ಈ ಕೊರಿಯನ್ ಪಾಪ್ ತಾರೆಯ ಇಷ್ಟು ಕಾಂತಿಯುತ ತ್ವಚೆಗೆ ಕಾರಣ ಈ ಫೇಸ್‌ ಮಾಸ್ಕ್‌!

ಬೇಕಾಗುವ ಪದಾರ್ಥಗಳು:

ಬಾಳೆಹಣ್ಣು

1/4 ಕಪ್ ಬಾದಾಮಿ ಪುಡಿ

1/4 ಕಪ್ ಪುಡಿ ಮಾಡಿದ ಓಟ್ಸ್

ತಯಾರಿಸುವ ವಿಧಾನ:

ಓಟ್ಸ್ ಸ್ವಲ್ಪ ಜಿಗುಟಾಗಿರುವುದರಿಂದ, ಅದನ್ನು ಪುಡಿ ಮಾಡಿ. ಅದಕ್ಕೆ ಚೆನ್ನಾಗಿ ಮ್ಯಾಶ್ ಮಾಡಿದ ಬಾಳೆಹಣ್ಣು ಹಾಗೂ ಬಾದಾಮಿ ಪುಡಿಯನ್ನು ಹಾಕಿ ಚೆನ್ನಾಗಿ ಮಿಶ್ರಣ ಮಾಡಿ. ಇದು ಸುಮಾರು ಹತ್ತು ನಿಮಿಷಗಳನ್ನು ತೆಗೆದುಕೊಳ್ಳಬಹುದು. ಮಿಶ್ರಣ ಒಂದು ಹದಕ್ಕೆ ಬಂದ ನಂತರ ಇದನ್ನು ಮುಖಕ್ಕೆ ಪ್ಯಾಕ್‌ ರೀತಿಯಲ್ಲಿ ಹಚ್ಚಿಕೊಂಡು, ಅರ್ಧ ಗಂಟೆಗಳ ಕಾಲ ಬಿಡಿ. ತದನಂತರ, ಸಾಮಾನ್ಯ ನೀರಿನಿಂದ ತೊಳೆದರೆ, ಹೊಳೆಯುವ ತೇವಾಂಶಭರಿತ ಕಾಂತಿಯುತ ತ್ವಚೆ ನಿಮ್ಮದಾಗುವುದು. ಉತ್ತಮ ಫಲಿತಾಂಶಕ್ಕಾಗಿ ಈ ಪ್ಯಾಕನ್ನು ವಾರಕ್ಕೆ ಒಮ್ಮೆ ಹಾಕಿಕೊಳ್ಳಬಹುದು ಎಂದು ಜೀಯೋನ್ ಸೋಮಿ ಶಿಫಾರಸ್ಸು ಮಾಡುತ್ತಾರೆ.

ಜೀಯೋನ್ ಸೋಮಿಯ ಅಭಿಪ್ರಾಯವೇನು?:

ಈಕೆಯ ಪ್ರಕಾರ, ಫೇಸ್ ಶೀಟ್‌ಗಳು ಚರ್ಮಕ್ಕೆ ತೇವಾಂಶವನ್ನ ನೀಡಲು ಬಹಳ ಒಳ್ಳೆಯದು. ಜೊತೆಗೆ ಈ ಫೇಸ್ ಪ್ಯಾಕ್ ಬಹಳ ಪೋಷಕಾಂಶಗಳ ಆಗರವನ್ನು ಹೊಂದಿರುವುದರಿಂದ, ಅಷ್ಟೇ ಅಲ್ಲ, ತಯಾರಿಸಲು ಬಳಸಲು ಬಹಳ ಸುಲಭವಾಗಿರುವುದರಿಂದ, ಯಾರು ಬೇಕಾದರೂ ಈ ಪ್ಯಾಕನ್ನು ಬಳಸಬಹುದು. ಇದು ನಿಮ್ಮ ತ್ವಚೆಯ ಡಲ್‌ನೆಸ್ ತೆಗದು, ತಕ್ಷಣವೇ ಕಾಂತಿ ಚಿಮ್ಮಿಸುವುದು.

ಈ ಫೇಸ್ ಪ್ಯಾಕ್ ಹೇಗೆ ಪ್ರಯೋಜನಕಾರಿ?:

ಓಟ್ ಮೀಲ್ ಮತ್ತು ಬಾಳೆಹಣ್ಣು ಎರಡನ್ನೂ ಹೆಚ್ಚಾಗಿ ಉನ್ನತ-ಮಟ್ಟದ ತ್ವಚೆ ಉತ್ಪನ್ನಗಳಲ್ಲಿ ಬಳಸಲಾಗುತ್ತದೆ. ಓಟ್ ಮೀಲ್ ಎಫ್ಫೋಲಿಯೇಶನ್‌ಗೆ ಉತ್ತಮವಾಗಿದ್ದರೆ, ಬಾಳೆಹಣ್ಣು ನಿಮಗೆ ಹೊಳೆಯುವ ತ್ವಚೆಯನ್ನು ನೀಡುತ್ತದೆ. ಈ ಮೂಲಕ ಈ ಫೇಸ್ ಪ್ಯಾಕ್ ನಿಮ್ಮ ತ್ವಚೆಗೆ ತೇವಾಂಶವನ್ನು ನೀಡಿ, ಮಂದವಾದ ಮೈಬಣ್ಣವನ್ನು ಬೆಳಗಿಸಲು ಸಹಾಯ ಮಾಡುತ್ತದೆ.