ಬಹುಪಯೋಗಿ 'ಲಿಂಬೆ' ಹಣ್ಣನ್ನು ಎಷ್ಟು ಹೊಗಳಿದರೂ ಸಾಲದು!

ತ್ವಚೆಗೆ ಬ್ಲೀಚಿಂಗ್

ಲಿಂಬೆಯು ಚರ್ಮದ ಬಣ್ಣವನ್ನು ಬಿಳಿ ಮಾಡುವಲ್ಲಿ ನೈಸರ್ಗಿಕ ಬ್ಲೀಚಿಂಗ್ ಆಗಿ ಕೆಲಸ ಮಾಡುತ್ತದೆ. ಲಿಂಬೆರಸ ಮತ್ತು ಜೇನುತುಪ್ಪವನ್ನು ಬೆರೆಸಿಕೊಂಡು ಫೇಸ್ ಪ್ಯಾಕ್ ಮಾಡಿಕೊಳ್ಳಿ. ಇದನ್ನು ಮುಖಕ್ಕೆ ಹಚ್ಚಿಕೊಂಡು ಐದು ನಿಮಿಷ ಕಾಲ ಹಾಗೆ ಬಿಡಿ. ಬಿಸಿ ನೀರಿನಿಂದ ಮುಖವನ್ನು ತೊಳೆದರೆ ಕಲೆಗಳು ಮಾಯವಾಗುವುದು.

ತಲೆಹೊಟ್ಟು ನಿವಾರಣೆ

ಲಿಂಬೆರಸವು ತಲೆಹೊಟ್ಟನ್ನು ನಿವಾರಣೆ ಮಾಡುವಲ್ಲಿ ಪ್ರಮುಖ ಪಾತ್ರ ನಿರ್ವಹಿಸುತ್ತದೆ. ತಲೆಬುರುಡೆಗೆ ಲಿಂಬೆರಸವನ್ನು ಹಾಕಿಕೊಳ್ಳಿ. ಇದರ ಬಳಿಕ ತಲೆಗೆ ತೈಲ ಹಾಕಿಕೊಳ್ಳಿ. ಯಾಕೆಂದರೆ ಲಿಂಬೆಯಿಂದ ತಲೆಬುರುಡೆ ಒಣಗುವುದು. ತಲೆಹೊಟ್ಟು ನಿವಾರಣೆಯಾಗ ಬೇಕಾದರೆ ಹಗುರವಾದ ಶಾಂಪೂ ಬಳಸಿಕೊಳ್ಳಿ....

ಮೊಣಕೈ ಮತ್ತು ಮೊಣಕಾಲನ್ನು ಬಿಳಿಯಾಗಿಸುವುದು

ಕೆಲವೊಂದು ಸಲ ಮೊಣಕೈ ಮತ್ತು ಮೊಣಕಾಲಿನ ಭಾಗವು ತುಂಬಾ ಕಪ್ಪಗೆ ಇರುವಂತೆ ಕಾಣಿಸುತ್ತದೆ. ಇದನ್ನು ಬಿಳಿಯಾಗಿಸುವ ಉಪಾಯವೆಂದರೆ ಒಂದು ಲಿಂಬೆ ತುಂಡಿಗೆ ಸ್ವಲ್ಪ ಉಪ್ಪು ಹಾಕಿಕೊಂಡು ಸರಿಯಾಗಿ ಉಜ್ಜಿಕೊಳ್ಳಿ. ಹತ್ತು ದಿನಗಳಲ್ಲಿ ಮೊಣಕೈ ಮತ್ತು ಮೊಣಕಾಲು ಬಿಳಿಯಾಗುವುದು.

ಚರ್ಮದ ಅಲರ್ಜಿ ನಿವಾರಣೆ

ಲಿಂಬೆರಸದಲ್ಲಿ ಇರುವಂತಹ ಬ್ಯಾಕ್ಟೀರಿಯಾ ವಿರೋಧಿ ಗುಣಗಳು ಮತ್ತು ವಿಟಮಿನ್ ಸಿ ಕೆಲವೊಂದು ಸಣ್ಣಪುಟ್ಟ ಚರ್ಮದ ಅಲರ್ಜಿಗಳನ್ನು ನಿವಾರಣೆ ಮಾಡುವುದು.

