ತ್ವಚೆಯ ಅಂದ ಕೆಡಿಸುವ ಇಂತಹ ಆಹಾರಗಳಿಂದ ದೂರವಿರಿ

ಹಾಲಿನ ಉತ್ಪನ್ನಗಳು

ಹಾಲನ್ನು ಬಿಸಿಮಾಡಿ ತಕ್ಷಣ ಶೈತ್ಯೀಕರಿಸುವ ಮೂಲಕ (UHT-Ultra heat treatment) ಇದನ್ನು ಬಹಳ ಕಾಲ ಕೆಡದಂತೆ ಇಡಬಹುದಾದರೂ ಚರ್ಮಕ್ಕೆ ಈ ಹಾಲು ಅತ್ಯುತ್ತಮವಲ್ಲ. ಅಲ್ಲದೇ ಇತರ ಉತ್ಪನ್ನಗಳಾದ ಐಸ್ ಕ್ರೀಮ್, ಚೀಸ್ ಮೊದಲಾದವುಗಳೂ ಚರ್ಮದಡಿ ವಿವಿಧ ಸ್ರವಿಕೆಗೆ ಕಾರಣವಾಗಿ ಮೊಡವೆಗಳು ಮೂಡಲು ಪ್ರಾರಂಭವಾಗುತ್ತದೆ. ಮುಂದಿನ ಸ್ಲೈಡ್ ಕ್ಲಿಕ್ ಮಾಡಿ

ಹಾಲಿನ ಉತ್ಪನ್ನಗಳು

ಅತಿಹೆಚ್ಚಿನ ಪ್ರಮಾಣದಲ್ಲಿ ಸೇವಿಸಿದರೆ ಚರ್ಮದಲ್ಲಿ ಕಲೆಗಳು, ವಿಶೇಷವಾಗಿ ಕೆನ್ನೆಯಲ್ಲಿ ಕಪ್ಪು ಮತ್ತು ಕಂದು ಬಣ್ಣದ ಕಲೆಗಳು ಚಿಕ್ಕದಾಗಿ ಪ್ರಾರಂಭವಾಗಿ ನಿಧಾನವಾಗಿ ಅಗಲಗೊಳ್ಳುತ್ತಾ ಹೋಗುತ್ತದೆ. ಇದಕ್ಕೆ ಚರ್ಮತಜ್ಞರು ನೀಡುವ ಕಾರಣವೇನೆಂದರೆ ಈ ಉತ್ಪನ್ನಗಳು ಶರೀರದಲ್ಲಿ ಸ್ರವಿಸುವ ಹಾರ್ಮೋನುಗಳ ಪ್ರಮಾಣ ಮತ್ತು ಅವಧಿಯನ್ನು ಬದಲಿಸಿ ಬಿಡುವುದರಿಂದ ಹಲವು ಅಡ್ಡಪರಿಣಾಮಗಳು ಎದುರಾಗುತ್ತವೆ.

ಸಂಸ್ಕರಿಸಿದ (ಬಿಳಿ) ಸಕ್ಕರೆ

ನಮ್ಮ ದೈನಂದಿನ ಚಟುವಟಿಕೆಗಳಿಗನುಸಾರವಾಗಿ ಚರ್ಮ ಕೊಂಚ ಹಿಗ್ಗುವ ಅಥವಾ ಕುಗ್ಗುವ ಸಾಮರ್ಥ್ಯ ಹೊಂದಿದೆ. (ಹಸ್ತದ ಚರ್ಮ ಅತಿ ಹೆಚ್ಚು ಹಿಗ್ಗುತ್ತದೆ. ಇದೇ ಕಾರಣಕ್ಕಾಗಿ ನೀರಿನಲ್ಲಿ ಕೊಂಚಕಾಲ ಅದ್ದಿದ ಬಳಿಕ ಹಸ್ತದ ಚರ್ಮ ನೆರಿಗೆನೆರಿಗೆಯಾಗಿ ಇರುತ್ತದೆ). ಬಿಳಿಸಕ್ಕರೆಯ ಸೇವನೆಯಿಂದ ಈ ಶಕ್ತಿ ಪ್ರಭಾವಗೊಳ್ಳುವುದನ್ನು ಸಂಶೋಧನೆಗಳು ತಿಳಿಸಿವೆ. ಅತಿ ಹೆಚ್ಚು ಸಕ್ಕರೆ ಸೇವಿಸುವವರ ಚರ್ಮದಲ್ಲಿ ಕಡಿಮೆ ವಯಸ್ಸಿನಲ್ಲಿಯೇ ನೆರಿಗೆಗಳು ಮೂಡಲು ಪ್ರಾರಂಭಿಸುತ್ತವೆ. ಸಕ್ಕರೆಗೆ ದಾಸರಾಗಿರುವವರು ಕೂಡಲೇ ಸಕ್ಕರೆಯ ಪರ್ಯಾಯಗಳತ್ತ ಒಲವು ತೋರುವುದು ಉತ್ತಮ.

