ಮೊಡವೆಯ ಬಗ್ಗೆ ಇರುವ ಈ 5 ಸುಳ್ಳುಗಳು ತಿಳಿದಿರಲಿ

Subscribe to Boldsky

ಮೊಡವೆಯ ಸಮಸ್ಯೆಯನ್ನು ಲಿಂಗ ಬೇಧವಿಲ್ಲದೆ ಬಹುತೇಕ ಎಲ್ಲರೂ ಜೀವನದ ಒಂದಿಲ್ಲೊಂದು ಹಂತದಲ್ಲಿ ಅನುಭವಿಸಿಯೇ ಇರುತ್ತಾರೆ. ಚರ್ಮದ ಮೇಲಿನ ಕೊಬ್ಬಿನ ಗ್ರಂಥಿಗಳು (sebaceous glands) ಹೆಚ್ಚುವರಿ ಕೊಬ್ಬು ಉತ್ಪಾದಿಸಿದಾಗ ಅದು ಚರ್ಮದ ರಂಧ್ರಗಳಲ್ಲಿ ಜಮೆಯಾಗಿ ಮೊಡವೆ ಹಾಗೂ ಗುಳ್ಳೆಗಳಾಗಿ ಹೊರಬರುತ್ತದೆ.

ಸಾಮಾನ್ಯವಾಗಿ ಹದಿಹರೆಯದಲ್ಲಿಯೇ ಮೊಡವೆಗಳು ಕಾಣಿಸಿಕೊಳ್ಳುತ್ತವೆ. ಕೆಲ ಬಾರಿ 20 ಹಾಗೂ 30 ರ ವಯಸ್ಸಿನ ಹೆಣ್ಣು ಮಕ್ಕಳಿಗೂ ಮೊಡವೆಗಳುಂಟಾಗುತ್ತವೆ. ಮೊಡವೆ ಎಂಬುದು ಚರ್ಮಕ್ಕೆ ಸಂಬಂಧಿಸಿದ ಸಮಸ್ಯೆಯಾಗಿದ್ದು ಇದರ ಬಗ್ಗೆ ಹಲವಾರು ತಪ್ಪು ಕಲ್ಪನೆಗಳು ಜನರಲ್ಲಿ ಮನೆ ಮಾಡಿವೆ. ಮೊಡವೆಗಳ ಬಗ್ಗೆ ಜನರಲ್ಲಿ ಇರುವ ಸಾಮಾನ್ಯ ತಪ್ಪು ಕಲ್ಪನೆಗಳ ಬಗ್ಗೆ ಇಲ್ಲಿ ತಿಳಿಸಲಾಗಿದ್ದು, ಮೊಡವೆಗಳ ನಿವಾರಣೆಗೆ ಕೈಗೊಳ್ಳಬೇಕಾದ ಕ್ರಮಗಳನ್ನು ಸಹ ವಿವರಿಸಲಾಗಿದೆ.

Most Read: ಮೊಡವೆ ಸಮಸ್ಯೆಗೆ ಇಲ್ಲಿದೆ ನೋಡಿ ಮನೆಮದ್ದು-ಎಲ್ಲಾ ಸರಿ ಹೋಗುತ್ತೆ...

ಮೊಡವೆಗಳ ಬಗ್ಗೆ ತಪ್ಪು ಕಲ್ಪನೆಗಳು

ಸುಳ್ಳು : ಸ್ವಚ್ಛತೆಯ ಕೊರತೆಯಿಂದ ಮೊಡವೆಗಳುಂಟಾಗುತ್ತವೆ

ಸುಳ್ಳು : ಸ್ವಚ್ಛತೆಯ ಕೊರತೆಯಿಂದ ಮೊಡವೆಗಳುಂಟಾಗುತ್ತವೆ

ಸತ್ಯ : ಚರ್ಮದ ರಂಧ್ರಗಳು ಮುಚ್ಚಿದಾಗ ಮೊಡವೆಗಳುಂಟಾಗುತ್ತವೆ ಎಂಬುದು ಸತ್ಯ. ಆದರೆ ಹೊರಗಿನ ಧೂಳು ಅಥವಾ ಮಣ್ಣಿನಿಂದ ಚರ್ಮದ ರಂಧ್ರಗಳು ಮುಚ್ಚಿದಾಗ ಮೊಡವೆಗಳಾಗುವುದಿಲ್ಲ. ಚರ್ಮದ ಮೇಲಿನ ಕೊಬ್ಬಿನ ಗ್ರಂಥಿಗಳು ಸ್ರವಿಸುವ ಹೆಚ್ಚುವರಿ ಕೊಬ್ಬಿನ ಅಂಶದಿಂದ ಮೊಡವೆಗಳು ಬರುತ್ತವೆ. ಹೀಗಾಗಿ ಆಗಾಗ ಮುಖ ತೊಳೆದುಕೊಳ್ಳುವುದು, ಮುಖವನ್ನು ಸ್ವಚ್ಛವಾಗಿಟ್ಟುಕೊಳ್ಳುವುದರಿಂದ ಮೊಡವೆಗಳಾಗದಂತೆ ತಡೆಯಲು ಸಾಧ್ಯವಿಲ್ಲ. ವಾಸ್ತವದಲ್ಲಿ ಪದೆ ಪದೆ ಮುಖ ತೊಳೆದುಕೊಳ್ಳುವುದರಿಂದ ಮುಖದ ಚರ್ಮ ಒಣಗಿ ಇನ್ನಷ್ಟು ಹೆಚ್ಚು ಕೊಬ್ಬು ಬಿಡುಗಡೆಯಾಗಿ ಮೊಡವೆಗಳು ಹೆಚ್ಚಾಗುವ ಸಾಧ್ಯತೆಗಳಿರುತ್ತವೆ.

