ಮಾವಿನ ಹಣ್ಣಿನ ಪಲ್ಪ್‌‌ ಫೇಸ್ ಪ್ಯಾಕ್- ಮನೆಯಲ್ಲಿಯೇ ಸರಳವಾಗಿ ಮಾಡಿ ನೋಡಿ

ಓಟ್ ಮೀಲ್ ಮತ್ತು ಮಾವಿನ ಹಣ್ಣಿನ ಫೇಸ್ ಪ್ಯಾಕ್

ಈ ಫೇಸ್ ಪ್ಯಾಕ್ ಗಟ್ಟಿಯಾದ ಚರ್ಮದ ಅಂಶವನ್ನು ಕಡಿಮೆ ಮಾಡಿ ಚರ್ಮ ನುಣುಪಾಗುವಂತೆ ಮಾಡುತ್ತದೆ . ಮಾವಿನ ಹಣ್ಣು ಚರ್ಮಕ್ಕೆ ಅಗತ್ಯ ಪೋಷಕಾಂಶಗಳನ್ನು ಹಿಂದಿರುಗಿಸಿ ಕೊಟ್ಟರೆ ಓಟ್ ಮೀಲ್ ಮತ್ತು ಬಾದಾಮಿ ಬೀಜಗಳು ನೈಸರ್ಗಿಕ ಸ್ಕ್ರಬ್ಬಿಂಗ್ ಏಜೆಂಟ್ ಗಳ ಹಾಗೆ ಕೆಲಸಮಾಡುತ್ತವೆ. ಈ ಫೇಸ್ ಪ್ಯಾಕ್ ಅನ್ನು ತಯಾರಿಸಲು ಬೇಕಿರುವ ವಸ್ತುಗಳು:

*1 ಮಾವಿನ ಹಣ್ಣು

*7 - 8 ಬಾದಾಮಿ ಬೀಜಗಳು .

*3 ಟೀ ಚಮಚ ಓಟ್ ಮೀಲ್ .

*2 ಚಮಚದಷ್ಟು ಹಸಿ ಹಾಲು .

ತಯಾರಿಸುವ ವಿಧಾನ

*ಮಾವಿನ ಹಣ್ಣಿನ ತಿರುಳನ್ನು ಸಿಪ್ಪೆಯಿಂದ ಬೇರೆ ಮಾಡಿ ಮತ್ತು ಅದನ್ನು ಹಾಲಿನೊಂದಿಗೆ ಚೆನ್ನಾಗಿ ಬ್ಲೆಂಡ್ ಮಾಡಿ .

*ಈ ಮಿಶ್ರಣಕ್ಕೆ ಓಟ್ ಮೀಲ್ ಮತ್ತು ಬಾದಾಮಿ ಪುಡಿಯನ್ನು ಹಾಕಿ ನಯವಾಗಿ ಕಲಸಿ .

*ಈ ತೆಳುವಾದ ಫೇಸ್ ಪ್ಯಾಕ್ ಅನ್ನು ಮುಖಕ್ಕೆ ಹಚ್ಚಿ . 15 ನಿಮಿಷ ಬಿಟ್ಟು ಫೇಸ್ ಪ್ಯಾಕ್ ಅನ್ನು ಚೆನ್ನಾಗಿ ಉಜ್ಜಿ .

* ನಂತರ ಶುದ್ಧವಾದ ನೀರಿನಲ್ಲಿ ಮುಖ ತೊಳೆದುಕೊಳ್ಳಿ .

ಮಾವು ಮತ್ತು ಜೇನು ತುಪ್ಪದ ಫೇಸ್ ಪ್ಯಾಕ್

ಈ ರೀತಿಯ ಫೇಸ್ ಪ್ಯಾಕ್ ಮುಖದಲ್ಲಿ ಮೊಡವೆ ಹೊಂದಿರು ವವರಿಗೆ ಬಹಳ ಸೂಕ್ತವಾದ ಫೇಸ್ ಪ್ಯಾಕ್ . ಏಕೆಂದರೆ ಈ ಮಿಶ್ರಣದಲ್ಲಿ ಆಂಟಿ ಆಕ್ಸಿಡಾಂಟ್ ಇರುವುದರಿಂದ ಮುಖದ ಮೇಲಿನ ಮೊಡವೆಗಳನ್ನು ನಿವಾರಿಸಿ ಮುಖದ ಚರ್ಮ ನುಣುಪಾಗಿ ಕಾಂತಿಯುಕ್ತವಾಗುವಂತೆ ಮಾಡುತ್ತದೆ . ಫೇಸ್ ಪ್ಯಾಕ್ ಮಾಡಲು ಬೇಕಿರುವ ಸಾಮಗ್ರಿಗಳು

* 1/2 ಕಪ್ ಮಾವಿನ ಹಣ್ಣಿನ ತಿರುಳು .

* 1 ಚಮಚ ಜೇನು ತುಪ್ಪ.

* 1 ಚಮಚ ನಿಂಬೆ ರಸ.

