ಮುಖದ ಸೌಂದರ್ಯ ಹೆಚ್ಚಿಸಲು 'ಅಕ್ಕಿ ಹಿಟ್ಟಿನ' ಫೇಸ್ ಪ್ಯಾಕ್

ತ್ವಚೆಯ ವರ್ಣ ಬಿಳಿಚಿಸಲು

ಸಮಪ್ರಮಾಣದಲ್ಲಿ ಅಕ್ಕಿಹಿಟ್ಟು ಮತ್ತು ಮೊಸರನ್ನು ಬೆರೆಸಿ ದಪ್ಪನೆಯ ಲೇಪನ ತಯಾರಿಸಿ. ಈ ಲೇಪನವನ್ನು ಈಗತಾನೇ ತೊಳೆದುಕೊಂಡ ಮುಖದ ಮೇಲೆ ಹಾಗೂ ಕುತ್ತಿಗೆಗೆ ಹಚ್ಚಿ ಸುಮಾರು ಹತ್ತರಿಂದ ಹದಿನೈದು ನಿಮಿಷದ ಬಳಿಕ ತಣ್ಣೀರಿನಲ್ಲಿ ತೊಳೆದುಕೊಳ್ಳಿ. ಈ ವಿಧಾನದಿಂದ ನಿಧಾನವಾಗಿ ಚರ್ಮ ಸಹಜವರ್ಣ ಪಡೆಯಲು ನೆರವಾಗುತ್ತದೆ.

ಕಣ್ಣುಗಳ ಕೆಳಗಿನ ಕಪ್ಪು ವರ್ತುಲಕ್ಕೆ

ಇಂದಿನ ದಿನಗಳಲ್ಲಿ ಹೊರಗೆ ಕೆಲಸ ಮಾಡುವ ಉದ್ಯೋಗಸ್ಥೆಯರಿಗೆ ಕಣ್ಣ ಕೆಳಗಿನ ಕಪ್ಪು ವರ್ತುಲ ಬಹುವಾಗಿ ಕಾಡುತ್ತಿದೆ. ಇದನ್ನು ಸರಿಯಾಗಿಸಲು ಹರಳೆಣ್ಣೆ ಮತ್ತು ಅಕ್ಕಿಹಿಟ್ಟನ್ನು ಬೆರೆಸಿ ದಪ್ಪನೆಯ ಲೇಪನ ತಯಾರಿಸಿ.

ಕಣ್ಣ ಕೆಳಗಿನ ವರ್ತುಲದ ಮೇಲೆ ಹಚ್ಚಿ...

ಈ ಲೇಪನವನ್ನು ಕಣ್ಣ ಕೆಳಗಿನ ವರ್ತುಲದ ಮೇಲೆ ಹಚ್ಚಿ ಕೊಂಚ ಹೊತ್ತಿನ ಬಳಿಕ ತಣ್ಣೀರಿನಿಂದ ತೊಳೆದುಕೊಳ್ಳಿ. ಈ ಆರೈಕೆಯಿಂದ ಕಪ್ಪು ವರ್ತುಲ ಹಾಗೂ ಚೀಲದಂತೆ ತುಂಬಿಕೊಂಡಿರುವುದೂ ಕಡಿಮೆಯಾಗುತ್ತದೆ.

ಮುಖದ ಪೌಡರ್ ರೂಪದಲ್ಲಿ ಬಳಸಲು...

ಮೆಕ್ಕೆ ಜೋಳದ ಹಿಟ್ಟು (cornstarch powder) ಹಾಗೂ ಕೊಂಚ ಅಕ್ಕಿಹಿಟ್ಟನ್ನು ಬೆರೆಸಿ ನಿಮ್ಮ ಮುಖದ ಪೌಡರ್ ಅನ್ನು ಮನೆಯಲ್ಲಿಯೇ ತಯಾರಿಸಿ. ಈ ಪೌಡರ್ ನುಣುಪಾಗಿಯೂ, ಸೌಮ್ಯವಾಗಿಯೂ ಇದ್ದು ಮುಖದ ಎಣ್ಣೆಪಸೆಯನ್ನು ಸಮರ್ಥವಾಗಿ ನಿವಾರಿಸುತ್ತದೆ ಹಾಗೂ ಮುಖದ ಅಂದವನ್ನು ಬಹಳ ಹೊತ್ತಿನವರೆಗೆ ಕಾಪಾಡುತ್ತದೆ.

ವೃದ್ಧಾಪ್ಯದ ಚಿಹ್ನೆಗಳನ್ನು ದೂರಾಗಿಸಲು...

ಕೊಂಚ ಅಕ್ಕಿಪುಡಿ ಹಾಗೂ ಸೌತೆಕಾಯಿಯ ರಸ ಹಾಗೂ ಕೊಂಚ ಲಿಂಬೆ ರಸ ಸೇರಿಸಿ ನಯವಾದ ಲೇಪನ ತಯಾರಿಸಿ.

ವಾರಕ್ಕೊಮ್ಮೆ ಅಥವಾ ಎರಡು ಬಾರಿ....

ಈ ಲೇಪನವನ್ನು ವಾರಕ್ಕೊಮ್ಮೆ ಅಥವಾ ಎರಡು ಬಾರಿ ಹತ್ತು ನಿಮಿಷಗಳ ಕಾಲ ಹಚ್ಚಿಕೊಳ್ಳುವ ಮೂಲಕ ವೃದ್ಧಾಪ್ಯದ ಚಿಹ್ನೆಗಳನ್ನು ದೂರಾಗಿಸುತ್ತದೆ. ಕೆಲವು ಹಳೆಯ ಕಲೆಗಳನ್ನು ತೊಲಗಿಸುವ ಮೂಲಕ ಇಅದ್ರ ಬೋನಸ್ ಉಪಯೋಗವನ್ನೂ ಪಡೆಯಬಹುದು.