'ಅಲೋವೆರಾ'ದ ಫೇಸ್ ಪ್ಯಾಕ್-ಸೌಂದರ್ಯದ ಕೀಲಿಕೈ!

ಮೊದಲಿಗೆ ಅಲೋವೆರಾ ರಸ ತೆಗೆಯುವ ಬಗೆ

ಒಂದು ಸಣ್ಣ ಎಲೆಯನ್ನು ಅಥವಾ ಎಲೆಯ ಮೇಲಿನ ಭಾಗವನ್ನು ಕತ್ತಿಯಿಂದ ಕತ್ತರಿಸಿ. ಇದನ್ನು ಮತ್ತೆ ಹುಷಾರಾಗಿ ಮಧ್ಯಕ್ಕೆ ಸೀಳಿ ಎರಡು ಭಾಗವನ್ನಾಗಿ ಮಾಡಿಕೊಳ್ಳಿ. ನಂತರ ಒಂದು ಚಮಚವನ್ನು ಬಳಸಿ ಒಳಗಿರುವ ಲೋಳೆಯನ್ನು ತೋಡಿ ತೆಗೆದುಕೊಳ್ಳಿ. ಇದೆ ಅಲೋವೆರಾ ರಸ.

ಅಲೋವೆರಾ ಹಾಗೂ ಅರಿಶಿನ

ಕಪ್ಪು ಕಲೆಗಳ ನಿವಾರಣೆಗೆ

ಅಲೋವೆರಾ ರಸವನ್ನು ಒಂದು ಚಮಚ ಜೇನು ತುಪ್ಪ ಹಾಗೂ ಅರ್ಧ ನಿಂಬೆ ಹಣ್ಣಿನ ರಸಕ್ಕೆ ಕಲೆಸಿ ಮುಖಕ್ಕೆ ಹಚ್ಚುವುದರಿಂದ ಮುಖದ ಮೇಲಿನ ಕಪ್ಪು ಕಲೆಗಳು ದೂರ ಆಗುತ್ತವೆ.

ಅಲೋವೆರಾದ ಐಸ್ ಗಡ್ಡೆಗಳು

ನಿಮ್ಮ ರೆಫ್ರಿಜರೇಟರ್ ನ ಐಸ್ ಟ್ರೆ ಯನ್ನು ಚೆನ್ನಾಗಿ ತೊಳೆದು ಅದರಲ್ಲಿ ಅರ್ಧ ಭಾಗಕ್ಕೆ ಶುದ್ಧವಾದ ನೀರನ್ನು ತುಂಬಿ. ಇನ್ನೂ ಅರ್ಧಕ್ಕೆ ಅಲೊವೆರ ರಸವನ್ನು ಹಾಗೆಯೇ ಮೇಲೆ ಹಾಕಿ ಫ್ರೀಜ಼ರ್ ನಲ್ಲಿ ಇಡಿ. ಇದು ಗಡ್ಡೆ ಕಟ್ಟಿಕೊಂಡ ನಂತರ ಚೆನ್ನಾಗಿ ಮುಖ ತೊಳೆದು ಈ ಮಂಜುಗಡ್ಡೆ ಇಂದ ಹಾನಿಗೊಳಗಾದ ಚರ್ಮದ ಮೇಲೆ ಮೆತ್ತಗೆ ಉಜ್ಜಿ. ಇದರಿಂದ ಚರ್ಮಕ್ಕೆ ತಣ್ಣಗೆ ಹಾಯ್ ಎನಿಸುವುದೇ ಅಲ್ಲದೆ ಹಾಗೆಯೇ ಚರ್ಮದ ದುರಸ್ತಿಯು ಆಗಲಿದೆ.

ಅಲೋವೆರಾ ಮತ್ತು ವಿಟಮಿನ್ ಇ

ಎರಡು ವಿಟಮಿನ್ ಈ ಕ್ಯಾಪ್ಸೂಲ್ ಗಳನ್ನು ಸಣ್ಣಗೆ ಕತ್ತರಿಸಿ ಅಥವಾ ಚುಚ್ಚಿ ತೂತು ಮಾಡಿ ಅದರಲ್ಲಿರುವ ಎಣ್ಣೆಯನ್ನು ಹೊರಗೆ ತೆಗೆಯಿರಿ. ಇದಕ್ಕೆ ಸ್ವಲ್ಪ ಅಲೋವೆರಾ ರಸವನ್ನು ಸೇರಿಸಿ ಕಲೆಸಿ. ಈ ಮಿಶ್ರಣವನ್ನು ಮುಖಕ್ಕೆ ಹಚ್ಚಿ ಹದಿನೈದು ನಿಮಿಷ ಬಿಟ್ಟು ತೊಳೆಯಿರಿ. ಇದರಿಂದ ಚರ್ಮವು ಯವ್ವನ ಭರಿತವಾಗಿ ಕಾಣುತ್ತದೆ.

ಅಲೋವೆರಾ ಮತ್ತು ಸೌತೆಕಾಯಿ

ಸೌತೆ ಕಾಯಿಯನ್ನು ತೊಳೆದು ಒಂದು ಚಿಕ್ಕ ತುಂಡು ಕತ್ತರಿಸಿಕೊಳ್ಳಿ. ಇದನ್ನು ಅಲೋವೆರಾ ರಸದೊಂದಿಗೆ ಮಿಕ್ಸಿಯಲ್ಲಿ ಆಡಿಸಿ ರಸ ಮಾಡಿಕೊಳ್ಳಿ. ಈ ರಸವನ್ನು ಕ್ರಮವಾಗಿ ವಾರಕ್ಕೆ ಎರಡು ಅಥವಾ ಮೂರು ಸಾರಿ ಹಚ್ಚಿ ಹದಿನೈದು ನಿಮಿಷಗಳ ಕಾಲ ಬಿಡುವುದರಿಂದ ಕಲೆಗಳು ಕೂಡ ಮಾಯಾ ವಾಗುತ್ತವೆ.

ಅಲೋವೆರಾ ಹಾಗೂ ಮುಲ್ತಾನಿ ಮಿಟ್ಟಿ

ಮುಲ್ತಾನಿ ಮಿಟ್ಟಿ ಯನ್ನು ಅಲೊವೆರ ರಸದ ಜೊತೆ ಕಲೆಸಿ ನಾವು ಮುಖಕ್ಕೆ ಹಚ್ಚಬೇಕು. ಇದನ್ನು ಕಲೆಸಲು ಬೇಕಾದರೆ ಸ್ವಲ್ಪ ಗುಲಾಬಿ ನೀರನ್ನು ಕೂಡ ಸೇರಿಸಬಹುದು.ಇವು ಏನು ಇಲ್ಲದೆ ನಾವು ಬಾರಿ ಅಲೊವೆರ ರಸವನ್ನು ಕೂಡ ಮುಖಕ್ಕೆ ಹಚ್ಚಬಹುದು. ಇದು ಒಂದೇ ಪದಾರ್ಥವು ನಮಗೆ ಈ ತೊಂದರೆಯಿಂದ ವಿಮುಕ್ತಿ ನೀಡಬಲ್ಲುದಾಗಿದೆ.