ಮುಖದ ಸೌಂದರ್ಯಕ್ಕೆ, ಒಂದು ಚಮಚದಷ್ಟು ಉಪ್ಪು ಸಾಕು!

ಸತ್ತ ಜೀವಕೋಶಗಳನ್ನು ನಿವಾರಿಸಲು (exfoliation)

ಒಂದು ದೊಡ್ಡ ಚಮಚ ಕಲ್ಲುಪ್ಪು ಮತ್ತು ಮೂರು ದೊಡ್ಡಚಮಚ ಜೇನುತುಪ್ಪವನ್ನು ಸೇರಿಸಿ ಮಿಶ್ರಣ ತಯಾರಿಸಿ. ಈ ಮಿಶ್ರಣವನ್ನು ಚರ್ಮದ ಮೇಲೆ ತೆಳುವಾಗಿ ಹಚ್ಚಿ ವೃತ್ತಾಕಾರದಲ್ಲಿ ಮಸಾಜ್ ಮಾಡಿ. ಇದರಿಂದ ಸತ್ತ ಜೀವಕೋಶಗಳೆಲ್ಲಾ ಸಡಿಲವಾಗುತ್ತವೆ. ಮುಂದಿನ ಸ್ಲೈಡ್ ಕ್ಲಿಕ್ ಮಾಡಿ

ಸತ್ತ ಜೀವಕೋಶಗಳನ್ನು ನಿವಾರಿಸಲು (exfoliation)

ನಯವಾದ ಬ್ರಶ್ ಬಳಸಿ ಉಗುರುಬೆಚ್ಚನೆಯ ನೀರಿನಿಂದ ಸ್ನಾನ ಮಾಡಿ. ಈ ವಿಧಾನವನ್ನು ಸತತವಾಗಿ ಎರಡು ದಿನ ಅನುಸರಿಸಿದರೆ ಚರ್ಮದ ಅಷ್ಟೂ ವಿಸ್ತಾರದ ಸತ್ತ ಜೀವಕೋಶಗಳು ನಿವಾರಣೆಯಾಗಿ ಚರ್ಮದ ಕಾಂತಿ ಹೆಚ್ಚುತ್ತದೆ.

ಚರ್ಮದ ಬಣ್ಣ ಸಹಜವರ್ಣದತ್ತ ತಿರುಗುತ್ತದೆ

ಬಿಸಿಲು ಮೊದಲಾದ ಕಾರಣಗಳಿಂದ ಗಾಢವಾಗಿದ್ದ ಚರ್ಮದ ಬಣ್ಣವನ್ನು ಸಹಜವರ್ಣದತ್ತ ತಿರುಗಿಸಲು ಉಪ್ಪು ಒಂದು ನೈಸರ್ಗಿಕ ಪ್ರಸಾಧನವಾಗಿದೆ. ಇದಕ್ಕಾಗಿ ಅರ್ಧ ಲೋಟ ಗುಲಾಬಿ ನೀರಿಗೆ ಎರಡು ದೊಡ್ಡ ಚಮಚ ಉಪ್ಪು ಸೇರಿಸಿ ಕಲಕಿ. ಈ ದ್ರಾವಣದಿಂದ ಬಿಲಿಸಿಗೆ ಒಡ್ಡಿದ್ದ ಚರ್ಮವನ್ನು ದಿನಕ್ಕೆ ಎರಡು ಅಥವಾ ಮೂರು ಬಾರಿ ಬಟ್ಟೆ ಅಥವಾ ಹತ್ತಿಯುಂಡೆಯನ್ನು ಬಳಸಿ ಒರೆಸಿಕೊಳ್ಳಿ. ಮುಂದಿನ ಸ್ಲೈಡ್ ಕ್ಲಿಕ್ ಮಾಡಿ

ಚರ್ಮದ ಬಣ್ಣ ಸಹಜವರ್ಣದತ್ತ ತಿರುಗುತ್ತದೆ

ಗುಲಾಬಿನೀರು ಚರ್ಮದ ಸೂಕ್ಷ್ಮರಂಧ್ರಗಳನ್ನು ಸಡಿಲಿಸಿದರೆ ಉಪ್ಪು ಚರ್ಮದಲ್ಲಿ ಶೇಖರವಾಗಿದ್ದ ಕಲ್ಮಶಗಳನ್ನು ನಿವಾರಿಸುತ್ತದೆ. ಇದರಿಂದ ಶೀಘ್ರವಾಗಿ ಸಹಜವರ್ಣ ಪಡೆಯಲು ಸಾಧ್ಯವಾಗುತ್ತದೆ.

