ಮುದ್ದು ಮುಖ ಕೆಡಿಸುವ ಮೊಡವೆಗೆ ಇನ್ನು ವಿದಾಯ ಹೇಳಿ!

ನಿಮ್ಮ ಆಹಾರದಲ್ಲಿ ಮೀನು ಯಥೇಚ್ಛವಾಗಿರಲಿ

ಮೀನಿನಲ್ಲಿ ಒಮೆಗಾ 3 ಕೊಬ್ಬಿನ ತೈಲವಿದ್ದು ಇದು ಸ್ನಾಯುಗಳಲ್ಲಿ ಉರಿಯೂತವನ್ನು ನಿವಾರಿಸುತ್ತದೆ. ಅಲ್ಲದೇ ಮೀನಿನ ಮೂಲಕ ಲಭಿಸಿದ ಸತು (zinc) ದೇಹದಲ್ಲಿ ರಸದೂತಗಳ ಸ್ರವಿಕೆಯನ್ನು ನಿಯಮಿತಗೊಳಿಸಿ ದೇಹವು ವಿಟಮಿನ್ ಎ ಪ್ರಮಾಣವನ್ನು ಹೆಚ್ಚು ಹೀರಿಕೊಳ್ಳಲು ನೆರವಾಗುತ್ತದೆ. ಈ ವಿಟಮಿನ್ ಎ ಮೊಡವೆಗಳಾಗದಿರಲು ಮುಖ್ಯವಾದ ಪೋಷಕಾಂಶವಾಗಿದೆ.

ಬೆಣ್ಣೆ ಹಣ್ಣು ಸೇವಿಸಿ

ಬೆಣ್ಣೆಹಣ್ಣು (Avocado) ನಲ್ಲಿರುವ ವಿಟಮಿನ್ ಇ ಚರ್ಮಕ್ಕೆ ಅತ್ಯಂತ ಉಪಯುಕ್ತವಾದ ಪೋಷಕಾಂಶವಾಗಿದೆ. ಇದರಲ್ಲಿ ಹೆಚ್ಚಿನ ಪ್ರಮಾಣದಲ್ಲಿರುವ ವಿಟಮಿನ್ ಸಿ ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತದೆ ಹಾಗೂ ಉರಿಯೂತವನ್ನು ಶಮನಗೊಳಿಸುತ್ತದೆ. ಈ ಹಣ್ಣು ಒಂದು ನೈಸರ್ಗಿಕ ಆರ್ದ್ರತೆ ನೀಡುವ ಆಹಾರವಾಗಿದೆ. ಚರ್ಮಕ್ಕೆ ದೊರಕಿದ ಆರ್ದ್ರತೆಯಿಂದ ಸೂಕ್ಷ್ಮ ರಂಧ್ರಗಳಿಂದ ಜಿಗುಟು ಹೊರಹೋಗಿ ಮೊಡವೆಗಳಾಗುವ ಸಾಧ್ಯತೆ ಕಡಿಮೆಯಾಗುತ್ತದೆ.

ಸಾಕಷ್ಟು ನೀರು ಸೇವಿಸಿ

ಮೊಡವೆಗಳಿಂದ ಮುಕ್ತವಾಗಿರುವ ಚರ್ಮಕ್ಕೆ ಅಗತ್ಯವಾದುದೆಂದರೆ ನೀರು. ಮೊಡವೆಗಳಿದ್ದಾಗ ಸಾಕಷ್ಟು ಪ್ರಮಾಣದಲ್ಲಿ ನೀರು ಸೇವಿಸುತ್ತಲೇ ಇರಿ. ಘಂಟೆಗೊಂದು ಲೋಟ ನೀರು ಕುಡಿಯುವುದನ್ನು ಅಭ್ಯಾಸ ಮಾಡಿಕೊಳ್ಳಿ. ಇದರಿಂದ ಚರ್ಮದಿಂದ ಬೆವರು ಹೊರಹರಿಯುವ ಪ್ರಮಾಣ ಹೆಚ್ಚಾಗುತ್ತದೆ ಹಾಗೂ ದೇಹದಲ್ಲಿ ಸಂಗ್ರಹವಾಗಿದ್ದ ವಿಷಕಾರಿ ವಸ್ತುಗಳು ಹೊರಹೋಗಲು ನೆರವಾಗುತ್ತದೆ.

ಕ್ಯಾರೆಟ್ ತಿನ್ನಿರಿ

ಕ್ಯಾರೆಟ್‌ಗಳಲ್ಲಿರುವ ಬೀಟಾ ಕ್ಯಾರೋಟಿನ್ ಎಂಬ ಪೋಷಕಾಂಷ ಚರ್ಮದ ಕಾಂತಿ ಹೆಚ್ಚಿಸಲು ಮತ್ತು ಮೊಡವೆಗಳಿಲ್ಲದಿರುವಂತೆ ನೋಡಿಕೊಳ್ಳಲು ನೆರವಾಗುತ್ತದೆ.ಇದಕ್ಕೆ ಅತ್ಯುತ್ತಮ ವಿಧಾನವೆಂದರೆ ಪ್ರತಿದಿನ ಬೆಳಿಗ್ಗೆ ಎದ್ದ ಬಳಿಕ ಖಾಲಿಹೊಟ್ಟೆಯಲ್ಲಿ ಒಂದು ಲೋಟ ಕ್ಯಾರೆಟ್ ಜ್ಯೂಸ್ ಕುಡಿಯುವುದು.

ಡೈರಿ ಆಹಾರಗಳಿಂದ ದೂರವಿರಿ

ಹಾಲು, ಗಿಣ್ಣು, ಚೀಸ್, ಮೊಸರು ಮೊದಲಾದ ಡೈರಿ ಉತ್ಪನ್ನಗಳಿಂದ ದೂರವಿದ್ದಷ್ಟೂ ಮೊಡವೆಯಿಲ್ಲದ ಚರ್ಮಕ್ಕೆ ಉತ್ತಮ. ಏಕೆಂದರೆ ಇದರಿಂದ ಲಭ್ಯವಾಗುವ ಕೊಬ್ಬು ಚರ್ಮದ ಅಡಿಯಲ್ಲಿ ಸಂಗ್ರಹವಾಗಿ ಮೊಡವೆ ಮೂಡಲು ನೆರವಾಗುತ್ತದೆ. ಶಾಶ್ವತವಾಗಿ ಅಲ್ಲದಿದ್ದರೂ ಮೊಡವೆಗಳ ಕಾಟ ಹೆಚ್ಚಿರುವ ಹದಿಹರೆಯದಲ್ಲಿ ಡೈರಿ ಆಹಾರದಿಂದ ದೂರವಿರುವುದು ಉತ್ತಮ.

ಸೋಯಾ ಉತ್ಪನ್ನಗಳಿಂದ ದೂರವಿರಿ

ಸೋಯಾ ಅವರೆ ಅಥವಾ ಸಾಸ್ ಸೇರಿಸಿದ ಆಹಾರಗಳ ಮೂಲಕ ಐಸೋಫ್ಲೇವೋನ್ಸ್ (isoflavones) ಎಂಬ ಪೋಷಕಾಂಶ ಲಭಿಸುತ್ತದೆ. ಇದು ಮೊಡವೆಗಳು ಮೂಡಲು ಮೂಲವಾಗಿದೆ. ನಿಮ್ಮ ಆಹಾರದಲ್ಲಿ ಸೋಯಾ ಇರದಂತೆ ನೋಡಿಕೊಳ್ಳುವುದು ಮುಖ್ಯವಾಗಿದೆ.