ಕೂದಲಿನ ಸೌಂದರ್ಯ ಇಮ್ಮಡಿಸುವ ಗುಣ ಅರಿಶಿನದಲ್ಲಿದೆ...!

ತಲೆಹೊಟ್ಟು ನಿವಾರಿಸುತ್ತದೆ

ಕೂದಲಿದ್ದರೆ ತಲೆಹೊಟ್ಟಿನ ತೊಂದರೆ ಇದ್ದದ್ದೇ. ಎಷ್ಟೇ ದುಬಾರಿ ಶಾಂಪೂ ಉಪಯೋಗಿಸಿದರೂ ಮೊದಲು ಬಿಟ್ಟುಹೋದ ತಲೆಹೊಟ್ಟು ಕೆಲವೇ ದಿನಗಳಲ್ಲಿ ಹಿಂದಿರುತ್ತದೆ. ಆದರೆ ಅರಿಶಿನದ ಬ್ಯಾಕ್ಟೀರಿಯಾನಿವಾರಕ ಗುಣ ತಲೆಹೊಟ್ಟು ನಿವಾರಿಸಲು ನೆರವಾಗುತ್ತದೆ. ಅಲ್ಲದೇ ಕೂದಲ ಬುಡದ ರಕ್ತಪರಿಚಲನೆ ಹೆಚ್ಚಿಸಿ ಇಲ್ಲಿ ಸತ್ತ ಜೀವಕೋಶಗಳನ್ನು ಸಂಗ್ರಹವಾಗದಂತೆ ನೋಡಿಕೊಳ್ಳುತ್ತದೆ.

ತಲೆಹೊಟ್ಟು ನಿವಾರಿಸುತ್ತದೆ

ವಾಸ್ತವವಾಗಿ ಈ ಸತ್ತ ಜೀವಕೋಶಗಳೇ ಪದರದ ರೂಪದಲ್ಲಿ ಎದ್ದು ತಲೆಹೊಟ್ಟಿನ ರೂಪ ಪಡೆಯುತ್ತವೆ. ಇದಕ್ಕಾಗಿ ಕೊಂಚ ಅರಿಶಿನವನ್ನು ಆಲಿವ್ ಎಣ್ಣೆಯೊಂದಿಗೆ ಮಿಶ್ರಣ ಮಾಡಿ ತಲೆಕೂದಲ ಬುಡಕ್ಕೆ ಹಚ್ಚಿ. ಸುಮಾರು ಹದಿನೈದರಿಂದ ಮೂವತ್ತು ನಿಮಿಷ ಹಾಗೇ ಬಿಟ್ಟು ಬಳಿಕ ಸೌಮ್ಯ ಶಾಂಪೂವಿನಿಂದ ತೊಳೆದುಕೊಳ್ಳಿ.

ಕೂದಲು ಉದುರುವುದನ್ನು ತಡೆಯುತ್ತದೆ

ನಿಮ್ಮ ಕೂದಲ ಆರೈಕೆಯಲ್ಲಿ ಅರಿಶಿನವನ್ನು ಒಳಗೊಳಿಸಿದರೆ ಕೂದಲು ಉದುರುವುದನ್ನು ಬಹಳಷ್ಟು ಮಟ್ಟಿಗೆ ತಗ್ಗಿಸಬಹುದು. ಅರಿಶಿನ ಕೂದಲ ಬೆಳವಣಿಗೆಗೆ ಪ್ರಚೋದನೆ ನೀಡಿ ಬೆಳವಣಿಗೆಗೆ ಸಹಕರಿಸುತ್ತದೆ ಹಾಗೂ ಇದೊಂದು ಉತ್ತಮ ಕಂಡೀಶನರ್ ಸಹಾ ಹೌದು. ಮುಂದಿನ ಸ್ಲೈಡ್ ಕ್ಲಿಕ್ ಮಾಡಿ

