ಬ್ಯೂಟಿ ಟಿಪ್ಸ್: ಕ್ಯಾರೆಟ್, ಮೊಸರು, ಕಡಲೆ ಹಿಟ್ಟಿನ ಮಾಸ್ಕ್

ಸೌಂದರ್ಯ ಪ್ರಿಯರು ಬಯಸುವುದೇ ಕಾಂತಿಯುತ ಹಾಗೂ ಆರೋಗ್ಯಕರ ಚರ್ಮ. ಚರ್ಮವು ನಮ್ಮ ದೇಹದ ಸೌಂದರ್ಯವನ್ನು ವೃದ್ಧಿಸುತ್ತದೆ. ಚರ್ಮವು ಸತ್ತಂತ್ತಿದ್ದರೆ ಅಥವಾ ನೆರಿಗೆ ಬಿದ್ದಿದ್ದರೆ ಅದನ್ನು ನೋಡಿ ನಮಗೆ ಚಿಂತೆಯಾಗುತ್ತದೆ. ಚರ್ಮವು ಯಾವುದೇ ಕಲೆಗಳು ಇಲ್ಲದೆ ಕಾಂತಿಯುತ ಹಾಗೂ ಆರೋಗ್ಯದಿಂದ ಇರಬೇಕೆಂದರೆ ಅದರ ಆರೈಕೆ ಮಾಡುವುದು ಕೂಡ ಮುಖ್ಯವಾಗಿದೆ.

ಆರೈಕೆ ಎಂದರೆ ಏನು? ಟಿವಿ ಜಾಹೀರಾತಿನಲ್ಲಿ ಬರುವಂತಹ ರಾಸಾಯನಿಕಯುಕ್ತ ಉತ್ಪನ್ನಗಳನ್ನು ಬಳಸುವುದೇ? ಅಲ್ಲ ಮನೆಯಲ್ಲೇ ಸಿಗುವ ಸಾಮಗ್ರಿಗಳನ್ನು ಬಳಸಿಕೊಂಡು ಆರೈಕೆ ಮಾಡಬೇಕೇ ಎನ್ನುವ ಪ್ರಶ್ನೆಗಳು ಏಳುವುದು ಸಹಜ. ರಾಸಾಯನಿಕಗಳು ನಿಮ್ಮ ಚರ್ಮವನ್ನು ಮತ್ತಷ್ಟು ಕೆಡಿಸುವುದರಿಂದ ಮನೆಯಲ್ಲೇ ಸಿಗುವ ಸಾಮಗ್ರಿಗಳನ್ನು ಬಳಸಿ ಚರ್ಮದ ಆರೈಕೆ ಮಾಡಿ.

ಕ್ಯಾರೆಟ್, ಮೊಸರು ಮತ್ತು ಕಡಲೆ ಹಿಟ್ಟಿನಿಂದ ಮಾಡಿದ ಮಾಸ್ಕ್‌ನಿಂದ ಮುಖದ ಮೇಲಿನ ಕಲೆಗಳನ್ನು ನಿವಾರಿಸಬಹುದು. ಇದಕ್ಕೆ ಬಳಸುವ ಪ್ರತಿಯೊಂದು ಸಾಮಗ್ರಿಯಲ್ಲೂ ಸೌಂದರ್ಯ ವೃದ್ಧಿಸುವ ಅಂಶಗಳಿವೆ. ಇದನ್ನು ಜತೆಯಾಗಿ ಬಳಸಿದಾಗ ಅದರಿಂದ ಹೆಚ್ಚಿನ ಲಾಭವನ್ನು ಪಡೆಯಬಹುದು. ಪೋಷಕಾಂಶಗಳಿಂದ ತುಂಬಿರುವ ಕ್ಯಾರೆಟ್ ತ್ವಚೆಗೆ ಹಿತಕಾರಿ. ಕ್ಯಾರೆಟ್ ಫೇಸ್ ಪ್ಯಾಕ್-ತ್ವಚೆಯ ಸುಕ್ಕುಗಳಿಗೆ ಗೇಟ್ ಪಾಸ್!

ಇದರಲ್ಲಿನ ಆ್ಯಂಟಿಆಕ್ಸಿಡೆಂಟ್, ವಿಟಮಿನ್ ಮತ್ತು ಖನಿಜಾಂಶಗಳು ತ್ವಚೆಗೆ ತುಂಬಾ ಲಾಭಕಾರಿ. ಮೊಸರು ಚರ್ಮದಲ್ಲಿ ಮೂಡುವ ಗುಳ್ಳೆ, ಮೊಡವೆ ಮತ್ತು ಕಂದು ಕಳೆಗಳನ್ನು ನಿವಾರಿಸುತ್ತದೆ. ಕಡಲೆ ಹಿಟ್ಟು ಚರ್ಮದ ಮೇಲಿನ ಕಲೆಗಳನ್ನು ಕಡಿಮೆ ಮಾಡಿ ಚರ್ಮವು ಕಾಂತಿಯುತವಾಗುವಂತೆ ಮಾಡುತ್ತದೆ. ಈ ಫೇಸ್ ಮಾಸ್ಕ್ ತಯಾರಿಸಲು ಯಾವ ಸಾಮಗ್ರಿ ಎಷ್ಟೆಷ್ಟು ಬೇಕು ಎನ್ನುವ ಬಗ್ಗೆ ತಿಳಿದುಕೊಳ್ಳುವ.

ಬೇಕಾಗುವ ಸಾಮಗ್ರಿಗಳು
*ಅರ್ಧ ಕ್ಯಾರೆಟ್
*ಒಂದು ಚಮಚ ಮೊಸರು
*ಒಂದು ಚಮಚ ಕಡಲೆ ಹಿಟ್ಟು ಪುನರ್ ಯೌವನದ ಚಿಕಿತ್ಸೆ-ಹಾಲು ಜೇನಿನ ಫೇಸ್ ಪ್ಯಾಕ್!

ಬಳಸುವ ವಿಧಾನ
*ಸಿಪ್ಪೆ ತೆಗೆದು ಅರ್ಧ ಕ್ಯಾರೆಟ್ ಅನ್ನು ಸಣ್ಣಗೆ ಕೊಚ್ಚಿ. ಇದರಿಂದ 2-3 ಚಮಚ ಕ್ಯಾರೆಟ್ ತೆಗೆದು ಅದನ್ನು ಇತರ ಎರಡು ಸಾಮಗ್ರಿಗಳೊಂದಿಗೆ ಮಿಶ್ರಣ ಮಾಡಿಕೊಳ್ಳಿ. ಫೇಸ್ ಮಾಸ್ಕ್ ಅನ್ನು ಮುಖ ಹಾಗೂ ಕುತ್ತಿಗೆಗೆ ಹಚ್ಚಿಕೊಳ್ಳಿ.