ಸೌಂದರ್ಯ ವೃದ್ಧಿಗೆ ಬೇವಿನ ಫೇಸ್ ಪ್ಯಾಕ್

ಸುಂದರ ತ್ವಚೆಗಾಗಿ ಬೇವು ಮತ್ತು ಗಂಧದ ಪ್ಯಾಕ್

ಬೇವಿನ ಪ್ಯಾಕ್ ಬ್ಯಾಕ್ಟೀರಿಯಾದಿಂದ ಆಗುವ ಕೆಟ್ಟ ಪರಿಣಾಮಗಳನ್ನು ಹೋಗಲಾಡಿಸಿ ತ್ವಚೆಯನ್ನು ಸುಂದರಗೊಳಿಸುತ್ತದೆ. ಬೇವಿನ ಪೌಡರ್ ಜೊತೆ ಗಂಧದ ಪೌಡರನ್ನು ರೋಸ್ ವಾಟರ್ ಜೊತೆ ಮಿಶ್ರಣ ಮಾಡಿ ಪೇಸ್ಟ್ ಮಾಡಿಕೊಳ್ಳಿ ನಂತರ ಇದನ್ನು ನಿಮ್ಮ ಚರ್ಮಕ್ಕೆ ಬಳಸಿ ಸ್ವಲ್ಪ ಸಮಯ ಹಾಗೇ ಬಿಟ್ಟು ನಂತರ ತೊಳೆದರೆ ನಿಮ್ಮ ಚರ್ಮಕ್ಕೆ ವಿಶೇಷ ಹೊಳಪು ಬರುತ್ತದೆ.

ಎಣ್ಣೆ ಮುಕ್ತ ಚರ್ಮಕ್ಕಾಗಿ ಬೇವು ಮತ್ತು ಕಡಲೆ ಹಿಟ್ಟಿನ ಪ್ಯಾಕ್

ಈ ಪ್ಯಾಕ್ ಜಿಡ್ಡಿನಿಂದ ಕೂಡಿದ ಚರ್ಮ ಉಳ್ಳವರಿಗೆ ಒಂದು ವರವಾಗಿದೆ. ಬೇವು ಮತ್ತು ಕಡಲೆ ಹಿಟ್ಟಿನ ಪೌಡರನ್ನು ಒಟ್ಟಾಗಿ ಮಿಶ್ರಣ ಮಾಡಿ, ನಂತರ ಅದನ್ನು ಚರ್ಮಕ್ಕೆ ಬಳಸಿ ಸ್ವಲ್ಪ ಸಮಯ ಹಾಗೆಯೇ ಬಿಡಬೇಕು. ನಂತರ ಮುಖವನ್ನು ಚೆನ್ನಾಗಿ ತೊಳೆದರೆ ಚರ್ಮವು ಸ್ವಚ್ಛವಾಗಿ ಕಾಣುತ್ತದೆ. ಈ ಮಿಶ್ರಣ ಮೊಡವೆ ಮತ್ತು ಕಲೆಗಳನ್ನು ಹೋಗಲಾಡಿಸುವುದರಿಂದ ಹದಿ ಹರೆಯದವರಿಗೆ ಇದು ತುಂಬಾ ಉಪಯುಕ್ತವಾಗಿದೆ.

ಬೇವು ಮತ್ತು ಜೇನಿನ ಪ್ಯಾಕ್ ಕಾಂತಿಯುತ ಚರ್ಮಕ್ಕಾಗಿ

ಬೇವು ಮತ್ತು ಜೇನನ್ನು ಕಾಂತಿಯುತ ಮತ್ತು ಸ್ವಚ್ಛ ತ್ವಚೆ ಪಡೆಯಲು ಉಪಯೋಗಿಸುತ್ತಾರೆ. ಬೇವು ಮತ್ತು ಜೇನಿನರಸ ಮಂಕಾದ ತ್ವಚೆಯನ್ನು ಸುಂದರಗೊಳಿಸಲು ಬಳಸುತ್ತಾರೆ. ಸ್ವಲ್ಪ ಬೇವಿನ ಎಲೆಗಳನ್ನು ತೆಗೆದುಕೊಂಡು ಅದನ್ನು ಜೇನಿನೊಂದಿಗೆ ಕಿವುಚಬೇಕು ಮತ್ತು ಪೇಸ್ಟ್ ಮಾಡಿಕೊಳ್ಳಬೇಕು ನಂತರ ಚರ್ಮದ ಮೇಲೆ ಹಚ್ಚಿ ಸ್ವಲ್ಪ ಸಮಯದ ನಂತರ ತೊಳೆಯಬೇಕು.

ಬೇವು ಮತ್ತು ಪಪ್ಪಾಯಿ ಹಣ್ಣಿನ ಪ್ಯಾಕ್

ಬೇವು ಮತ್ತು ಪಪ್ಪಾಯಿ ಹಣ್ಣಿನ ಮಿಶ್ರಣ ಚರ್ಮದ ಮೇಲೆ ಅತ್ಯುತ್ತಮವಾಗಿ ಪರಿಣಾಮ ಬೀರುತ್ತದೆ. ಇದರಿಂದ ಚರ್ಮವು ಸ್ವಚ್ಚ ಮತ್ತು ಹೊಳಪಿನಿಂದ ಕಂಗೊಳಿಸುತ್ತದೆ. ಬೇವಿನ ಪೌಡರನ್ನು ಪಪ್ಪಾಯಿಯೊಂದಿಗೆ ಸೇರಿಸಿ ಪೇಸ್ಟ್ ತರಹ ಮಾಡಿಕೊಂಡು ಇದನ್ನು ಚರ್ಮದ ಮೇಲೆ ಬಳಸಬೇಕು. ಸ್ವಲ್ಪ ಹೊತ್ತು ಬಿಟ್ಟು ನಂತರ ತೊಳೆದಾಗ ಹೊಳೆ ಹೊಳೆಯುವ ತ್ವಚೆಯ ಫಲಿತಾಂಶ ಹೊರಬೀಳುವುದರಲ್ಲಿ ಸಂಶಯವಿಲ್ಲ.

ಬೇವು ಮತ್ತು ಟೊಮೇಟೊ

ಇದೆರಡನ್ನು ಒಟ್ಟಾಗಿ ಬಳಸುವುದರಿಂದ ಕಾಂತಿಯುತ ಮತ್ತು ತೇವರಹಿತ ಚರ್ಮವನ್ನು ಹೊಂದಬಹುದಾಗಿದೆ. ಬೇವಿನ ಪೌಡರನ್ನು ಟೊಮೇಟೊ ಹಣ್ಣಿನೊಂದಿಗೆ ಸೇರಿಸಿ ಮಿಶ್ರಣ ಮಾಡಿಕೊಂಡು ಚರ್ಮದ ಮೇಲೆ ಉಪಯೋಗಿಸಿ ಇಪ್ಪತ್ತು ನಿಮಿಷಗಳ ಕಾಲ ಹಾಗೇ ಒಣಗಲು ಬಿಟ್ಟು, ಸ್ವಲ್ಪ ಸಮಯದ ನಂತರ ತೊಳೆದಾಗ ಮುಖದಲ್ಲಿನ ಮೊಡವೆ ದೂರವಾಗಿ ಹೊಳೆಯುವ ಮುಖ ನಿಮ್ಮದಾಗುತ್ತದೆ.