ನೆರಿಗೆಗಳನ್ನು ನಿವಾರಿಸಲು ನೆರವಾಗುತ್ತದೆ

ನೆರಿಗೆಗಳು ಸಹಜ ಸೌಂದರ್ಯವನ್ನು ಕುಂದಿಸುತ್ತವೆ. ಚರ್ಮ ಸಹಜವಾದ ಸೆಳೆತವನ್ನು ಕಳೆದುಕೊಳ್ಳುವ ಮೂಲಕ ನೆರಿಗೆಗಳು ಪ್ರಾರಂಭವಾಗುತ್ತವೆ. ಸೆಳೆತವನ್ನು ಹೆಚ್ಚಿಸುವ ಮೂಲಕ ನೆರಿಗೆಗಳನ್ನು ನಿವಾರಿಸಿಕೊಳ್ಳಬಹುದು.

ನೆರಿಗೆಗಳನ್ನು ನಿವಾರಿಸಲು ನೆರವಾಗುತ್ತದೆ

ಇದಕ್ಕಾಗಿ ಪ್ರತಿದಿನ ಹತ್ತು ನಿಮಿಷಗಳ ಕಾಲ ನೆರಿಗೆಗಳಿರುವ ಚರ್ಮವನ್ನು ನಯವಾಗಿ ಮಸಾಜ್ ಮಾಡಿ. ಕೆಲವು ದಿನಗಳಲ್ಲಿಯೇ ನೆರಿಗೆಗಳು ಮಾಯವಾಗುತ್ತವೆ. ಇದೇ ವಿಧಾನ ಅನುಸರಿಸಿ ನೆರಿಗೆ ಮೂಡಲಿರುವ ಅನುಮಾನವಿರುವ ಭಾಗವನ್ನೂ ಮಸಾಜ್ ಮಾಡಿ ನೆರಿಗೆಗಳು ಬರುವುದನ್ನು ತುಂಬಾ ತಡವಾಗಿಸಬಹುದು.

ಚರ್ಮದ ಕೋಮಲತೆ ಹೆಚ್ಚಿಸುತ್ತದೆ

ಚರ್ಮ ಒರಟಾಗಿದ್ದರೆ ಇದನ್ನು ಸೌಮ್ಯಗೊಳಿಸಲು ಹೆಚ್ಚಿನ ಖರ್ಚು ಮಾಡುವ ಅಗತ್ಯವಿಲ್ಲ. ಕೇವಲ ಉಪ್ಪಿನ ಗಾಢ ದ್ರಾವಣದ ಫೇಶಿಯಲ್ ವಿಧಾನವನ್ನು ವಾರಕ್ಕೊಮ್ಮೆ ಅಥವಾ ವಾರಕ್ಕೆರಡು ಬಾರಿ ಪಡೆದರೆ ಸಾಕು. ಇದಕ್ಕಾಗಿ ಒಂದು ದೊಡ್ಡಚಮಚ ಉಪ್ಪು ಮತ್ತು ಒಂದು ದೊಡ್ಡಮಚ ಹಾಲು ಮತ್ತು ಕೊಂಚ ಕೋಲ್ಡ್ ಕ್ರೀಂ ಸೇರಿಸಿ ದಪ್ಪನಾದ ದ್ರಾವಣ ತಯಾರಿಸಿ. ಈ ದ್ರಾವಣವನ್ನು ದಪ್ಪನಾಗಿ ಮುಖಕ್ಕೆ ಹಚ್ಚಿ ಫೇಶಿಯಲ್ ವಿಧಾನ ಅನುಸರಿಸುವ ಮೂಲಕ ಚರ್ಮ ಅತಿ ಕೋಮಲವಾಗುತ್ತದೆ.

