ಬ್ಯೂಟಿ ಟಿಪ್ಸ್: ತಾಜಾ ಹಾಲಿನ ಫೇಶಿಯಲ್-ಮನೆಯಲ್ಲೇ ಮಾಡಿ ನೋಡಿ

ಹಂತ 1: ಸ್ವಚ್ಛಗೊಳಿಸುವುದು (Cleansing)

ಅಗತ್ಯವಿರುವ ಸಾಮಾಗ್ರಿಗಳು

*1 ದೊಡ್ಡ ಚಮಚ ಹಸಿ ಹಾಲು

*1 ದೊಡ್ಡ ಚಮಚ ಲಿಂಬೆರಸ

Most Read: ಮಳೆಗಾಲದಲ್ಲಿ ಕಾಡುವ ಕೆಮ್ಮಿಗೆ ಪವರ್ ಫುಲ್ ಮನೆಮದ್ದುಗಳು

ಅನುಸರಿಸಬೇಕಾದ ವಿಧಾನ

*ಮೊದಲಿಗೆ ತ್ವಚೆಯ ಹೊರಭಾಗವನ್ನು ಕಲ್ಮಶಗಳಿಲ್ಲದಂತೆ ಸ್ವಚ್ಛಗೊಳಿಸಬೇಕಾಗುತ್ತದೆ. ಈ ಮೂಲಕ ತ್ವಚೆಯಲ್ಲಿ ಎದುರಾಗಿದ್ದ ಕೆಲಗಳು, ಕಪ್ಪು ವರ್ತುಲಗಳು ಮೊದಲಾದವುಗಳನ್ನು ನಿವಾರಿಸುವುದು ಸುಲಭಸಾಧ್ಯವಾಗುತ್ತದೆ.

*ಹಾಲು ಮತ್ತು ಈಗತಾನೇ ಹಿಂಡಿದ ಲಿಂಬೆರಸವನ್ನು ಬೆರೆಸಿ ತಕ್ಷಣವೇ ಈಗತಾನೇ ತಣ್ಣೀರಿನಿಂದ ತೊಳೆದುಕೊಂಡ ಮುಖಕ್ಕೆ ಹಚ್ಚಿಕೊಳ್ಳಿ ಹಾಗೂ ವೃತ್ತಾಕಾರದಲ್ಲಿ ಬೆರಳುಗಳ ತುದಿಯಿಂದ ಸುಮಾರು ಎರಡರಿಂದ ಮೂರು ನಿಮಿಷ ಕಾಲ ನಯವಾಗಿ ಮಸಾಜ್ ಮಾಡಿ.

*ಬಳಿಕ ಕಣ್ಣುಗಳನ್ನು ಮುಚ್ಚಿಕೊಂಡು ಸುಮಾರು ಹತ್ತು ಹದಿನೈದು ನಿಮಿಷ ಹಾಗೇ ಬಿಡಿ. ಬಳಿಕ ತಣ್ಣೀರಿನಿಂದ ತೊಳೆದುಕೊಳ್ಳಿ.

Most Read: 'ಎ' ಅಕ್ಷರದಿಂದ ಆರಂಭವಾಗುವ ಹೆಸರಿನವರ ನಡವಳಿಕೆ ಹೀಗಿರುತ್ತದೆ ನೋಡಿ...

ಹಂತ : ಸತ್ತ ಜೀವಕೋಶ ನಿವಾರಣೆ (Scrubbing)

ಅಗತ್ಯವಿರುವ ಸಾಮಾಗ್ರಿಗಳು

*2 ದೊಡ್ಡ ಚಮಚ ಹಸಿ ಹಾಲು

*1 ದೊಡ್ಡ ಚಮಚ ಕೆಂಪು ಬೇಳೆಯ ಪುಡಿ (red lentil powder)

ಅನುಸರಿಸಬೇಕಾದ ವಿಧಾನ:

*ಈ ವಿಧಾನದಿಂದ ತ್ವಚೆಯ ಹೊರಪದರದಲ್ಲಿ ಅಂಟಿಕೊಂಡಿದ್ದ ಸತ್ತ ಜೀವಕೋಶಗಳು ಸಡಿಲಗೊಂಡು ಸುಲಭವಾಗಿ ಕಳಚಿಕೊಳ್ಳುತ್ತವೆ. ಈ ಜೀವಕೋಶಗಳ ಇರುವಿಕೆಯಿಂದ ತ್ವಚೆ ಕಳಾಹೀನವಾಗಿ ಕಾಣಿಸಿವುದು ಮಾತ್ರವಲ್ಲ ಸೂಕ್ಷ್ಮರಂಧ್ರಗಳನ್ನೂ ಇವು ಮುಚ್ಚಿಬಿಡುವುದರಿಂದ ತ್ವಚೆ ಉಸಿರಾಡಲೂ ಸಾಧ್ಯವಾಗುವುದಿಲ್ಲ. ಹಾಗಾಗಿ ನಿಯಮಿತವಾಗಿ ಈ ಪದರವನ್ನು ನಿವಾರಿಸುತ್ತಾ ಇರುವ ಮೂಲಕ ಆರೋಗ್ಯಕರ ಮತ್ತು ಕಾಂತಿಯುಕ್ತ ತ್ವಚೆಯನ್ನು ಪಡೆಯಬಹುದು.

