ತ್ವಚೆಯ ಅಂದಕ್ಕೆ-ಮೂಸಂಬಿ ಜ್ಯೂಸ್‌ನ ಲೇಪನ!

ಪ್ರಯೋಜನ #1

ಮೂಸಂಬಿಯಲ್ಲಿರುವ ಬ್ಯಾಕ್ಟೀರಿಯಾ ನಿವಾರಕಾ ಗುಣ ಚರ್ಮದಲ್ಲಿರುವ ಬ್ಯಾಕ್ಟೀರಿಯಾಗಳನ್ನು ನಿವಾರಿಸಲು ಉಪಯುಕ್ತವಾಗಿದೆ. ಆದ್ದರಿಂದ ಮೂಸಂಬಿ ಜ್ಯೂಸ್ ನಿಂದ ನೇರವಾಗಿ ಮುಖ ತೊಳೆಯುವುದರಿಂದ ಮುಖದ ಕೊಳೆ ತೊಳೆಯಲು ಸಾಧ್ಯವಾಗುತ್ತದೆ. ಇದಕ್ಕಾಗಿ ಈಗತಾನೇ ಹಿಂಡಿದ ಮೂಸಂಬಿ ರಸವನ್ನು ತೆಳುವಾಗಿ ಹಚ್ಚಿ. ಇದಕ್ಕೆ ಹತ್ತಿಯುಂಡೆ ಅಥವಾ ತೆಳುವಾದ ಬಟ್ಟೆ ಉಪಯೋಗಿಸಬಹುದು. ಸುಮಾರು ಮೂರು ನಿಮಿಷಗಳ ಬಳಿಕ ತಣ್ಣೀರಿನಿಂದ ತೊಳೆದುಕೊಳ್ಳಿ. ಇದು ಮುಖದ ಚರ್ಮದ ರಂಧ್ರಗಳ ಒಳಗೆ ಹೋಗಿ ಕೊಳೆಯನ್ನು ನಿವಾರಿಸುತ್ತದೆ.

ಪ್ರಯೋಜನ #2

ಮೂಸಂಬಿ ರಸದಲ್ಲಿ ಹಲವಾರು ವಿಟಮಿನ್ ಗಳು, ಖನಿಜಗಳು ಮತ್ತು ಆಂಟಿ ಆಕ್ಸಿಡೆಂಟುಗಳಿರುವುದರಿಂದ ಚರ್ಮದ ಸೋಂಕುಗಳನ್ನು ರಕ್ಷಿಸಲು ಸಮರ್ಥವಾಗಿದೆ. ಇದಕ್ಕಾಗಿ ಮೂಸಂಬಿ ರಸವನ್ನು ರಾತ್ರಿ ಮಲಗುವ ಮುನ್ನ ಮುಖದ ಮೇಲೆ ದಪ್ಪನಾಗಿ ಲೇಪಿಸಿ ಹತ್ತು ನಿಮಿಷಗಳ ಬಳಿಕ ತಣ್ಣೀರಿನಿಂದ ತೊಳೆದುಕೊಳ್ಳುವ ಮೂಲಕ ಚರ್ಮಕ್ಕೆ ಸೋಂಕು ಉಂಟಾಗುವುದನ್ನು ತಪ್ಪಿಸಬಹುದು. ಇಡಿಯ ದಿನ ಬಿಸಿಲು, ಹೊಗೆ ಮತ್ತು ಇತರ ಪ್ರದೂಷಣೆಯಿಂದ ಬಳಲಿದ ಚರ್ಮಕ್ಕೆ ಈ ಆರೈಕೆ ಉತ್ತಮವಾಗಿದೆ.

ಪ್ರಯೋಜನ#3

ನಿಮ್ಮ ಕೂದಲಿಗೆ ಶಾಂಪೂವಿನ ಆರೈಕೆ ನೀಡಿದ ಬಳಿಕ ಉಳಿದ ಶಾಂಪೂವನ್ನು ನಿವಾರಿಸಲು ಹೆಚ್ಚು ನೀರು ಬಳಸಬೇಕಾಗುತ್ತದೆ. ಇದು ಶಾಂಪೂ ನೀಡಿದ ಪೋಷಣೆಯನ್ನೂ ತೊಳೆದುಕೊಂಡು ಹೋಗುತ್ತದೆ. ಬದಲಿಗೆ ಶಾಂಪೂ ಉಪಯೋಗಿಸಿದ ಬಳಿಕ ಒಂದು ಬಾರಿ ಮಾತ್ರ ನೀರು ಹಾಕಿ ಬಳಿಕ ಮೂಸಂಬಿ ರಸವನ್ನು ಹಚ್ಚಿ ತೊಳೆದುಕೊಂಡರೆ ಸುಲಭವಾಗಿ ಶಾಂಪೂವಿನ ಎಲ್ಲಾ ಅಂಶಗಳು ತೊಳೆದುಹೋಗುತ್ತವೆ.