ನುಣುಪಾದ ಕೂದಲಿಗೆ

ಕೂದಲಿಗೆ ಕಂಡೀಷನರ್ ಬಳಸುವವರು ಲಿಂಬೆರಸವನ್ನು ಬಳಸಬಹುದು. ಯಾಕೆಂದರೆ ಇದು ನೈಸರ್ಗಿಕ ಕಂಡೀಷನರ್ ಆಗಿ ಕೆಲಸ ಮಾಡುತ್ತದೆ. ಕೂದಲು ತೊಳೆಯಲು ಶಿಖಾಕಾಯಿ ಬಳಸುತ್ತಾ ಇದ್ದರೆ ಕೂದಲಿಗೆ ಕೃತಕ ಕಂಡೀಷನರ್ ನ್ನು ಬಳಸಬೇಡಿ. ಕೂದಲನ್ನು ನುಣುಪು ಮಾಡಲು ಲಿಂಬೆರಸ ಬಳಸಿ.

ಚರ್ಮದ ರಂಧ್ರಗಳನ್ನು ಸ್ವಚ್ಛಗೊಳಿಸುವುದು

ಲಿಂಬೆರಸವು ಚರ್ಮದ ರಂಧ್ರಗಳನ್ನು ಸ್ವಚ್ಛಗೊಳಿಸುವಲ್ಲಿ ಪ್ರಮುಖ ಪಾತ್ರ ನಿರ್ವಹಿಸುತ್ತದೆ. ಲಿಂಬೆಗೆ ಸ್ವಲ್ಪ ಉಪ್ಪು ಹಾಕಿಕೊಂಡು ಅದನ್ನು ಮುಖಕ್ಕೆ ಉಜ್ಜಿಕೊಳ್ಳಿ. ಚರ್ಮದ ರಂಧ್ರದಲ್ಲಿನ ಎಲ್ಲಾ ಕೊಳೆ ಹೊರಬರುವುದು.

ಮೊಡವೆ ನಿವಾರಣೆ

ಮೊಡವೆಗಳ ನಿವಾರಣೆಯಲ್ಲಿ ನಿಂಬೆಯು ಪ್ರಮುಖ ಪಾತ್ರ ನಿರ್ವಹಿಸುತ್ತದೆ. ಇದರಲ್ಲಿರುವಂತಹ ಬ್ಯಾಕ್ಟೀರಿಯಾ ವಿರೋಧಿ ಗುಣಗಳು ಚರ್ಮವನ್ನು ಸ್ವಚ್ಛಗೊಳಿಸಿ ಚರ್ಮದ ರಂಧ್ರಗಳಲ್ಲಿ ಇರುವಂತಹ ಎಣ್ಣೆಯನ್ನು ಹೊರತೆಗೆಯುವುದು. ಲಿಂಬೆಯಲ್ಲಿರುವ ಈ ಗುಣಗಳು ಮೊಡವೆಯನ್ನು ಪರಿಣಾಮಕಾರಿಯಾಗಿ ತೆಗೆದುಹಾಕುವುದು.

ಮೊಡವೆಗೆ 'ಆಯುರ್ವೇದ' ಔಷಧಿಗಳು-ಯಾವುದೇ ಅಡ್ಡಪರಿಣಾಮಗಳಿಲ್ಲ

ಕೂದಲಿನ ಸುವಾಸನೆಗೆ

ತಾಜಾವಾರಿಗುವ ಲಿಂಬೆಯು ಒಳ್ಳೆಯ ಸುವಾಸನೆಯನ್ನು ಹೊಂದಿರುವುದು. ಕೂದಲನ್ನು ಲಿಂಬೆಯ ರಸದಿಂದ ತೊಳೆದಾಗ ಕೂದಲು ಗಂಟೆಗಳ ಕಾಲ ಸುವಾಸನೆಯನ್ನು ಹೊಂದಿರುತ್ತದೆ. ಇದು ಕೂದಲಿಗೆ ನೈಸರ್ಗಿಕ ಪರ್ಫ್ಯೂಮ್ ಆಗಿ ಕೆಲಸ ಮಾಡುವುದು.

ಬಿಳಿ ಉಗುರುಗಳಿಗೆ ಲಿಂಬೆ

ಲಿಂಬೆರಸದಲ್ಲಿ ಇರುವಂತಹ ಬ್ಲೀಚಿಂಗ್ ಗುಣವು ಉಗುರುಗಳಿಗೂ ನೆರವಾಗುವುದು. ಪ್ರತಿಯೊಬ್ಬರಿಗೂ ಸ್ವಚ್ಛ ಹಾಗೂ ಬಿಳಿ ಉಗುರುಗಳು ಬೇಕಾಗಿದೆ. ಉಗುರುಗಳನ್ನು ಲಿಂಬೆ ಮತ್ತು ಸಾಸಿವೆ ಎಣ್ಣೆಯಿಂದ ಉಜ್ಜಿಕೊಂಡರೆ ಬಿಳಿ ಹಾಗೂ ಸ್ವಚ್ಛ ಉಗುರು ನಿಮ್ಮದಾಗುವುದು.