ವೈನ್ ಬಳಸಿ ಸೌಂದರ್ಯ ಹೆಚ್ಚಿಸಿಕೊಳ್ಳಿ

Updated: Thursday, May 2, 2013, 11:29 [IST]

ಫೇಶಿಯಲ್ ಮಾಡಿಸಬೇಕೆಂದು ಬ್ಯೂಟಿ ಪಾರ್ಲರ್ ಗೆ ಹೋದರೆ ಅವರು ಹರ್ಬಲ್ ಫೇಶಿಯಲ್, ಫ್ರೂಟ್ ಫೇಶಿಯಲ್, ವೈನ್ ಫೇಶಿಯಲ್ ಹೀಗೆ ಅನೇಕ ಹೆಸರು ಹೇಳಿ ಇದರಲ್ಲಿ ನಿಮಗೆ ಯಾವುದು ಬೇಕೆಂದು ಕೇಳುತ್ತಾರೆ. ಎಷ್ಟೋ ಬಾರಿ ಫೇಶಿಯಲ್ ಮಾಡಿಸುವಾಗ, ನಾವು ಮಾಡಿಸುವ ಫೇಶಿಯಲ್ ನಿಂದ ದೊರೆಯುವ ಗುಣ ಗೊತ್ತಿಲ್ಲದೆಯೇ ಮಾಡಿಸುತ್ತೇವೆ.

ಚಿಕ್ಕ ಪ್ರಾಯದವರಿಗಾದರೆ ಫ್ರೂಟ್ ಫೇಶಿಯಲ್ ಓಕೆ. ಆದರೆ ವಯಸ್ಸು 35 ದಾಟಿದ ಬಳಿಕ ವೈನ್, ಗೋಲ್ಡ್ ಫೇಶಿಯಲ್ ಅಂತ ಮಾಡಿಸಿದರೆ ಹೆಚ್ಚು ಒಳ್ಳೆಯದು. ಅದರಲ್ಲೂ ವೈನ್ ಪುರುಷ ಹಾಗೂ ಮಹಿಳೆಯರಿಬ್ಬರ ತ್ವಚೆಗೂ ತುಂಬಾ ಒಳ್ಳೆಯದು. ಇದು ನೆರಿಗೆಯನ್ನು ತಡೆಗಟ್ಟುವ ಸಾಮರ್ಥ್ಯ ಹೊಂದಿದೆ.

ಇಲ್ಲಿ ನಾವು ವೈನ್ ಫೇಶಿಯಲ್ ಮಾಡಿಸಿದರೆ ದೊರೆಯುವ ಪ್ರಯೋಜನಗಳ ಬಗ್ಗೆ ಇಲ್ಲಿ ಹೇಳಲಾಗಿದೆ. ಈ ಪ್ರಯೋಜನಗಳು ನಿಮಗೂ ಬೇಕೆಂದು ಅನಿಸಿದರೆ ವೈನ್ ಫೇಶಿಯಲ್ ಮಾಡಿಸುವುದು ಒಳ್ಳೆಯದು.

1. ನೆರಿಗೆ ಬೀಳುವುದನ್ನು ತಡೆಗಟ್ಟುತ್ತದೆ

ಇದರಲ್ಲಿ antioxidants ಅಧಿಕವಿರುತ್ತದೆ. ಇದರಿಂದ ಫೇಶಿಯಲ್ ಮಾಡಿದರೆ ಇದರಲ್ಲಿರುವ antioxidants ಅನ್ನು ತ್ವಚೆ ಹೀರಿಕೊಂಡು ತ್ವಚೆ ಬಿಗಿಯಾಗುತ್ತದೆ. ಇದರಿಂದ ನೆರಿಗೆ ಬೇಗನೆ ಬೀಳುವುದಿಲ್ಲ.

2. ಮೊಡವೆಯ ವಿರುದ್ಧ ಹೋರಾಡುತ್ತದೆ

ಇದರಲ್ಲಿರುವ ಪಾಲಿ ಫೀನೋಲ್ ಅಮಶ ತ್ವಚೆಯಲ್ಲಿ ಉರಿ ಉಂಟಾಗದಂತೆ ತಡೆಯುತ್ತದೆ. ಇದು ತ್ವಚೆಯಲ್ಲಿರುವ ಕಲ್ಮಶವನ್ನು ಹೊರಹಾಕುವುದರಿಂದ ದೂಳು, ಎಣ್ಣೆಯಂಶಯಿಂದ ಉಂಟಾಗುವ ಮೊಡವೆ ಕಡಿಮೆಯಾಗುವುದು.