ಪ್ರಯೋಜನ #4

ಮೂಸಂಬಿರಸ ಮತ್ತು ಜೇನಿನ ಜೋಡಿ ನಿಮ್ಮ ಕೂದಲ ಆರೈಕೆಗೆ ಉತ್ತಮವಾಗಿದೆ. ಇದಕ್ಕಾಗಿ ಈಗ ತಾನೇ ಹಿಂಡಿದ ಒಂದು ದೊಡ್ಡ ಗಾತ್ರದ ಮೂಸಂಬಿಯ ರಸ ಮತ್ತು ಅಷ್ಟೇ ಪ್ರಮಾಣದ ನೀರು ಹಾಕಿ ಬೆರೆಸಿ. ಇದಕ್ಕೆ ಒಂದು ಚಿಕ್ಕ ಚಮಚ ಜೇನು ಸೇರಿಸಿ ಚೆನ್ನಾಗಿ ಕಲಕಿ. ಈಗತಾನೇ ಶಾಂಪೂ ಉಪಯೋಗಿಸಿ ತೊಳೆದುಕೊಂಡ ಕೂದಲಿಗೆ ಹಚ್ಚಿ, ವಿಶೇಷವಾಗಿ ಕೂದಲ ಬುಡದಲ್ಲಿ ಮಸಾಜ್ ಮಾಡಿ. ಸುಮಾರು ಐದರಿಂದ ಹತ್ತು ನಿಮಿಷ ಬಿಟ್ಟು ತಣ್ಣೀರಿನಿಂದ ತೊಳೆದುಕೊಳ್ಳಿ. ಇದರಿಂದ ಆರೋಗ್ಯವಂತ, ದೃಧ ಮತ್ತು ಕಾಂತಿಯುಕ್ತ ಕೂದಲು ನಿಮ್ಮದಾಗುತ್ತದೆ.

ಪ್ರಯೋಜನ #5

ಪ್ರತಿದಿನ ಎರಡು ಬಾರಿ ಮೂಸಂಬಿ ರಸದಿಂದ ತುಟಿಗಳನ್ನು ಸವರಿಕೊಳ್ಳುವ ಮೂಲಕ ತುಟಿಗಳಿಗೆ ಲಿಪ್ ಬಾಮ್ ಮೂಲಕ ದೊರಕುವ ಆರೈಕೆ ದೊರಕುತ್ತದೆ.

ಪ್ರಯೋಜನ #6

ಒಂದು ಚಿಕ್ಕ ಚಮಚ ಕಡ್ಲೆಹಿಟ್ಟಿಗೆ ಕೊಂಚ ಮೂಸಂಬಿ ರಸ ಸೇರಿಸಿ ನಯವಾದ ಲೇಪನ ತಯಾರಿಸಿ. ಈಗ ತಾನೇ ತೊಳೆದುಕೊಂಡ ಮುಖಕ್ಕೆ ನಯವಾಗಿ ಲೇಪಿಸಿ ಹತ್ತು ನಿಮಿಷ ಬಿಟ್ಟು ತೊಳೆದುಕೊಳ್ಳಿ. ಇದು ನಿಮ್ಮ ಮುಖದ ಕಾಂತಿಯನ್ನು ಹೆಚ್ಚಿಸುತ್ತದೆ.

ಪ್ರಯೋಜನ #7

ಮುಖದ ಮೇಲಿನ ಕಲೆಗಳಿಗೆ ಮೂಸಂಬಿ ರಸವನ್ನು ನೇರವಾಗಿ ಹಚ್ಚಿಕೊಳ್ಳುವ ಮೂಲಕ ಕೆಲವೇ ದಿನಗಳಲ್ಲಿ ಉತ್ತಮ ಪರಿಣಾಮ ಕಾಣಬಹುದು. ಮೂಸಂಬಿ ರಸವನ್ನು ಹತ್ತಿಯ ಚಿಕ್ಕ ಉಂಡೆ ಪೂರ್ತಿಯಾಗಿ ಹೀರಿಕೊಳ್ಳುವಂತೆ ಸ್ವಲ್ಪವೇ ಹಿಂಡಿ ಮಾಡಿ ಚಿಕ್ಕ ಪ್ಲಾಸ್ಟರ್ ಒಂದನ್ನು ಗಾಯಕ್ಕೆ ಹಚ್ಚುವಂತೆ ಹತ್ತಿಯುಂಡೆಯನ್ನು ಕಲೆಯ ಮೇಲಿಟ್ಟು ಸುಮಾರು ಎರಡು ಘಂಟೆಗಳಾದರೂ ಇರಿಸಿ.

