ಮೊಟ್ಟೆಯ ಸಿಪ್ಪೆ ಬಳಸಿಕೊಂಡು ತ್ವಚೆಯ ಆರೈಕೆಗೆ ಸರಳ ವಿಧಾನಗಳು

ಚರ್ಮಕ್ಕೆ ಮೊಟ್ಟೆಯ ಸಿಪ್ಪೆಯ ಲಾಭಗಳು

ಚರ್ಮದ ರಂಧ್ರಗಳನ್ನು ಶುದ್ಧೀಕರಿಸಲು ನೆರವಾಗುವುದು

ವಯಸ್ಸಾಗುವುದನ್ನು ತಡೆಯುವುದು

ಕಾಂತಿ ಮತ್ತು ಹೊಳೆಯು ತ್ವಚೆ ನೀಡುವುದು

ಕಿರಿಕಿರಿ ಉಂಟು ಮಾಡುವ ಚರ್ಮಕ್ಕೆ ಶಮನ ನೀಡುವುದು

ನೆರಿಗೆ ಮತ್ತು ಗೆರೆ ಮೂಡುವುದನ್ನು ತಡೆಯುವುದು

ಕಪ್ಪು ಕಲೆ ನಿವಾರಣೆ ಮಾಡುವುದು

ಚರ್ಮದಲ್ಲಿನ ಸ್ಥಿತಿಸ್ಥಾಪಕತ್ವ ಕಾಪಾಡುವುದು. ಮೊಟ್ಟೆಯ ಸಿಪ್ಪೆಯನ್ನು ಚರ್ಮದ ಆರೈಕೆಗೆ ಬಳಸುವುದು ಹೇಗೆ

ಮೊಟ್ಟೆಯ ಸಿಪ್ಪೆ ಮತ್ತು ಆಪಲ್ ಸೀಡರ್ ವಿನೇಗರ್ ಚರ್ಮದ ಉರಿಯೂತಕ್ಕೆ ಪರಿಹಾರ

ಆಪಲ್ ಸೀಡರ್ ವಿನೇಗರ್ ನಲ್ಲಿ ಬ್ಯಾಕ್ಟೀರಿಯಾ ವಿರೋಧಿ, ಶಿಲೀಂಧ್ರ ವಿರೋಧಿ ಮತ್ತು ವೈರಲ್ ವಿರೋಧಿ ಗುಣಗಳು ಇವೆ. ಇದು ಚರ್ಮದ ಸೋಂಕನ್ನು ತಡೆಯುವುದು ಮತ್ತು ಚರ್ಮದ ಉರಿಯೂತ ಕಡಿಮೆ ಮಾಡುವುದು.

ಬೇಕಾಗುವ ಸಾಮಗ್ರಿ

*½ ಕಪ್ ಆಪಲ್ ಸೀಡರ್ ವಿನೇಗರ್

*2 ಮೊಟ್ಟೆಯ ಸಿಪ್ಪೆ

ತಯಾರಿಸುವ ವಿಧಾನ

*ಮೊಟ್ಟೆಯ ಸಿಪ್ಪೆಯನ್ನು ಹುಡಿ ಮಾಡಿ ಮತ್ತು ಇದಕ್ಕೆ ಒಂದು ಅರ್ಧ ಪಿಂಗಾಣಿಯಷ್ಟು ಆಪಲ್ ಸೀಡರ್ ವಿನೇಗರ್ ಹಾಕಿ.

*ಇದು ಐದು ದಿನಗಳ ಕಾಲ ಹಾಗೆ ನೆನೆಯಲು ಬಿಡಿ.

*ಇದರ ಬಳಿಕ ಒಂದು ಹತ್ತಿ ಉಂಡೆಯನ್ನು ಇದರಲ್ಲಿ ಅದ್ದಿಕೊಳ್ಳಿ ಮತ್ತು ಅದನ್ನು ತ್ವಚೆಗೆ ಹಚ್ಚಿಕೊಳ್ಳಿ.

