ಮುಖದ ಕಾಂತಿಯನ್ನು ಹೆಚ್ಚಿಸುವ 5 ಸರಳ ಮನೆಮದ್ದು

Skin Care

oi-Staff

By Manjula Balaraj

Updated: Tuesday, March 29, 2016, 15:35 [IST]

ಕಾಂತಿಯುತ ಮತ್ತು ತಾಜಾ ಮುಖವನ್ನು ಹೊಂದಿರಬೇಕೆಂದು ಎಲ್ಲರೂ ಬಯಸುತ್ತಾರೆ. ಅದಕ್ಕಾಗಿ ಹಲವು ಕೃತಕ ಔಷಧಿ/ಕ್ರೀಂ ಮುಂತಾದವುಗಳ ಮೊರೆಯನ್ನೂ ಹೋಗುತ್ತಾರೆ. ಕೃತಕ ವಸ್ತುಗಳು ತಕ್ಷಣಕ್ಕೆ ಪರಿಹಾರ ನೀಡುವುದಾದರೂ, ಅದರಿಂದಾಗುವ ಸೈಡ್ ಎಫೆಕ್ಟ್‌ಗಳೇ ಹೆಚ್ಚು. ಮನೆಮದ್ದು ಎಲ್ಲದಕ್ಕೂ ಪರಿಹಾರ ಎನ್ನುವಂತೆ ಕೆಲವೊಂದು ಸುಲಭವಾಗಿ ತಯಾರಿಸಬಹುದಾದ ಮನೆ ಔಷಧಿಗಳ ಪಟ್ಟಿಯನ್ನು ಬೋಲ್ಡ್‌ ಸ್ಕೈ ಈ ಲೇಖನದ ಮೂಲಕ ತಿಳಿಸುತ್ತಿದೆ.

ಮುರುಕಲು ಗುಪ್ಪೆಯಂತಾಗಿರುವ ಹಳೆ ಚರ್ಮ, ದಣಿದಂತಿರುವ ಮತ್ತು ಗಟ್ಟಿಯಾದ ಚರ್ಮವನ್ನು ಕೆಲವು ಪ್ರಭಾವಶಾಲಿ ದೇಹ ಲೋಷನದ ಮೂಲಕ ಪರಿಹಾರ ಕಂಡುಕೊಳ್ಳಬಹುದಾಗಿದೆ. ಎಣ್ಣೆಯುಕ್ತ ಚರ್ಮ ಹೊಂದಿರುವವರು, ಚರ್ಮವನ್ನು ಕನಿಷ್ಠ ವಾರಕ್ಕೊಮ್ಮೆಯಾದರೂ ಉಜ್ಜಿದರೆ ಮನೆ ಔಷಧಿಯ ಫಲಿತಾಂಶ ಕಾಣಬಹುದಾಗಿದೆ. ಒಣಗಿದ ಚರ್ಮವನ್ನು ಹೊಂದಿರುವವರು ತಿಂಗಳಿಗೆ ಎರಡು ಬಾರಿ ಇದನ್ನು ಪ್ರಯೋಗಿಸಿ ಪರಿಹಾರ ಕಂಡುಕೊಳ್ಳಬಹುದು.

ಅತ್ಯಂತ ಸುಲಭ ವಿಧಾನದ ಮೂಲಕ ಮನೆಯಲ್ಲೇ ತಯಾರಿಸ ಬಹುದಾದ ಕೆಲವೊಂದು ಔಷಧಿಗಳನ್ನು ಇಲ್ಲಿ ಪರಿಚಯಿಸುತ್ತಿದ್ದೇವೆ, ಇದರಿಂದ ಯೌವ್ವನಯುತರಾಗಿ ಕಾಣಬಹುದಾಗಿದೆ. ಇದರ ಜೊತೆಗೆ ಕೆಲವೊಂದು ಪಥ್ಯಗಳನ್ನು ಪಾಲಿಸಿದರೆ, ಇದರೆ ಪರಿಣಾಮ ಇನ್ನೂ ಹೆಚ್ಚಾಗಿರುವುದರ ಜೊತೆಗೆ, ಹೇಗೆ ಕಾಂತಿಯುತವಾಗಿ ಕಾಣಬೇಕೆಂದು ನಾವು ಬಯಸಿದಂತೆ ಪರಿಹಾರ ಕಂಡುಕೊಳ್ಳಬಹುದಾಗಿದೆ. ಇದಕ್ಕೆ ಬೇಕಾಗಿರುವ ಪದಾರ್ಥಗಳು ಅಡುಗೆ ಮನೆಯಲ್ಲಿ ಸುಲಭವಾಗಿ ಸಿಗುವಂತದ್ದು, ಇದಕ್ಕಾಗಿ ಪರಿಶ್ರಮ ಪಡುವಂತಹ ತೊಂದರೆಯಿಲ್ಲದೇ ಸಿಗುವ ಪದಾರ್ಥಗಳು ಇವಾಗಿವೆ. ಇಲ್ಲಿ ಕೆಲವು ಅತ್ಯುತ್ತಮ ನೈಸರ್ಗಿಕ ಮತ್ತು ಮನೆಯಲ್ಲಿ ತಯಾರಿಸಬಹುದಾದ ಔಷಧಿಗಳ ಪಟ್ಟಿಯನ್ನು ನೀಡುತ್ತಿದ್ದೇವೆ. ಇದಕ್ಕೆ ಬೇಕಾಗುವ ಪದಾರ್ಥಗಳನ್ನು ರೆಡಿ ಮಾಡಿಟ್ಟುಕೊಂಡು, ಪಥ್ಯಯಲ್ಲಿದ್ದರೆ ಸಾಕು.

