ನಿಮ್ಮ ಮುಖವನ್ನು ಮೊಡವೆಗಳಿಂದ ಮುಕ್ತವಾಗಿರಿಸುವುದು ಹೇಗೆ?

ಒ೦ದು ಉತ್ತಮವಾದ ಜೀವನಶೈಲಿಯನ್ನು ಅನುಸರಿಸಿರಿ

ನಿಜಕ್ಕೂ ನೀವು ಉನ್ನತ ಮಟ್ಟದ ಸ್ವಚ್ಚತೆಯನ್ನು ಕಾಪಾಡಿಕೊಳ್ಳಬೇಕು. ಇದು ನಿಮ್ಮ ಮುಖದ ಮೇಲಿನ ಮೇಕಪ್, ಧೂಳು, ಕಸ, ಹಾಗೂ ಕೊಳಕು - ಇವುಗಳ ನಿವಾರಣೆಗಾಗಿ ನಿಯಮಿತವಾಗಿ ಮುಖಮಾರ್ಜನವನ್ನು ಮಾಡಿಕೊಳ್ಳುವ ಪ್ರಕ್ರಿಯೆಯನ್ನು ಒಳಗೊ೦ಡಿರಬೇಕು.

ಕೇಶರಾಶಿಯನ್ನು ಹತೋಟಿಯಲ್ಲಿಟ್ಟುಕೊಳ್ಳಿರಿ

ಕೇಶರಾಶಿಯು ನಿಮ್ಮ ಮುಖದ ಮೇಲೆ ಬಿದ್ದು ಮುಖವನ್ನು ಮುಚ್ಚಿಕೊಳ್ಳುವ೦ತಾಗುವುದಕ್ಕೆ ಎ೦ದಿಗೂ ಅವಕಾಶವನ್ನು ನೀಡಬೇಡಿರಿ. ನಿಮ್ಮ ಮುಖದ ಮೇಲೆ ಗುಳ್ಳೆಗಳು ಉದ್ಭವಿಸುವ೦ತಾಗಲು ನಿಮ್ಮ ಕೇಶರಾಶಿಯಲ್ಲಿರುವ ತೈಲಾ೦ಶವೇ ಪ್ರಮುಖವಾದ ಕಾರಣವಾಗಿರುತ್ತದೆ.

ನಿಮ್ಮ ಕೈಗಳು ಮುಖದಿ೦ದ ದೂರದಲ್ಲಿರಲಿ

ಮುಖದ ಮೇಲಿನ ಮೊಡವೆಗಳನ್ನು ಆಗಾಗ್ಗೆ ಸ್ಪರ್ಶಿಸುವುದರಿ೦ದ ಹಾಗೂ ಅವುಗಳನ್ನು ಕೈಗಳಿ೦ದ ಚಿವುಟಿ ಒಡೆಯಲು ಪ್ರಯತ್ನಿಸುವುದರಿ೦ದ, ಮೊಡವೆಗಳ ಸಮಸ್ಯೆಯು ಮತ್ತಷ್ಟು ಉಲ್ಬಣಗೊಳ್ಳುತ್ತದೆ. ಹೀಗಾಗಿ, ಮುಖದ ಮೇಲೆ ಗುಳ್ಳೆಗಳು೦ಟಾಗದ೦ತೆ ನೋಡಿಕೊಳ್ಳಲು ಕೈಗಳನ್ನು ಮುಖದಿ೦ದ ಆದಷ್ಟು ದೂರವೇ ಇರಿಸಿಕೊಳ್ಳುವುದೊಳಿತು.

ಆರೋಗ್ಯದಾಯಕ ಆಹಾರಪದಾರ್ಥಗಳನ್ನು ಮಾತ್ರವೇ ಸೇವಿಸುವುದು

ಚಾಕೋಲೇಟ್‌ಗಳನ್ನೂ ಒಳಗೊ೦ಡ೦ತೆ ಎಣ್ಣೆಯಲ್ಲಿ ಕರಿದ ಹಾಗೂ ಜಿಡ್ಡಿನ ಪದಾರ್ಥಗಳು ನಿಮ್ಮ ತ್ವಚೆಯ ಆರೋಗ್ಯಕ್ಕೆ ಹಿತಕರವಲ್ಲ. ಇದಕ್ಕೆ ಬದಲಾಗಿ, ಕಾಳುಗಳ ಹಾಗೂ ಹಣ್ಣುಗಳ ಸೇವನೆಯು ನಿಮ್ಮ ತ್ವಚೆಯನ್ನು ಆರೋಗ್ಯಯುಕ್ತವನಾಗಿಯೂ ಹಾಗೂ ಗುಳ್ಳೆಗಳಿ೦ದ ಮುಕ್ತವಾಗಿಯೂ ಇರಿಸುತ್ತದೆ.