ರುಚಿ ಹೆಚ್ಚಿಸುವ ಪದಾರ್ಥಗಳು

ಮಾರುಕಟ್ಟೆಯಲ್ಲಿ ದೊರಕುವ ಸಿದ್ಧ ಆಹಾರ ಮತ್ತು ಪೇಯಗಳು ಪೂರ್ಣಪ್ರಮಾಣದಲ್ಲಿ ಅದರ ಮೂಲ ದ್ರವ್ಯವನ್ನು ಹೊಂದಿರುವುದಿಲ್ಲ. ಉದಾಹರಣೆಗೆ ಒಂದು ಲೀಟರ್ ಮಾವಿನ ಹಣ್ಣಿನಲ್ಲಿ ಅಪ್ಪಟ ಮಾವಿನ ಹಣ್ಣಿನ ರಸ (mango pulp) ಇರುವುದು ಗರಿಷ್ಟ ನಾನೂರು ಮಿಲಿಲೀಟರ್. ಇನ್ನುಳಿದದ್ದು ಮಾವಿನ ಹಣ್ಣಿನ ರುಚಿಯನ್ನೇ ಹೋಲುವ ಕೃತಕ ರಸ (food additive). ಈ ಪರಿ ಇರುವ ಪೇಯಗಳಿಗೆ 'ಡ್ರಿಂಕ್' ಎಂದು ನಾಮಕರಣ ಮಾಡಿ ಮಾರುಕಟ್ಟೆಯಲ್ಲಿ ಬಿಡುಗಡೆ ಮಾಡಲಾಗುತ್ತದೆ. (ಉದಾಹರಣೆಗೆ mango drink). ಭಾರತದಲ್ಲಿ ಭರದಿಂದ ಮಾರಾಟವಾಗುವ ಬಹುತೇಕ ಈ ಡ್ರಿಂಕ್‌ಗಳಲ್ಲಿ ಅಪ್ಪಟ ಹಣ್ಣಿನ ರಸ ಇರುವುದು ಶೇಕಡಾ ಇಪ್ಪತ್ತು ಮಾತ್ರ. ಈ ಆಹಾರಗಳು ರುಚಿಯಲ್ಲಿ ಉತ್ತಮವಾಗಿದ್ದರೂ ಆರೋಗ್ಯಕ್ಕೆ, ವಿಶೇಷವಾಗಿ ಚರ್ಮಕ್ಕೆ ಹಲವು ರೀತಿಯ ಹಾನಿ ಎಸಬಲ್ಲವು. ಇದರ ಬದಲಿಗೆ ತಾಜಾ ಹಣ್ಣುಗಳ ರಸ ಅಥವಾ ತಾಜಾ ಹಣ್ಣುಗಳನ್ನೇ ತಿನ್ನುವುದು ಉತ್ತಮ.

ಸಂಸ್ಕರಿಸಿದ ಆಹಾರಗಳು (All Refined Foods)

ಸಂಸ್ಕರಿಸಿದ ಆಹಾರಗಳಿಗಿಂತ ನೈಸರ್ಗಿಕವಾದ ಆಹಾರಗಳನ್ನೇ ಅಯ್ಕೆ ಮಾಡಿ. ಮೈದಾ ಬದಲು ಇಡಿಯ ಗೋಧಿಯ ಹಿಟ್ಟಿನಿಂದ ತಯಾರಿಸಿದ ಆಹಾರಗಳನ್ನು ಆರಿಸಿ. ಪಾಲಿಶ್ ಮಾಡಿದ ಅಕ್ಕಿಗಿಂತ ಕಡಿಮೆ ಪಾಲಿಶ್ ಮಾಡಿದ ಅಕ್ಕಿ ಉತ್ತಮ. ಅಂತೆಯೇ ಮಾರುಕಟ್ಟೆಯಲ್ಲಿ ಲಭ್ಯವಿರುವ ಸಾವಿರಾರು ಸಂಸ್ಕರಿಸಿದ ಆಹಾರಗಳ ಬದಲಿಗೆ ನೈಸರ್ಗಿಕವಾಗಿ ಸಿಗುವ ಆಹಾರಗಳ ಬಳಕೆಗೆ ಆದ್ಯತೆ ನೀಡಿ. ಇದರಿಂದ ದೇಹದ ಒಟ್ಟಾರೆ ಆರೋಗ್ಯ ವೃದ್ದಿಸುವುದರೊಂದಿಗೇ ಚರ್ಮದ ಕಾಂತಿ ಮತ್ತು ಸೆಳೆತವೂ ಹೆಚ್ಚುತ್ತದೆ.