ಮಾಡುವ ವಿಧಾನ

* ಮಾವಿನ ಹಣ್ಣನ್ನು ಜೇನು ತುಪ್ಪ ಮತ್ತು ನಿಂಬೆ ರಸದೊಂದಿಗೆ ಚೆನ್ನಾಗಿ ಕಲಸಿ .

* ಮುಖವನ್ನು ಚೆನ್ನಾಗಿ ತೊಳೆದು ಈ ಫೇಸ್ ಪ್ಯಾಕ್ ಅನ್ನು ಮುಖದ ಮೇಲೆ ತೆಳುವಾಗಿ ಹಚ್ಚಿ.

* 20 ನಿಮಿಷಗಳ ನಂತರ ಫೇಸ್ ಪ್ಯಾಕ್ ತೆಗೆದು ಮುಖ ಗಾಳಿಗೆ ಆರಲು ಬಿಡಿ.

ಫುಲ್ಲರ್ಸ್ ಅರ್ಥ್ ಮತ್ತು ಮಾವಿನ ಹಣ್ಣಿನ ಫೇಸ್ ಪ್ಯಾಕ್

ಮುಖ ಬೇಸಿಗೆಯಲ್ಲಿ ಕಾಂತಿ ಕಳೆದುಕೊಂಡು ಅಲ್ಲಲ್ಲಿ ಮಚ್ಚೆಗಳನ್ನು ಹೊಂದಿ ಒಣಗಿದ ಮತ್ತು ಸುಕ್ಕು ಗಟ್ಟಿದ ಚರ್ಮದಂತಾಗುತ್ತದೆ.ಅಂತಹ ಚರ್ಮಕ್ಕೆ ಮತ್ತೆ ಅದರ ಕಾಂತಿಯನ್ನು ಮರಳಿಸಲು ಮತ್ತು ಚರ್ಮ ಯಾವಾಗಲೂ ಹಸಿಯಾಗಿರಲು ಈ ಮಾವಿನ ಹಣ್ಣಿನ ಮತ್ತು ಮುಲ್ತಾನಿ ಮಿಟ್ಟಿ ಯ ಫೇಸ್ ಪ್ಯಾಕ್ ಬಹಳ ಉಪಯುಕ್ತ .

ತಯಾರು ಮಾಡಲು ಬೇಕಿರುವ ವಸ್ತುಗಳು.

* 1 ಮಾವಿನ ಹಣ್ಣು

* 3 ಟೀ ಚಮಚದಷ್ಟು ಫುಲ್ಲರ್'ಸ್ ಅರ್ಥ್ (ಮುಲ್ತಾನಿ ಮಿಟ್ಟಿ ) .

* 2 ಚಮಚ ನೀರು

* 1 ಚಮಚ ಗಟ್ಟಿ ಮೊಸರು.

ತಯಾರು ಮಾಡುವ ಮತ್ತು ಬಳಸುವ ವಿಧಾನ

* ಮಾವಿನ ಹಣ್ಣನ್ನು ಮೊಸರಿನ ಜೊತೆ ರುಬ್ಬಿಕೊಳ್ಳಿ .

* ಮುಲ್ತಾನಿ ಮಿಟ್ಟಿಯನ್ನು ಹಾಕಿ ನೀರಿನಲ್ಲಿ ಒಳ್ಳೆಯ ಹದಕ್ಕೆ ಬರುವ ಹಾಗೆ ಚೆನ್ನಾಗಿ ಕಲಸಿ.

* ಮುಖದ ಮೇಲೆ ಈ ಫೇಸ್ ಪ್ಯಾಕ್ ಹಚ್ಚಿ. 20 ನಿಮಿಷದ ನಂತರ ಮುಖವನ್ನು ಚೆನ್ನಾಗಿ ತೊಳೆಯಿರಿ.

ಕಡಲೆ ಹಿಟ್ಟು ಮತ್ತು ಮಾವಿನ ಹಣ್ಣಿನ ಫೇಸ್ ಪ್ಯಾಕ್

ಸಾಮಾನ್ಯವಾಗಿ ಮುಖ ಬೇಸಿಗೆ ಬಿಸಿಲಿಗೆ ಕಪ್ಪಾದಂತೆ ಕಾಣುತ್ತದೆ . ಅಂತಹವರಿಗೆ ಹೇಳಿ ಮಾಡಿಸಿದ ಫೇಸ್ ಪ್ಯಾಕ್ ಇದು. ಜೇನು

ತುಪ್ಪದಲ್ಲಿ ಆಂಟಿ ಆಕ್ಸಿಡಾಂಟ್ ಇರುವುದರಿಂದ ಮತ್ತು ಇತರೆ ವಸ್ತುಗಳಲ್ಲಿ ಚರ್ಮಕ್ಕೆ ಬೇಕಾದ ಅಗತ್ಯ ಪೋಷಕಾಂಶಗಳಿರುವುದರಿಂದ ಈ ಫೇಸ್ ಪ್ಯಾಕ್ ಇಂದಿಗೂ ತನ್ನ ಹಿರಿಮೆಯನ್ನು ಉಳಿಸಿಕೊಂಡಿದೆ .