ಕೂದಲು ಉದುರುವುದನ್ನು ತಡೆಯುತ್ತದೆ

ಇದಕ್ಕಾಗಿ ಕೊಂಚ ಅರಿಶಿನ ಪುಡಿಯನ್ನು ಸಮಪ್ರಮಾಣದ ಹಾಲು ಮತ್ತು ಜೇನಿನೊಂದಿಗೆ ಮಿಶ್ರಣ ಮಾಡಿ ಕೂದಲ ಬುಡಕ್ಕೆ ಹಚ್ಚಿ. ನಯವಾದ ಮಸಾಜ್ ಮೂಲಕ ಇಡಿಯ ತಲೆ ಆವರಿಸುವಂತೆ ಮಾಡಿ ಕೊಂಚ ಹೊತ್ತಿನ ಬಳಿಕ ಉಗುರುಬೆಚ್ಚನೆಯ ನೀರಿನಿಂದ ತೊಳೆದುಕೊಳ್ಳಿ.

ಕೂದಲಿಗೆ ಬಣ್ಣ ಒದಗಿಸುತ್ತದೆ

ಕೂದಲಿಗೆ ಬಣ್ಣ ಹಾಗೂ ಕಾಂತಿಯನ್ನು ನೀಡಲು ಅರಿಶಿನ ನೆರವಾಗುತ್ತದೆ. ಇದಕ್ಕಾಗಿ ಮದರಂಗಿ ಪುಡಿ ಮತ್ತು ಅರಿಶಿನ ಪುಡಿಯನ್ನು ಸಮಪ್ರಮಾಣದಲ್ಲಿ ಬೆರೆಸಿ ಕೊಂಚ ನೀರು ಸೇರಿಸಿ ಲೇಪನ ತಯಾರಿಸಿ. ಈ ಲೇಪನವನ್ನು ದಪ್ಪನಾಗಿ ಕೂದಲಿಗೆ ಹಚ್ಚುವ ಮೂಲಕ ಕೂದಲ ಬಣ್ಣ ಕೊಂಚ ಬದಲಾಗುತ್ತದೆ ಹಾಗೂ ಪ್ರಖರವೂ ಆಗುತ್ತದೆ. ಇದು ಕೂದಲ ಕಾಂತಿಯನ್ನು ಹೆಚ್ಚಿಸುತ್ತದೆ ಹಾಗೂ ಕೂದಲ ಆರೈಕೆಯಲ್ಲಿ ಧನಾತ್ಮಕ ಪರಿಣಾಮವೂ ಕಂಡುಬರುತ್ತದೆ.

ವಿವಿಧ ತಲೆಯ ಚರ್ಮದ ತೊಂದರೆಗಳನ್ನು ನಿವಾರಿಸುತ್ತದೆ

ತಲೆಬುರುಡೆಯ ಚರ್ಮ ಅತಿ ಹೆಚ್ಚು ಕೂದಲ ಬುಡಗಳನ್ನು ಹೊಂದಿರುವ ಕಾರಣ ಅತಿ ಸೂಕ್ಷ್ಮವಾಗಿದೆ. ತುರಿಕೆ, ಶಿಲೀಂಧ್ರದ ಸೋಂಕು, ಕೂದಲು ತೆಳ್ಳಗಾಗುವುದು, ಅಲ್ಲಲ್ಲಿ ಉದುರುವುದು, ಉರಿ, ಮೊದಲಾದವು ಅರಿಶಿನದ ಲೇಪನದಿಂದ ಕಡಿಮೆಯಾಗುತ್ತವೆ. ಇದಕ್ಕಾಗಿ ಅರಿಶಿನದ ಪುಡಿಯನ್ನು ನೀರಿನೊಂದಿಗೆ ಅಥವಾ ಹಾಲಿನೊಂದಿಗೆ ಬೆರೆಸಿ ಈ ಲೇಪನವನ್ನು ದಪ್ಪನಾಗಿ ಕೂದಲಿಗೆ ಹಚ್ಚಿ. ಕೊಂಚ ಸಮಯ ಬಿಟ್ಟು ಬಳಿಕ ಉಗುರುಬೆಚ್ಚನೆಯ ನೀರಿನಿಂದ ತೊಳೆದುಕೊಳ್ಳಿ. ಈ ವಿಧಾನವನ್ನು ವಾರಕ್ಕೆ ಎರಡು ಅಥವಾ ಮೂರು ಬಾರಿ ಪುನಾರಾವರ್ತಿಸಿ.