ಬ್ಲ್ಯಾಕ್ ಹೆಡ್ಸ್ ಸಮಸ್ಯೆಗೆ 'ಅಕ್ಕಿಹಿಟ್ಟಿ'ನ ಚಿಕಿತ್ಸೆ- ಶೀಘ್ರ ಪರಿಹಾರ!

ಅಕ್ಕಿಹಿಟ್ಟು ಮತ್ತು ಮೊಸರು

ಬೇಕಾಗುವ ಸಾಮಗ್ರಿಗಳು

*1 ಚಮಚ ಅಕ್ಕಿಹಿಟ್ಟು

*1 ಚಮಚ ಮೊಸರು

ತಯಾರಿಸುವ ವಿಧಾನ

ಒಂದು ಪಿಂಗಾಣಿಯಲ್ಲಿ ಎರಡನ್ನು ಸರಿಯಾಗಿ ಮಿಶ್ರಣ ಮಾಡಿಕೊಳ್ಳಿ. ಇದು ನಯವಾದ ಪೇಸ್ಟ್ ಆಗುವ ತನಕ ಮಿಶ್ರಣ ಮಾಡಿ. ಈ ಮಿಶ್ರಣವನ್ನು 5-10 ನಿಮಿಷ ಕಾಲ ಹಾಗೆ ಬಿಡಿ. ಮೊಸರಿನಲ್ಲಿ ಅಕ್ಕಿಹಿಟ್ಟು ನೆನೆಯಲಿ. ಇದರ ಬಳಿಕ ಮುಖ ಹಾಗೂ ಕುತ್ತಿಗೆಗೆ ಹಚ್ಚಿಕೊಳ್ಳಿ. 15-20 ನಿಮಿಷ ಹಾಗೆ ಬಿಡಿ. ಬಳಿಕ ನಿಧಾನವಾಗಿ ವೃತ್ತಾಕಾರದಲ್ಲಿ ಕೈಬೆರಳುಗಳಿಂದ ಸ್ಕ್ರಬ್ ಮಾಡಿ ಮತ್ತು ಸಾಮಾನ್ಯ ನೀರಿನಿಂದ ತೊಳೆಯಿರಿ.

ಅಕ್ಕಿಹಿಟ್ಟು ಮತ್ತು ಜೇನುತುಪ್ಪ

ಬೇಕಾಗುವ ಸಾಮಗ್ರಿಗಳು

*ಒಂದು ಚಮಚ ಅಕ್ಕಿಹಿಟ್ಟು

*ಕೆಲವು ಹನಿ ಜೇನುತುಪ್ಪ

ತಯಾರಿಸುವ ವಿಧಾನ

ಒಂದು ಶುದ್ಧವಾಗಿರುವ ಪಿಂಗಾಣಿಗೆ ಅಕ್ಕಿಹಿಟ್ಟು ಹಾಕಿ. ಇದಕ್ಕೆ ಕೆಲವು ಹನಿ ಜೇನುತುಪ್ಪ ಹಾಕಿ ಪೇಸ್ಟ್ ಮಾಡಿ. ಇದನ್ನು ಮುಖಕ್ಕೆ ಹಚ್ಚಿಕೊಂಡು ನಿಧಾನವಾಗಿ ಕೈಬೆರಳುಗಳಿಂದ ಸ್ಕ್ರಬ್ ಮಾಡಿ. 2-3 ನಿಮಿಷ ಹೀಗೆ ಮಾಡಿದ ಬಳಿಕ ನೀರಿನಿಂದ ತೊಳೆಯಿರಿ. ಇದರ ಬಳಿಕ ಮೊಶ್ಚಿರೈಸರ್ ಹಚ್ಚಿ ಮಸಾಜ್ ಮಾಡಿ.

ಅಕ್ಕಿಹಿಟ್ಟು ಮತ್ತು ಅಲೋವೆರಾ ಲೋಳೆ

ಬೇಕಾಗುವ ಸಾಮಗ್ರಿಗಳು

*1 ಚಮಚ ಅಕ್ಕಿಹಿಟ್ಟು

*1 ಚಮಚ ಅಲೋವೆರಾ ಲೋಳೆ

ತಯಾರಿಸುವ ವಿಧಾನ

ತಾಜಾ ಅಲೋವೆರಾ ಎಲೆ ತೆಗೆದುಕೊಂಡು ಅದರಿಂದ ಲೋಳೆ ತೆಗೆಯಿರಿ. ಇದನ್ನು ಒಂದು ಪಿಂಗಾಣಿಗೆ ಹಾಕಿ. ಇದಕ್ಕೆ ಅಕ್ಕಿಹಿಟ್ಟು ಹಾಕಿಕೊಂಡ ಬಳಿಕ ಸರಿಯಾಗಿ ಎಲ್ಲವನ್ನು ಮಿಶ್ರಣ ಮಾಡಿ. ಮುಖಕ್ಕೆ ಈ ಮಿಶ್ರಣ ಹಚ್ಚಿಕೊಂಡು ಬಳಿಕ ನಿಧಾನವಾಗಿ ಸ್ಕ್ರಬ್ ಮಾಡಿ. 5 ನಿಮಿಷ ಹಾಗೆ ಬಿಡಿ. ಬಳಿಕ ಬಿಸಿ ನೀರು ಬಳಸಿಕೊಂಡು ತೊಳೆಯಿರಿ.