*ಕೆಲವು ನಿಮಿಷ ಕಾಲ ಹಾಗೆ ಬಿಡಿ ಮತ್ತು ಇದರ ಬಳಿಕ ತೊಳೆಯಿರಿ.

*ಉತ್ತಮ ಫಲಿತಾಂಶಕ್ಕಾಗಿ ನೀವು ವಾರದಲ್ಲಿ ಒಂದು ಅಥವಾ ಎರಡು ಸಲ ಹೀಗೆ ಮಾಡಿ.

ಮೊಟ್ಟೆಯ ಸಿಪ್ಪೆ ಮತ್ತು ಮೊಟ್ಟೆಯ ಬಿಳಿ ಭಾಗದಿಂದ ಚರ್ಮದ ರಂಧ್ರ ಕುಗ್ಗುವುದು

ಮೊಟ್ಟೆಯ ಬಿಳಿಯ ಭಾಗದಲ್ಲಿ ಸಂಕೋಚನ ಗುಣವು ಇದೆ ಮತ್ತು ಇದು ಚರ್ಮದ ರಂಧ್ರಗಳನ್ನು ಕುಗ್ಗಿಸಿ ಅದು ಬಿಗಿಯಾಗುವಂತೆ ಮಾಡುವುದು. ಇದರಿಂದಾಗಿ ಮುಖಕ್ಕೆ ಕಾಂತಿ ಹಾಗೂ ಹೊಳಪು ಬರುವುದು.

ಬೇಕಾಗುವ ಸಾಮಗ್ರಿಗಳು

*1 ಮೊಟ್ಟೆಯ ಬಿಳಿ ಭಾಗ

*1 ಮೊಟ್ಟೆಯ ಸಿಪ್ಪೆ

ತಯಾರಿಸುವ ಹಾಗು ಬಳಸುವ ವಿಧಾನ

*ಮೊಟ್ಟೆಯ ಸಿಪ್ಪೆಯನ್ನು ಸರಿಯಾಗಿ ಜಜ್ಜಿಕೊಳ್ಳಿ ಮತ್ತು ಅದು ಸರಿಯಾಗಿ ಒಣಗಲು ಬಿಡಿ.

*ಇದು ಒಣಗಿದ ಬಳಿಕ ರುಬ್ಬಿಕೊಂಡು ಹುಡಿ ಮಾಡಿ. ಇದನ್ನು ಒಂದು ಪಿಂಗಾಣಿಗೆ ಹಾಕಿ.

*ಮತ್ತೊಂದು ಮೊಟ್ಟೆ ತೆಗೆದು ಅದರಿಂದ ಹಳದಿ ಭಾಗ ಬೇರೆ ಮಾಡಿ.

*ಮೊಟ್ಟೆಯ ಸಿಪ್ಪೆಯ ಹುಡಿಯನ್ನು ಮೊಟ್ಟೆಯ ಬಿಳಿ ಭಾಗದೊಂದಿಗೆ ಸೇರಿಸಿಕೊಂಡು ಸರಿಯಾಗಿ ಎರಡನ್ನು ಮಿಶ್ರಣ ಮಾಡಿಕೊಳ್ಳಿ.

*ಮುಖದ ಮೇಲೆ ಸರಿಯಾಗಿ ಇದನ್ನು ಹಚ್ಚಿಕೊಳ್ಳಿ ಮತ್ತು ಇದು ಒಣಗಲು ಬಿಡಿ.

*ತಣ್ಣೀರಿನಿಂದ ಮುಖ ತೊಳೆಯಿರಿ.

*ಉತ್ತಮ ಫಲಿತಾಂಶ ಪಡೆಯಲು ವಾರದಲ್ಲಿ ಒಂದು ಸಲ ಇದನ್ನು ಬಳಸಿ.