ಸುಳ್ಳು : ಮೊಡವೆಗೆ ಯಾವುದೇ ಚಿಕಿತ್ಸೆ ಮಾಡಬೇಕಿಲ್ಲ

ಸುಳ್ಳು : ಮೊಡವೆಗೆ ಯಾವುದೇ ಚಿಕಿತ್ಸೆ ಮಾಡಬೇಕಿಲ್ಲ

ಸತ್ಯ : ಮೊಡವೆಗಳ ಚಿಕಿತ್ಸೆಯ ಬಗ್ಗೆ ಎಲ್ಲರೂ ತಿಳಿದುಕೊಳ್ಳುವುದು ಅಗತ್ಯ. ಚಿಕ್ಕ ಪ್ರಮಾಣದ ಮೊಡವೆಗಳನ್ನು ಕೆಲ ಮನೆ ಔಷಧಿಗಳಿಂದಲೇ ನಿವಾರಿಸಬಹುದು. ಆದರೆ ಮೊಡವೆಗಳ ಸಮಸ್ಯೆ ಹೆಚ್ಚಾದಲ್ಲಿ ಮಾತ್ರ ಇದಕ್ಕೆ ವೈದ್ಯಕೀಯ ಚಿಕಿತ್ಸೆ ಪಡೆಯಲೇಬೇಕು. ಒಂದು ವೇಳೆ ಸಕಾಲದಲ್ಲಿ ಚಿಕಿತ್ಸೆ ಪಡೆಯದಿದ್ದರೆ ಚರ್ಮದ ಮೇಲೆ ತುರಿಕೆ, ನೋವು, ರಕ್ತ ಒಸರುವಿಕೆ ಆರಂಭವಾಗಬಹುದು. ಅಲ್ಲದೆ ಮೊಡವೆ ಹಾಗೂ ಗುಳ್ಳೆಗಳು ನಿಮ್ಮ ಮಾನಸಿಕ ಆರೋಗ್ಯವನ್ನೂ ಕೆಡಿಸಬಲ್ಲವು ಎಂಬುದು ನಿಮಗೆ ಗೊತ್ತಿರಲಿ. ಮೊಡವೆಗಳು ಉದ್ವೇಗ ಹೆಚ್ಚಿಸಿ ಆತ್ಮ ವಿಶ್ವಾಸವನ್ನು ಹಾಳುಮಾಡಬಲ್ಲವು. ದೀರ್ಘ ಕಾಲದವರೆಗೆ ಮೊಡವೆಗಳು ವಾಸಿಯಾಗದಿದ್ದಲ್ಲಿ ತಕ್ಷಣ ವೈದ್ಯರನ್ನು ಕಾಣಬೇಕು.

