ಮೊಟ್ಟೆಯ ಹಳದಿ ಲೋಳೆಯಲ್ಲಿದೆ ಸೌಂದರ್ಯ ರಹಸ್ಯ..!

ದಿನಕ್ಕೊಂದು ಮೊಟ್ಟೆ ತಿಂದರೆ ಆರೋಗ್ಯವಾಗಿರಬಹುದು ಎನ್ನುವ ಮಾತಿದೆ. ಮೊಟ್ಟೆ ತುಂಬಾ ರುಚಿಕರ ಹಾಗೂ ವಿವಿಧ ರೀತಿಯ ಪದಾರ್ಥಗಳಲ್ಲಿ ಬಳಸಲಾಗುತ್ತದೆ. ಇದರ ಇನ್ನೊಂದು ಗುಣವೆಂದರೆ ಇದರಲ್ಲಿ ಕೆಲವು ಸೌಂದರ್ಯ ಹೆಚ್ಚಿಸುವ ಗುಣಗಳು ಇವೆ. ಮೊಟ್ಟೆಯ ಲೋಳೆಯನ್ನು ಬಳಸಿಕೊಂಡು ನೀವು ಸೌಂದರ್ಯವನ್ನು ವೃದ್ಧಿಸಬಹುದು. ಆದರೆ ಮೊಟ್ಟೆಯ ವಾಸನೆಯಿಂದಾಗಿ ಇದನ್ನು ಸೌಂದರ್ಯ ವರ್ಧಕವಾಗಿ ಬಳಸುವ ಜನರು ತುಂಬಾ ಕಡಿಮೆ. ಇದರಿಂದ ಮೊಟ್ಟೆಯ ಲೋಳೆಯಲ್ಲಿ ಅಡಗಿರುವಂತಹ ಸೌಂದರ್ಯ ರಹಸ್ಯಗಳು ಯಾರಿಗೂ ತಿಳಿದಿಲ್ಲ.

ಮೊಟ್ಟೆಯ ಹಳದಿ ಲೋಳೆಯಲ್ಲಿ ವಿಟಮಿನ್ ಎ, ಇ, ಡಿ, ಬಿ12 ಮತ್ತು ಬಿ16 ಇದ್ದು, ಇದು ದೇಹದ ಪ್ರತಿರಕ್ಷಣಾ ವ್ಯವಸ್ಥೆಯನ್ನು ಬಲಡಿಸುವುದು. ಮೊಟ್ಟೆಯ ಹಳದಿಯಲ್ಲಿರುವ ಪ್ರೋಟೀನ್ ಹಾಗೂ ಇತರ ಕೆಲವೊಂದು ಪೋಷಕಾಂಶಗಳು ಕೂದಲು, ಚರ್ಮ ಹಾಗೂ ಉಗುರಿಗೆ ತುಂಬಾ ಸಹಕಾರಿ. ಮೊಟ್ಟೆಯ ಹಳದಿ ಲೋಳೆಯಿಂದ ಆಗುವ ಲಾಭಗಳನ್ನು ಈ ಲೇಖನದಲ್ಲಿ ತಿಳಿದುಕೊಂಡು ಅದನ್ನು ಅಳವಡಿಸಿಕೊಂಡರೆ ನಿಮಗೆ ಹೆಚ್ಚಿನ ಲಾಭವಾಗಬಹುದು. ಮುಖದ ಸೌಂದರ್ಯಕ್ಕೆ ಮೊಟ್ಟೆ ಸಿಪ್ಪೆಯಿಂದ ಮ್ಯಾಜಿಕ್ ಚಿಕಿತ್ಸೆ!

ಕೂದಲು ಬುಡ ಬಲಗೊಳ್ಳುವುದು
ಆಲಿವ್ ಎಣ್ಣೆ, ಜೇನುತುಪ್ಪ ಮತ್ತು ಮೊಟ್ಟೆಯ ಹಳದಿ ಲೋಳೆ ಹಾಗೂ ಸ್ವಲ್ಪ ತೆಂಗಿನ ಎಣ್ಣೆಯನ್ನು ಮಿಶ್ರಣ ಮಾಡಿ ಅದನ್ನು ಕೂದಲಿಗೆ ಹಚ್ಚಿಕೊಳ್ಳಿ. ಇದರಿಂದ ಕೂದಲಿನ ಬುಡ ಬಲಗೊಳ್ಳುವುದು.

ಕಪ್ಪು ಕಲೆಗಳ ನಿವಾರಣೆ
ಇದಕ್ಕಾಗಿ ನೀವು ಮೊಟ್ಟೆಯ ಬಿಳಿ ಲೋಳೆಯನ್ನು ಮುಖಕ್ಕೆ ಹಚ್ಚಿಕೊಳ್ಳಿ ಮತ್ತು ಮುಖವನ್ನು ಪೇಪರ್ ನಿಂದ ಮುಚ್ಚಿಕೊಳ್ಳಿ. ಇನ್ನೊಂದು ಸಲ ಇದನ್ನು ಮುಖಕ್ಕೆ ಹಚ್ಚಿಕೊಳ್ಳಿ ಮತ್ತು ಒಣಗಲು ಬಿಡಿ. ಸ್ವಲ್ಪ ಸಮಯ ಬಿಟ್ಟು ಉಗುರುಬೆಚ್ಚಗಿನ ನೀರಿನಿಂದ ತೊಳೆಯಿರಿ.

ಹೊರಚರ್ಮಕ್ಕೆ ಚಿಕಿತ್ಸೆ
ಕೈ ಬೆರಳುಗಳನ್ನು ಮೊಟ್ಟೆಯ ಲೋಳೆಯಲ್ಲಿ ಮುಳುಗಿಸಿ ಇಡಿ. 5-20 ನಿಮಿಷ ಹಾಗೆ ಇರಲಿ. ಇದರಿಂದ ಚರ್ಮದಲ್ಲಿ ತೇವಾಂಶ ಉಂಟಾಗಿ ಹೊರಚರ್ಮವು ಮೃಧುವಾಗುವುದು. ಕೂದಲಿನ ಸಮಸ್ಯೆಗೆ ಮೊಟ್ಟೆಯ ಶಾಂಪೂ ಬಳಸಿ ನೋಡಿ!

ಉಗುರುಗಳು ಬಲಗೊಳ್ಳುವುದು
ಮೊಟ್ಟೆಯ ಬಿಳಿ ಲೋಳೆ ಮತ್ತು ಜೇನು ತುಪ್ಪ ಹಾಕಿ ಒಂದು ಮಿಶ್ರಣ ಮಾಡಿಕೊಳ್ಳಿ. ಇದನ್ನು ಉಗುರುಗಳಿಗೆ ಹಚ್ಚಿಕೊಂಡು 15 ನಿಮಿಷ ಹಾಗೆ ಬಿಟ್ಟುಬಿಡಿ. ಬಳಿಕ ಉಗುರುಬೆಚ್ಚಗಿನ ನೀರಿನಿಂದ ತೊಳೆಯಿರಿ.