ಅಕ್ಕಿಹಿಟ್ಟು ಮತ್ತು ಸಕ್ಕರೆ

ಬೇಕಾಗುವ ಸಾಮಗ್ರಿಗಳು

*½ ಕಪ್ ಅಕ್ಕಿಹಿಟ್ಟು

*¼ ಕಪ್ ಸಕ್ಕರೆ

*2 ಚಮಚ ಕಡಲೆ ಹಿಟ್ಟು

*4 ಚಮಚ ಜೇನುತುಪ್ಪ

*ಕೆಲವು ಹನಿ ತೆಂಗಿನೆಣ್ಣೆ

ತಯಾರಿಸುವ ವಿಧಾನ

ಒಂದು ಪಿಂಗಾಣಿಯಲ್ಲಿ ಅಕ್ಕಿಹಿಟ್ಟು, ಸಕ್ಕರೆ, ಕಡಲೆಹಿಟ್ಟು, ಜೇನುತುಪ್ಪ ಮತ್ತು ಕೆಲವು ಹನಿ ತೆಂಗಿನೆಣ್ಣೆ ಹಾಕಿ. ಎಲ್ಲವನ್ನು ಜತೆಯಾಗಿ ಮಿಕ್ಸಿಗೆ ಹಾಕಿ ಪೇಸ್ಟ್ ಮಾಡಿ. ಇದನ್ನು ಮುಖಕ್ಕೆ ಹಚ್ಚಿಕೊಳ್ಳಿ ಮತ್ತು 3 ನಿಮಿಷ ಹಾಗೆ ಇರಲಿ. ಇದರ ಬಳಿಕ ತಣ್ಣೀರಿನಿಂದ ತೊಳೆಯುವ ವೇಳೆ ಸ್ಕ್ರಬ್ ಮಾಡಿಕೊಳ್ಳಿ.

ಅಕ್ಕಿಹಿಟ್ಟು ಮತ್ತು ಕಿತ್ತಳೆಸಿಪ್ಪೆ ಹುಡಿ

ಬೇಕಾಗುವ ಸಾಮಗ್ರಿಗಳು

*2 ಚಮಚ ಅಕ್ಕಿಹಿಟ್ಟು

*2 ಚಮಚ ಕಿತ್ತಳೆಹಣ್ಣಿನ ಸಿಪ್ಪೆಯ ಹುಡಿ

*2 ಚಮಚ ಹಸಿರು ಕಡಲೆಹುಡಿ

*ಕೆಲವು ಹನಿ ರೋಸ್ ವಾಟರ್

ತಯಾರಿಸುವ ವಿಧಾನ

ಒಂದು ಪಿಂಗಾಣಿಗೆ ಅಕ್ಕಿಹುಡಿ, ಕಿತ್ತಳೆಸಿಪ್ಪೆಹುಡಿ, ಹಸಿರುಕಡಲೆ ಹುಡಿ ಹಾಕಿಕೊಳ್ಳಿ. ಕೆಲವು ಹನಿ ರೋಸ್ ವಾಟರ್ ಹಾಕಿಕೊಂಡ ಬಳಿಕ ಇದನ್ನು ಸರಿಯಾಗಿ ಮಿಶ್ರಣ ಮಾಡಿ ಪೇಸ್ಟ್ ಮಾಡಿಕೊಳ್ಳಿ. ಮುಖ ಹಾಗೂ ಕುತ್ತಿಗೆಯು ಒಣಗಿರಲಿ. ಈ ಮಿಶ್ರಣವನ್ನು ಹಚ್ಚಿಕೊಂಡು ನಿಧಾನವಾಗಿ ಸ್ಕ್ರಬ್ ಮಾಡಿ. 15 ನಿಮಿಷ ಹಾಗೆ ಬಿಟ್ಟ ಬಳಿಕ ತಣ್ಣೀರಿನಿಂದ ತೊಳೆಯಿರಿ. ಚರ್ಮದಲ್ಲಿನ ಅತಿಯಾದ ಎಣ್ಣೆಯಂಶವನ್ನು ಇದು ಹೀರಿಕೊಳ್ಳುವುದು.