ಮುಖದ ಮೊಡವೆಗಳನ್ನು ನಿವಾರಿಸುತ್ತದೆ

ಮುಖದ ಮೊಡವೆಗಳು ಹದಿಹರೆಯದವರಿಗೆ ಕಾಡುವ ಸಮಸ್ಯೆಯಾಗಿದೆ. ಇದಕ್ಕಾಗಿ ಒಂದು ಬೋಗುಣಿಯಲ್ಲಿ ಒಂದು ದೊಡ್ಡಚಮಚ ಉಪ್ಪು ಮತು ಒಂದು ಚಿಕ್ಕ ಚಮಚ ಅರಿಶಿನ ಪುಡಿ ಸೇರಿಸಿ ಮಿಶ್ರಣ ಮಾಡಿ. ಇದಕ್ಕೆ ಕೊಂಚ ಮೊಸರು ಸೇರಿಸಿ ದಪ್ಪನಾದ ದ್ರಾವಣವಾಗುವಂತೆ ಬೆರೆಸಿ. ಈ ಲೇಪನವನ್ನು ದಪ್ಪನಾಗಿ ಕೇವಲ ಮೊಡವೆಯ ಮೇಲೆ ಮಾತ್ರ ಬರುವಂತೆ ಹಚ್ಚಿ. (ಪಕ್ಕದ ಚರ್ಮಕ್ಕೆ ತಾಕಿದರೆ ಕೆಂಪಗಾಗಬಹುದು) ಇದು ಹಾಗೇ ಒಣಗಲು ಬಿಡಿ. ಮುಂದಿನ ಸ್ಲೈಡ್ ಕ್ಲಿಕ್ ಮಾಡಿ

ಮುಖದ ಮೊಡವೆಗಳನ್ನು ನಿವಾರಿಸುತ್ತದೆ

ಕೊಂಚ ಹೊತ್ತಿನ ಬಳಿಕ ಉಗುರುಬೆಚ್ಚನೆಯ ನೀರಿನಿಂದ ತೊಳೆದುಕೊಳ್ಳಿ. ಈ ವಿಧಾನವನ್ನು ವಾರಕ್ಕೆರಡು ಬಾರಿ ಅನುಸರಿಸಿ. ಕ್ರಮೇಣ ಮೊಡವೆಗಳು ಯಾವುದೇ ಕಲೆ ಉಳಿಸದೇ ಮಾಯವಾಗುತ್ತವೆ.

ಚಿಕ್ಕಪುಟ್ಟ ಗಾಯ, ಗೀರುಗಳಿಗೆ ಶಮನ ನೀಡುತ್ತದೆ

ಪ್ರತಿದಿನ ಮಾಡುವ ಶೇವಿಂಗ್ ಸಮಯದಲ್ಲಿ ರೇಜರ್‌ನ ತೀಕ್ಷ್ಣ ಅಲಗು ತಾಗಿ ಅತಿ ಸೂಕ್ಷ್ಮ ಗೀರು ಮತ್ತು ಗಾಯಗಳಾಗಬಹುದು. ಇದಕ್ಕಾಗಿ ಒಂದು ವೇಳೆ ಆಫ್ಟರ್ ಶೇವ್ ಲೋಷನ್ ಇಲ್ಲದಿದ್ದರೆ ಉಪ್ಪುನೀರಿನ ದ್ರಾವಣ ಬಳಸುವ ಮೂಲಕ ಈ ಗೀರುಗಳು ಸುಲಭವಾಗಿ ಮಾಗುತ್ತವೆ ಹಾಗೂ ಪ್ರಾರಂಭದಲ್ಲಿ ಕೊಂಚ ಉರಿಯಾದರೂ ಸ್ವಲ್ಪ ಹೊತ್ತಿನ ಬಳಿಕ ಕಡಿಮೆಯಾಗುತ್ತದೆ. ಇದು ಗಾಯಗಳನ್ನು ಮಾಗಿಸುವ ಜೊತೆಗೇ ಗೀರುಗಳ ಕಲೆ ಉಳಿಯದಂತೆ ಮಾಡುತ್ತದೆ.