು ಉತ್ತಮ.

ಜೇನು ತುಪ್ಪ ಹಾಗೂ ಅರಶಿಣ

ಮೊದಲು ಒಂದು ಬೌಲ್‌ನಲ್ಲಿ 1 ಚಮಚ ಜೇಣು ತುಪ್ಪ ತೆಗೆದುಕೊಳ್ಳಿ, ನಂತರ ಅರ್ಧ ಚಮಚ ಅರಶಿಣ ಪುಡಿ ಸೇರಿಸಿ ಮಿಶ್ರಣ ಮಾಡಿಕೊಳ್ಳಿ. ನಂತರ ತಣ್ಣೀರಿನಲ್ಲಿ ಮುಖವನ್ನು ತೊಳೆದು ಶುದ್ದ ಬಟ್ಟೆಯಲ್ಲಿ ಒರೆಸಿಕೊಳ್ಳಿ. ನಂತರ ಪೇಸ್ಟ್ ಅನ್ನು ಮುಖಕ್ಕೆ ಚೆನ್ನಾಗಿ ಹಚ್ಚಿಕೊಂಡು 15 ನಿಮಿಷ ಹಾಗೆಯೇ ಬಿಡಿ. ನಂತರ ಉಗುರು ಬೆಚ್ಚಗಿನ ನೀರಿನಿಂದ ಮುಖ ತೊಳೆದುಕೊಳ್ಳಿ. ಇದೇ ರೀತಿಯ ಪೇಸ್ಟ್ ಅನ್ನು ವಾರದಲ್ಲಿ 2ರಿಂದ 3 ಬಾರಿ ಮಾಡಿದರೆ ಮುಖದ ಕಾಂತಿ ಹೊಳೆಯುತ್ತದೆ.

ಆವಕಾಡೊ ಮತ್ತು ಮೊಸರು ಮಾಸ್ಕ್

ಆವಕಾಡೋ ಮಾಸ್ಕ್ ಮಾಡಲು ಆವಕಾಡೋವನ್ನು ಸಣ್ಣದಾಗಿ ಹೆಚ್ಚಿಕೊಂಡು ಅದಕ್ಕೆ 1 ಚಮಚ ಮೊಸರು ಸೇರಿಸಿ ಚೆನ್ನಾಗಿ ಕಲಸಿಕೊಳ್ಳಿ. ನಂತರ ಮುಖಕ್ಕೆ ಹಚ್ಚಿಕೊಂಡು 20 ನಿಮಿಷ ಹಾಗೆಯೇ ಬಿಡಿ. ನಂತರ ತಣ್ಣೀರಿನಿಂದ ಮುಖ ತೊಳೆದು ಶುದ್ದ ಬಟ್ಟೆಯಲ್ಲಿ ಒರೆಸಿಕೊಳ್ಳಿ. ಈ ರೀತಿ ವಾರದಲ್ಲಿ 2 ಬಾರಿ ಮಾಡಿ ನೋಡಿ.

ಬಾಳೆಹಣ್ಣು ಮತ್ತು ಜೇನುತುಪ್ಪದ ಮಾಸ್ಕ್

ಅರ್ಧ ಮಾಗಿದ ಬಾಳೆಹಣ್ಣನ್ನು ತೆಗೆದುಕೊಂಡು ಅದನ್ನು ಒಂದು ಬಟ್ಟಲಿನಲ್ಲಿ ಮ್ಯಾಶ್ ಮಾಡಿಕೊಳ್ಳಿ. ನಂತರ 1 ಚಮಚ ಜೇನುತುಪ್ಪ ಹಾಕಿಕೊಂಡು ಚೆನ್ನಾಗಿ ಮಿಕ್ಸ್ ಮಾಡಿ. ನಂತರ ಮುಖಕ್ಕೆ ಈ ಪೇಸ್ಟ್ ಹಚ್ಚಿಕೊಂಡು 15 ಕಾಲ ಹಾಗೆಯೇ ಬಿಡಿ. ನಂತರ ನೀರಿನಿಂದ ತೊಳೆದುಕೊಳ್ಳಿ. ಈ ರೀತಿ ವಾರದಲ್ಲಿ 3 ಬಾರಿ ಮಾಡಿ ನೊಡಿ.

ಅಲೋವೆರಾ ಮತ್ತು ನಿಂಬೆ ಮಾಸ್ಕ್

ಈ ಮಾಸ್ಕ್‌ ಮಾಡಲು ಮೊದಲು 2 ಚಮಚ ಅಲೋವೆರಾ ಜೆಲ್ ತೆಗೆದುಕೊಳ್ಳಿ. ನಂತರ ಅದಕ್ಕೆ 1 ಚಮಚ ನಿಂಬೆ ರಸ ಸೇರಿಸಿ ಚೆನ್ನಾಗಿ ಮಿಕ್ಸ್ ಮಾಡಿಕೊಳ್ಳಿ. ನಂತರ ಮುಖಕ್ಕೆ 10 ನಿಮಿಷ ಬಿಟ್ಟು ತೊಳೆದುಕೊಳ್ಳಿ. ವಾರದಲ್ಲಿ 2 ಬಾರಿ ಈ ರೀತಿ ಮಾಡಿ ನೋಡಿ. ನಿಮ್ಮ ಮುಖದ ಕಾಂತಿ ಹೆಚ್ಚಾಗುವುದು ಪಕ್ಕ. ಈ ರೀತಿಯ ಫೇಸ್ಟ್ ಮಾಸ್ಕ್ ಮಾಡಿದರೆ ಮುಖ ಕಾಂತಿಯುವತವಾಗಿ ಹೊಳೆಯಲಿದೆ.