ಊರೆಲ್ಲಾ ಅಲೆದರೂ ಗುಣವಾಗದ ಸುಟ್ಟಗಾಯಕ್ಕೆ ಇಲ್ಲಿದೆ ಪರಿಹಾರ

ಟೊಮೇಟೊ ಮತ್ತು ಲಿಂಬೆರಸ

ಟೊಮೇಟೊ ಮತ್ತು ಲಿಂಬೆರಸದಲ್ಲಿ ಸ್ವಾಭಾವಿಕ ಆಸಿಡ್ ಮತ್ತು ವಿಟಮಿನ್ ಸಿ ಅಧಿಕ ಪ್ರಮಾಣದಲ್ಲಿರುತ್ತವೆ. ವಿಟಮಿನ್ ಸಿಯು ಗಾಯದ ಕಲೆಗಳನ್ನು ಉಪಶಮನ ಮಾಡುತ್ತದೆ ಮತ್ತು ಆಸಿಡ್ ಗಾಯವನ್ನು ಮಾಯುವಂತೆ ಮಾಡುತ್ತದೆ. ಇದಕ್ಕಾಗಿ ಟೊಮೇಟೊ ಮತ್ತು ಲಿಂಬೆರಸ ಎರಡನ್ನೂ ಸೇರಿಸಿ, ಒಂದು ಮಿಶ್ರಣ ಮಾಡಿಕೊಳ್ಳಿ. ಇದನ್ನು ಹತ್ತಿಯ ಉಂಡೆಯ ಸಹಾಯದಿಂದ ಗಾಯದ ಕಲೆಗಳು ಇರುವ ಭಾಗಕ್ಕೆ ಲೇಪಿಸಿ. ನಂತರ ಅದನ್ನು 15 ನಿಮಿಷಗಳ ಕಾಲ ಬಿಡಿ, ಇದನ್ನು 15 ದಿನಗಳ ಕಾಲ ದಿನಕ್ಕೆ ಮೂರು ಬಾರಿ ಮಾಡಿ.

ಅಲೊ ವಿರಾ ಜೆಲ್

ಅಲೊ ವಿರಾ ಜೆಲ್ ಗಾಯವನ್ನು ಉಪಶಮನ ಮಾಡುವ ಮತ್ತು ಕಲೆಗಳನ್ನು ನಿವಾರಿಸುವ ಪರಿಣಾಮಕಾರಿ ಮನೆಮದ್ದಾಗಿರುತ್ತದೆ.ಇದು ತ್ವಚೆಯಲ್ಲಿರುವ ನಿರ್ಜೀವ ಕೋಶಗಳನ್ನು ನಿವಾರಿಸುತ್ತದೆ ಮತ್ತು ಹೊಸ ತ್ವಚೆ ಬರಲು ಸಹಾಯ ಮಾಡುತ್ತದೆ. ಇದರಲ್ಲಿರುವ ಸಂಕೋಚಕ ಗುಣಗಳು, ಇನ್‍ಫೆಕ್ಷನ್‍ ಅನ್ನು ಕೊಲ್ಲುತ್ತದೆ. ಗಾಯದ ಮೇಲೆ ಅಲೊ ವಿರಾ ಜೆಲ್ ಅನ್ನು ನೇರವಾಗಿ ಲೇಪಿಸಿ ಮತ್ತು ಕೆಲವು ಸಮಯ ಉಜ್ಜಿ. ಇದನ್ನು 15 ನಿಮಿಷಗಳ ಕಾಲ ಬಿಟ್ಟು, ನಂತರ ತೊಳೆಯಿರಿ.

ಮೆಂತೆ ಬೀಜಗಳು

ಮೆಂತೆ ಬೀಜಗಳನ್ನು ರಾತ್ರಿಯೆಲ್ಲ ನೀರಿನಲ್ಲಿ ನೆನೆಸಿ. ಈ ನೆಂದ ಬೀಜಗಳನ್ನು ಸುಟ್ಟ ಗಾಯದ ಕಲೆಗಳ ಮೇಲೆ ಲೇಪಿಸಿ. ಅದನ್ನು ಒಂದು ಗಂಟೆಯ ಕಾಲ ಬಿಟ್ಟು, ನಂತರ ತೊಳೆಯಿರಿ. ಈ ಪ್ರಕ್ರಿಯೆಯನ್ನು ಗಾಯದ ಕಲೆಗಳು ನಿವಾರಣೆಯಾಗುವವರೆಗೆ ಪುನರಾವರ್ತಿಸಿ. ಸುಟ್ಟ ಗಾಯದ ಕಲೆಗಳನ್ನು ನಿವಾರಿಸಲು ಇದು ಅತ್ಯಂತ ಪರಿಣಾಮಕಾರಿಯಾದ ಚಿಕಿತ್ಸೆಯಾಗಿರುತ್ತದೆ.

