ಪ್ರತಿದಿನ ರಾತ್ರಿ ಈ 3 ಬ್ಯೂಟಿ ಟಿಪ್ಸ್ ಪಾಲಿಸಿದರೆ ನಿಮ್ಮ ಸೌಂದರ್ಯ ಹೆಚ್ಚುವುದು

1. ಫೇಶ್‌ವಾಶ್‌

ಮೊದಲಿಗೆ ನೀವು ಮುಖವನ್ನು ಕ್ಲೆನ್ಸ್ ಮಾಡಬೇಕು. ರಾಸಾಯನಿಕಗಳು ಕಡಿಮೆ ಇರುವ ಫೇಶ್‌ವಾಶ್ ಬಳಸಿ. ಇದರಿಂದ ಮುಖದಲ್ಲಿರುವ ಜಿಡ್ಡಿನಂಶ ಕಡಿಮೆ ಮಾಡಲು ಸಹಕಾರಿ. ಸೋಪ್‌ ಹಚ್ಚಿ ತೊಳೆಯುವುದಕ್ಕಿಂತ ಫೇಶ್‌ವಾಶ್ ಬಳಸುವುದು ಒಳ್ಳೆಯದು. ಅಲ್ಲದೆ ಮುಖ ತೊಳೆಯುವುದರಿಂದ ಮುಖದಲ್ಲಿ ಮೇಕಪ್‌ನ ಯಾವುದೇ ಅಂಶ ಉಳಿಯುವುದಿಲ್ಲ,ಇದರಿಂದ ತ್ವಚೆಗೆ ಉಸಿರಾಡಲು ಅನುಕೂಲಕರವಾಗಿದೆ.

ಫೇಶ್‌ವಾಶ್‌ ಮಾಡುವ ಮುನ್ನ ಮುಖದಲ್ಲಿ ಮೇಕಪ್‌ ಇದ್ದರೆ ಎಣ್ಣೆ ಹಚ್ಚಿ ಅಥವಾ ಕ್ಲೆನ್ಸರ್‌ ಬಳಸಿ ನಂತರ ಮುಖ ತೊಳೆಯಿರಿ. ಮೇಕಪ್‌ನಲ್ಲಿಯೇ ಮಲಗುವುದರಿಂದ ಮುಖದ ತ್ವಚೆ ಹಾಳಾಗುವುದು ಅಲ್ಲದೆ ತ್ವಚೆಯಲ್ಲಿ ಬೇಗನೆ ನೆರಿಗೆ ಮೂಡುವುದು. ಆದ್ದರಿಂದ ಮಲಗುವ ಮುನ್ನ ಮುಖವನ್ನು ಫೇಶ್‌ವಾಶ್‌ ಬಳಸಿ ತೊಳೆಯಿರಿ.

2. ಸೆರಮ್ ಬಳಸಿ

ಯಾವಾಗಲೂ ಮಾಯಿಶ್ಚರೈಸರ್ ಬಳಸಿ, ಇದರಿಂದ ತ್ವಚೆ ಒಣಗುವುದು, ಅಕಾಲಿಕ ನೆರಿಗೆ ಇವುಗಳನ್ನು ತಡೆಗಟ್ಟಿ ತ್ವಚೆ ಹೊಳಪಿನಿಂದ ಕೂಡಿರುವಂತೆ ಕಾಪಾಡಬಹುದು. ಇನ್ನು ಮಾಯಿಶ್ಚರೈಸರ್‌ ಆಗಿ ಜೇನುತುಪ್ಪ ಬಳಸಿದರೆ ಇದು ನಿಮ್ಮ ತ್ವಚೆಯ ಹೊಳಪನ್ನು ಹೆಚ್ಚಿಸುವುದು.

3. ನೈಟ್‌ಕ್ರೀಮ್

ತ್ವಚೆ ಆರೋಗ್ಯಕರವಾಗಿ, ಹೊಳಪಿನಿಂದ ಕೂಡಿರಲು ನೈಟ್‌ ಕ್ರೀಮ್ ಹಚ್ಚಿ. ಇದು ತ್ವಚೆ ಮಂಕಾಗುವುದನ್ನು ತಡೆಗಟ್ಟುತ್ತದೆ, ಅಲ್ಲದೆ ಇದು ನಿರ್ಜೀವ ತ್ವಚೆಯನ್ನು ಹೋಗಲಾಡಿಸಲು ಸಹಕಾರಿ ಹಾಗೂ ತ್ವಚೆ ಕೂಡ ಮೃದುವಾಗಿರುತ್ತದೆ. ಅಲ್ಲದೆ ಬೆಳಗ್ಗೆ ನಿಮ್ಮ ತ್ವಚೆ ತಾಜಾತನದಿಂದ ಕೂಡಿರುವಂತೆ ಮಾಡುತ್ತದೆ.

