ವಯಸ್ಸಿಗೇ ಸವಾಲೊಡ್ಡುವ ಅತ್ಯದ್ಭುತ ಸರಳ ಫೇಸ್ ಮಾಸ್ಕ್

Skin Care

oi-Staff

By Jaya subramanya

Updated: Thursday, May 19, 2016, 9:44 [IST]

ನಳನಳಿಸುವ ಆರೋಗ್ಯಯುತ ಯವ್ವೌನಪೂರ್ಣ ತ್ವಚೆಯನ್ನು ಪಡೆದುಕೊಳ್ಳಲು ಯಾರಿಗೆ ತಾನೇ ಇಷ್ಟವಿಲ್ಲ ಹೇಳಿ? ಮಹಿಳೆಯರಿಗೆ ತಾವು ವಯಸ್ಸಾಗಿದ್ದರೂ ಇನ್ನೂ ಯುವತಿಯರಂತೆ ಕಾಣಿಸಿಕೊಳ್ಳಬೇಕೆಂಬ ಬಯಕೆ ಅತಿಯಾಗಿಯೇ ಇರುತ್ತದೆ. ಮುಪ್ಪಿನ ತ್ವಚೆಯನ್ನು ಪಡೆದುಕೊಳ್ಳಲು ಸುಕ್ಕಗಳು, ಕಲೆಗಳು, ಒಣಚರ್ಮ ಮೊದಲಾದ ಸಮಸ್ಯೆಗಳು ನಿಮ್ಮ ತ್ವಚೆಯನ್ನು ಮುಪ್ಪಿನ ಕೂಪಕ್ಕೆ ತಳ್ಳಿಬಿಡುತ್ತದೆ.

ಈ ಸಮಸ್ಯೆಗಳನ್ನು ಪರಿಹರಿಸಲು ಸಂಪೂರ್ಣವಾಗಿ ಸಾಧ್ಯವಾಗದೇ ಇದ್ದರೂ ಇವುಗಳ ಪರಿಣಾಮಗಳನ್ನು ನಮಗೆ ಕುಗ್ಗಿಸಿಕೊಳ್ಳಬಹುದಾಗಿದೆ. ವಯಸ್ಸಾಗುವಿಕೆಯನ್ನು ತೀವ್ರ ಪರಿಣಾಮಕಾರಿಯಾಗಿ ಮಾಡದೇ ಇರುವ ಕೆಲವೊಂದು ಸಲಹೆಗಳನ್ನು ನಾವು ಇಂದಿಲ್ಲಿ ನೀಡುತ್ತಿದ್ದು ಅವುಗಳನ್ನು ತ್ವರಿತವಾಗಿ ಯಾವುದೇ ಅಡ್ಡಪರಿಣಾಮಗಳಿಲ್ಲದೆ ನಿಮಗೆ ಬಳಸಬಹುದಾಗಿದೆ. ರಾಸಾಯನಿಕ ವಿಧಾನಗಳು ಮತ್ತು ಸೌಂದರ್ಯ ಕೇಂದ್ರಗಳಿಗೆ ಭೇಟಿ ನೀಡದೆಯೇ ಹಣವನ್ನು ವ್ಯಯಿಸದೆಯೇ ಈ ಪರಿಹಾರಗಳನ್ನು ಅನುಸರಿಸಿ ನಿಮಗೆ ಅದ್ಭುತ ಪ್ರಯೋಜನಗಳನ್ನು ಕಂಡುಕೊಳ್ಳಬಹುದಾಗಿದೆ.

