ಸೌಂದರ್ಯ ನಿಂತ ನೀರಲ್ಲ, ಎಚ್ಚರ ತಪ್ಪಿದರೆ ಮುಗಿಯಿತು..!

ಧೂಮಪಾನ

ತ್ವಚೆಯ ಅತಿದೊಡ್ಡ ಶತ್ರುವಾಗಿದೆ ಧೂಮಪಾನ. ತ್ವಚೆಯ ರಕ್ತದ ಹರಿವನ್ನು ಕಡಿಮೆ ಮಾಡುವುದಲ್ಲದೆ, ನಿಮ್ಮ ತ್ವಚೆಗೆ ಮತ್ತು ರಕ್ತಕ್ಕೆ ವಿಷವನ್ನು ನುಗ್ಗಿಸುವ ರಕ್ಕಸನಾಗಿದೆ. ಮುಖದಲ್ಲಿ ಸುಕ್ಕುಗಳನ್ನು ಉಂಟುಮಾಡುವುದಲ್ಲದೆ ನಿಮ್ಮ ತ್ವಚೆಯನ್ನು ನಿಸ್ತೇಜಗೊಳಿಸುತ್ತದೆ.

ಬಿಸಿ ನೀರಿನ ಸ್ನಾನ

ನಿಮ್ಮನ್ನು ತಾಜಾವಾಗಿರಿಸುವ ಬಿಸಿ ನೀರ ಸ್ನಾನ ಯಾರಿಗೆ ತಾನೇ ಹಿತವಾಗಿರುವುದಿಲ್ಲ ಹೇಳಿ? ಆದರೆ ಬಿಸಿ ನೀರ ಸ್ನಾನ ಕೂಡ ನಿಮ್ಮ ತ್ವಚೆಗೆ ಹಾನಿಯನ್ನುಂಟು ಮಾಡಬಲ್ಲುದು. ನೀರಿನ ಬಿಸಿಯು ಚರ್ಮವನ್ನು ಸೂಕ್ಷ್ಮಗೊಳಿಸುತ್ತದೆ. ಇದರಿಂದ ತ್ವಚೆ ಮಂಕಾಗಿ ಒಣ ತ್ವಚೆಗೆ ಕಾರಣವಾಗುತ್ತದೆ. ಇನ್ನೊಮ್ಮೆ ಹಾಟ್ ಟಬ್‎ನಲ್ಲಿ ನಿಮ್ಮನ್ನು ನೀವು ತಾಜಾಗೊಳಿಸಬೇಕು ಎಂದಾದಲ್ಲಿ ಮುಖದ ಬಗ್ಗೆ ಜಾಗರೂಕತೆ ಇರಲಿ.

ಮಧ್ಯಪಾನ

ಇದು ನಿಜಕ್ಕೂ ಹಾನಿಕಾರಕ. ಮಹಿಳೆಯರ ಸ್ತನ ಕ್ಯಾನ್ಸರ್‎ಗೆ ಮದ್ಯಪಾನವು ಕಾರಣವಾಗಿದೆ ಎಂಬುದಾಗಿ ಅಧ್ಯಯನಗಳು ತಿಳಿಸಿದ್ದು 5000 ದಷ್ಟು ಮರಣಕ್ಕೂ ಈ ಹೆಮ್ಮಾರಿ ಕಾರಣವಾಗಿದೆ. ತ್ವಚೆಯನ್ನು ಹಾಳುಮಾಡಿ ನಿಸ್ತೇಜಗೊಳಿಸಿ ಅದರಲ್ಲಿರುವ ನೈಸರ್ಗಿಕ ಎಣ್ಣೆಯನ್ನು ಹೀರಿಕೊಳ್ಳುವಷ್ಟು ವಿಷಕಾರಿಯಾಗಿದೆ ಮದ್ಯಪಾನ. ಲೋಮನಾಳಗಳ ಹಿಗ್ಗುವಿಕೆ ಎಂದು ಕರೆಯಲಾದ ಮುಖದ ರಕ್ತನಾಳಗಳನ್ನು ಸಣ್ಣದಾಗಿಸುವುದು, ಸ್ತನದಲ್ಲಿ ಶಾಶ್ವತ ಹಾನಿಯನ್ನುಂಟು ಮಾಡುತ್ತದೆ.