*ಎರಡೂ ಸಾಮಾಗ್ರಿಗಳನ್ನು ಚೆನ್ನಾಗಿ ಬೆರೆಸಿ ನುಣ್ಣನೆಯ ಲೇಪನ ತಯಾರಿಸಿ. ಈ ಲೇಪನವನ್ನು ತ್ವಚೆಯ ಮೇಲೆ, ವಿಶೇಷವಾಗಿ ಹಣೆಯ ನಡುವಿನಿಂದ ಗದ್ದದ ಎರಡೂ ಅಂಚುಗಳವರೆಗಿನ ('T' zone) ಭಾಗದಲ್ಲಿ ಕೊಂಚವೇ ಒತ್ತಡದಿಂದ ಬೆರಳುಗಳ ತುದಿಗಳನ್ನು ಬಳಸಿ ಮಸಾಜ್ ಮಾಡಿ. ಬಳಿಕ ಸುಮಾರು ಐದು ನಿಮಿಷ ಹಾಗೇ ಬಿಟ್ಟು ತಣ್ಣೀರಿನಿಂದ ತೊಳೆದುಕೊಳ್ಳಿ.

Most Read: ಅಂಗೈಯಲ್ಲಿ ತ್ರಿಕೋನವಿದ್ದರೆ ಅವರ ಅದೃಷ್ಟವೇ ಬದಲಾಗಲಿದೆ!

ಹಂತ 3: ಮುಖಲೇಪ (Face Pack)

ಅಗತ್ಯವಿರುವ ಸಾಮಾಗ್ರಿಗಳು:

*1 ಚಿಕ್ಕಚಮಚ ಹಸಿ ಹಾಲು

*ಚಿಟಿಕೆಯಷ್ಟು ಅರಿಶಿನ ಪುಡಿ

ಅನುಸರಿಸಬೇಕಾದ ವಿಧಾನ

*ಈ ಹಂತದಲ್ಲಿ ತ್ವಚೆ ಅಗತ್ಯ ಪೋಷಕಾಂಶಗಳನ್ನು ಪಡೆದು ತಾಜಾತನದಿಂದ ಕಂಗೊಳಿಸುತ್ತದೆ ಹಾಗೂ ನೈಸರ್ಗಿಕ ಕಾಂತಿಯ ಮೂಲಕ ಸಹಜವರ್ಣ ಕಂಗೊಳಿಸುತ್ತದೆ. ಇದಕ್ಕಾಗಿ ಎರಡೂ ಸಾಮಾಗ್ರಿಗಳನ್ನು ಚೆನ್ನಾಗಿ ಬೆರೆಸಿ

*ಹತ್ತಿಯುಂಡೆಯನ್ನು ಬಳೈ ಮುಖದ ಮೇಲೆ ಹಚ್ಚಿಕೊಳ್ಳಬೇಕು ಹಾಗೂ ಸುಮಾರು ಹತ್ತು ನಿಮಿಷ ಹಾಗೇ ಬಿಡಿ. ಬಳಿಕ ತಣ್ಣೀರಿನಿಂದ ತೊಳೆದುಕೊಳ್ಳಿ. ಅರಿಶಿನ ಚಿಟಿಕೆಗಿಂತ ಹೆಚ್ಚಾಗದಿರಲಿ. ಏಕೆಂದರೆ ಅರಿಶಿನ ಹೆಚ್ಚಾದರೆ ಚರ್ಮದ ಮೇಲೆ ಹಳದಿ ಬಣ್ಣದ ಲೇಪನ ಮೂಡುತ್ತದೆ ಹಾಗೂ ಇದನ್ನು ನಿವಾರಿಸುವುದು ಕಷ್ಟಕರ.

ಹಂತ 4: ಟೋನಿಂಗ್ ಮತ್ತು ತೇವಕಾರಕ (Toning And Moisturising)

ಅಗತ್ಯವಿರುವ ಸಾಮಾಗ್ರಿಗಳು

1 ದೊಡ್ಡ ಚಮಚ ಹಸಿ ಹಾಲು

1 ದೊಡ್ಡ ಚಮಚ ಅಪ್ಪಟ ಜೇನು

ಅನುಸರಿಸಬೇಕಾದ ವಿಧಾನ:

*ಒಂದು ಬೋಗುಣಿಯಲ್ಲಿ ಹಾಲು ಮತ್ತು ಜೇನನ್ನು ಬೆರೆಸಿ ಲೇಪಯ ತಯಾರಿಸಿ. ಈ ಲೇಪನವನ್ನು ಮುಖದ ತ್ವಚೆಯ ಮೇಲೆ ತೆಳುವಾಗಿ ಹಚ್ಚಿ ಬೆರಳುಗಳ ತುದಿಯಿಂದ ನಯವಾಗಿ ಮಸಾಜ್ ಮಾಡಿ.

*ಈ ಮೂಲಕ ತ್ವಚೆಗೆ ಅಗತ್ಯವಿರುವ ಆರ್ದ್ರತೆ ದೊರಕುತ್ತದೆ ಹಾಗೂ ತ್ವಚೆಯನ್ನು ಮೃದು ಮತ್ತು ನಯವಾಗಿಸಲು ಸಾಧ್ಯವಾಗುತ್ತದೆ.

*ಅತ್ಯಂತ ಸುರಕ್ಷಿತ ಹಾಗೂ ಸರಳವಾದ ಈ ವಿಧಾನವನ್ನು ವಾರಕ್ಕೊಮ್ಮೆ ಅನುಸರಿಸುವ ಮೂಲಕ ಆರೋಗ್ಯಕರ, ಮೊಡವೆರಹಿತ, ಕಲೆರಹಿತ ಹಾಗೂ ಕಾಂತಿಯುಕ್ತ ತ್ವಚೆಯನ್ನು ಪಡೆಯಲು ಸಾಧ್ಯವಾಗುತ್ತದೆ.