ಸಣ್ಣ-ಪುಟ್ಟ ತಪ್ಪುಗಳು ತ್ವಚೆಯ ಅಂದವನ್ನೇ ಕೆಡಿಸಬಹುದು!

ಕರಿದ ಪದಾರ್ಥಗಳು

ಫ್ರೆಂಚ್ ಫ್ರೈ, ಬರ್ಗರ್, ಕರಿದ ತಿಂಡಿಗಳು ಇವುಗಳನ್ನು ಮೊಡವೆ ಇರುವವರು ಆದಷ್ಟು ದೂರವಿಡುವುದು ಒಳ್ಳೆಯದು. ಮೊಡವೆಗೆ ಚಿಕಿತ್ಸೆ ತೆಗೆದುಕೊಳ್ಳುತ್ತಿದ್ದರೆ ಕರಿದ ಪದಾರ್ಥಗಳನ್ನು ಮುಟ್ಟಲೇಬೇಡಿ.

ಮಸಾಲೆಯುಕ್ತ ಪದಾರ್ಥಗಳು

ನೀವು ಈಗಾಗಲೇ ಮೊಡವೆ ಹೊಂದಿದ್ದರೆ ಅದನ್ನು ಹೆಚ್ಚಿಸಲು ಮಸಾಲೆ ಪದಾರ್ಥಗಳು ಕಾರಣವಾಗದಿರಬಹುದು,ಆದರೆ ಮೊಡವೆ ಬರಲು ಇದು ಕೂಡ ಒಂದು ಕಾರಣ.ಏಕೆಂದರೆ ಮಸಾಲೆ ಪದಾರ್ಥಗಳು ದೇಹದ ಉಷ್ಣತೆ ಹೆಚ್ಚಿಸುತ್ತದೆ ಮತ್ತು ಚರ್ಮದ ಉರಿಯೂತಕ್ಕೆ ಕಾರಣವಾಗುತ್ತದೆ ಇದರಿಂದ ಮೊಡವೆ ಹೆಚ್ಚಬಹುದು.

ಕೊಬ್ಬಿನಾಂಶ ಹೆಚ್ಚಿರುವ ಆಹಾರಗಳು

ಕೊಬ್ಬಿನ ಅಂಶವನ್ನು ಹೊಂದಿರುವ ಜಿಡ್ಡಿನ ಪದಾರ್ಥಗಳನ್ನು ತಿನ್ನುವುದರಿಂದ ಮೊಡವೆ ಹೆಚ್ಚುತ್ತದೆ.ಕೊಬ್ಬಿನ ಅಂಶ ಹೆಚ್ಚಿರುವ ಈ ರೀತಿಯ ಪದಾರ್ಥಗಳನ್ನು ತಿನ್ನುವುದರಿಂದ ದೇಹದಲ್ಲಿ ಸಕ್ಕರೆ ಅಂಶ ಹೆಚ್ಚುತ್ತದೆ ಇದರಿಂದ ಹಾರ್ಮೋನ್ ಏರುಪೇರು ಉಂಟಾಗಿ ಮೊಡವೆಗಳು ಏಳುವ ಸಾಧ್ಯತೆಯಿದೆ. ಹೆಚ್ಚು ಕೊಬ್ಬಿನಂಶ ಇರುವ ಆಹಾರ ಪದಾರ್ಥಗಳು ದೇಹದಲ್ಲಿ ರಕ್ತ ಪ್ರವಾಹ ಕಡಿಮೆ ಮಾಡಿ ಆಮ್ಲಜನಕ ಮತ್ತು ಇತರ ಪೋಷಕಾಂಶಗಳ ಸಂಚಲನವನ್ನು ನಿಧಾನಗೊಳಿಸುತ್ತದೆ.ಚರ್ಮಕ್ಕೆ ಆ ಪೋಷಕಾಂಶಗಳ ಅಗತ್ಯವಿದೆ ಆದ್ದರಿಂದ ಕೊಬ್ಬಿನಂಶ ಇರುವ ಜಿಡ್ಡಿನ ಪದಾರ್ಥಗಳನ್ನು ತಿನ್ನುವುದರಿಂದ ಮೊಡವೆಗಳು ಹೆಚ್ಚುತ್ತವೆ.

ಕಾಫಿಯ ಚಟ

ಅಧಿಕವಾಗಿ ಕಾಫಿ ಕುಡಿಯುವುದರಿಂದ ತ್ವಚೆಯಲ್ಲಿ ಮೊಡವೆಗಳು ಹೆಚ್ಚಾಗುವ ಸಾಧ್ಯತೆ ಇರುತ್ತದೆ. ಕಾಫಿ ನಿಮ್ಮ ಮೆದುಳನ್ನು ಸಕ್ರಿಯವಾಗಿಯೇನೋ ಇರಿಸುತ್ತದೆ ಆದರೆ ಅಧಿಕವಾಗಿ ಬಳಸುವುದರಿಂದ ಮುಖದಲ್ಲಿ ಮೊಡವೆಗಳನ್ನು ಹೆಚ್ಚಿಸುತ್ತದೆ.

