ಅದ್ಭುತ ಮೈಕಾಂತಿ-ಫಿಟ್‎ನೆಸ್‎ಗಾಗಿ ಸನ್ನಿಲಿಯೋನ್ ಬ್ಯೂಟಿ ಟಿಪ್ಸ್!

ಜಿಮ್‎ನಲ್ಲಿ ಸ್ವಲ್ಪ ಬೆವರಿಳಿಸಿ....

ಜಿಮ್‎ನಲ್ಲಿ ಸ್ವಲ್ಪ ಬೆವರಿಳಿಸಿ ಸುಂದರ ಆಕಾರವನ್ನು ಪಡೆದುಕೊಳ್ಳುವುದರಿಂದ ನಿಮ್ಮಲ್ಲಿನ ಕೀಳರಿಮೆ ದೂರಾಗುತ್ತದೆ ಎಂಬುದು ಸನ್ನಿ ಮಾತಾಗಿದೆ. ವಾರಕ್ಕೆ ಮೂರು ಬಾರಿ ಜಿಮ್‎ನಲ್ಲಿ ಬೆವರಿಳಿಸುವ ಸನ್ನಿ ಇದರಿಂದ ಕೂಡ ನಮ್ಮ ಸೌಂದರ್ಯ ವೃದ್ಧಿಯಾಗುತ್ತದೆ ಎಂಬುದಾಗಿ ಸಲಹೆ ನೀಡುತ್ತಾರೆ.

ಉತ್ತಮ ತ್ವಚೆಗಾಗಿ ಯೋಗ

ತಾವು ಪ್ರಯಾಣದಲ್ಲಿರುವಾಗ ಯೋಗವನ್ನು ಅಭ್ಯಾಸ ಮಾಡುವ ಈ ಹಾಟ್ ನಟಿ, ತಮ್ಮ ಹೊಳೆಯುವ ಯವ್ವೌನ ಪೂರ್ಣ ತ್ವಚೆಯ ರಹಸ್ಯ ಯೋಗ ಎಂಬುದಾಗಿ ನುಡಿದಿದ್ದಾರೆ.

ಆರೋಗ್ಯಪೂರ್ಣ ಆಹಾರ ಸೇವನೆ

ಜಂಕ್ ಫುಡ್ ಬದಲಿಗೆ ಸನ್ನಿ ನಿತ್ಯವೂ ಹಸಿರು ತರಕಾರಿ, ತಾಜಾ ಹಣ್ಣುಗಳು ಮತ್ತು ಸಲಾಡ್‎ಗಳನ್ನು ಸೇವಿಸುತ್ತಾರೆ. ಇಂತಹ ಆಹಾರಗಳಲ್ಲಿರುವ ಉತ್ಕರ್ಷಣ ನಿರೋಧಿ ಅಂಶಗಳು ಆಕೆಗೆ ಅದ್ಭುತ ಮೈಕಾಂತಿಯನ್ನು ನೀಡಿವೆ.

ಹಾಲಿನ ಬಳಕೆ

ತಮ್ಮ ನಿಯಮಿತ ಆಹಾರದಲ್ಲಿ ಹಾಲು ಮತ್ತು ಹಾಲಿನ ಉತ್ಪನ್ನಗಳು ಇರುವಂತೆ ಈ ಸುಂದರಿ ಗಮನ ನೀಡುತ್ತಾರೆ. ಹಾಲು ಆಕೆಯ ತ್ವಚೆಯನ್ನು ಹೊಳೆಯುವಂತೆ ಮಾಡಿ ಒಳಗಿನಿಂದಲೇ ರೇಡಿಯೆಂಟ್ ಆಗಿರುವಂತೆ ಮಾಡುತ್ತದೆ.

ಮೇಕಪ್ ರಹಿತ ತ್ವಚೆ

ಆಕೆ ಸೆಲೆಬ್ರಿಟಿಯಾಗಿರುವುದರಿಂದ ಮೇಕಪ್ ಮೊರೆ ಹೋಗಲೇಬೇಕು. ಆದರೆ ಸಾಧ್ಯವಾದಷ್ಟು ಮೇಕಪ್ ರಹಿತವಾಗಿರಲು ಆಕೆ ಪ್ರಯತ್ನಪಡುತ್ತಾರೆ. ಅತಿಯಾದ ಮೇಕಪ್ ತ್ವಚೆಯನ್ನು ನಾಶ ಮಾಡುತ್ತದೆ ಎಂಬುದು ಸನ್ನಿ ಕಿವಿಮಾತಾಗಿದೆ.

ನೀರು ಸೇವನೆ

ಸನ್ನಿ ತಮ್ಮೊಂದಿಗೆ ನಿತ್ಯವೂ ನೀರಿನ ಬಾಟಲಿಯನ್ನು ತೆಗೆದುಕೊಂಡು ಹೋಗುತ್ತಾರೆ, 8 ಲೋಟದಷ್ಟು ನೀರು ಪ್ರತೀ ದಿನ ಕುಡಿಯುವುದರ ಕಡೆಗೆ ಆಕೆ ಗಮನ ಹರಿಸುತ್ತಾಳೆ.

ಆತ್ಮವಿಶ್ವಾಸ

ನಮ್ಮ ನಮ್ಮ ಸೌಂದರ್ಯದ ಕೀಲಿಕೈ ಆತ್ಮವಿಶ್ವಾಸವಾಗಿದೆ ಎಂಬುದು ಸನ್ನಿ ಮಾತಾಗಿದೆ. ಆದಷ್ಟು ನೈಸರ್ಗಿಕ ಸೌಂದರ್ಯದಿಂದ ಕಂಗೊಳಿಸಿ ಮತ್ತು ಆತ್ಮವಿಶ್ವಾಸದಿಂದ ಇರಿ ಎಂಬುದಾಗಿ ಆಕೆ ಸಲಹೆ ನೀಡುತ್ತಾರೆ.