ಚಿನ್ನದ ದೇವತೆ 'ಅರಿಶಿನದ' ಸೌಂದರ್ಯ ಗುಣಗಳು

ಅರಿಶಿನವನ್ನು ಮಸಾಲೆಗಳಲ್ಲೇ ರಾಜನೆಂದೂ ಹಾಗೂ ಅರಿಶಿನಕ್ಕೆ ಮನೆಯ ಆಹಾರ ಪದಾರ್ಥಗಳಲ್ಲೇ ಹೆಚ್ಚು ಪ್ರಾತಿನಿಧ್ಯವನ್ನು ನೀಡಲಾಗಿದೆ. ಚರ್ಮ ಸಂಬಂಧಿತ ಸಮಸ್ಯೆಗಳನ್ನು ಸುಲಭವಾಗಿ ಪರಿಹರಿಸಲು ಮನೆಯಲ್ಲಿಯೇ ಸುಲಭವಾಗಿ ಸಿಗುವ ಔಷಧೀಯ ಪದಾರ್ಥವೆಂದರೆ ಅದು ಖಂಡಿತ ಅರಿಶಿನವೇ ಆಗಿರುತ್ತದೆ.

ಇದನ್ನು ಅಡುಗೆಯ ಹೊರತಾಗಿ ಕೂಡ ಸೌಂದರ್ಯವರ್ಧಕವಾಗಿ ಭಾರತದಲ್ಲಿ ಹಾಗೂ ಚೀನಾದಲ್ಲಿ ಹೆಚ್ಚು ಬಳಸಲಾಗುತ್ತಿದೆ. ಇದರಲ್ಲಿರುವ ನೈಸರ್ಗಿಕ ಸತ್ವಗಳು ಹೇರಳವಾಗಿದ್ದು, ಚರ್ಮ ಸಂಬಂಧಿತ ಸಮಸ್ಯೆಗಳನ್ನು ಶೀಘ್ರವಾಗಿ ತೊಲಗಿಸುತ್ತದೆ. ಅದರಲ್ಲೂ ಭಾರತೀಯ ಸಾಂಬಾರು ಪದಾರ್ಥಗಳಲ್ಲಿ ಅರಶಿನಕ್ಕೆ ಮಹತ್ವದ ಸ್ಥಾನವಿದೆ.

ನಿಮ್ಮ ಸಂಪೂರ್ಣ ಮತ್ತು ತ್ವಚೆಗೆ ಅನೂಹ್ಯ ಪ್ರಯೋಜನವನ್ನು ಒದಗಿಸುವ ಈ ಸಾಂಬಾರು ಪದಾರ್ಥಗಳ ರಾಜ, ರೋಗ ರುಜಿನಗಳಿಗೆ ರಾಮ ಬಾಣವಿದ್ದಂತೆ. ದೇಹದಲ್ಲಿ ವಿಷ ಜಂತುಗಳು ಕಚ್ಚಿದಾಗ ನಂಜು ಏರದಂತೆ ಅರಿಶಿನವನ್ನು ಲೇಪಿಸುತ್ತಾರೆ ಅಂತೆಯೇ ಅರಿಶಿನ ಬೆರೆಸಿದ ಹಾಲು ದಣಿವು, ಆಯಾಸ, ದೇಹದ ನೋವನ್ನು ತಕ್ಷಣ ಉಪಶಮನ ಮಾಡುವ ಸಂಜೀವಿನಿಯಂತೆ ಕಾರ್ಯನಿರ್ವಹಿಸುತ್ತದೆ. ಅರಿಶಿನ v/s ಶುಂಠಿ: ಇವೆರಡೂ ಒಂದೇ ನಾಣ್ಯದ ಎರಡು ಮುಖ!