ಅರಿಶಿನ

ಒಂದು ಟೇಬಲ್ ಚಮಚ ಅರಿಶಿನ ಪುಡಿಗೆ ಒಂದು ಟೀ ಚಮಚ ಜೇನು ತುಪ್ಪ ಮತ್ತು ಕೆಲವು ಹನಿ ರೋಸ್ ವಾಟರನ್ನು ಬೆರೆಸಿಕೊಳ್ಳಿ. ಇದನ್ನು ಪೇಸ್ಟ್ ಮಾಡಿಕೊಂಡು, ಸುಟ್ಟ ಗಾಯವಾಗಿರುವ ಭಾಗಕ್ಕೆ ಲೇಪಿಸಿ ಮತ್ತು ಮುಖದ ಮೇಲೆ ಮೃದುವಾಗಿ ಉಜ್ಜಿ. ಇದನ್ನು 20 ನಿಮಿಷಗಳ ಕಾಲ ಬಿಡಿ, ನಂತರ ತೊಳೆಯಿರಿ.

ಬಾದಾಮಿ ಎಣ್ಣೆ

ಬಾದಾಮಿ ಎಣ್ಣೆಯು ತ್ವಚೆಯಲ್ಲಿರುವ ನಿರ್ಜೀವ ಕೋಶಗಳನ್ನು ನಿವಾರಣೆ ಮಾಡುತ್ತದೆ. ಪರಿಶುದ್ಧವಾದ ಬಾದಾಮಿ ಎಣ್ಣೆಯನ್ನು ಸ್ವಲ್ಪ ಪ್ರಮಾಣದಲ್ಲಿ ತೆಗೆದುಕೊಳ್ಳಿ. ಮಲಗುವ ಮುನ್ನ ಅದನ್ನು ನಿಮ್ಮ ಮುಖದ ಮೇಲೆ ಲೇಪಿಸಿ. ಮೃದುವಾಗಿ ಇದನ್ನು ಕಲೆಗಳಿರುವ ಭಾಗದಲ್ಲಿ ಉಜ್ಜಿ, ಹೀಗೆ ಮಾಡುವುದರಿಂದ ತ್ವಚೆಯು ಬಾದಾಮಿ ಎಣ್ಣೆಯನ್ನು ಹೀರಿಕೊಳ್ಳುತ್ತದೆ. ಇದನ್ನು ಪ್ರತಿದಿನ ಮಾಡಿ, ನಿಮ್ಮ ತ್ವಚೆಯು ಕಲೆಗಳಿಂದ ಮುಕ್ತವಾಗುತ್ತದೆ.

ಮೊಸರು

ಗಾಯದ ಕಲೆಗಳನ್ನು ನಿವಾರಿಸಲು ಇರುವ ಮನೆ ಮದ್ದುಗಳಲ್ಲಿ ಮೊಸರು ಸಹ ಒಂದು. ಮೊಸರು ಮತ್ತು ಬಾರ್ಲಿಯ ಮಿಶ್ರಣವು ಕಲೆಗಳಿಗೆ ರಾಮ ಬಾಣದಂತೆ ಕೆಲಸ ಮಾಡುತ್ತವೆ. ಎರಡು ಟೇಬಲ್ ಚಮಚ ಮೊಸರಿನ ಜೊತೆಗೆ ಒಂದು ಟೀ ಚಮಚ ಬಾರ್ಲಿ ಪುಡಿ ಹಾಗು ಒಂದು ಚಿಟಿಕೆ ಅರಿಶಿನವನ್ನು ಬೆರೆಸಿಕೊಳ್ಳಿ. ಇದರ ಮೇಲೆ ಸ್ವಲ್ಪ ಲಿಂಬೆರಸನ್ನು ಬೆರೆಸಿಕೊಂಡು ಗಟ್ಟಿಯಾದ ಪೇಸ್ಟ್ ಮಾಡಿಕೊಳ್ಳಿ. ಈ ಪೇಸ್ಟನ್ನು ನಿಮ್ಮ ಮುಖದ ಮೇಲೆ ಕಲೆಗಳಿರುವ ಭಾಗಕ್ಕೆ ಲೇಪಿಸಿ, ಸಂಪೂರ್ಣವಾಗಿ ಕಲೆಗಳಿಂದ ಮುಕ್ತರಾಗಲು ಇದನ್ನು 15 ದಿನಗಳ ಕಾಲ ಪುನರಾವರ್ತಿಸಿ.