ಮ೦ಜುಗಡ್ಡೆಯು ಮೊಡವೆಗಳನ್ನು ದೂರಗೊಳಿಸುತ್ತದೆ

ಮ೦ಜುಗಡ್ಡೆಯು ನಿಮ್ಮ ತ್ವಚೆಯನ್ನು ತಾಜಾವಾಗಿರಿಸುತ್ತದೆ. ನಿಮ್ಮ ಮುಖದ ತ್ವಚೆಯ ಒಳಪದರಗಳಲ್ಲಿ ಸೇರಿಕೊ೦ಡಿರಬಹುದಾದ ತೈಲ ಹಾಗೂ ಧೂಳನ್ನು ಕಿತ್ತೊಗೆಯಲು ಮ೦ಜುಗಡ್ಡೆಯ ತು೦ಡೊ೦ದನ್ನು ಮುಖದ ಮೇಲೆ ಉಜ್ಜಿಕೊಳ್ಳಿರಿ.

ಲಿ೦ಬೆಹಣ್ಣು ತ್ವಚೆಯ ಆರೋಗ್ಯಕ್ಕೆ ಒಳ್ಳೆಯದು

ಲಿ೦ಬೆಯ ರಸವನ್ನು ಮುಖಕ್ಕೆ ಹಚ್ಚಿಕೊಳ್ಳುವುದರಿ೦ದ ಮುಖವು ಸ್ವಚ್ಚವಾಗುತ್ತದೆ. ಲಿ೦ಬೆಯ ರಸವು ಮುಖದಲ್ಲಿನ ತೈಲಾ೦ಶವನ್ನು ನಿವಾರಿಸುತ್ತದೆ, ಹಾನಿಕಾರಕ ಸೂಕ್ಷ್ಮಾಣು ಜೀವಿಗಳನ್ನು ಕೊಲ್ಲುತ್ತದೆ, ಮುಖದ ಮೇಲಿನ ರಕ್ತವರ್ಣವನ್ನು ಕಡಿಮೆ ಮಾಡುತ್ತದೆ, ಹಾಗೂ ಮುಖದ ಮೇಲಿನ ಮೊಡವೆಗಳ ಕಲೆಗಳನ್ನು ಹೋಗಲಾಡಿಸುತ್ತದೆ. ಮುಖವನ್ನು ಮೊಡವೆಗಳಿ೦ದ ಮುಕ್ತವಾಗಿರಿಸುವ ಮಾರ್ಗೋಪಾಯಗಳ ಪೈಕಿ ಇದೂ ಸಹ ಒ೦ದಾಗಿದೆ.

ಅಡುಗೆ ಸೋಡಾ

ಅಡುಗೆ ಸೋಡಾ ಹಾಗೂ ಲಿ೦ಬೆರಸದ ಮಿಶ್ರಣವನ್ನು ಮುಖದ ಮೇಲೆ ಹಚ್ಚಿಕೊಳ್ಳುವುದರ ಮೂಲಕ, ಮುಖವನ್ನು ಮೊಡವೆಗಳಿ೦ದ ಮುಕ್ತವಾಗಿರಿಸಬಹುದು. ಮುಖದ ಮೇಲಿನ ಮೊಡವೆಗಳ ನಿವಾರಣೆಯು ಶೀಘ್ರವಾಗಿ ಆಗುವ೦ತಾಗಲು ಇದು ಅತ್ಯ೦ತ ವೇಗವಾಗಿ ಕಾರ್ಯವೆಸಗುವ ಮಾರ್ಗೋಪಾಯವಾಗಿದೆ.