ನೈಸರ್ಗಿಕ ಫೇಶಿಯಲ್ಸ್, ಸ್ಕ್ರಬ್ಸ್, ಲೋಶನ್ ಮತ್ತು ಬಾಡಿ ವಾಶ್‌ಗಳು ನಿಮ್ಮನ್ನು ಯುವ ನೋಟದಲ್ಲಿ ಕಂಗೊಳಿಸುವಂತೆ ಮಾಡುತ್ತದೆ. ನಿಮ್ಮನ್ನು ಐದು ವರ್ಷ ಎಳವೆಯಂತೆ ಮಾಡುವ 4 ಫೇಸ್ ಮಾಸ್ಕ್ ವಿಧಾನಗಳನ್ನು ಇಂದಿಲ್ಲಿ ನಾವು ನೀಡುತ್ತಿದ್ದು ಅವುಗಳನ್ನು ಬಳಸಿ ಯುವತ್ವ ತ್ವಚೆಯನ್ನು ನಿಮಗೆ ಪಡೆದುಕೊಳ್ಳಬಹುದಾಗಿದೆ. ಹತ್ತು ವರ್ಷದ ಹಿಂದಿನ ಸೌಂದರ್ಯ, ಬರೀ ಒಂದೇ ತಿಂಗಳಿನಲ್ಲಿ!

ಗ್ರೀನ್ ಆಪಲ್ ಮತ್ತು ಆಲೂಗಡ್ಡೆ ಫೇಸ್ ಮಾಸ್ಕ್

ಈ ಸರಳವಾಗಿರುವ ಫೇಸ್ ಮಾಸ್ಕ್ ಮಹಿಳೆಯರು ಮತ್ತು ಪುರುಷರೂ ಬಳಸಬಹುದಾಗಿದೆ. ಇದನ್ನು ತಯಾರಿಸಲು, ಒಂದು ಚಮಚದಷ್ಟು ಗ್ರೀನ್ ಆಪಲ್ ತಿರುಳು ಬೇಕು, ಹಾಗೂ 1 ಚಮಚದಷ್ಟು ಆಲೂಗಡ್ಡೆ ತಿರುಳು ಮತ್ತು 1 ಚಮಚ ಲಿಂಬೆ ರಸ. ಈ ಮೂರನ್ನು ಮಿಶ್ರ ಮಾಡಿಕೊಂಡು ದಪ್ಪನೆಯ ಪೇಸ್ಟ್ ಮಾಡಿಕೊಳ್ಳಿ. ನಿಮ್ಮ ಮುಖಕ್ಕೆ ಈ ಪೇಸ್ಟ್ ಅನ್ನು ಹಚ್ಚಿಕೊಳ್ಳಿ. 15 ನಿಮಿಷಗಳ ತರುವಾಯ ಈ ಪೇಸ್ಟ್ ಅನ್ನು ತೊಳೆದುಕೊಳ್ಳಿ.ಫಲಿತಾಂಶವನ್ನು ನಿಮಗೆ ಕಂಡುಕೊಳ್ಳಬಹುದಾಗಿದೆ.

ಮಜ್ಜಿಗೆ ಮತ್ತು ಓಟ್ ಮೀಲ್ ಮಾಸ್ಕ್

ವಯಸ್ಸಾಗುವಿಕೆಯನ್ನು ಮರೆಮಾಚಲು ಈ ಮಾಸ್ಕ್ ಹೆಚ್ಚು ಪ್ರಯೋಜನಕಾರಿ. ಈ ಮಾಸ್ಕ್ ತಯಾರಿಸಲು, ಅರ್ಧ ಕಪ್‌ನಷ್ಟು ಮಜ್ಜಿಗೆಯನ್ನು ಬಳಸಿ ಹಾಗೂ 2 ಚಮಚ ಓಟ್ ಮೀಲ್ ಅನ್ನು ಇದಕ್ಕೆ ಸೇರಿಸಿ. ಬಾದಾಮಿ ಎಣ್ಣೆ ಮತ್ತು 1 ಚಮಚ ಆಲೀವ್ ಎಣ್ಣೆಯನ್ನು ಮಿಶ್ರಣಕ್ಕೆ ಸೇರಿಸಿ. ನಂತರ ಮುಖ ಹಾಗೂ ಕತ್ತಿಗೆ ಈ ಫೇಸ್ ಪ್ಯಾಕ್ ಬಳಸಿ. ವೃತ್ತಾಕಾರವಾಗಿ ಮಸಾಜ್ ಮಾಡಲು ಮರೆಯದಿರಿ. 20 ನಿಮಿಷಗಳ ನಂತರ ಮುಖವನ್ನು ತಣ್ಣೀರಿನಿಂದ ತೊಳೆಯಿರಿ.

