ತ್ವಚೆಯ ಕಾಂತಿಗೆ, ತಜ್ಞರ ಏಳು ಅಮೂಲ್ಯ ಸಲಹೆಗಳು

ಸಲಹೆ 1

ಕೆಲವು ಸಂಶೋಧನೆಯ ಪ್ರಕಾರ ಡೈರಿ ಉತ್ಪನ್ನಗಳ ಪ್ರತೀನಿತ್ಯ ಬಳಕೆಯಿಂದ ಮೊಡವೆ ಉಂಟಾಗಲು ಕಾರಣವಾಗಬಹುದು ಎಂದು ಹೇಳಲಾಗಿದೆ. ಆದುದರಿಂದ ಮೊಡವೆಯ ತೊಂದರೆ ಇರುವವರು ಆದಷ್ಟು ಡೈರಿ ಉತ್ವನ್ನಗಳನ್ನು ಸೇವಿಸುವುದನ್ನು ತಪ್ಪಿಸುವುದು ಒಳಿತು.

ಸಲಹೆ2

ಚರ್ಮದ ಮೇಲೆ ದೊಡ್ಡ ರಂಧ್ರಗಳು ಹೊಂದಿದ್ದರೆ, ಅದನ್ನು ಮುಚ್ಚಲು ಮತ್ತು ರಂಧ್ರಗಳ ಆಳಕಡಿಮೆ ಮಾಡಲು ಉತ್ತಮವಾದ ಫೇಸ್ ವಾಶ್ ಗಳನ್ನು ಉಪಯೋಗಿಸಿ. ಇದರಲ್ಲಿರುವ ಸ್ಯಾಲಿಸಿಲಿಕ್ ಆಮ್ಲವು ರಂಧ್ರದ ಗಾತ್ರವನ್ನು ಕಡಿಮೆ ಮಾಡುವಲ್ಲಿ ಸಹಾಯಕಾರಿಯಾಗುತ್ತದೆ.

ಸಲಹೆ 3

ಮುಖದಲ್ಲಿರುವ ಕಪ್ಪುಕಲೆ, ಬಿಳಿಕಲೆಗಳು ಮತ್ತು ಮೊಡವೆಗಳಂತಹ ತೊಂದರೆಗಳಿಂದ ಮುಕ್ತವಾಗಲು ದಿಂಬಿನ ಕವರ್, ಬೆಡ್ ಶೀಟ್ಸ್ ಮತ್ತು ಟವಲುಗಳನ್ನು ಬದಲಾಯಿಸುತ್ತಿರಬೇಕು ಯಾವಾಲೂ ಒಗೆಯುತ್ತಿರಬೇಕು. ಇಲ್ಲವಾದಲ್ಲಿ ಇದರಲ್ಲಿರುವ ಬ್ಯಾಕ್ಟೀರಿಯಾಗಳು ನಿಮ್ಮ ಚರ್ಮಕ್ಕೆ ಹಾನಿಯುಂಟು ಮಾಡಬಹುದು.

ಸಲಹೆ 4

ಒಣಗಿದ ಚರ್ಮ ಹೊಂದಿರುವವರು ಆಗಾಗ್ಗೆ ಮುಖ ತೊಳೆಯುವುದನ್ನು ತಪ್ಪಿಸಬೇಕು ಮತ್ತು ಹಾನಿಕಾರಕವಲ್ಲದ ಫೇಸ್ ವಾಶ್ ನ್ನು ಉಪಯೋಗಿಸಬೇಕು. ಪ್ರತಿಸಲ ಮುಖ ತೊಳೆದ ನಂತರ ಮುಖದ ಮಾಶ್ಚ್ರೈಸರ್ ಮಾಡಲಾಗಿದೆಯೇ ಎಂದು ಖಚಿತಪಡಿಸಿಕೊಳ್ಳುವುದು ಸೂಕ್ತ.

ಸಲಹೆ 5

ಹೊರಗಡೆ ಮೋಡದ ವಾತಾವರಣ ಇದ್ದರೋ ಸನ್ಸ್ಕ್ರೀನ್ ಬಳಸಿ, ಹೆಚ್ಚಿನ ಜನರು ಹೊರಗಡೆ ತುಂಬಾ ಬಿಸಿಲು ಇಲ್ಲವಾದಲ್ಲಿ ಸನ್ಸ್ಕ್ರೀನ್ ಬಳಸುವುದಿಲ್ಲ ಆದರೆ ಹೀಗೆ ಮಾಡುವುದರಿಂದ ಯುವಿ ವಿಕಿರಣಗಳು ಚರ್ಮವನ್ನು ಹಾನಿಗೊಳಗಾಗುವಂತೆ ಮಾಡುತ್ತದೆ.

ಸಲಹೆ 6

ಬಳಸುವ ಸೌಂದರ್ಯವರ್ಧಕ ಉತ್ಪನ್ನಗಳು ಪರಿಮಳ ರಹಿತವೇ ಎಂದು ಪರಿಶೀಲಿಸಿ. ಯಾಕೆಂದರೆ ಪರಿಮಳಯುಕ್ತ ಉತ್ಪನ್ನಗಳಲ್ಲಿ ಕೃತಕ ಪರಿಮಳವನ್ನು ಸೇರಿಸಿರುವುದರಿಂದ ಇದು ಕೆಲವರಲ್ಲಿ ಅಲರ್ಜಿಗೆ ಮತ್ತು ಕೆಲವು ಅಡ್ಡ ಪರಿಣಾಮಗಳಿಗೆ ಕಾರಣವಾಗಬಹುದು.

ಸಲಹೆ 7

ಯಾವಾಗಲೂ ಗಿಡಮೂಲಿಕೆಯ ಉತ್ಪನ್ನಗಳು ಅಥವಾ ನೈಸರ್ಗಿಕ ತ್ವಚೆಯ ಪರಿಹಾರಗಳನ್ನೇ ಉಪಯೋಗಿಸುವುದು ಒಳಿತು. ಏಕೆಂದರೆ ಇವುಗಳಲ್ಲಿ ಯಾವುದೇ ರಾಸಾಯನಿಕ ಪದಾರ್ಥಗಳಿರುವುದಿಲ್ಲ, ಹಾಗಾಗಿ, ಇದರಿಂದ ಚರ್ಮಕ್ಕೆ ಹಾನಿಯಾಗುವ ಸಾಧ್ಯತೆ ಕಮ್ಮಿ ಜೊತೆಗೆ ಯಾವುದೇ ಅಡ್ಡ ಪರಿಣಾಮಗಳಿರುವುದಿಲ್ಲ.