ಪ್ರಯೋಜನ #7

ಇದು ಉತ್ತಮ ಪರಿಣಾಮ ಬೀರುತ್ತದೆ. ಪರ್ಯಾಯವಾಗಿ ಮೂಸಂಬಿಯ ಸಿಪ್ಪೆಗಳನ್ನು ಚೆನ್ನಾಗಿ ಒಣಗಿಸಿ ಬಳಿಕ ಕುಟ್ಟಿ ಪುಡಿ ಮಾಡಿ ಈ ಪುಡಿಯನ್ನು ಮೊಸರು ಅಥವಾ ಹಸಿಹಾಲಿನಲ್ಲಿ ಬೆರೆಸಿ ಲೇಪನ ಮಾಡಿ ಕಲೆಯ ಮೇಲೆ ದಪ್ಪನಾಗಿ ದಿನಕ್ಕೆರಡು ಬಾರಿ ಹಚ್ಚುವ ಮೂಲಕ ಒಂದು ವಾರದಲ್ಲಿಯೇ ಗಣನೀಯವಾದ ಪರಿಣಾಮವನ್ನು ಪಡೆಯಬಹುದು.

ಪ್ರಯೋಜನ #8

ಬ್ಲಾಕ್ ಹೆಡ್ ನಿವಾರಣೆಗೆ: ಒಂದು ಅಥವಾ ಎರಡು ಮೂಸಂಬಿಗಳ ರಸ ಹಿಂಡಿ ಫ್ರಿಜ್ ನಲ್ಲಿರುವ ಐಸ್ ಟ್ರೇನೊಳಗೆ ತುಂಬಿಸಿಡಿ. ಬೆಳಗ್ಗಿನ ಸ್ನಾನದ ಬಳಿಕ ಇದರಲ್ಲಿ ಒಂದು ಚಿಕ್ಕ ತುಂಡನ್ನು ಹೊರತೆಗೆದು ನೇರವಾಗಿ ಮುಖದ ಚರ್ಮದ ಮೇಲೆ ಉಜ್ಜಿಕೊಳ್ಳಿ. ಇದು ಚರ್ಮದ ಎಣ್ಣೆಯಂಶವನ್ನು ಹೀರಿಕೊಳ್ಳುತ್ತದೆ ಹಾಗೂ ಬ್ಲಾಕ್ ಹೆಡ್ ಗಳನ್ನು ಬುಡಸಹಿತ ನಿವಾರಿಸಲು ನೆರವಾಗುತ್ತದೆ. ಇದರಿಂದ ಮುಖದ ಮೇಲೆ ಮೊಡವೆಗಳಾಗುವ ಸಾಧ್ಯತೆಗಳೂ ಕಡಿಮೆಯಾಗುತ್ತದೆ. ಈ ಆರೈಕೆ ಎಣ್ಣೆಚರ್ಮದವರಿಗೆ ಅತ್ಯುತ್ತಮವಾಗಿದೆ.

ಪ್ರಯೋಜನ #9

ದಿನಕ್ಕೊಂದು ಲೋಟ ಮೂಸಂಬಿಯ ಜ್ಯೂಸ್ ಕುಡಿಯುವ ಮೂಲಕ ತೂಕವೂ ಕಡಿಮೆಯಾಗುತ್ತದೆ ಹಾಗೂ ಚರ್ಮಕ್ಕೆ ಒಳಗಿನಿಂದ ದೊರಕುವ ಆರೈಕೆಯ ಕಾರಣ ಚರ್ಮದಲ್ಲಿ ನೆರಿಗೆ ಮೂಡುವ ಪ್ರಕ್ರಿಯೆ ಮುಂದೂಡಲ್ಪಡುತ್ತದೆ. ಪರಿಣಾಮವಾಗಿ ತಾರುಣ್ಯ ಹೆಚ್ಚಿನ ಕಾಲದವರೆಗೆ ಉಳಿಯುತ್ತದೆ.