ತ್ವಚೆಯ ಕಾಂತಿಯನ್ನು ಹೆಚ್ಚಿಸಲು ನಾಲ್ಕು ಚಾಕಲೇಟ್‌ ಫೇಸ್ ಮಾಸ್ಕ್‌ಗಳು

ಲಷ್ ಚಾಕಲೇಟ್

ಈ ಫೇಸ್ ಮಾಸ್ಕ್ ತ್ವಚೆಯಲ್ಲಿ ಇರುವಂತಹ ಎಣ್ಣೆಯಂಶ ಮತ್ತು ಮೊಡವೆ ನಿವಾರಣೆ ಮಾಡುವುದು. ಚಾಕಲೇಟ್ ಮತ್ತು ಜೇನುತುಪ್ಪವು ಹಲವಾರು ರೀತಿಯ ಆಂಟಿಆಕ್ಸಿಡೆಂಟ್ ಗಳನ್ನು ಒಳಗೊಂಡಿದೆ. ಇದು ಮೊಡವೆ ಉಂಟು ಮಾಡುವಂತಹ ಬ್ಯಾಕ್ಟೀರಿಯಾಗಳನ್ನು ಕೊಲ್ಲುವುದು ಮತ್ತು ಚರ್ಮವು ಒಣಗದಂತೆ ಕಾಪಾಡುವುದು. ಇದರಿಂದ ಚರ್ಮವು ತುಂಬಾ ಸುಂದರ ಹಾಗು ನಯವಾಗಿ ಇರುವುದು. ಈ ಫೇಸ್ ಮಾಸ್ಕ್ ನ್ನು ವಾರದಲ್ಲಿ ಎರಡು ಸಲ ಬಳಕೆ ಮಾಡಿ.

ನಿಮಗೆ ಏನು ಬೇಕು?

•ಒಂದು ಚಮಚ ಕೋಕಾ ಹುಡಿ

•ಒಂದು ಚಿಟಿಕೆ ದಾಲ್ಚಿನ್ನಿ

•ಒಂದು ಚಮಚ ಜೇನುತುಪ್ಪ

ವಿಧಾನ

•ಒಂದು ಪಿಂಗಾಣಿ ತೆಗೆದುಕೊಂಡು ಅದಕ್ಕೆ ಕೋಕಾ ಹುಡಿ, ಜೇನುತುಪ್ಪ ಮತ್ತು ದಾಲ್ಚಿನಿ ಹಾಕಿ.

•ಇದರ ಪೇಸ್ಟ್ ಮಾಡಿ ಮತ್ತು ಆ ಪೇಸ್ಟ್ ತುಂಬಾ ದಪ್ಪಗಿದ್ದರೆ ಆಗ ಅದಕ್ಕೆ ಜೇನುತುಪ್ಪ ಹಾಕಿ.

•ಇದನ್ನು ಮುಖ ಹಾಗೂ ಕುತ್ತಿಗೆಗೆ ಹಚ್ಚಿಕೊಳ್ಳಿ.

•20-30 ನಿಮಿಷ ಕಾಲ ಹಾಗೆ ಬಿಡಿ ಮತ್ತು ಬಳಿಕ ತೊಳೆಯಿರಿ.

ಡಾರ್ಕ್ ಚಾಕಲೇಟ್ ಫೇಸ್ ಮಾಸ್ಕ್

ಆಂಟಿ ಆಕ್ಸಿಡೆಂಟ್ ಗಳಿಂದ ಸಮೃದ್ಧವಾಗಿರುವಂತಹ ಚಾಕಲೇಟ್ ಫೇಸ್ ಮಾಸ್ಕ್ ಚರ್ಮಕ್ಕೆ ಪೋಷಣೆ ನೀಡುವುದು ಮತ್ತು ಹಾನಿಕಾರಕ ಫ್ರೀ ರ್ಯಾಡಿಕಲ್ ನಿಂದ ಇದು ರಕ್ಷಣೆ ನೀಡುವುದು. ಇದರಿಂದ ಚರ್ಮವು ಕಾಂತಿಯುತವಾಗುವುದು. ವಾರದಲ್ಲಿ ಎರಡು ಸಲ ಇದನ್ನು ನೀವು ಬಳಸಿಕೊಳ್ಳಿ.

ನಿಮಗೆ ಏನು ಬೇಕು?

2 ತುಂಡು ಡಾರ್ಕ್ ಚಾಕಲೇಟ್

2/3 ಕಪ್ ಹಾಲು

1 ಚಮಚ ಸಮುದ್ರ ಉಪ್ಪು

ಮೂರು ಚಮಚ ಬ್ರೌನ್ ಶುಗರ್

ವಿಧಾನ

•ಪಿಂಗಾಣಿಯಲ್ಲಿ ಸ್ವಲ್ಪ ಬಿಸಿ ನೀರು ಹಾಕಿಕೊಂಡು ಚಾಕಲೇಟ್ ನ್ನು ಕರಗಿಸಿ.

•ಇದಕ್ಕೆ ನೀವು ಉಪ್ಪು, ಬೆಲ್ಲ ಮತ್ತು ಹಾಲು ಹಾಕಿ.

