ಬೇಸಿಗೆಯ ಕಾವು ಹೆಚ್ಚಿರುವಾಗ ತ್ವಚೆ ರಕ್ಷಣೆಗೆ ಟಿಪ್ಸ್

ಓವನ್ ನಲ್ಲಿ ಆಹಾರ ಬೇಯುವುದನ್ನು ನೋಡಿರುತ್ತೀರಿ. ಬೇಸಿಗೆಯ ಬಿಸಿಲಿನ ಝಳವೂ ಕೂಡ ನಿಮ್ಮ ಚರ್ಮವನ್ನು ಅದೇ ರೀತಿ ಬೇಯಿಸುತ್ತದೆ. ನಿಮ್ಮ ಚಿರ್ಮವನ್ನು ಬೇಸಿಗೆಯಲ್ಲಿ ಕಾಯ್ದುಕೊಳ್ಳಲು ಹೆಚ್ಚಿನ ಪರಿಶ್ರಮ ಅತ್ಯಗತ್ಯ. ಚರ್ಮ ಸ್ವಚ್ಚಗೊಳಿಸುವ ನಿತ್ಯದ ಕೆಲಸಗಳಲ್ಲೊಂದು ಕ್ಲೀನ್ಸಿಂಗ್ ಅಥವಾ ಸ್ವಚ್ಚಗೊಳಿಸುವಿಕೆ. ಇಡೀ ದಿನ ನಮ್ಮ ಚರ್ಮ ಹೊರಗಿನ ಕಲ್ಮಶಗಳಿಗೆ, ಧೂಳು, ಬೆವರುಗಳಿಗೆ ತುತ್ತಾಗುತ್ತದೆ. ಹೀಗಾಗಿ ಸರಿಯಾದ ರೀತಿಯಲ್ಲಿ ಚರ್ಮವನ್ನು ಸ್ವಚ್ಚಗೊಳಿಸಿಕೊಳ್ಳಬೇಕಾದ ಅವಶ್ಯಕತೆಯಿದೆ.

ಬೇಸಿಗೆಯಲ್ಲಿ ಪರಿಣಾಮಕಾರಿಯಾಗಿ ಚರ್ಮ ಸ್ವಚ್ಚಗೊಳಿಸಿಕೊಳ್ಳಲು ಕೆಳಗಿನ ವಿಧಾನಗಳನ್ನು ಪಾಲಿಸಿ:

1. ಬೇಸಿಗೆಯ ಬಿಸಿ ಮತ್ತು ಒಣಹವೆ ಚರ್ಮದಲ್ಲಿ ಎಣ್ಣೆಯಂಶವನ್ನು ಹೆಚ್ಚಿಸಿ ಚರ್ಮಕ್ಕೆ ಹೊಲಸು ಅಂಟಿಕೊಳ್ಳುವಂತೆ ಮಾಡುತ್ತದೆ. ಹೀಗಾಗಿ ಬೆಳಗ್ಗೆ ಮತ್ತು ಸಂಜೆ ಎರಡೂ ವೇಳೆ ನಿಮ್ಮ ಮುಖ ಹಾಗೂ ಕುತ್ತಿಗೆಯನ್ನು ಸರಿಯಾಗಿ ನೀರಿನಿಮದ ತೊಳೆದುಕೊಳ್ಳಿ. ನಿಮ್ಮ ಚರ್ಮದ ಗುಣಕ್ಕೆ ಅನುಗುಣವಾಗಿ ಸರಿಯಾದ ಪಿಎಚ್ ಸಮತೋಲನವುಳ್ಳ ಫೇಶಿಯಲ್ ಬಳಸಿ.

2. ಪದೇ ಪದೇ ಚರ್ಮವನ್ನು ತಿಕ್ಕಿ ತೊಳೆಯುವುದರಿಂದ ಚರ್ಮದ ಮೇಲಿನ ರಕ್ಷಣಾ ಪದರ ಹರಿಯುತ್ತದೆ. ಇದರಿಂದ ಮತ್ತಷ್ಟು ಒಣಕು,ಕಿರಿಕಿರಿ ಹೆಚ್ಚಬಹುದು. ಹೀಗಾಗಿ ಚರ್ಮ ತೊಳೆಯುವಾಗಲೂ ಅತಿಯಾಗುವುದು ಬೇಡ.

3. ಚರ್ಮದ ಮೇಲಿನ ಎಣ್ಣೆಯಂಶ ಚರ್ಮವನ್ನು ಸ್ವಲ್ಪ ಮಟ್ಟಿಗೆ ರಕ್ಷಿಸುತ್ತದೆ. ಹೀಗಾಗಿ ದೇಹದಲ್ಲಿ ಸಹಜವಾಗಿಯೇ ನೀರಿನಂಶವನ್ನು ಕಾಪಾಡಿಕೊಳ್ಳಿ.

4. ನಿಮ್ಮ ಚರ್ಮ ನೈಸರ್ಗಿಕವಾಗಿ ಹುಟ್ಟಿನಿಂದಲೇ ಎಣ್ಣೆಯುತವಾಗಿದ್ದರೆ ಸೂಕ್ತವಾದ ಜೆಲ್ ಸಹಿತವಾದ ಸೋಪಿನಿಂದ ತೊಳೆದುಕೊಳ್ಳಿ.

5. ಒಣಚರ್ಮವುಳ್ಳವರು ಹಾಲಿನ ಕೆನೆ, ಎಣ್ಣೆ ಅಥವಾ ಬಾಮ್ ಬಳಸಿಕೊಂಡು ಸ್ವಚ್ಚಗೊಳಿಸಿಕೊಳ್ಳಿ.

6. ಮೇಕಪ್ ನ ಅಂಶ ತೆಗೆಯಲು ಸರಿಯಾದ ಮೇಕಪ್ ರಿಮೂವರ್ ಬಳಸಿ.