ಒಣಗಿದ ಕಿತ್ತಳೆ ಸಿಪ್ಪೆಯ ಪೌಡರ್ + ಗೋಧಿ ಹೊಟ್ಟು
ಎರಡು ಟೇಬಲ್ ಚಮಚ ಒಣಗಿದ ಕಿತ್ತಳೆ ಸಿಪ್ಪೆಯ ಪೌಡರ್, ಎರಡು ಟೇಬಲ್ ಚಮಚ ಗೋಧಿ ಹೊಟ್ಟು ಅಥವಾ ಗಂಜಿ ಕಾಳನ್ನು ಸಿದ್ಧಪಡಿಸಿಟ್ಟುಕೊಳ್ಳಿ. ಇವೆಲ್ಲವನ್ನೂ ಮಿಶ್ರಣ ಮಾಡಿ, ಇದಕ್ಕೆ ಅರ್ಥ ಚಮಚ ಜೇನುತುಪ್ಪ ಜೊತೆಗೆ ಸ್ವಲ್ಪ ಹಾಲನ್ನು ಸೇರಿಸಿ ಗಟ್ಟಿಯಾಗಿ ಅಂದರೆ ಪೇಸ್ಟ್ ರೀತಿಯಲ್ಲಿ ಸಿದ್ಧಪಡಿಸಿ. ಇದನ್ನು ಕುತ್ತಿಗೆ, ಕೈ, ದೇಹದ ಕೆಳಗಿನ ಭಾಗ ಮತ್ತು ಕಾಲಿಗೆ ಹಚ್ಚಿ ಚೆನ್ನಾಗಿ ಉಜ್ಜಿಕೊಳ್ಳಿ. ಇದೊಂದು ಅತ್ಯಂತ ಸುಲಭವಾಗಿ ಮತ್ತು ಅದ್ಭುತ ಮನೆಮದ್ದಾಗಿದ್ದು, ಇದರ ಪರಿಣಾಮ ತಕ್ಷಣ ಗೋಚರಿಸುತ್ತದೆ. ಒಂದು ವೇಳೆ ಎಣ್ಣೆಯುಕ್ತ ಚರ್ಮಹೊಂದಿರುವವರಿಗೆ ಇದೊಂದು ಉಪಗೋಗವಾಗುವ ಔಷಧಿಯಾಗಿದ್ದು, ಇದನ್ನೊಮ್ಮೆ ಪ್ರಯತ್ನಿಸುವುದು ಸೂಕ್ತ.

ಅರಿಶಿನ, ರೋಸ್ ವಾಟರ್ ಮತ್ತು ಹಾಲು

ಅರ್ಧ ಚಮಚ ಅರಿಶಿನ ಪುಡಿ ಮತ್ತು ರೋಸ್ ವಾಟರಿನ ಕೆಲವು ಹನಿಗಳನ್ನು ಹಾಲಿನೊಂದಿಗೆ ಸೇರಿಸಿ ದಪ್ಪಗೆ ಪೇಸ್ಟ್ ಮಾಡಿಕೊಳ್ಳಬೇಕು. ಪೇಸ್ಟ್ ಒಣಗಿ ದಪ್ಪಗಾದ ನಂತರ ಪುನಃ ಅದನ್ನು ದುಂಡಾಕಾರವಾಗಿ ಚರ್ಮದ ಮೇಲೆ ಉಜ್ಜಿ. ಒಣ ಚರ್ಮ ಇರುವವರು ಹಾಲಿನಾಂಶ ತೆಗೆದು ನಂತರ ಇದನ್ನು ಬಳಸಬಹುದು. ಮನೆಯಲ್ಲಿ ಮಾಡುವ ಈ ಮನೆಮದ್ದು ಸತ್ವರಹಿತ ಚರ್ಮದ ಜೀವಕೋಶಗಳನ್ನು ತೆಗೆದುಹಾಕುವಲ್ಲಿ ಸಹಾಯ ಮಾಡಬಲ್ಲದು.