ಮೊಟ್ಟೆಯ ಸಿಪ್ಪೆ ಮತ್ತು ಜೇನುತುಪ್ಪದಿಂದ ಕಪ್ಪು ಕಲೆ ಮಾಯ

ಜೇನುತುಪ್ಪವು ಸತ್ತ ಚರ್ಮವನ್ನು ತೆಗೆಯುವಲ್ಲಿ ಪ್ರಮುಖ ಪಾತ್ರ ವಹಿಸುವುದು. ಇದು ಸತ್ತ ಚರ್ಮವನ್ನು ತೆಗೆಯುವುದು ಮತ್ತು ಚರ್ಮದಲ್ಲಿ ಇರುವಂತಹ ಕಲ್ಮಶ ಮತ್ತು ವಿಷವನ್ನು ತೆಗೆಯಲು ಇದು ನೆರವಾಗುವುದು. ಇದು ಚರ್ಮಕ್ಕೆ ನೈಸರ್ಗಿಕ ಕಾಂತಿ ನೀಡುವುದು ಮತ್ತು ಕಪ್ಪು ಕಲೆಗಳು ಅದಾಗಿಯೇ ಮಾಯವಾಗಲು ಇದು ನೆರವಾಗುವುದು.

ಬೇಕಾಗುವ ಸಾಮಗ್ರಿಗಳು

*ಒಂದು ಮೊಟ್ಟೆಯ ಸಿಪ್ಪೆ

*2 ಚಮಚ ಜೇನುತುಪ್ಪ

ತಯಾರಿಸಿಕೊಳ್ಳುವ ವಿಧಾನ

*ಮೊಟ್ಟೆಯ ಸಿಪ್ಪೆಯ ಹುಡಿ ಮತ್ತು ಜೇನುತುಪ್ಪವನ್ನು ಸರಿಯಾಗಿ ಪಿಂಗಾಣಿಯಲ್ಲಿ ಮಿಶ್ರಣ ಮಾಡಿಕೊಳ್ಳಿ.

*ಇದನ್ನು ಮುಖಕ್ಕೆ ಸಂಪೂರ್ಣವಾಗಿ ಹಚ್ಚಿಕೊಂಡು ಒಣಗಲು ಬಿಡಿ.

*ತಣ್ಣೀರಿನಿಂದ ಮುಖ ತೊಳೆಯಿರಿ.

*ವಾರದಲ್ಲಿ ಒಂದು ಸಲ ಬಳಸಿದರೆ ಉತ್ತಮ ಫಲಿತಾಂಶ ಸಿಗುವುದು.

ಮೊಟ್ಟೆಯ ಸಿಪ್ಪೆ ಮತ್ತು ಸಕ್ಕರೆಯಿಂದ ಸತ್ತ ಚರ್ಮದ ಕೋಶ ತೆಗೆಯುವುದು

ಸಕ್ಕರೆಯು ಚರ್ಮದಲ್ಲಿ ಮೊಶ್ಚಿರೈಸ್ ಆಗಿ ಇಡುವಂತೆ ಮಾಡುವುದು. ಚರ್ಮದಲ್ಲಿ ಇರುವಂತಹ ಸತ್ತ ಚರ್ಮದ ಕೋಶಗಳನ್ನು ಇದು ತೆಗೆಯುವುದು.

ಬೇಕಾಗುವ ಸಾಮಗ್ರಿಗಳು

*1 ಮೊಟ್ಟೆಯ ಸಿಪ್ಪೆ

*2 ಚಮಚ ಸಕ್ಕರೆ

ತಯಾರಿಸುವ ಹಾಗೂ ಬಳಸುವ ವಿಧಾನ

*ಮೊಟ್ಟೆಯ ಸಿಪ್ಪೆಯ ಹುಡಿ ಮತ್ತು ಜೇನುತುಪ್ಪವನ್ನು ಪಿಂಗಾಣಿಯಲ್ಲಿ ಸರಿಯಾಗಿ ಮಿಶ್ರಣ ಮಾಡಿಕೊಳ್ಳಿ.

