ಸಾಮಾನ್ಯವಾದ ಸೌಂದರ್ಯ ತಪ್ಪುಕಲ್ಪನೆಗಳ ನಿಜಸ್ಥಿತಿಯ ಅನಾವರಣ

ಬಿಳಿ ಕೂದಲು ಕಿತ್ತಿದರೆ ಮತ್ತಷ್ಟು ಬೆಳೆಯುತ್ತವೆ :

ತಲೆಯಲ್ಲಿ ಬಿಳಿಕೂದಲು ಕಾಣಿಸಿಕೊಳ್ಳಲು ಆರಂಭವಾದಾಗ, ಅದನ್ನು ಕಿತ್ತಿದರೆ ಡಜನ್ ಗಟ್ಟಲೆ ಬಿಳಿಕೂದಲು ಉತ್ಪತ್ತಿಯಾಗುತ್ತವೆ ಎಂಬ ಉಪದೇಶವನ್ನು ಬಹುಪಾಲು ಜನರು ಪಡೆದಿರುತ್ತಾರೆ. ಇದು ಸಂಪೂರ್ಣ ಸುಳ್ಳು. ಏಕೆಂದರೆ, ತಲೆಯಲ್ಲಿ ಅತಿ ಕಡಿಮೆ ಪ್ರಮಾಣದಲ್ಲಿ ಫಾಲಿಕಲ್ ಗಳಿರುತ್ತವೆ. ಹಾಗಾಗಿ, ಬಿಳಿ ಕೂದಲು ಕಿತ್ತಿದರೂ ಅಷ್ಟೇ, ಕಿತ್ತದಿದ್ದರೂ ಅಷ್ಟೇ ಕೂದಲು ನೆರೆಯುವುದು ತನ್ನಷ್ಟಕ್ಕೆ ತಾನು ನಡೆಯುತ್ತಲೇ ಇರುತ್ತದೆ.

ಬ್ಲೇಡ್ ಬಳಸಿದರೆ ಕೂದಲು ಇನ್ನಷ್ಟು ದಪ್ಪವಾಗುತ್ತದೆ :

ಕೂದಲಿನ ದಪ್ಪ ಚರ್ಮದ ಕೆಳಗಿರುವ ಫಾಲಿಕಲ್ ಮೇಲೆ ಅವಲಂಬಿತವಾಗಿರುತ್ತದೆ. ರೇಜರ್ ಬ್ಲೇಡ್ ಅದನ್ನು ಟಚ್ ಕೂಡ ಮಾಡುವುದಿಲ್ಲ. ಹಾಗಾಗಿ ಕೂದಲು ಕತ್ತರಿಸಿದಾಗ ದಪ್ಪಗಾಗಿ ಬೆಳೆಯುವ ಪ್ರಶ್ನೆಯೇ ಉದ್ಭವಿಸುವುದಿಲ್ಲ. ಕೂದಲನ್ನು ಒಂದು ಕೋನದಿಂದ ಕತ್ತರಿಸಿದ್ದರಿಂದ ದಪ್ಪಗಾಗಿ ಬೆಳೆಯುತ್ತಿರುವಂತೆ ಕಾಣುತ್ತದಷ್ಟೆ.

ಎಣ್ಣೆ ಚರ್ಮ ಇರುವವರು ಡಿಹೈಡ್ರೇಟ್ ಮಾಡುವ ಅಗತ್ಯವಿಲ್ಲ :

ಎಣ್ಣೆ ಚರ್ಮ ನಮ್ಮ ದೇಹದಲ್ಲಿರುವ ಚರ್ಮ ಮತ್ತು ಕೂದಲನ್ನು ಮೃದು ಮತ್ತು ಆರೋಗ್ಯದಿಂದಿಡಲು ಅಗತ್ಯವಾದ ಎಣ್ಣೆ ಪದಾರ್ಥವನ್ನು ಉತ್ಪತ್ತಿ ಮಾಡುತ್ತಿರುತ್ತದೆ. ಆದರೆ, ಕೆಲ ಬಾರಿ ಆ ಎಣ್ಣೆ ಗ್ರಂಥಿಗಳು ಕೂದಲು ಬೆಳೆಯುವ ರಂಧ್ರಗಳನ್ನು ಮುಚ್ಚಬಹುದು. ಇದನ್ನು ಮಾಶ್ಚರೈಸರ್ ಬಳಸಿ ಸ್ವಚ್ಛಗೊಳಿಸಬಹುದು. ಆದ್ದರಿಂದ, ಅತಿಯಾದ ಎಣ್ಣೆ ಚರ್ಮವಿದ್ದರೆ ಆಗಾಗ ಎಣ್ಣೆಮುಕ್ತ ಮಾಶ್ಚರೈಸರ್ ಬಳಸುತ್ತಿರಬೇಕು.

ಜಾಹೀರಾತಿನಂತೆ ಟುಇನ್ಒನ್ ಶಾಂಪೂ ಕೆಲಸ ಮಾಡುತ್ತದೆಯೆ :

ಶಾಂಪೂ ಮಾಡುವುದು ಮತ್ತು ಕಂಡಿಷನಿಂಗ್ ಮಾಡುವುದು ಎರಡೂ ವಿಭಿನ್ನವಾದ ವಿಷಯಗಳು. ಶಾಂಪೂ ಕೂದಲನ್ನು ಸ್ವಚ್ಛಗೊಳಿಸಿದರೆ, ಕಂಡಿಷನರ್ ಕೂದಲನ್ನು ಮೃದು ಮಾಡುತ್ತದೆ. ಟೂಇನ್ಒನ್ ಶಾಂಪೂಗಳನ್ನು ಮಾರುಕಟ್ಟೆಗೆ ತಂದಿರುವುದು ಮಾರಾಟಗಾರರ ಜಾಣ್ಮೆಯ ನಡೆಯಷ್ಟೆ. ಆದರೆ, ಸ್ವಸ್ಥ ಕೂದಲಿಗಾಗಿ ಶಾಂಪೂ ಮತ್ತು ಕಂಡಿಷನರ್ ಗಳನ್ನು ಬೇರೆಬೇರೆಯಾಗಿ ಬಳಸುತ್ತಿರಬೇಕು.

ಡೈರಿ ಉತ್ಪನ್ನಗಳ ಜೊತೆ ಮೀನು ತಿಂದರೆ ಚರ್ಮದ ಮೇಲೆ ಕಲೆ ಮೂಡುತ್ತದೆ :

ಮೆಲನಿನ್ ಎಂಬ ಪದಾರ್ಥವನ್ನು ಉತ್ಪತ್ತಿ ಮಾಡುವ ಕೋಶಗಳ ನಾಶದಿಂದ ಚರ್ಮದ ಮೇಲೆ ಕಲೆ ಉಂಟಾಗುತ್ತದೆ. ಇದನ್ನು ವಿಟಿಲಿಗೋ ಅಥವಾ ತೊನ್ನು ಎಂದು ಕರೆಯುತ್ತಾರೆ. ಇದು ಸಂಭವಿಸುವುದಕ್ಕೂ ಡೈರಿ ಪರಾರ್ಥ ಅಥವಾ ಮೀನು ತಿನ್ನುವುದಕ್ಕೂ ಯಾವುದೇ ಸಂಬಂಧವಿಲ್ಲ.