ಓಟ್ಸ್ ಮತ್ತು ಮಜ್ಜಿಗೆ
ಮಜ್ಜಿಗೆ ಅರ್ಧ ಲೀಟರ್ ಅಥವಾ ಮೊಸರು ಅರ್ಧ ಲೀಟರ್ ತೆಗೆದುಕೊಳ್ಳಬೇಕು. ಅರ್ಧ ಕಪ್ಪು ದಪ್ಪಗಿರುವ ಅಥವಾ ಪುಡಿ ರೂಪದಲ್ಲಿವ ಓಟ್ಸ್ ತೆಗೆದುಕೊಂಡು ಇವೆಲ್ಲವನ್ನೂ ಸೇರಿಸಿ ಪೇಸ್ಟ್ ತರಹ ಮಾಡಿಕೊಂಡು ದೇಹದ ಎಲ್ಲಾ ಭಾಗಗಳಿಗೆ ಹಚ್ಚಿಕೊಳ್ಳಬೇಕು. ಮೊದಲು ಕತ್ತಿನ ಕೆಳ ಭಾಗದಿಂದ ಕೈಗಳಿಗೆ, ಹೊಟ್ಟೆ ಮತ್ತು ಕಾಲುಗಳಿಗೆ ಹಚ್ಚಬೇಕು. ದೇಹದ ಎಲ್ಲಾ ಭಾಗಗಳಿಗೆ ಹಚ್ಚಿದ ನಂತರ ಇಪ್ಪತ್ತು ನಿಮಿಷಗಳ ಕಾಲ ಹಾಗೇ ಒಣಗಲು ಬಿಟ್ಟು ನಂತರ ತೊಳೆದುಕೊಳ್ಳಬೇಕು. ಇದು ಜಿಡ್ಡಿನಿಂದ ಕೂಡಿದ ತ್ವಚೆ ಉಳ್ಳವರಿಗೆ ಒಂದು ಉತ್ತಮವಾದ ಪರಿಹಾರ.

ಗಜ್ಜರಿ ಪುಡಿ ಮತ್ತು ಹಾಲು
ಒಂದು ಟೇಬಲ್ ಚಮಚ ಗಜ್ಜರಿ ಪುಡಿಯನ್ನು ಸ್ವಲ್ಪ ಹಾಲಿನ ಜೊತೆ ಸೇರಿಸಿ ಕಲಸಿಕೊಂಡು ಪೇಸ್ಟ್ ತರಹ ಮಾಡಿಕೊಂಡು ಅದನ್ನು ದುಂಡಾಗಿ ಉಜ್ಜಿಕೊಳ್ಳಬೇಕು. ಇದು ನಿಮ್ಮ ಸತ್ವವಿಲ್ಲದಂತಹ ಚರ್ಮವನ್ನು ಪುನಶ್ಚೇತನಗೊಳಿಸಲು ಇರುವ ಉತ್ತಮ ಪರಿಹಾರ ಮತ್ತು ಕಲೆಗಳಿರುವ ಚರ್ಮಕ್ಕೆ ಕಾಂತಿಯನ್ನು ತರುವಲ್ಲಿ ಉಪಯುಕ್ತವಾಗುತ್ತದೆ. ಈ ವಿಧಾನದಿಂದ ಹೆಚ್ಚು ನವಿರಾದ ಚರ್ಮವನ್ನು ಪಡೆಯಲು ಪರಿಹಾರ ಕಂಡುಕೊಳ್ಳಬಹುದಾಗಿದೆ.

ಗೋಧಿ ಹಿಟ್ಟು, ಜೇನುತುಪ್ಪ, ಹಾಲು

ಗೋಧಿ ಹಿಟ್ಟು ತಯಾರು ಮಾಡುವಾಗ ಸ್ವಲ್ಪ ದಪ್ಪಗಿರುವ ಪದರಿನಂತಿರುವ ಭಾಗವು ಒಂದು ಉತ್ತಮವಾದ ಖನಿಜಾಂಶವನ್ನು ಹೊಂದಿರುವ ಅಂಶವಾಗಿರುತ್ತದೆ. ಗೋಧಿಹಿಟ್ಟಿನ ಈ ಭಾಗವನ್ನು ಒಂದು ಟೇಬಲ್‌ ಚಮಚ ಜೇನುತುಪ್ಪ ಹಾಗೂ ಹಾಲಿನೊಂದಿಗೆ ಸೇರಿಸಿ ಮಿಶ್ರಣ ಮಾಡಿ ಇಟ್ಟುಕೊಳ್ಳಬೇಕು. ನಂತರ ನಿಧಾನವಾಗಿ ಅಥವಾ ಕಠಿಣವಾಗಿ ದುಂಡಾಕಾರವಾಗಿ ಕೈಯಿಂದ ಚರ್ಮದ ಮೇಲೆ ಐದು ನಿಮಿಷ ಮಸಾಜ್ ಮಾಡಿ ನಂತರ ತೊಳೆದುಕೊಂಡರೆ ಉತ್ತಮವಾದ ಮತ್ತು ಕಾಂತಿಯುತವಾದ ಪರಿಣಾಮವನ್ನು ಈ ಮನೆಮದ್ದು ತರಬಲ್ಲದು.