ತ್ವಚೆ ಬಿಳುಪಾಗಿಸುತ್ತೆ ಈ ಬೀಟ್‌ರೂಟ್‌ ಸೆರಮ್, ಇಲ್ಲಿದೆ ನೋಡಿ ಮಾಡುವ ವಿಧಾನ

ಬೀಟ್‌ರೂಟ್‌ ತ್ವಚೆಗೆ ಏಕೆ ಒಳ್ಳೆಯದು?

ಬೀಟ್‌ರೂಟ್‌ನಲ್ಲಿ ಪೊಟಾಷ್ಯಿಯಂ, ಪ್ರೊಟೀನ್, ವಿಟಮಿನ್ ಎ, ವಿಟಮಿನ್ ಡಿ, ಸಿ, ವಿಟಮಿನ್ ಬಿ-6, ಕಬ್ಬಿಣದಂಶವಿದೆ. ಬೀಟ್‌ರೂಟ್ ಮುಖ ತ್ವಚೆಯ ಹೊಳಪು ಹೆಚ್ಚಿಸುವುದು, ಇದನ್ನು ಪ್ರತಿದಿನ ಬಳಸುತ್ತಿದ್ದರೆ ಕೆನ್ನೆ ಗುಲಾಬಿ ರಂಗು ಪಡೆಯುವುದು ಅಲ್ಲದೆ ಬೀಟ್‌ರೂಟ್‌ಗೆ ಮೊಡವೆ ನಿಯಂತ್ರಣ ಮಾಡುವ ಗುಣವೂ ಇದೆ.

ಬೀಟ್‌ರೂಟ್ ಸೆರಮ್ ಮಾಡುವುದು ಹೇಗೆ?

ಬೇಕಾಗುವ ಸಾಮಗ್ರಿ

1 ಬೀಟ್‌ರೂಟ್

1 ಚಮಚ ರೋಸ್‌ವಾಟರ್

1 ಚಮಚ ಹಾಲು

2 ಚಮಚ ವಿಟಮಿನ್ ಇ ಮಾತ್ರೆ

1 ಚಮಚ ಅಲೋವರಾ ಜೆಲ್(ಲೋಳೆಸರ ರಸ)

ಮಾಡುವುದು ಹೇಗೆ?

• ಬೀಟ್‌ರೂಟ್‌ ತುರಿದು ಅದನ್ನು ಒಂದು ಬಿಳಿ ಶುದ್ಧ ಬಟ್ಟೆಯಲ್ಲಿ ಹಾಕಿ ಹಿಂಡಿ ಆ ರಸವನ್ನು ಒಂದು ಬೌಲ್‌ಗೆ ಹಾಕಿ.
• ಈಗ ರೋಸ್‌ವಾಟರ್, ಲೋಳೆಸರ ರಸ, ಹಾಲು, ವಿಟಮಿನ್ ಇ ಮಾತ್ರೆ ಸೇರಿಸಿ ಚೆನ್ನಾಗಿ ಮಿಶ್ರ ಮಾಡಿ.
• ನಂತರ ಇದನ್ನು ಗಾಳಿಯಾಡದ ಗಾಜಿನ ಡಬ್ಬದಲ್ಲಿ ಹಾಕಿ ಫ್ರಿಡ್ಜ್‌ನಲ್ಲಿ ಇಟ್ಟು 10-15 ದಿನ ಇಟ್ಟು ಬಳಸಬಹುದು.



ಬೀಟ್‌ರೂಟ್‌ ಸೆರಮ್‌ ಹೇಗೆ ಪರಿಣಾಮಕಾರಿ?

1. ಬೀಟ್‌ರೂಟ್‌ ತ್ವಚೆ ಹೊಳಪು ಹೆಚ್ಚಿಸುತ್ತದೆ, ಇದು ಮೊಡವೆ ನಿಯಂತ್ರಿಸುತ್ತದೆ ಹಾಗೂ ತ್ವಚೆಯಲ್ಲಿ ನೆರಿಗೆ ಬೀಳುವುದನ್ನು ತಡೆಗಟ್ಟುತ್ತದೆ.

2. ರೋಸ್‌ ವಾಟರ್ ಇದು ಅತ್ಯುತ್ತಮವಾದ ಕ್ಲೆನ್ಸರ್ ಆಗುದ್ದು ಇದು ಮುಖದಲ್ಲಿರುವ ಅಧಿಕ ಎಣ್ಣೆಯಂಶ ಉಂಟಾಗದಂತೆ ತಡೆಗಟ್ಟುತ್ತದೆ

3. ಲೋಳೆಸರ ರಸ ಮಾಯಿಶ್ಚರೈಸರ್‌ ಆಗಿ ಕಾರ್ಯ ನಿರ್ವಹಿಸುತ್ತದೆ.

4. ವಿಟಮಿನ್ ಇ ಇದು ಹಾಳಾದ ತ್ವಚೆಯನ್ನು ಸರಿಪಡಿಸುತ್ತದೆ, ಇನ್ನು ಮುಖದಲ್ಲಿ ಕಲೆಗಳು ಇದ್ದರೆ ಅದನ್ನು ಹೋಗಲಾಡಿಸುತ್ತದೆ.

5. ಹಾಲು ಮುಖದ ಬಿಳುಪು ಹೆಚ್ಚಿಸುತ್ತದೆ, ನಿಮ್ಮ ತ್ವಚೆಯನ್ನು ಮೃದುವಾಗಿಸುತ್ತದೆ.

ಸೂಚನೆ (ನಿಮ್ಮ ತ್ವಚೆ ತುಂಬಾ ಎಣ್ಣೆ-ಎಣ್ಣೆಯಾಗಿದ್ದರೆ ಹಾಲು ಹಾಕಬೇಡಿ)

ಈ ಸೆರಮ್‌ ಬಳಸುತ್ತಿದ್ದರೆ 15 ದಿನಗಳಲ್ಲಿ ನಿಮ್ಮ ತ್ವಚೆಯಲ್ಲಿ ಉಂಟಾದ ಬದಲಾವಣೆ ನಿಮ್ಮ ಗಮನಕ್ಕೆ ಬರುವುದು.