ತ್ವಚೆಯ ಸರ್ವರೋಗ ಪರಿಹಾರ ಶಕ್ತಿ-ಟೊಮೇಟೊ ಜ್ಯೂಸ್‌

ಹಂತ #1

ಸುಮಾರು ಎರಡರಿಂದ ಮೂರು ಮಧ್ಯಮ ಗಾತ್ರದ, ಚೆನ್ನಾಗಿ ಹಣ್ಣಾಗಿರುವ ಟೊಮೇಟೊ ಹಣ್ಣುಗಳ ಬೀಜ ಮತ್ತು ಸಿಪ್ಪೆಯನ್ನು ನಿವಾರಿಸಿ ಕೇವಲ ತಿರುಳನ್ನು ಮಿಕ್ಸಿಯಲ್ಲಿ ಕಡೆದು ದ್ರಾವಣವನ್ನು ತಯಾರಿಸಿ. (ಒಂದು ವೇಳೆ ಮುಖದ ಮೇಲೆ ಮೊಡವೆಗಳಿದ್ದರೆ ಟೊಮೇಟೊ ಹಣ್ಣೊಂದರ ತುಂಡಿನ ಒಳಭಾಗದಿಂದ ಮೊಡವೆಯ ಮೇಲೆ ವೃತ್ತಾಕಾರದಲ್ಲಿ ಉಜ್ಜಿಕೊಳ್ಳಿ. ಸುಮಾರು ಹತ್ತು ನಿಮಿಷದ ಬಳಿಕ ತಣ್ಣೀರಿನಿಂದ ತೊಳೆದುಕೊಳ್ಳಿ.)

ಹಂತ #2

ಟೊಮೇಟೊ ದ್ರಾವಣವನ್ನು ಹತ್ತಿಯುಂಡೆಯನ್ನು ಬಳಸಿ ಈಗತಾನೇ ತೊಳೆದ ಮುಖದ ಮೇಲೆ ಹಚ್ಚಿಕೊಳ್ಳಿ. ವೃತ್ತಾಕಾರದಲ್ಲಿ ಉಜ್ಜಿಕೊಳ್ಳುತ್ತಾ ಸಾಕಷ್ಟು ರಸ ಮುಖದ ಮೇಲೆ ಆವರಿಸುವಂತೆ ನೋಡಿಕೊಳ್ಳಿ.

ಹಂತ #3

ಈ ರಸ ಮುಖದ ಮೇಲೆ ಒಣಗುವಂತೆ ಮಾಡಿ ಒಂದು ಘಂಟೆ ಕಾಲ ಹಾಗೇ ಬಿಡಿ. ಈ ಅವಧಿಯಲ್ಲಿ ಟೊಮೇಟೊ ರಸದಲ್ಲಿರುವ ಪೋಷಕಾಂಶಗಳು ಮತ್ತು ಕೊಂಚ ಆಮ್ಲೀಯತೆ ಮುಖವನ್ನು ತುರಿಸಲು ಪ್ರೇರೇಪಿಸುತ್ತವೆ. ಆದರೆ ಮನಸ್ಸನ್ನು ನಿಗ್ರಹಿಸಿ ತುರಿಸದಿರಲು ಪ್ರಯತ್ನಿಸಿ. ಸಂಗೀತ ಅಥವಾ ಬೇರಾವುದಾದರೂ ಮಾಧ್ಯಮದಿಂದ ಮನಸ್ಸನ್ನು ಬೇರೆಡೆಗೆ ಹೊರಳಿಸಿ.

ಹಂತ #4

ಒಂದು ಗಂಟೆಯ ಬಳಿಕ ತಣ್ಣೀರಿನಿಂದ ಮುಖ ತೊಳೆದುಕೊಳ್ಳಿ. ಈಗಲೇ ಚರ್ಮ ಕೊಂಚ ಬಿಗಿಯಾಗಿರುವಂತೆ ಕಂಡುಬರುತ್ತದೆ. ಇದೇ ವಿಧಾನವನ್ನು ವಾರಕ್ಕೊಂದು ಸಲ ನಿಯಮಿತವಾಗಿ ಪುನರಾವರ್ತಿಸಿ. ಮುಂದಿನ ಸ್ಲೈಡ್ ಕ್ಲಿಕ್ ಮಾಡಿ

ಹಂತ #4

ಈ ಕ್ರಮದಿಂದ ಮುಖದ ಮೇಲಿನ ಸೂಕ್ಷ್ಮರಂಧ್ರಗಳು ಕಿರಿದಾಗುತ್ತವೆ ಹಾಗೂ ಧೂಳು ಕುಳಿತುಕೊಳ್ಳುವ ಸಂಭವ ಕಡಿಮೆಯಾಗುತ್ತದೆ. ವಾಸ್ತವವಾಗಿ ಚರ್ಮ ಕೊಂಚ ಸೆಳೆತ ಪಡೆದಿರುವ ಕಾಣದಿಂದಲೇ ರಂಧ್ರಗಳು ಕೊಂಚ ಕಿರಿದಾಗಿದ್ದಂತೆ ಕಾಣುವುದೇ ಹೊರತು ಬೇರಾವ ಕಾರಣಗಳಿಲ್ಲ.