*ಈ ಮಿಶ್ರಣದಿಂದ ಮುಖಕ್ಕೆ ಸರಿಯಾಗಿ 3-5 ನಿಮಿಷ ಕಾಲ ಸ್ಕ್ರಬ್ ಮಾಡಿಕೊಳ್ಳಿ ಮತ್ತು 10 ನಿಮಿಷ ಕಾಲ ಹಾಗೆ ಬಿಡಿ.

*ತಣ್ಣೀರಿನಿಂದ ಇದನ್ನು ತೊಳೆಯಿರಿ.

*ಉತ್ತಮ ಫಲಿತಾಂಶಕ್ಕಾಗಿ ವಾರದಲ್ಲಿ ಒಂದು ಸಲ ಇದನ್ನು ನೀವು ಪ್ರಯೋಗಿಸಿ ನೋಡಿ.

ಮೊಟ್ಟೆಯ ಸಿಪ್ಪೆ ಮತ್ತು ಬೆಲ್ಲದಿಂದ ಚರ್ಮದ ಸ್ಥಿತಿಸ್ಥಾಪಕತ್ವ ಕಾಪಾಡುವುದು

ಬೆಲ್ಲವು ಹಲವಾರು ರಿತಿಯ ಚರ್ಮದ ಸಮಸ್ಯೆಗಳನ್ನು ನಿವಾರಿಸುವುದು ಮತ್ತು ತಡೆಯುವುದು. ಇದರಲ್ಲಿ ಮುಖ್ಯವಾಗಿ ಮೊಡವೆ ಹಾಗೂ ಬೊಕ್ಕೆಗಳ ನಿವಾರಣೆ ಮಾಡುವುದು ಹಾಗೂ ಬರದಂತೆ ತಡೆಯುವುದು ಮತ್ತು ಚರ್ಮಕ್ಕೆ ಪೋಷಣೆ ನೀಡುವುದು. ಚರ್ಮದ ಸ್ಥಿತಿಸ್ಥಾಪಕತ್ವವನ್ನು ಇದು ಕಾಪಾಡುವುದು.

ಬೇಕಾಗುವ ಸಾಮಗ್ರಿಗಳು

*ಒಂದು ಮೊಟ್ಟೆಯ ಸಿಪ್ಪೆ

*ಒಂದು ಚಮಚ ಬೆಲ್ಲದ ಹುಡಿ

ಬಳಸುವ ವಿಧಾನ

*ಮೊಟ್ಟೆಯ ಸಿಪ್ಪೆಯನ್ನು ಹುಡಿ ಮಾಡಿ ಮತ್ತು ಇದು ಸಂಪೂರ್ಣವಾಗಿ ಒಣಗಲು ಬಿಡಿ.

*ಇದನ್ನು ರುಬ್ಬಿಕೊಂಡು ಮೆತ್ತಗಿನ ಹುಡಿ ಮಾಡಿ ಮತ್ತು ಒಂದು ಪಿಂಗಾಣಿಗೆ ಹಾಕಿ.

*ಇದಕ್ಕೆ ಸ್ವಲ್ಪ ಬೆಲ್ಲದ ಹುಡಿ ಹಾಕಿ.

*ಈ ಮಿಶ್ರಣವನ್ನು ಸಂಪೂರ್ಣವಾಗಿ ಮುಖಕ್ಕೆ ಹಚ್ಚಿಕೊಳ್ಳಿ ಮತ್ತು 20 ನಿಮಿಷ ಕಾಲ ಹಾಗೆ ಒಣಗಲು ಬಿಡಿ.

*ತಣ್ಣೀರಿನಿಂದ ಮುಖ ತೊಳೆಯಿರಿ. ಉತ್ತಮ ಫಲಿತಾಂಶಕ್ಕಾಗಿ ವಾರದಲ್ಲಿ ಒಂದು ಸಲ ಬಳಸಿ.