•ಚೆನ್ನಾಗಿ ಕಲಸಿ

•ಇದು ತಣ್ಣಗಾದ ಬಳಿಕ ಮುಖ ಹಾಗೂ ಕುತ್ತಿಗೆಗೆ ಹಚ್ಚಿಕೊಳ್ಳಿ.

•15-20 ನಿಮಿಷ ಕಾಲ ಹಾಗೆ ಬಿಡಿ ಮತ್ತು ಬಳಿಕ ಮುಖ ತೊಳೆಯಿರಿ.

ಚಾಕಲೇಟ್ ಮತ್ತು ಮುಲ್ತಾನಿ ಮಿಟ್ಟಿ ಫೇಸ್ ಮಾಸ್ಕ್

ಲಿಂಬೆ ಮತ್ತು ಮೊಸರು ಚರ್ಮವನ್ನು ಬಿಳಿಯಾಗಿಸುವುದು ಮತ್ತು ಚರ್ಮದ ರಂಧ್ರಗಳನ್ನು ತೆರೆಯುವುದು. ಕೋಕಾ ಹುಡಿಯು ಉನ್ನತ ಮಟ್ಟದ ಆಂಟಿ ಆಕ್ಸಿಡೆಂಟ್ ಗಳನ್ನು ಹೊಂದಿದೆ ಮತ್ತು ತೆಂಗಿನೆಣ್ಣೆ ಮತ್ತು ಮಣ್ಣಿನಿಂದ ಚರ್ಮವು ಪುನರ್ಶ್ಚೇತನ ಪಡೆದುಕೊಳ್ಳುವುದು. ಇದನ್ನು ವಾರದಲ್ಲಿ ಎರಡು ಸಲ ಬಳಸಿಕೊಳ್ಳಿ.

ನಿಮಗೆ ಏನು ಬೇಕು?

¼ ಕಪ್ ಕೋಕಾ ಹುಡಿ

2 ಚಮಚ ಮುಲ್ತಾನಿ ಮಿಟ್ಟಿ

2 ಚಮಚ ಮೊಸರು

1 ಚಮಚ ಲಿಂಬೆರಸ

1 ಚಮಚ ತೆಂಗಿನೆಣ್ಣೆ

ವಿಧಾನ

•ಎಲ್ಲಾ ಸಾಮಗ್ರಿಗಳನ್ನು ಸರಿಯಾಗಿ ಮಿಶ್ರಣ ಮಾಡಿಕೊಳ್ಳಿ.

•ಇದನ್ನು ಮುಖ ಹಾಗೂ ಕುತ್ತಿಗೆಗೆ ಹಚ್ಚಿಕೊಳ್ಳಿ.

•15-20 ನಿಮಿಷ ಕಾಲ ಇದು ಹಾಗೆ ಇರಲಿ.

•ಬಳಿಕ ತಣ್ಣಗಿನ ನೀರಿನಿಂದ ಮುಖ ತೊಳೆಯಿರಿ.

ಟೋನರ್ ಆಗಿ ಕೆಲಸ ಮಾಡುವ ಚಾಕಲೇಟ್ ಫೇಸ್ ಮಾಸ್ಕ್

ಹಣ್ಣುಗಳನ್ನು ಒಳಗೊಂಡಿರುವಂತಹ ಫೇಸ್ ಮಾಸ್ಕ್ ಅದ್ಭುತವಾಗಿ ತ್ವಚೆಗೆ ತೇವಾಂಶ ನೀಡುವುದು. ಇದು ಚರ್ಮಕ್ಕೆ ಮೊಶ್ಚಿರೈಸ್ ಮಾಡುವುದು ಮತ್ತು ಆರೋಗ್ಯವಾಗಿ ಇಡುವುದು. ಈ ಫೇಸ್ ಮಾಸ್ಕ್ ಬೇಸಿಗೆ ಸಮಯದಲ್ಲಿ ತುಂಬಾ ಲಾಭಕಾರಿಯಾಗಿದೆ. ಇದು ಚರ್ಮವನ್ನು ತುಂಬಾ ಶಾಂತವಾಗಿಸುವುದು. ಇದನ್ನು ವಾರದಲ್ಲಿ ಎರಡು ಸಲ ಬಳಸಿಕೊಳ್ಳಬೇಕು.

ನಿಮಗೆ ಏನು ಬೇಕು?

ಕರಗಿಸಿಕೊಂಡ ಚಾಕಲೇಟ್(50 ಗ್ರಾಂ)

ಒಂದು ಬಾಳೆಹಣ್ಣು

ಒಂದು ಕಪ್ ಸ್ಟ್ರಾಬೆರಿ

ಒಂದು ಕಪ್ ಕಲ್ಲಂಗಡಿ

ವಿಧಾನ

•ಹಣ್ಣುಗಳನ್ನು ರುಬ್ಬಿಕೊಳ್ಳಿ ಮತ್ತು ಅದಕ್ಕೆ ಚಾಕಲೇಟ್ ಹಾಕಿ.

•ಈ ಫೇಸ್ ಮಾಸ್ಕ್ ನ್ನು ಮುಖಕ್ಕೆ ಹಚ್ಚಿಕೊಳ್ಳಿ.

•20ನಿಮಿಷ ಕಾಲ ಹಾಗೆ ಬಿಡಿ.

•ಇದರ ಬಳಿಕ ಬಿಸಿ ನೀರಿನಲ್ಲಿ ತೊಳೆಯಿರಿ.