ಆರೋಗ್ಯಕ್ಕೆ ಮಾರಕವಾದ ವೋಡ್ಕಾ ಸೌಂದರ್ಯಕ್ಕೆ ಪೂರಕ!

ಘಾಸಿಗೊಂಡ ಕೂದಲಿಗೆ ಫಲಕಾರಿಯಾಗಿದೆ

ಒಂದು ವೇಳೆ ನಿಮ್ಮ ತಲೆಗೂದಲು ವಿಪರೀತವಾಗಿ ಘಾಸಿಗೊಂಡು ಸಿಕ್ಕು ಸಿಕ್ಕಾಗಿದ್ದರೆ ಸ್ವಲ್ಪ ಪ್ರಮಾಣದ ನಿಮ್ಮ ನೆಚ್ಚಿನ ಕಂಡೀಶನರ್ ಗೆ ಎರಡು ಚಿಕ್ಕ ಚಮಚ ವೋಡ್ಕಾ ಸೇರಿಸಿ ಎರಡೂ ಕೈಗಳಿಗೆ ಹಚ್ಚಿಕೊಳ್ಳಿ. ಬಳಿಕ ಎರಡೂ ಕೈಗಳಿಂದ ತಲೆಗೂದಲಿಗೆ ಮೇಲಿನಿಂದ ಕೆಳಗೆ ಬರುವಂತೆ ಸವರುತ್ತಾ ಬನ್ನಿ. ನಿಯಮಿತವಾಗಿ ಬಳಸುವುದರಿಂದ ನಿಮ್ಮ ಕೂದಲು ಉತ್ತಮ ಪೋಷಣೆ ಪಡೆಯುವ ಜೊತೆಗೇ ಹೊಳಪನ್ನು ಸಹಾ ಪಡೆಯುತ್ತದೆ.

ಪಾದಗಳ ದುರ್ವಾಸನೆಯನ್ನು ತಡೆಯುತ್ತದೆ

ಒಂದು ವೇಳೆ ನಿಮ್ಮ ಪಾದಗಳು ದುರ್ವಾಸನೆಯಿಂದ ಕೂಡಿದ್ದರೆ ಒಂದು ಅಗಲವಾದ ಬಕೆಟ್ ನಲ್ಲಿ ಉರುಗುಬೆಚ್ಚನೆಯ ನೀರು ಹಾಕಿ ಸುಮಾರು ಐದು ಚಿಕ್ಕ ಚಮಚ ವೋಡ್ಕಾ ಹಾಕಿ ಪಾದಗಳನ್ನು ಐದು ನಿಮಿಷ ಮುಳುಗಿಸಿಡಿ. ಬಳಿಕ ಪಾದದ ದುರ್ವಾಸನೆ ಇಲ್ಲವಾಗುತ್ತದೆ

ಬಾಯಿಯ ದುರ್ವಾಸನೆಯನ್ನು ನಿವಾರಿಸುತ್ತದೆ

ವೋಡ್ಕಾದ ಜೀವಿರೋಧಿ (antibacterial) ಗುಣ ಬಾಯಿಯಲ್ಲಿ ಧಾಳಿಯಿಟ್ಟಿರುವ ಬ್ಯಾಕ್ಟೀರಿಯಾಗಳನ್ನು ಕೊಲ್ಲಲು ನೆರವಾಗುತ್ತದೆ. ಇದಕ್ಕಾಗಿ ಒಂದು ಚಿಕ್ಕಚಮಚ ವೋಡ್ಕಾವನ್ನು ನೇರವಾಗಿ ಬಾಯಿಗೆ ಹಾಕಿ ಮುಕ್ಕಳಿಸಿ ಉಗುಳಿ. ಬಳಿಕ ಉಗುರುಬೆಚ್ಚನೆಯ ನೀರಿನಿಂದ ಮುಕ್ಕಳಿಸಿ.