ಬಟ್ಟೆಗಳು

ನೈಲಾನ್, ಪಾಲಿಸ್ಟರ್ ಬಟ್ಟೆಗಳನ್ನು ಬಳಸುವುದರಿಂದ ಇದು ಬ್ಯಾಕ್ಟೀರಿಯಾವನ್ನು ಹೆಚ್ಚಿಸಿ, ಜೀವಕೋಶಗಳು ಸಾಯುವಂತೆ ಮಾಡುತ್ತದೆ. ಈ ಬಟ್ಟೆಗಳಿಂದ ಗಾಳಿ ಹೊರಹೋಗಲು ಸಾಧ್ಯವಿಲ್ಲವಾದುದುದರಿಂದ ಬ್ಯಾಕ್ಟೀರಿಯಾಗಳು ಅಲ್ಲೇ ಉಳಿದು ಚರ್ಮದ ಸೋಂಕು ತಗುಲುವ ಸಾಧ್ಯತೆ ಇರುತ್ತದೆ. ಇದು ಮುಖಕ್ಕೆ ತಗುಲಿ ಮೊಡವೆಗಳಾಗುವ ಸಂಭವವಿರುತ್ತದೆ.

ಮೊಬೈಲ್ ಕ್ಲೀನ್ ಮಾಡದಿರುವುದು

ಮೊಬೈಲ್‌ನಲ್ಲಿ ಬ್ಯಾಕ್ಟೀರಿಯಗಳು ಅಧಿಕವಾಗಿರುತ್ತವೆ. ಸೆಲ್ ಫೋನ್ ಎಲ್ಲೆಂದರಲ್ಲಿ ಇಡುವುದರಿಂದ ಬೇರೆಬೇರೆ ರೀತಿಯ ಬ್ಯಾಕ್ಟೀರಿಯಾಗಳು ತಗುಲುತ್ತವೆ. ಆದ್ದರಿಂದ ಮೊಬೈಲ್ ಕೈಗೆ ತೆಗೆದುಕೊಳ್ಳುವ ಮೊದಲು ಸ್ವಚ್ಛಗೊಳಿಸಿಕೊಳ್ಳುವುದು ಸೂಕ್ತ.

ಸೂರ್ಯನ ಕಿರಣ

ತುಂಬಾ ಹೊತ್ತು ಬಿಸಿಲಿನಲ್ಲಿದ್ದು ಅಧಿಕ ಸೂರ್ಯನ ಕಿರಣಗಳಿಗೆ ಮುಖವನ್ನು ಒಡ್ಡುವುದರಿಂದ ಮೊಡವೆಗಳಾಗುತ್ತವೆ.ಹೊರಗೆ ಹೋಗುವ ಮೂರು ಗಂಟೆಗಳ ಮೊದಲು ಸನ್ ಸ್ಕ್ರೀನ್ ಲೋಷನ್ ಹಚ್ಚಿಕೊಳ್ಳಿ.ಸೂರ್ಯನ ಕಿರಣಗಳಿಗೆ ಹಾನಿಗೊಳಗಾದ ಚರ್ಮವು ಬೇಗ ಬ್ಯಾಕ್ಟೀರಿಯ ಸೋಂಕಿಗೆ ಒಳಗಾಗುತ್ತದೆ ಮತ್ತು ಮೊಡವೆಗಳಾಗುವ ಸಾಧ್ಯತೆ ಅಧಿಕವಾಗಿರುತ್ತದೆ.

ಪ್ರತಿದಿನ ಅದೇ ದಿಂಬನ್ನು ಉಪಯೋಗಿಸುವುದು

ಆಗಾಗ ತಲೆ ದಿಂಬನ್ನು ಸ್ವಚ್ಛಗೊಳಿಸದಿದ್ದಲ್ಲಿ ಚರ್ಮದ ಸೋಂಕು ಕಂಡುಬರುತ್ತದೆ. ದಿಂಬಿನ ಕವರ್‌ನಲ್ಲಿ ಬ್ಯಾಕ್ಟೀರಿಯಾಗಳು ಸೇರಿಕೊಂಡು ಅವು ಸೋಂಕನ್ನು ತಂದು ಮೊಡವೆಗಳಾಗುವಂತೆ ಮಾಡುತ್ತವೆ. ನಿಮ್ಮ ಮುಖ ಇಡೀ ರಾತ್ರಿ ದಿಂಬಿನ ಮೇಲಿರುವುದರಿಂದ ಸೋಂಕು ತಗುಲುವ ಸಾಧ್ಯತೆ ಹೆಚ್ಚಿರುತ್ತದೆ. ಆದ್ದರಿಂದ ಆಗಾಗ ದಿಂಬಿನ ಹೊದಿಕೆಯನ್ನು ಬದಲಿಸುತ್ತಿರಿ.