ಚಿಟಿಕೆ ಹೊಡೆಯುವಷ್ಟು ಸುಲಭವಾಗಿ ಸೌಂದರ್ಯವನ್ನು ಹೆಚ್ಚಿಸಿಕೊಳ್ಳಿ!

ಲಿಂಬೆರಸ ಮತ್ತು ನೀರು

ಒಂದು ಲಿಂಬೆ ಹಣ್ಣನ್ನು ಹಿಂಡಿ ಅದರ ರಸವನ್ನು ಅಷ್ಟೇ ಪ್ರಮಾಣದಲ್ಲಿ ಸಂಪೂರ್ಣವಾಗಿ ನೀರು ಬೆರೆಸಿ ಮುಖ ಮತ್ತು ಕತ್ತಿನ ಭಾಗಕ್ಕೆ ಹಚ್ಚಬೇಕು ಹೀಗೆ ಪ್ರತಿ ನಿತ್ಯ ಮಾಡುವುದರಿಂದ ಚರ್ಮವು ತನ್ನ ಬಣ್ಣವನ್ನು ಕಳೆದುಕೊಳ್ಳುವುದನ್ನು ತಡೆಗಟ್ಟಬಹುದಾಗಿದೆ.

ಜೇನು ಮತ್ತು ಲಿಂಬೆ

ಒಂದು ಲಿಂಬೆ ಹಣ್ಣಿನ ರಸದೊಂದಿಗೆ ಒಂದು ಟೇಬಲ್ ಚಮಚ ಜೇನನ್ನು ಚೆನ್ನಾಗಿ ಕಲಸಿಕೊಂಡು ಪೇಸ್ಟ್ ತರಹ ಮಾಡಿಕೊಂಡು ನಂತರ ಇದನ್ನು ಮುಖ ಮತ್ತು ಕತ್ತಿನ ಭಾಗಕ್ಕೆ ಹಚ್ಚಬೇಕು. ಇದನ್ನು ಪ್ರತಿ ನಿತ್ಯ ಹಚ್ಚುವುದರಿಂದ ಸನ್ ಬರ್ನ್ (ಸೂರ್ಯನ ಬೆಳಕಿನಿಂದ) ನಿಂದ ಕಪ್ಪಾಗುವುದನ್ನುತಡೆಗಟ್ಟಬಹುದು. ಇದರ ಗುಣಮಟ್ಟವನ್ನು ಇನ್ನೂ ಉತ್ತಮಗೊಳಿಸಬೇಕೆಂದರೆ ಈ ಮಿಶ್ರಣಕ್ಕೆ ಕೆಲವು ತುಳಸಿ ಎಲೆಗಳನ್ನು ಹಾಕಬೇಕು, ಯಾಕೆಂದರೆ ತುಳಸಿ ಎಲೆಯಲ್ಲಿ ರೋಗನಿರೋಧಕ ಗುಣವಿರುವುದರಿಂದ ಇದು ಚರ್ಮದಲ್ಲಿನ ಕಪ್ಪುಕಲೆಗಳಿಗೆ ಒಳ್ಳೆಯ ಚಿಕಿತ್ಸೆಯನ್ನು ನೀಡುತ್ತದೆ ಮತ್ತು ಕಪ್ಪು ಕಲೆಗಳನ್ನು ಕಡಿಮೆ ಮಾಡುತ್ತದೆ.

ಅರಿಶಿನ ಮತ್ತು ಹಾಲು

ಒಂದು ಚಿಕ್ಕ ತುಂಡು ಹಸಿಯಾದ ಅರಸಿನ ಕೊಂಬುನ್ನು ತೆಗೆದುಕೊಂಡು ಅದನ್ನು ತಿಕ್ಕಿ ಪೇಸ್ಟ್ ಮಾಡಿಕೊಂಡು ಸ್ವಲ್ಪ ಹಾಲಿನೊಂದಿಗೆ ಸೇರಿಸಿ ದಿನ ಹಚ್ಚುವುದರಿಂದ, ಇದು ಚರ್ಮಕ್ಕೆ ಒಂದು ಉತ್ತಮವಾದ ಬ್ಲೀಚ್ ನಂತೆ ಕೆಲಸ ಮಾಡುತ್ತದೆ.