ಈ ಮೂರು ಅಂಶಗಳನ್ನು ಪ್ರತಿನಿತ್ಯ ತಪ್ಪದೇ ಮಾಡಬೇಕು. ಇದರ ಜೊತೆಗೆ ವಾರಕ್ಕೊಮ್ಮೆ ಫೇಸ್‌ಮಾಸ್ಕ್ ಹಚ್ಚುವುದು ಒಳ್ಳೆಯದು: ವಾರಕ್ಕೊಮ್ಮೆ ಮುಲ್ತಾನಿಮಿಟಿ ಅಥವಾ ಹಣ್ಣುಗಳಿಂದ ಮಾಡಿದ ಫೇಸ್‌ಪ್ಯಾಕ್‌ ಮುಖಕ್ಕೆ ಹಚ್ಚಿ. ಇಲ್ಲಿ ನಾವು ಕೆಲ ಫೇಸ್‌ಮಾಸ್ಕ್ ಹೇಳಿದ್ದೇವೆ. ಅವುಗಳನ್ನು ಹಚ್ಚುವುದರಿಂದ ಮುಖದ ಕಾಂತಿ ಹೆಚ್ಚುವುದು.

ಫೇಸ್‌ ಮಾಸ್ಕ್

ಮೊಸರು, ಜೇನುತುಪ್ಪ ಮತ್ತು ಬಾಳೆಹಣ್ಣು

• ಬಾಳೆ ಹಣ್ಣನ್ನು ಕೈಯಲ್ಲಿ ಹಿಸುಕಿ ಪೇಸ್ಟ್ ಮಾಡಿ ಒಂದು ಚಮಚ ಗಟ್ಟಿ ಮೊಸರು ಮತ್ತು ಎರಡು ಚಮಚ ಹಸಿ ಜೇನು ಹಾಕಿ ಮಿಶ್ರ ಮಾಡಿ ತ್ವಚೆಗೆ ಹಚ್ಚಿ ಅರ್ಧ ಗಂಟೆಯ ಬಳಿಕ ಮುಖ ತೊಳೆಯಿರಿ.

ಬೆಣ್ಣೆಹಣ್ಣು, ಜೇನುತುಪ್ಪ ಮತ್ತು ಕೋಕಾ ಹುಡಿ

ಬೆಣ್ಣೆ ಹಣ್ಣಿಗೆ ಕೋಕಾಹುಡಿ, ಜೇನು ತುಪ್ಪ ಹಾಕಿ ಮಿಶ್ರ ಮಾಡಿ ಮುಖಕ್ಕೆ ಹಚ್ಚಿಕೊಂಡು 20 ನಿಮಿಷ ಕಾಲ ಹಾಗೆ ಬಿಟ್ಟು ಬಳಿಕ ತಣ್ಣೀರಿನಿಂದ ತೊಳೆಯಿರಿ.

ಸ್ಟ್ರಾಬೆರಿ, ಮೊಸರು, ಲಿಂಬೆ ಮತ್ತು ಜೇನುತುಪ್ಪ

• 5-8 ತಾಜಾ ಸ್ಟ್ರಾಬೆರಿಯನ್ನು ತೊಳೆದುಕೊಂಡು ಅದನ್ನು ರುಬ್ಬಿ ರಸ ತೆಗೆಯಿರಿ.
• ಈ ರಸಕ್ಕೆ ಎರಡು ಚಮಚ ಲಿಂಬೆ ರಸ ಹಾಕಿ.
• ಒಂದು ಚಮಚ ಮೊಸರನ್ನು ಸುಮಾರು 15 ನಿಮಿಷ ಕಾಲ ಬಿಗಿಯಾಗಿ ಬಟ್ಟೆಯಲ್ಲಿ ಕಟ್ಟಿ ನೀರು ತೆಗೆಯಿರಿ. ಉಳಿದ ಗಟ್ಟಿ ಮೊಸರನ್ನು ಮಾತ್ರ ಸ್ಟ್ರಾಬೆರಿ-ಲಿಂಬೆ ಮಿಶ್ರಣಕ್ಕೆ ಹಾಕಿ.

ಸ್ಕ್ರಬ್ಬಿಂಗ್

ವಾರದಲ್ಲಿ 2-3 ಬಾರಿ ಮುಖವನ್ನು ಸ್ಕ್ರಬ್ಬಿಂಗ್ ಮಾಡಿ. ಒಂದು ಚಮಚ ಆಲೀವ್‌ ಎಣ್ಣೆಗೆ ಸಕ್ಕರೆ ಹಾಕಿ ಮಿಶ್ರ ಮಾಡಿ ಅದರಿಂದ ಮುಖವನ್ನು ಉಜ್ಜಿದರೆ ನಿರ್ಜೀವ ತ್ವಚೆ ತೆಗೆಯಬಹುದು. ಇದು ಮುಖದ ತ್ವಚೆಯ ಹೊಳಪನ್ನು ಹೆಚ್ಚಿಸುವುದು.