ಕೊಳಕು ಮೇಕಪ್ ಬ್ರಶ್‎ಗಳ ಬಳಕೆ

ಕೊಳಕು ಮೇಕಪ್ ಬ್ರಶ್‭‎ಗಳನ್ನು ನೀವು ಬಳಸುತ್ತಿದ್ದೀರಿ ಎಂದಾದಲ್ಲಿ ಮುಖದಲ್ಲಿ ಮೊಡವೆ ಕಲೆಗಳು ಸಾಮಾನ್ಯವಾಗಿಬಿಡುತ್ತದೆ. ಶಾಂಪೂವಿನಿಂದ ಬ್ರಶ್‎ಗಳನ್ನು ಆಗಾಗ್ಗೆ ತೊಳೆಯುವುದು ಉತ್ತಮ ಕ್ರಿಯೆಯಾಗಿದ್ದು ಇದನ್ನು ಚೆನ್ನಾಗಿ ಒಣಗಿಸಿಕೊಳ್ಳುವುದು ಮುಖ್ಯವಾಗಿದೆ.

ಸಾಕಷ್ಟು ನಿದ್ದೆ ಇಲ್ಲದಿರುವುದು

ಚರ್ಮಶಾಸ್ತ್ರಜ್ಞರ ಪ್ರಕಾರ ನಿದ್ದೆಯ ಅಭಾವವು ಒತ್ತಡಕ್ಕೆ ಕಾರಣವಾಗಿರುವುದರಿಂದ ಮುಖದಲ್ಲಿ ಮೊಡವೆ ಸೋರಿಯಾಸಿಸ್ ಉಂಟಾಗುತ್ತದೆಯಂತೆ. ದಿನದಲ್ಲಿ ಕೋಶಗಳಿಗೆ ಉಂಟಾದ ಹಾನಿಯ ರಿಪೇರಿಯನ್ನು ದೇಹವು ರಾತ್ರಿ ವೇಳೆಯಲ್ಲಿ ನಡೆಸುವುದರಿಂದ ಎಂಟು ಗಂಟೆಗಳ ನಿದ್ದೆ ಬೇಕು. ಈ ಸಮಯದಲ್ಲಿ ತ್ವಚೆಯು ಪುನಶ್ಚೇತನಗೊಳ್ಳುತ್ತದೆ.

ಮೊಡವೆಗಳನ್ನು ಕೀಳುವುದು

ಮೊಡವೆಗಳನ್ನು ನಿಮಗೆ ಒಡೆಯಲು ಮನಸ್ಸಾಗುವುದು ಸಹಜವೇ. ಆದರೆ ಮೊಡವೆಗಳನ್ನು ಕೀಳುವುದು ಅದನ್ನು ತ್ವಚೆಯ ಒಳಭಾಗಕ್ಕೆ ಸೇರಿಕೊಳ್ಳುವಂತೆ ಮಾಡುತ್ತದೆ. ಇದರಿಂದ ಬ್ಯಾಕ್ಟೀರಿಯಾ ಮೊಡವೆಗಳ ಆಳಕ್ಕೆ ಇಳಿಯುತ್ತದೆ. ಧೂಳು ಮತ್ತು ಎಣ್ಣೆಯ ಅಂಶಗಳೂ ಮೊಡವೆಗೆ ಕಾರಣವಾಗಿದೆ. ಆದ್ದರಿಂದ ದಿನಕ್ಕೆ ಎರಡು ಬಾರಿ ಮುಖವನ್ನು ತಣ್ಣನೆಯ ನೀರಿನಿಂದ ತೊಳೆದುಕೊಳ್ಳಿ.

ಫೋನ್ ಬಳಕೆ

ನೀವು ನಂಬುತ್ತೀರೋ ಇಲ್ಲವೋ ಅತಿಯಾದ ಫೋನ್ ಬಳಕೆ ಕೂಡ ನಿಮ್ಮ ‎ತ್ವಚೆಗೆ ಹಾನಿಯನ್ನುಂಟು ಮಾಡುತ್ತದೆ. ಫೋನ್ ಅನ್ನು ಕೆನ್ನೆಯ ಮೇಲ್ಭಾಗದಲ್ಲಿ ಬಹಳಷ್ಟು ಹೊತ್ತು ಇರಿಸುವುದರಿಂದ ಮೊಡವೆ ಒಡೆಯುವುದು, ಫೋನ್‎ನಲ್ಲಿರುವ ಬ್ಯಾಕ್ಟೀರಿಯಾ ತ್ವಚೆಯನ್ನು ಸೇರಿಕೊಳ್ಳುವುದು ಹೀಗೆ ನಡೆಯುತ್ತದೆ.