ಕ್ಯಾರೆಟ್ ಮತ್ತು ರೋಸ್ ವಾಟರ್ (ಗುಲಾಬಿ ನೀರು)

ಚರ್ಮದ ಉತ್ತಮ ಕಾಂತಿಗೆ ಕ್ಯಾರೆಟ್ ಒಂದು ಉತ್ತಮ ತರಕಾರಿ. ಕ್ಯಾರೆಟ್ ಅನ್ನು ತುಂಡು ಮಾಡಿ ನಂತರ ಪೇಸ್ಟ್ ಮಾಡಿಕೊಂಡು ಇದಕ್ಕೆ ರೋಸ್ ವಾಟರಿನ ಕೆಲವು ಹನಿಗಳನ್ನು ಸೇರಿಸಬೇಕು. ನಂತರ ಇದನ್ನು ಮುಖ ಮತ್ತು ಕತ್ತಿನ ಭಾಗಗಳಿಗೆ ಹಚ್ಚಬೇಕು. ಮುಖ್ಯವಾಗಿ ಬಿಸಿಲು ಸೋಕುವ ಜಾಗಗಳಿಗೆ ಇದನ್ನು ಹಚ್ಚಿದರೆ ಹೆಚ್ಚು ಪರಿಣಾಮಕಾರಿಯಾಗಿ ಈ ಪೇಸ್ಟ್ ಕೆಲಸ ಮಾಡುತ್ತದೆ.

ಆಲೋವೆರಾ (ಲೊಳೆರಸ)

ಚರ್ಮವನ್ನು ಕಲೆರಹಿತವನ್ನಾಗಿ ಮಾಡಲು ಆಲೊವೆರಾಕ್ಕಿಂತ ಉತ್ತಮವಾದುದು ಇನ್ನೊಂದಿಲ್ಲವೆನ್ನಬಹುದು. ಇದರ ಜೆಲ್ ಅನ್ನು(ಲೊಳೆ) ತೆಗೆದು ಮುಖದ ಮೇಲೆ ದುಂಡಾಕಾರವಾಗಿ ಮುಖ ಮತ್ತು ಕತ್ತಿಗೆ ಭಾಗಕ್ಕೆಉಜ್ಜಬೇಕು. ಹತ್ತು ನಿಮಿಷಗಳ ನಂತರ ತೊಳೆಯುವುದರಿಂದ ಮುಖವು ಬೆಳ್ಳಗೆ ಮತ್ತು ಸುಂದರವಾಗಿ ಕಾಣುತ್ತದೆ. ಮೇಲೆ ಹೇಳಿರುವಂತಹ, ಮನೆಯಲ್ಲಿ ಮಾಡಬಹುದಾದಂತಹ ಫೇಶಿಯಲ್ ಗಳು ಚರ್ಮಕ್ಕೆ ಹೊಳಪು ನೀಡುತ್ತದೆ. ಈ ನೈಸರ್ಗಿಕ ವಸ್ತುಗಳನ್ನು ಬಳಸಿ ಇದನ್ನು ತಯಾರಿಸುವುದರಿಂದ, ಬ್ಲೀಚ್ ಸನ್ ಬರ್ನ್ ಹೋಗಲಾಡಿಸುವಲ್ಲಿ ಮತ್ತು ಚರ್ಮವು ಕಾಂತಿಯುತವಾಗಿ, ಸುಂದರವಾಗಿ ಕಾಣುವಲ್ಲಿ ಸಹಕಾರಿಯಾಗುತ್ತದೆ.