ತಯಾರಿಸುವ ವಸ್ತುಗಳು ಏನೇನು ಬೇಕು :

* 1 ಮಾವಿನ ಹಣ್ಣು

* 4 ಟೀ ಚಮಚ ಕಡಲೆ ಹಿಟ್ಟು

* 1 ವಾಲ್ ನಟ್

* 1 ಟೀ ಚಮಚ ಜೇನು ತುಪ್ಪ

ತಯಾರಿಸುವ ವಿಧಾನ

* ಮಾವು ಮತ್ತು ಜೇನು ತುಪ್ಪದ ಪ್ಯೂರೀ ತಯಾರಿಸಿಕೊಳ್ಳಿ .

* ಅದಕ್ಕೆ ಕಡಲೆ ಹಿಟ್ಟು ಮತ್ತು ವಾಲ್ ನಟ್ ಪುಡಿಯನ್ನು ಹಾಕಿ ಮಿಶ್ರ ಮಾಡಿ

* ಈ ರೀತಿ ತಯಾರು ಮಾಡಿಕೊಂಡ ಮಿಶ್ರಣವನ್ನು ಮುಖದ ಮೇಲೆ ಹಚ್ಚಿ. 15 ನಿಮಿಷದ ನಂತರ ಒಂದು ಬಟ್ಟೆ ತೆಗೆದುಕೊಂಡು ಒರೆಸಿ .

* ನಂತರ ತಣ್ಣನೆಯ ನೀರಿನಲ್ಲಿ ಮುಖ ತೊಳೆಯಿರಿ.

ಆವಕಾಡೊ ಮತ್ತು ಮಾವಿನ ಹಣ್ಣಿನ ಫೇಸ್ ಪ್ಯಾಕ್

ಕೆಲವರು ವಯಸ್ಸಿನಲ್ಲಿ ಚಿಕ್ಕವರಿದ್ದರೂ ಅವರ ಮುಖ ನೋಡಿದರೆ ವಯಸ್ಸಾದಂತೆ ಕಾಣುತ್ತಾರೆ. ಅಂತಹವರಿಗೆ ಈ ಫೇಸ್ ಪ್ಯಾಕ್ ಸಹಾಯ ಮಾಡುತ್ತದೆ. ಈ ಫೇಸ್ ಪ್ಯಾಕ್ ನಲ್ಲಿ ಫೈಟೋ ಕೆಮಿಕಲ್ ಗಳು ಮತ್ತು ಆಂಟಿ ಆಕ್ಸಿಡಾಂಟ್ ಗಳಿರುವುದರಿಂದ ಚರ್ಮವನ್ನು ಒಳಗಿನಿಂದಲೇ ತೇವವಾಗಿರುವಂತೆ ಮಾಡುತ್ತದೆ . ಮುಖದ ಮೇಲೆ ಕೂದಲು ಬೆಳೆಯುವುದನ್ನು ಸಹ ಈ ಫೇಸ್ ಪ್ಯಾಕ್ ತಡೆಯುತ್ತದೆ . ತಯಾರಿಸಲು ಯಾವ ವಸ್ತುಗಳು ಎಷ್ಟು ಪ್ರಮಾಣದಲ್ಲಿ ಬೇಕಾಗುತ್ತವೆ :

* 1 ಟೀ ಚಮಚ ಮಾವಿನ ತಿರುಳು .

* 2 ಟೀ ಚಮಚ ಅವಕಾಡೊ ಪ್ಯೂರೀ .

* 1 ಟೀ ಚಮಚ ಶುದ್ಧವಾದ ತೆಂಗಿನ ಎಣ್ಣೆ .

ಹೇಗೆ ತಯಾರಿಸುವುದು ?

* ಅವಕ್ಯಾಡೊ ಪ್ಯೂರಿಯನ್ನು ಮತ್ತು ಮಾವಿನ ಹಣ್ಣಿನ ತಿರುಳನ್ನು ಚೆನ್ನಾಗಿ ಕಲಸಿ.

* ಈ ರೀತಿ ಮಾಡಿದ ಮಿಶ್ರಣಕ್ಕೆ ತೆಂಗಿನ ಎಣ್ಣೆ ಹಾಕಿ ಮತ್ತೆ ಮಿಶ್ರ ಮಾಡಿ.

* ಶುದ್ಧವಾಗಿ ತೊಳೆದ ಮುಖದ ಮೇಲೆ ವೃತ್ತಾಕಾರವಾಗಿ ಈ ಫೇಸ್ ಪ್ಯಾಕ್ ಅನ್ನು ಮಸಾಜ್ ಮಾಡಿ .

* ಸುಮಾರು 15 - 20 ನಿಮಿಷಗಳ ನಂತರ ಮುಖವನ್ನು ತಣ್ಣೀರಿನಿಂದ ತೊಳೆಯಿರಿ.