For Quick Alerts
ALLOW NOTIFICATIONS  
For Daily Alerts

ಸೂಕ್ಷ್ಮ ತ್ವಚೆಯ ಪರಿಹಾರಕ್ಕೆ ನೈಸರ್ಗಿಕ ಫೇಸ್ ಸ್ಕ್ರಬ್

By Jaya subramanya
|

ಸೂಕ್ಷ್ಮ ತ್ವಚೆಯನ್ನು ಹೊಂದಿರುವವರಿಗೆ ಸಮಸ್ಯೆಗಳ ಸರಮಾಲೆಯೇ ಎದುರಾಗುತ್ತಿರುತ್ತದೆ. ಯಾವುದೇ ತರಹದ ಮೇಕಪ್ ಮಾಡಿಕೊಳ್ಳುವುದು ಈ ಸೂಕ್ಷ್ಮ ತ್ವಚೆಯವರಿಗೆ ತೊಂದರೆಗಳನ್ನು ತಂದೊಡ್ಡುತ್ತದೆ. ಯಾವುದೇ ಸೌಂದರ್ಯ ಉತ್ಪನ್ನಗಳನ್ನು ಬಳಸಿದರೂ ಈ ತ್ವಚೆಗೆ ಹಾನಿಕರವಾಗಿರುತ್ತದೆ.

ಹೆಚ್ಚಿನ ಜನರು ಸೂಕ್ಷ್ಮ ತ್ವಚೆಯ ಸಮಸ್ಯೆಗಳನ್ನು ಅನುಭವಿಸುತ್ತಿದ್ದು ಈ ತರಹದ ತ್ವಚೆಯನ್ನು ನಿಭಾಯಿಸುವುದು ಕೊಂಚ ಕಷ್ಟವೇ. ಇಂತಹ ತ್ವಚೆಯು ಹಲವಾರು ಸಮಸ್ಯೆಗಳಿಂದ ಬಳಲುತ್ತದೆ. ಮೃತಕೋಶಗಳು, ಬ್ರೇಕ್ ಔಟ್‎ಗಳು, ಕೆಂಪು ಗುಳ್ಳೆಗಳು, ತುರಿಕೆ ಮತ್ತು ಇನ್ನೂ ಕೆಲವೊಂದು ತ್ವಚೆಯ ಸಮಸ್ಯೆಗಳನ್ನು ಈ ತ್ವಚೆಯವರು ಅನುಭವಿಸುವುದು ಖಂಡಿತ.

DIY Banana And Oatmeal Face Scrub For Sensitive Skin

ಹಾಗಿದ್ದರೆ ಈ ತ್ವಚೆಯ ಸಮಸ್ಯೆ ನಿವಾರಣೆಗೆ ಯಾವುದೇ ಪರಿಹಾರಗಳಿಲ್ಲವೇ ಎಂಬುದಾಗಿ ಯೋಚಿಸುತ್ತಿದ್ದೀರಾ. ಖಂಡಿತ ಇದೆ ಇಂದಿನ ಲೇಖನದಲ್ಲಿ ಇಂತಹ ತ್ವಚೆಗಾಗಿ ಇರುವ ಫಲಪ್ರದ ಮನೆಮದ್ದನ್ನೇ ನಾವು ತಿಳಿಸುತ್ತಿದ್ದೇವೆ. ಮತಚರ್ಮಗಳನ್ನು ನಿವಾರಿಸಲು ನಿಮ್ಮ ಮುಖಕ್ಕೆ ಸ್ಕ್ರಬ್ ಮಾಡಬೇಕಾಗುತ್ತದೆ ಹಾಗೂ ತ್ವಚೆಯನ್ನು ಮಾಯಿಶ್ಚರೈಸ್ ಮಾಡುವ ಸಾಮರ್ಥ್ಯವನ್ನು ಈ ಮದ್ದು ಒಳಗೊಂಡಿದೆ.

ಬಾಳೆಹಣ್ಣು ಮತ್ತು ಓಟ್ ಮೀಲ್ ಬಳಸಿ ತಯಾರಿಸಬಹುದಾದ ಫೇಸ್ ಸ್ಕ್ರಬ್ ಇದಾಗಿದ್ದು, ನಿಮ್ಮ ಅಡುಗೆ ಮನೆಯಲ್ಲಿ ಈ ಪರಿಕರಗಳು ಖಂಡಿತ ಇದ್ದೇ ಇರುತ್ತದೆ. ಈ ಎರಡು ನೈಸರ್ಗಿಕ ಪರಿಕರಗಳು ಉತ್ಕರ್ಷಣ ನಿರೋಧಿ ಅಂಶಗಳನ್ನು ಒಳಗೊಂಡಿದ್ದು, ಸೂಕ್ಷ್ಮ ತ್ವಚೆಗೆ ಇದು ಯಾವುದೇ ಹಾನಿಯನ್ನುಂಟು ಮಾಡುವುದಿಲ್ಲ. ಹಾಗಿದ್ದರೆ ಈ ಫೇಸ್ ಸ್ಕ್ರಬ್ ತಯಾರಿಸುವ ವಿಧಾನವೇನು ಎಂಬುದನ್ನು ಇಲ್ಲಿ ನಾವು ನೀಡುತ್ತಿದ್ದು ಇದು ಹೆಚ್ಚು ಪರಿಣಾಮಕಾರಿ ಎಂದೆನಿಸಿದೆ.

ಸಾಮಾಗ್ರಿಗಳು:
3 ಚಮಚದಷ್ಟು ಓಟ್ಸ್
1 ಬಾಳೆಹಣ್ಣು
ಸಿದ್ಧತೆ:
ಮೊದಲನೆಯದಾಗಿ, ಬಾಳೆಹಣ್ಣನ್ನು ಚೆನ್ನಾಗಿ ಹಿಸುಕಿಕೊಳ್ಳಿ ಮತ್ತು ಇದನ್ನು ಓಟ್‎ಮೀಲ್‎ನೊಂದಿಗೆ ಮಿಶ್ರ ಮಾಡಿಕೊಳ್ಳಿ. ಸ್ಕ್ರಬ್ ಪ್ಯಾಡ್ ಅನ್ನು ಬಳಸಿಕೊಂಡು ನಿಮ್ಮ ಮುಖಕ್ಕೆಲ್ಲಾ ಇದನ್ನು ಸ್ಕ್ರಬ್ ಮಾಡಿ. 5 ರಿಂದ 10 ನಿಮಿಷಗಳ ಕಾಲ ಸ್ಕ್ರಬ್ ಮಾಡಿದ ನಂತರ 15-20 ನಿಮಿಷ ಹಾಗೆಯೇ ಬಿಡಿ. ತಣ್ಣಗಿನ ನೀರಿನಿಂದ ಮುಖವನ್ನು ತೊಳೆದುಕೊಳ್ಳಿ.

English summary

DIY Banana And Oatmeal Face Scrub For Sensitive Skin

Is your skin highly reactive to cosmetics or skin-care products? Does it tend to get red often or cause a burning sensation whenever you apply anything on it? If the answer to the above-mentioned questions was a definite yes, then you must read on. So, today at Boldsky, we are sharing with you an incredible DIY face scrub that will remove dead skin cells and treat the skin problems from under the surface of the skin.
X
Desktop Bottom Promotion