Most Read: ತ್ವರಿತವಾಗಿ 'ಮೊಡವೆ ಕಲೆ' ಮಾಯ ಮಾಡೋ ಆಯುರ್ವೇದಿಕ್‌ ಔಷಧಿಗಳು

ಸುಳ್ಳು : ಹೆಚ್ಚಿನ ಮೇಕಪ್‌ನಿಂದ ಮೊಡವೆಗಳಾಗುತ್ತವೆ

ಸುಳ್ಳು : ಹೆಚ್ಚಿನ ಮೇಕಪ್‌ನಿಂದ ಮೊಡವೆಗಳಾಗುತ್ತವೆ

ಸತ್ಯ : ಬಹುತೇಕರು ಸುಂದರವಾಗಿ ಕಾಣಲು ಮೇಕಪ್ ಮಾಡಿಕೊಳ್ಳುತ್ತಾರೆ. ಆದರೆ ಆಗಾಗ ಮೇಕಪ್ ಮಾಡಿಕೊಳ್ಳುವುದರಿಂದ ಮೊಡವೆಗಳುಂಟಾಗುತ್ತವೆ ಎಂಬ ತಪ್ಪು ಕಲ್ಪನೆ ಮನೆ ಮಾಡಿದೆ. ನಿಜ ಹೇಳಬೇಕೆಂದರೆ ಕೇವಲ ಮೇಕಪ್‌ನಿಂದಲೇ ಮೊಡವೆಗಳಾಗುವುದಿಲ್ಲ. ಆದರೆ ಮೇಕಪ್ ತೆಗೆದ ನಂತರ ಸೂಕ್ತವಾಗಿ ಚರ್ಮದ ಆರೈಕೆ ಮಾಡದಿದ್ದರೆ ಮಾತ್ರ ಮೊಡವೆಗಳು ಬರಬಹುದು. ಅವಧಿ ಮುಗಿದ ಮೇಕಪ್ ಸಾಮಗ್ರಿ ಬಳಕೆ, ಮೇಕಪ್ ನಂತರ ಸರಿಯಾಗಿ ಚರ್ಮವನ್ನು ಕ್ಲೀನ್ ಮಾಡದಿರುವುದರಿಂದ ಮೊಡವೆ ಕಾಣಿಸಿಕೊಳ್ಳಬಹುದು. ಆದರೆ ಮೇಕಪ್ ಮಾಡಿಕೊಂಡ ಕಾರಣದಿಂದಲೇ ಮೊಡವೆಗಳುಂಟಾಗುವುದಿಲ್ಲ.

ಸುಳ್ಳು : ಮೊಡವೆಗಳನ್ನು ಒಡೆದು ಗುಣ ಪಡಿಸಬಹುದು

ಸುಳ್ಳು : ಮೊಡವೆಗಳನ್ನು ಒಡೆದು ಗುಣ ಪಡಿಸಬಹುದು

ಸತ್ಯ : ಮುಖದ ಮೇಲೆ ಮೊಡವೆ ಕಾಣಿಸಿಕೊಂಡಾಗ ಬಹುತೇಕರು ಅದನ್ನು ಸೂಜಿಯಿಂದ ಚುಚ್ಚಿ ಒಡೆದುಕೊಳ್ಳುತ್ತಾರೆ. ಆದರೆ ಹೀಗೆ ಮಾಡುವುದರಿಂದ ಸಮಸ್ಯೆ ಮತ್ತಷ್ಟು ಗಂಭೀರವಾಗಬಹುದು. ಮೊಡವೆಗಳನ್ನು ಒಡೆಯುವುದರಿಂದ ಉಂಟಾಗುವ ನೋವು ಹಾಗೂ ಉರಿಯಿಂದ ಸುತ್ತಲೂ ಮತ್ತಷ್ಟು ಮೊಡವೆಗಳುಂಟಾಗಿ ಕೊನೆಗೆ ಚಿಕಿತ್ಸೆ ಕಷ್ಟಕರವಾಗಬಹುದು.

Most Read: ಓ ಮೊಡವೆ ಕಲೆಗಳೇ, ನೀ ಹೀಗೇಕೆ ಕಾಡುತ್ತಿರುವೆ?

 ಸುಳ್ಳು : ಬಿಸಿಲಿನಿಂದ ಮೊಡವೆಗಳನ್ನು ನಿವಾರಿಸಬಹುದು

ಸುಳ್ಳು : ಬಿಸಿಲಿನಿಂದ ಮೊಡವೆಗಳನ್ನು ನಿವಾರಿಸಬಹುದು

ಸತ್ಯ : ಉರಿಯೂತದಿಂದ ಮೊಡವೆಗಳು ಉಂಟಾಗುವುದರಿಂದ ಸೂರ್ಯನ ಬಿಸಿಲಿಗೆ ಮೈಯೊಡ್ಡಿದಾಗ ಕೆಲ ಹೊತ್ತು ರಿಲೀಫ್ ಸಿಕ್ಕಂತಾಗಬಹುದು. ಆದರೆ ಇದು ಕ್ಷಣಿಕ ಮಾತ್ರ. ಬಹಳ ಹೊತ್ತು ಬಿಸಿಲಲ್ಲಿ ಕುಳಿತರೆ ಚರ್ಮವನ್ನು ರಕ್ಷಿಸುವ ಕೊಲಾಜ್ ಎಂಬ ಪ್ರೋಟೀನ್ ನಷ್ಟವಾಗಿ ಚರ್ಮಕ್ಕೆ ಮತ್ತಷ್ಟು ಹಾನಿಯಾಗಬಹುದು. ಕೊಲಾಜ್ ಕಡಿಮೆಯಾದಷ್ಟೂ ಮೊಡವೆ ಹಾಗೂ ಗುಳ್ಳೆಗಳು ಹೆಚ್ಚಾಗುತ್ತವೆ ಎಂಬುದು ಗೊತ್ತಿರಲಿ.

For Quick Alerts
ALLOW NOTIFICATIONS
For Daily Alerts

    English summary

    Biggest Myths On Acne Busted

    Acne is a common skin issue that we have faced at least at one point in our lives irrespective of the gender. When the sebaceous glands of the skin produce extra sebum, it gets accumulated in the pores and that gives rise to acne and breakouts. It is observed that acne most commonly occurs during the adolescence. Most prevalent among the teenagers, acne can also occur among women in their 20s and 30s. There are certain myths revolving around this common skin care issue that can indeed lead to more damage to the skin if not cleared.
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more