ಅನಾದಿ ಕಾಲದಿಂದಲೂ ಭಾರತದಲ್ಲಿ ಸೌಂದರ್ಯದ ವೃದ್ಧಿಗಾಗಿ ಹೊಳೆಯುವ ತ್ವಚೆಗಾಗಿ ಅರಿಶಿನವನ್ನು ಬಳಸುತ್ತಿದ್ದಾರೆ. ಮುಖದ ಮೊಡವೆ, ಕಪ್ಪು ಕಲೆಗಳನ್ನು ಹೋಗಲಾಡಿಸಲು, ಸೂರ್ಯನ ಶಾಖದ ಹಾನಿಯಿಂದ ತಪ್ಪಿಸಲು, ವಯಸ್ಸಾಗುವಿಕೆಯನ್ನು ತಡೆಯಲು ಹೀಗೆ ಹತ್ತು ಹಲವು ಪ್ರಯೋಜನಗಳ ಸರಮಾಲೆಯನ್ನೇ ಅರಿಶಿನ ನಮಗೆ ಒದಗಿಸುತ್ತದೆ.

ಇಂದಿನ ಲೇಖನದಲ್ಲಿ ಮನೆಯಲ್ಲಿರುವ ವಸ್ತುಗಳನ್ನೇ ಅರಿಶಿನದೊಂದಿಗೆ ಬಳಸಿ ಸಿದ್ಧಪಡಿಸಲಾದ ಫೇಸ್ ಪ್ಯಾಕ್ ನಿಮ್ಮ ಸೌಂದರ್ಯವನ್ನು ಕಂಗೊಳಿಸುವಂತೆ ಮಾಡುವುದು ಹೇಗೆ ಎಂಬುದನ್ನು ಇಂದಿಲ್ಲಿ ತಿಳಿಸುತ್ತಿದ್ದೇವೆ. ನಿಮ್ಮ ಹಲವಾರು ಬರೆಯ ತ್ವಚೆಯ ಸಮಸ್ಯೆಗಳನ್ನು ಹೋಗಲಾಡಿಸಲು ಸಹಕಾರಿಯಾಗಿರುವ ಅರಿಶಿನದ ಫೇಸ್ ಪ್ಯಾಕ್ ವಿಧಾನವನ್ನು ಇಲ್ಲಿ ತಿಳಿಸುತ್ತಿದ್ದು ನೀವದನ್ನು ತಿಳಿದುಕೊಳ್ಳಿ

ಬೇಕಾಗಿರುವ ಸಾಮಾಗ್ರಿಗಳು
*2 ಚಮಚದಷ್ಟು ಕಡಲೆ ಹಿಟ್ಟು
*ಅರ್ಧ ಚಮಚ ಅರಿಶಿನ
*1 ಚಮಚ ಬಾದಾಮಿ ಎಣ್ಣೆ
*ಹಾಲು

*ಮೊದಲಿಗೆ ಒಂದು ಪಾತ್ರೆಯಲ್ಲಿ, ಎರಡು ಚಮಚ ಕಡಲೆ ಹಿಟ್ಟಿಗೆ ಅರಿಶಿನವನ್ನು ಸೇರಿಸಿಕೊಳ್ಳಿ. ನಂತರ ಬಾದಾಮಿ ಎಣ್ಣೆಯನ್ನು ಇದಕ್ಕೆ ಮಿಶ್ರ ಮಾಡಿ ಸ್ವಲ್ಪ ಹಾಲು ಹಾಕಿ ಪೇಸ್ಟ್ ತಯಾರಿಸಿ
*ಹಾಲನ್ನು ಮಿಶ್ರಣಕ್ಕೆ ಪೇಸ್ಟ್ ತಯಾರಿಯಾಗುವಂತೆ ಬಳಸಿಕೊಂಡರೆ ಸಾಕು. ಹೆಚ್ಚು ಹಾಲನ್ನು ಬಳಸದಿರಿ, ಇದರಿಂದ ಪೇಸ್ಟ್ ನೀರಾಗುವ ಸಾಧ್ಯತೆ ಇರುತ್ತದೆ. ನಿಮ್ಮ ಮುಖ, ಕುತ್ತಿಗೆಯ ಭಾಗಕ್ಕೆ ಈ ಮಿಶ್ರಣವನ್ನು ಲೇಪಿಸಿಕೊಳ್ಳಿ. 20 ನಿಮಿಷಗಳ ಕಾಲ ಹಾಗೆಯೇ ಬಿಡಿ, ನಂತರ ತಣ್ಣೀರಿನಿಂದ ಮುಖವನ್ನು ತೊಳೆದುಕೊಳ್ಳಿ.