ಚೆಂದ... ಚೆಂದ ಮುಖಕ್ಕಾಗಿ ಹಚ್ಚಿ ಕಾಫಿ ಸ್ಕ್ರಬ್

ಮನೆಯಲ್ಲಿಯೇ ಕಾಫಿ ಸ್ಕ್ರಬ್ ಮಾಡುವುದು ಹೇಗೆ?

ಕಾಫಿ ಸ್ಕ್ರಬ್ ಮುಖದಲ್ಲಿ ಬಿದ್ದಿರುವ ಮೊಡವೆ ರಂಧ್ರಗಳನ್ನು ಮರೆಮಾಚುವಲ್ಲಿ ತುಂಬಾನೇ ಸಹಕಾರಿ. ಇದು ತ್ವಚೆಯಲ್ಲಿನ ಕಶ್ಮಲ ತೆಗೆದು ಹಾಕಿ ತ್ವಚೆಗೆ ಹೊಳಪನ್ನು ನೀಡುವುದು. ಏಕೆಂದರೆ ಈ ಸ್ಕ್ರಬ್ ನೀರಿನಲ್ಲಿ ಬೇಗನೆ ಕರಗುವುದಿಲ್ಲ, ಇದರಿಂದ ತ್ವಚೆಯ ಆಳದವರೆಗೆ ಇದರ ಪರಿಣಾಮ ಇರುತ್ತದೆ. ಇಲ್ಲಿ ನಾವು ಕಾಫಿ ಸ್ಕ್ರಬ್ ಮಾಡುವುದು ಹೇಗೆ ಎಂದು ಹೇಳಿದ್ದೇವೆ.

ಕಾಫಿ ಸ್ಕ್ರಬ್‌ ಅನ್ನು ಬೇರೆ-ಬೇರೆ ಸಾಮಗ್ರಿ ಜೊತೆ ಮಿಶ್ರ ಮಾಡಿ ತಯಾರಿಸಬಹುದು. ಇದಕ್ಕೆ ತೆಂಗಿನೆಣ್ಣೆ, ಆಲೀವ್ ಎಣ್ಣೆ, ನಿಂಬೆಹಣ್ಣು ಹೀಗೆ ನಿಮಗೆ ಸೂಕ್ತವೆನಿಸುವ ಸಾಮಗ್ರಿ ಬಳಸಬಹುದು.

ಮಾಡುವ ವಿಧಾನ 1

2 ಚಮಚ ಕಾಫಿ ಪುಡಿ ತೆಗೆದು ಅಷ್ಟೇ ಪ್ರಮಾಣದ ತೆಂಗಿನೆಣ್ಣೆ ಅಥವಾ ಆಲೀವ್ ಎಣ್ಣೆ ಹಾಕಿ ಶ್ರ ಮಾಡಿ. ಇದನ್ನು ಮುಖಕ್ಕೆ ಹಚ್ಚಿ ನಂತರ 15 ನಿಮಿಷ ಬಿಟ್ಟು ಬಿಸಿ ನೀರಿನಿಂದ ಮುಖ ತೊಳೆಯಿರಿ.

ವಿಧಾನ 2

1 ಚಮಚ ಕಾಫಿ ಪುಡಿಗೆ 1 ಚಮಚ ಸಕ್ಕರೆ, 1 ಚಮಚ ನಿಂಬೆರಸ ಹಾಕ ಸ್ಕ್ರಬ್ ತಯಾರಿಸಿ. ಅದು ಮಿಶ್ರಣ ಮುಖಕ್ಕೆ ಹಚ್ಚುವ ಹದಕ್ಕೆ ಬಂದ ಮೇಲೆ ಇದನ್ನು ಮುಖಕ್ಕೆ , ಮೈಗೆ ಹಚ್ಚಿ ಬಿಸಿ ನೀರಿನಲ್ಲಿ ಸ್ನಾನ ಮಾಡಿ.

ವಿಧಾನ 3

2 ಚಮಚ ಕಾಫಿ ಪುಡಿಯನ್ನು ಹಾಲು ಹಾಗೂ ಕೆನೆ ಜೊತೆ ಮಿಶ್ರ ಮಾಡಿ ಗಟ್ಟಿಯಾದ ಪೇಸ್ಟ್ ತಯಾರಿಸಿ. ಕಈ ಸ್ಕ್ರಬ್ ಮುಖದ ರಂಧ್ರಗಳನ್ನು ಮರೆ ಮಾಚುತ್ತೆ ಹಾಗೂ ಕೆನೆ ತ್ವಚೆ ಮಾಯಿಶ್ಚರೈಸರ್ ಆಗಿರುವಂತೆ ನೋಡಿಕೊಳ್ಳುತ್ತದೆ.

ವಿಧಾನ 4

ಒಂದು ಚಮಚ ಕಾಫಿ ಪುಡಿ ತೆಗೆದುಕೊಂಡು 1 ಚಮಚ ಟೊಮೆಟೊ ರಸದ ಜೊತೆ ಮಿಶ್ರ ಮಾಡಿ ಅದನ್ನು ಮುಖಕ್ಕೆ ಹಚ್ಚಿ 15 ನಿಮಿಷ ಬಿಟ್ಟು ಮುಖ ತೊಳೆಯಿರಿ.

ವಿಧಾನ 5

1 ಚಮಚ ಕಾಫಿ ಪುಡಿಯನ್ನುತೆಗೆದುಕೊಂಡು, ಅದಕ್ಕೆ 1 ಚಮಚ ಅಕ್ಕಿ ಹಿಟ್ಟು , 1 ಚಮಚ ನಿಂಬೆರಸ ಹಾಕಿ ಮಿಶ್ರ ಮಾಡಿ ಇದನ್ನು ಮುಖಕ್ಕೆ ಹಚ್ಚಿದರೆ ಸನ್‌ಟ್ಯಾನ್‌ ಹೋಗಲಾಡಿಸಬಹುದು.