ಜಾಹೀರಾತಿನ ಮೋಡಿಗೆ ಮರುಳಾಗಿ ಮೋಸ ಹೋಗದಿರಿ

ಆಲೂಗಡ್ಡೆ

ಆಲೂಗಡ್ಡೆಯಲ್ಲಿ ಬಿ-ಕಾಂಪ್ಲೆಕ್ಸ್ ವಿಟಮಿನ್ ಸತ್ವಗಳು, ಪೊಟಾಶಿಯಮ್, ಮ್ಯಾಂಗನೀಸ್, ಜಿಂಕ್ ಮತ್ತು ಫಾಸ್ಫರಸ್ ಸತ್ವಗಳು ಹೇರಳವಾಗಿದ್ದು, ನಿಮ್ಮ ಚರ್ಮದ ಕಾಂತಿಯನ್ನು ಹೆಚ್ಚಿಸುವ ಗುಣ ಹೊಂದಿವೆ. ಇದರಲ್ಲಿರುವ ವಿಟಮಿನ್ ಬಿ ಕಾಂಪ್ಲೆಕ್ಸ್ ಸತ್ವದಲ್ಲಿರುವ ನಿಯಾಸಿನ್ ಅಮೈಡ್ ಅಂಶವು ನಿಮ್ಮ ಜೀವಕೋಶಗಳಿಗೆ ಪುನರುಜ್ಜೀವನ ನೀಡುತ್ತದೆ.

ಉಪಯೋಗಿಸುವ ಬಗೆ

ಆಲೂಗಡ್ಡೆ ಹೋಳನ್ನು ನಿಮ್ಮ ಮುಖದ ತ್ವಚೆಯ ಭಾಗಕ್ಕೆ ವೃತ್ತಾಕಾರದಲ್ಲಿ 10 ನಿಮಿಷಗಳ ಕಾಲ ತಿಕ್ಕಿಕೊಳ್ಳಿ. ಆಲೂಗಡ್ಡೆ ಹೋಳು ಒಣಗಿದರೆ ಮತ್ತೊಂದು ಹೋಳನ್ನು ಉಪಯೋಗಿಸಿ. ಈ ಪ್ರಕ್ರಿಯೆಯಿಂದ ನಿಮ್ಮ ತ್ವಚೆಯು ಕಾಂತಿಯುಕ್ತವಾಗುತ್ತದೆ.

ಲಿಂಬೆ

ಇದರಲ್ಲಿರುವ ವಿಟಮಿನ್ ಸಿ ಸತ್ವವು ಉತ್ತಮ ಉತ್ಕರ್ಷಣ ನಿರೋಧಕ ಸತ್ವವಾಗಿದ್ದು, ಚರ್ಮಚಲ್ಲಿ ಮೆಲಾನಿನ್ ಅಂಶವನ್ನು ನಿಯಂತ್ರಿಸಲು ನೆರವಾಗುತ್ತದೆ. ಲಿಂಬೆಯಲ್ಲಿ ಸಿಟ್ರಿಕ್ ಆಸಿಡ್ ಸಹ ಇದ್ದು, ಇದರಿಂದ ನಿಮ್ಮ ತ್ವಚೆಯ ಸತ್ತ ಜೀವಕೋಶಗಳನ್ನು ಹೊರತೆಗೆದು, ಹೆಚ್ಚು ಕಾಂತಿಯುತವಾಗಲು ಸಹಕಾರಿಯಾಗಿದೆ.

ಉಪಯೋಗಿಸುವ ಬಗೆ

ಒಂದು ಚಮಚ ಕಂದು ಸಕ್ಕರೆ ಮತ್ತು ಮೊಟ್ಟೆಯ ಬಿಳಿ ಅಂಶವನ್ನು ಮಿಶ್ರಣ ಮಾಡಿಕೊಳ್ಳಿ. ಈ ಮಿಶ್ರಣಕ್ಕೆ ಒಂದು ಚಮಚ ಲಿಂಬೆ ರಸವನ್ನು ಬೆರೆಸಿ ಚೆನ್ನಾಗಿ ಕಲಸಿಕೊಳ್ಳಿ. ಈ ಮಿಶ್ರಣವನ್ನು ನಿಮ್ಮ ಬೆರಳುಗಳಿಂದ ಮುಖದ ಮೇಲೆ 10 ನಿಮಿಷಗಳ ಕಾಲ ವೃತ್ತಾಕಾರದಲ್ಲಿ ನಯವಾಗಿ ತಿಕ್ಕಿಕೊಳ್ಳಿ. ತದನಂತರ ತಿಳಿ ನೀರಿನಿಂದ ನಿಮ್ಮ ತ್ವಚೆಯನ್ನು ಸ್ವಚ್ಛಗೊಳಿಸಿಕೊಳ್ಳಿ.

ಪಪ್ಪಾಯಿ ಹಣ್ಣು

ಪಪ್ಪಾಯಿಯಲ್ಲಿ ಪಪಾಯಿನ್ ಎಂಬ ಸತ್ವವಿದ್ದು, ನಿಮ್ಮ ಚರ್ಮದ ಸತ್ತ ಜೀವಕೋಶಗಳನ್ನು ಹೊರತೆಗೆದು ಹೊಸ ಜೀವಕೋಶಗಳ ಉತ್ಪತ್ತಿಗೆ ಹೆಚ್ಚು ನೆರವಾಗುತ್ತದೆ.

ಉಪಯೋಗಿಸುವ ಬಗೆ

ಪಪ್ಪಾಯಿ ಹಣ್ಣಿನ ಪಾನೀಯ ತಯಾರಿಸಿಕೊಳ್ಳಿ. ಈ ಪಾನೀಯವನ್ನು ನಿಮ್ಮ ತ್ವಚೆಯ ಜಿಡ್ಡಿನ ಭಾಗಕ್ಕೆ ನಯವಾಗಿ ಹಚ್ಚಿಕೊಳ್ಳಿ. 10 ನಿಮಿಷ ಹಾಗೆಯೇ ಬಿಡಿ. ಈ ಪಾನೀಯವು ಒಣಗಿದ ನಂತರ ತಿಳಿ ನೀರಿನಿಂದ ಸ್ವಚ್ಛಗೊಳಿಸಿ. ಒಂದು ತಿಂಗಳ ಕಾಲ ಈ ಪ್ರಕ್ರಿಯೆಯನ್ನು ಅನುಸರಿಸಿದರೆ ಅದರ ವ್ಯತ್ಯಾಸ ನಿಮಗೇ ತಿಳಿಯುತ್ತದೆ. ಇದರಿಂದ ಉತ್ತಮ ಫಲಿತಾಂಶ ಹೊಂದಬಹುದು.