ಕೋಮಲವಾದ ತ್ವಚೆಗೆ ಮೊಸರು ಮತ್ತು ಅಕ್ಕಿಯ ಸ್ಕ್ರಬ್

ತ್ವಚೆಯನ್ನು ಎಷ್ಟು ಆರೈಕೆ ಮಾಡುತ್ತೇವೆಯೋ, ಅದು ಅಷ್ಟು ಕಳೆಯಿಂದ ಇರುತ್ತದೆ. ಯಾವಾಗ ನಿಮ್ಮ ತ್ವಚೆಯು ಒಣಗಿದಂತೆ ಮತ್ತು ಕಳೆಗುಂದಿದ ಹಾಗೆ ಕಾಣುತ್ತದೆಯೋ, ಆಗ ಅದಕ್ಕೆ ಮೊಯಿಶ್ಚರೈಸಿಂಗ್ ಬಾಡಿ ಸ್ಕ್ರಬ್ ಮೂಲಕ ಆರೈಕೆ ನೀಡುವುದು ಅಗತ್ಯವಾಗಿರುತ್ತದೆ. ಅದಕ್ಕಾಗಿ ನಿಮಗೆ ಹಲವಾರು ಸ್ಕ್ರಬ್‌ಗಳು ಮಾರುಕಟ್ಟೆಯಲ್ಲಿ ದೊರೆಯುತ್ತವೆ. ಆದರೆ ಇವುಗಳಿಗಿಂತ ಸ್ವಾಭಾವಿಕವಾಗಿ ದೊರೆಯುವಂತಹ ಸ್ಕ್ರಬ್ ನಿಮಗೆ

ಈ ನಿಟ್ಟಿನಲ್ಲಿ ಸಹಾಯ ಮಾಡುತ್ತದೆ. ನೀವು ಯಾವುದೇ ಸ್ಕ್ರಬ್ ಬಳಸಿದರು ಅದರಲ್ಲಿ ರಾಸಾಯನಿಕ ಪದಾರ್ಥಗಳು ಇಲ್ಲವೆಂಬುದನು ಖಚಿತಪಡಿಸಿಕೊಂಡು ಬಳಸುವುದು ಒಳ್ಳೆಯದು. ಇದಕ್ಕಾಗಿ ನಾವು ಇಂದು ನಿಮಗೆ ಅಕ್ಕಿ ಮತ್ತು ಮೊಸರಿನ ಸ್ಕ್ರಬ್ ಕುರಿತು ತಿಳಿಸಿಕೊಡುತ್ತಿದ್ದೇವೆ. ಇದು ನಿಮಗೆ ಹೊಳಪಿನಿಂದ ಕೂಡಿದ ತ್ವಚೆಯನ್ನು ನೀಡಲು ಸಹಾಯ ಮಾಡುತ್ತದೆ. ಅಕ್ಕಿ ತೊಳೆದ ನೀರಿನ ಆಶ್ಚರ್ಯಕರ ಸಂಗತಿ

ಇದಕ್ಕಾಗಿ ನೀವು ಮಾಡಬೇಕಾಗಿರುವುದು ಇಷ್ಟೇ, ಮೊದಲು ಒಂದು ಬಟ್ಟಲು ಉದ್ದವಾಗಿರುವ ಬಾಸುಮತಿ ಅಕ್ಕಿಯನ್ನು ಬೆಚ್ಚಗಿರುವ ನೀರಿನಲ್ಲಿ, ನಾಲ್ಕು ಗಂಟೆಗಳ ಕಾಲ ನೆನೆಸಿ. ಅನಂತರ ನೀರನ್ನು ಒಂದು ಸ್ವಚ್ಛವಾದ ಹತ್ತಿಯ ಬಟ್ಟೆಯಿಂದ ಬಸಿದುಕೊಳ್ಳಿ. ಯಾವಾಗ ನೀರು ಇಂಗಿ ಹೋಗುತ್ತದೆಯೋ, ಆಗ ಅಕ್ಕಿ ಒಣಗಲು ಆರಂಭವಾಗುತ್ತದೆ. ಜೊತೆಗೆ ಅವುಗಳು ಒಡೆಯಲು ಸಹ ಆರಂಭವಾಗುತ್ತವೆ.ಈ ಅಕ್ಕಿಯನ್ನು ಅರ್ಧ ಕಪ್ ಗಟ್ಟಿ ಮೊಸರಿಗೆ ಸೇರಿಸಿ. ಈ ಅಕ್ಕಿಯು ಮೊಸರಿನಲ್ಲಿ ಸ್ವಲ್ಪ ಹೊತ್ತು ನೆನೆಯಲು ಬಿಡಿ. ಆನಂತರ ಮೂರು-ನಾಲ್ಕು ಹನಿ ಲ್ಯಾವೆಂಡರ್ ಎಸೆನ್ಶಿಯಲ್ ಆಯಿಲ್ ಸೇರಿಸಿ, ಚೆನ್ನಾಗಿ ಮಿಶ್ರಣ ಮಾಡಿ. ಈಗ ನಿಮ್ಮ ಮುಂದೆ ಮೊಯಿಶ್ಚರೈಸಿಂಗ್ ಬಾಡಿ ಸ್ಕ್ರಬ್ ಸಿದ್ಧವಾಗಿರುತ್ತದೆ.

ಬಳಸುವ ವಿಧಾನ
ಈ ಸ್ಕ್ರಬ್ ಅನ್ನು ನಿಮ್ಮ ದೇಹದ ಮೇಲೆ ಎರಡು-ಮೂರು ನಿಮಿಷಗಳ ಕಾಲ ಮೃದುವಾಗಿ ಮಸಾಜ್ ಮಾಡಿ. ಇದು ನಿಮ್ಮ ದೇಹದಿಂದ ಒಣ ತ್ವಚೆಯನ್ನು ನಿವಾರಿಸುತ್ತದೆ. ಆನಂತರ ನಿಮ್ಮ ದೇಹವನ್ನು ಬೆಚ್ಚಗಿನ ನೀರಿನಿಂದ ತೊಳೆಯಿರಿ. ಹೀಗೆ ಮಾಡುವುದರಿಂದ ನಿರ್ಜೀವ ಕೋಶಗಳು, ನಿಮ್ಮ ದೇಹದಿಂದ ಹೊರಗೆ ಹೋಗುತ್ತವೆ. ಉತ್ತಮ ಫಲಿತಾಂಶಕ್ಕಾಗಿ ಈ ಸ್ಕ್ರಬ್ ಅನ್ನು ದಿನಾ ಬಿಟ್ಟು ದಿನ ಬಳಸಿ.

ಪ್ರಯೋಜನಗಳು
ಮೊಸರು ನಿಮ್ಮ ಒಣ ತ್ವಚೆಗೆ ಮೃದುತ್ವವನ್ನು ನೀಡುವ ಪದಾರ್ಥವಾಗಿ ಕೆಲಸ ಮಾಡುತ್ತದೆ. ಒಡೆದ ಅಕ್ಕಿಯು ನಿಮ್ಮ ತ್ವಚೆಯನ್ನು ಎಕ್ಸ್‌ಫೋಲಿಯೇಟ್ ಮಾಡುತ್ತದೆ. ಜೊತೆಗೆ ಇದರಲ್ಲಿರುವ ಎಸೆನ್ಶಿಯಲ್ ಆಯಿಲ್ ನಿಮ್ಮ ತುರಿಕೆ ಬಂದಿರುವ ತ್ವಚೆಗೆ, ವಿಶ್ರಾಂತಿಯನ್ನು ನೀಡುತ್ತದೆ.