ಚರ್ಮ ಸ್ವಚ್ಛಗೊಳಿಸುವ ಟೋನರ್ ಆಗಿ ಬಳಸಬಹುದು

ಚರ್ಮದ ಸೂಕ್ಷ್ಮರಂಧ್ರಗಳಲ್ಲಿರುವ ಕೊಳೆಯನ್ನು ನಿವಾರಿಸಲು ನೀರು ಸಾಕಾಗುವುದಿಲ್ಲ. ಇದಕ್ಕೆ ಕೊಂಚ ಆಮ್ಲೀಯವಾದ ಟೋನರ್ ಅಗತ್ಯವಿದೆ. ಇದಕ್ಕಾಗಿ ನೀರು ಮತ್ತು ವೋಡ್ಕಾವನ್ನು ಸಮಪ್ರಮಾಣದಲ್ಲಿ ಮಿಶ್ರಣ ಮಾಡಿ ಎರಡು ಚಿಕ್ಕಚಮಚ ದಷ್ಟು ಪ್ರಮಾಣವನ್ನು ಒಂದು ಹತ್ತಿಯಿಂಡೆಯಲ್ಲಿ ಅದ್ದಿ ಮುಖದ ಚರ್ಮವನ್ನು ಒರೆಸಿಕೊಳ್ಳಿ. ಇದರಿಂದ ಚರ್ಮದ ಕೊಳೆ ಆಳದಿಂದ ಹೊರಬಂದು ಸೂಕ್ಷ್ಮರಂಧ್ರಗಳು ತೆರೆದುಕೊಳ್ಳುತ್ತವೆ ಹಾಗೂ ಅಡಗಿಕೊಂಡಿದ್ದ ಬ್ಯಾಕ್ಟೀರಿಯಾ ಮತ್ತು ಹೊರಚರ್ಮದ ಸತ್ತ ಜೀವಕೋಶಗಳನ್ನು ನಿವಾರಿಸಲು ಸಾಧ್ಯವಾಗುತ್ತದೆ.

ಶೇವಿಂಗ್ ಬ್ಲೇಡ್ ಸ್ವಚ್ಛಗೊಳಿಸಲು ನೆರವಾಗುತ್ತದೆ

ಪ್ರತಿ ಬಾರಿ ಶೇವ್ ಮಾಡಿದ ಬಳಿಕ ವೋಡ್ಕಾದಲ್ಲಿ ಬ್ಲೇಡ್ ನ ಭಾಗ ಮುಳುಗುವಂತಿಟ್ಟರೆ ಮುಂದಿನ ಶೇವ್ ಸಮಯದವರೆಗೆ ಯಾವುದೇ ಸೋಂಕು ಇಲ್ಲದೆ ಸ್ವಚ್ಛವಾಗಿರುತ್ತದೆ.

ನೆತ್ತಿಯ ಕೊಳೆಯನ್ನು ತೆಗೆಯುತ್ತದೆ

ನೆತ್ತಿಯ ಕೊಳೆಯನ್ನು ಶಾಂಪೂ ಸೋಪುಗಳಿಗಿಂಗಲೂ ಸ್ವಚ್ಛವಾಗಿ ವೋಡ್ಕಾ ತೆಗೆಯುತ್ತದೆ. ಇದಕ್ಕಾಗಿ ಒಂದು ಚಿಕ್ಕ ಚಮಚ ಶಾಂಪೂ ಜೊತೆ ಎರಡು ಚಿಕ್ಕ ಚಮಚ ವೋಡ್ಕಾ ಸೇರಿಸಿ ನೆತ್ತಿಗೆ ಹಚ್ಚಿಕೊಳ್ಳಿ. ಚೆನ್ನಾಗಿ ನೊರೆಬರಿಸಿ ಬಳಿಕ ತೊಳೆದುಕೊಳ್ಳಿ. ಇದರಿಂದ ನೆತ್ತಿಯ ಕೊಳೆ ಹೋಗುವ ಜೊತೆಗೇ ಅಂಟಿಕೊಂಡಿದ್ದ ಎಣ್ಣೆಯಪಸೆ ಮತ್ತು ಸತ್ತ ಮತ್ತು ಒಣಗಿದ ಚರ್ಮದ ಜೀವಕೋಶಗಳು ನಿವಾರಣೆಯಾಗುತ್ತವೆ.