ಸ್ಟ್ರಾಬೆರ್ರಿ ಹಾಗೂ ಮೊಟ್ಟೆಯ ಬಿಳಿ ಮಾಸ್ಕ್

ಬೇಗನೇ ವಯಸ್ಸಾಗುವಿಕೆ ಪ್ರಕ್ರಿಯೆಗೆ ಇದು ಅಂತ್ಯವನ್ನು ಹಾಡುವ ಮಾಸ್ಕ್ ಆಗಿದೆ. ಮುಖದಲ್ಲಿರುವ ಗೆರೆಯನ್ನು ನಿವಾರಿಸಲು ಈ ಮಾಸ್ಕ್ ಸಹಕಾರಿಯಾಗಿದೆ. ಈ ಮಾಸ್ಕ್ ತಯಾರಿಸಲು, 3-4 ಸ್ಟ್ರಾಬೆರ್ರಿಯನ್ನು ತೆಗೆದುಕೊಂಡು ಅದನ್ನು 1 ಮೊಟ್ಟೆಯ ಬಿಳಿಭಾಗದಲ್ಲಿ ಹಿಸುಕಿಕೊಳ್ಳಿ. ನಿಮ್ಮ ಮುಖಕ್ಕೆ ಈ ಮಾಸ್ಕ್ ಹಚ್ಚಿ 20 ನಿಮಿಷಗಳ ತರುವಾಯ ಮುಖವನ್ನು ತೊಳೆಯಿರಿ. ನಿಮ್ಮ ಕಣ್ಣುಗಳ ಸುತ್ತಲಿರುವ ನೆರಿಗೆಗಳ ನಿವಾರಣೆಗೆ ಈ ಮಾಸ್ಕ್ ಸೂಪರ್ ಪರಿಹಾರವಾಗಿದೆ.

ಕೋಕಾ ಪೌಡರ್ ಮತ್ತು ಹಾಲಿನ ಮಾಸ್ಕ್

ತೀರಾ ಬೇಗನೇ ವಯಸ್ಸಾಗುವಿಕೆಯನ್ನು ತಡೆಯಲು ಈ ಮಾಸ್ಕ್ ಪರಿಣಾಮಕಾರಿಯಾದುದು. 1 ಚಮಚದಷ್ಟು ಸಿಹಿಯಾಗಿಲ್ಲದ ಕೋಕಾ ಹುಡಿಯನ್ನು ತೆಗೆದುಕೊಂಡು ಅದನ್ನು 2 ಚಮಚದಷ್ಟು ಹಾಲಿಗೆ ಮಿಶ್ರ ಮಾಡಿಕೊಳ್ಳಿ. ನಿಮ್ಮ ಮುಖಕ್ಕೆ ಈ ಪೇಸ್ಟ್ ಅನ್ನು ಹಚ್ಚಿಕೊಳ್ಳಿ. ಮುಖವನ್ನು ಒಣಗಲು ಬಿಡಿ. 15 ನಿಮಿಷದ ನಂತರ ತಣ್ಣೀರಿನಿಂದ ಮುಖವನ್ನು ತೊಳೆದುಕೊಳ್ಳಿ. ಉತ್ತಮ ಫಲಿತಾಂಶವನ್ನು ಕಂಡುಕೊಳ್ಳಲು ವಾರಕ್ಕೆ ಎರಡು ಬಾರಿ ಈ ಮಾಸ್ಕ್ ಬಳಸಿ.